越泰豐

营业中

休息中

係牛頭角返工都一段時間，咁呢日就黎呢頭附近搵下野食。行過呢間鋪頭門口，見入面坐滿人，午飯價錢正常，所以就入去試試啦！同同事一人叫左一個無骨海南雞飯。噫，上菜見到唔係配白飯，而係配黃薑飯😋😋，仲要幾大碗，抵讚！皆因越黎越多鋪頭既海南雞飯係無黃薑飯配搭的。。海南雞既份量算多，d肉切到細細舊，可以一啖飯一啖雞，正呀！唯一失色少少係個汁，我鐘意食既海南雞飯配既係酸酸地果隻汁，但呢隻汁就無呢隻味道啦！總括而言，連埋凍飲同埋跟飯既湯，五十蚊頭，可以值得回頭再食！

其實我自己都幾鍾意食泰式串燒因為配料醬汁好吊人胃口而且又好夾啲肉 風味相當唔同佢有啲必食介紹✨其中一個就係飄香椰青焗飯先講講其他菜式先------------------------------1. 泰式海南雞(半隻)🐥我覺得雞肉件件都幾厚肉但又唔需要點用力咬因為真係估唔到幾嫩滑配上泰式醬汁 酸酸辣辣幾好食------------------------------2.串燒🍢肉身應該有少少變咗有啲硬同變異咗嘅味道唔係太好食------------------------------3.串燒 (茄子)🍆呢個同出面嘅茄子差唔多值得一講就係佢地淋上面嘅蒜蓉因為係自家製嘅醬汁嚟味道真係唔錯蒜蓉絕對豐富口感同味覺加咗啲啲辣味係入面整個串燒茄子色、香、味提升不少值得再試------------------------------4.馬拉盏炒椰菜苗🌿去泰國餐廳總會叫個馬拉盞炒菜食因為馬拉盞味道好吸引炒落菜到真係絕配今次就叫咗椰菜苗椰菜苗爽口好食，份量都多但師傅好似落重咗少少手有啲咸，但整體都唔錯🤔------------------------------5.飄香椰青焗飯🥥用椰青殼包住個飯上面有椰絲

提到食泰國菜好多人都即刻諗到裝潢極具異國風嘅高級餐廳不過呢間觀塘嘅平民泰國餐館似十足香港大排檔格局當然價錢亦都較平民抵食本來想叫黃咖喱軟殼蟹麵包不過剛好買完唯有叫黃咖哩牛腩配蒜蓉包咖哩確實幾好味，唔會辣牛腩份量都幾多，肉質軟腍仲叫咗碟秘製泰式豬脾呢個都算係鎮店招牌菜我見幾乎其他檯人客都有叫醬汁味唔算太濃太重豬脾夠入味嘅肥瘦肉一齊食，啖啖肉啖啖味仲叫左蒜蓉雜菜同埋龍眼冰三個人都好夠食埋單都係每人一百左右抵！

呢兩星期，午飯時間都要過牛頭角整嘢，所以都係喺牛頭角呢頭搵嘢食，上一次食嗰間粉麵就麻麻哋，但係今次見到呢間都有啲午飯餐，又見到有海南雞飯，都只係$49😛 又好似幾抵咁，所以就走咗去喇。叫海南雞飯之外，就揀咗泰式肉碎煎蛋飯，因為呢個飯都係至愛😁 原來仲有湯添😃兩個湯到先，雖然細細地都幾好飲。 跟住海南雞飯先生到先，嘩⋯⋯好多飯！ 同女友都異口同聲話下次可以少飯😛😛 食落都好味喎，似乎唔係油飯，係黃薑飯，好味😋👍🏼 雞都夠滑無骨👍🏼😋食食下，個肉碎煎蛋都到⋯⋯色水麻麻地添，再食⋯⋯噢⋯⋯好麻麻呢🤨 唔夠香，唔夠味，唔好味😕雖然只係得海南雞飯好味，但都會再來，因為可以試下其他嘢，最多唔叫個個肉碎飯😝

同啲同學仔聚一聚有人推介呢間位於觀塘嘅越泰豐飄香椰青飯 後期加單 上枱熱辣辣 好香椰香味應該係即叫即開即焗 送多杯椰青水 菠蘿海鮮炒飯 生蝦刺身 炒通菜 普通通通 蠔仔蛋 蠔仔算大粒 美味👍🏼👍🏼好似食極唔完😂😂串燒 都燒到幾香 不會太乾拼盤好大盤炒金邊粉 上枱睇表面完全睇唔出係咩 啲嘢食整體上都ok員工推介我地下次再去 要試吓燒魚

同朋友聚會想食越泰菜就走咗去觀塘宜安街食越泰豐正宗越南泰國菜-冬陰公湯 正宗泰國風味 酸酸辣辣 食落好開胃 十分足料 大大兜4個人分好夠飲-明爐烤魚 條魚好大條 仲配有粉絲蔬菜 湯底酸甜魚肉嫩滑 唔係好多骨 最啱我呢啲怕麻煩嘅人-馬拉盞炒通菜 食泰國菜一定要點嘅 鹹度適中 配飯一流泰式豬髀呢度最出色嘅就係泰式豬髀膠原同豬肉比例恰當 軟身好易咬 味道十分出名飲品方面朋友叫咗椰汁冰 椰子味香濃我就最鍾意飲龍眼冰 唔會太甜清清甜甜好解渴下次會再黎試其他

官塘食lunch又要可以容納到我地成班同事，只有搵間位置多少少既餐廳。越泰豐正正合適曬我地OL既要求：平，快，有位坐佢日日都有4-5個指定是日午餐，連湯連野飲都係60蚊之內。食飯前先黎一碗湯。今日係冬瓜煲雞腳,有濃濃既胡椒味,好特別今日好掛住馬拉，叫左碗喇沙。一上黎就已經有濃郁嘅椰子味，金邊粉軟硬適中，雞翼香脆，值得留意係，上面嘅炸蒜同花生粉今成碗喇沙充滿口感同香味朋友叫咗碗清雞湯檬粉，偷飲咗佢一啖湯，真係非常清甜對於女孩子嘅食量，可以有d太多，但係價錢都只係$46 ！終於搵到一間長期午餐供應飯店啦

上完課一行六人去找地方食晚飯, 没有目的, 路過數間小店, 大家一致贊成食這間越南菜 + 燒烤 .鐵板蠔仔蛋$108.-熱氣騰騰, 是巨型蠔仔吧! 基本上是用蛋及蠔煮成, 芽菜墊底, 蛋多又滑, 巨型蠔仔在口中爆開, 很多汁, 没甚麼腥味, 但我不喜歡食蠔的, 只食了2隻(1大1細)寫食評, 其他朋友都讚賞.青咖哩BB牛腩$88.-, 蒜茸包$38.-好味的青咖哩, 少辣汁多, 朋友還後加白飯一起品嚐, 整碟都清掃了, 因為牛腩與牛根同樣很腍, 比薯仔還要好味, 用蒜茸包蘸汁食, 脆包加香汁, 滿足了.原條茄子$25.-所有燒烤食品都没有加辣, 多人不食辣之固.蒜泥與汁可以多一點更好.多春魚$9/串, 翠肉瓜$9/串, 豆腐皮$11/串, 羊肉串$17/串用的汁應是相同, 多春魚不會太乾, 翠肉瓜是不合適燒烤的, 略硬, 豆腐皮比較乾, 硬了一點, 且味道不足, 羊肉有騷味.鮮冬菇$12/串, 金菇肥牛卷$18/串冬菇吸到汁味, 咬開有水份, 金菇吸了少許肥牛肉汁, 不錯.韮菜$9/串原來幾位朋友都沒食過烤韮菜, 第一次我是數年前在上海試食過, 這次的略鹹, 配肉類一起放入口, 會比較

午市要食泰國菜 又想食平一啲 除咗lemongrass 都可以試下越泰豐 裡面嘅午餐menu 喺40-60蚊內 又有一杯飲品麵食有好幾種麵可以揀 金邊粉、檬粉一定係首選！至於餸菜 我就推薦食雞肉 而湯底可以揀清湯、喇沙（好食！）、冬蔭功（唔太辣）咁樣一個麵餐就50蚊有找！

公司附近最近食泰國菜又幾好味，都非佢莫屬啦❤️首先講吓呢一碟海南雞飯🤓我加左＄8轉左佢做雞髀，其實係懶得去骨。不過原來佢哋本身啲雞都已經去咗骨。所以如果你冇話特別追求肉質上嘅享受，唔+＄8都絕對好味❤️咁佢個飯我覺得乾身左少少，如果濕番啲或者油返少少會更加好味！跟住講埋佢個湯幾清甜都幾好飲😀😀環境都坐得舒服嘅，價錢來講唔算太貴，食咗50幾蚊仲有杯熱飲。所以整體來得OK，同埋份量黎講係絕對夠食😂

同同事搵食搵得多，其實個個都好識食🤓今次同事極力推介呢間，果然冇中伏呀👍🏿👉🏿✨豬脾飯 Hkd 50 💸📌雞脾飯就食得多，豬脾飯又食過未？唔好講話食，聽都好小聽😂其實係豬腳黎，不過就去晒骨，啲份量超大！食落滿滿骨膠原但又唔會令你討厭好膩，反而岩岩好，加埋啲醬汁，撈飯食一流😍必試！👉🏿✨紅咖哩雞扒飯 Hkd 49 💸📌呢個又係冇得輸！紅咖哩好甜，一啲都唔辣，但又會做到好惹味😳入面既雞扒係炭燒，成碟飯清晒冇難度🤣👉🏿✨海南雞飯 Hkd 50 💸📌偷左同事一嚿食，啲雞肉都算嫩滑喎～另外佢個叻沙湯都好惹味，偏辣小小，不過都正喎～就咁睇個門牌真係唔會入去食，唔係同事介紹就錯過左佢啦😭係牛頭角番工既同志門有機會要試下佢呀！

經過附近搭小巴出荃灣，比個侍應叫咗入黎，見到間野正正常常既小店。點知叫咗個蝦頭膏炒飯同凍啡中晒伏，凍啡苦到喊，炒飯一pat pat。我都未上過黎打評論，都忍唔住要打，我未試過出外食飯要用難食黎形容間餐廳

今日經過宜安街。呢條街真係好多餐廳。但今日想食泰國菜。所以就入左來呢間食喇！😁環境都接受到，唔會話超逼。先叫左佢既招牌三寶……煎蠔餅。蠔餅唔同香港食到個d..唔係炸到脆身個種。用蛋煎埋。味道麻麻。蠔仔味唔新鮮……食到啲沙。同芽菜好似仲多過d蛋……椰汁椰青海鮮飯。呢個賣相幾好。都幾大椰香味。即煱出黎。所以要等一段時間先食到。海鮮都幾多，有蝦，帶子，魷魚……等等。啲飯食落有椰青味，幾甜。👍仲會送埋個椰青水你飲。呢個可以一叫。生蝦……正正常常。size都唔會話好細。食落都爽口。但價錢就貴左少少喇。鹽焗燒魚。呢個幾好味。燒得都幾靚。外皮都幾脆。魚肉都幾滑。同都幾大條。👍呢間野雖然係食泰國野，但就無九龍城食到個種正宗泰國菜既感覺。可能唔係泰國人開既關係？所以食物就普普通通喇。

10點半收工係觀塘附近搵野食咁岩見佢開到1點 男朋友又食過 咪入去環境都算乾淨俐落 但d客好嘈 難d傾到計叫左 泰式春卷 豬頸肉 金邊粉 同杯椰汁冰咁多樣野份量都足夠既 但味道真係好一般首先 春卷食落好粉 可能加左芋頭 個人不太喜歡 豬頸肉 煎得唔夠香口 但配搭既汁挽救左一切 個汁真心正金邊粉 唔夠正宗泰國既金邊粉酸辣入味杯椰汁冰先係世界級 完全唔好飲 得個甜字根本唔值$23一杯 男朋友叫個罐可樂仲好d又平d埋單$362 價錢對得住食既份量 但味道係泰野既講真心一般

今天中午1点行經附近，見到鋪外老板拉客，見到全埸坐了4枱客，叫了個套餐泰式乾炒牛河。不消五分鐘上枱，吃落味道普通，不够熱，河粉不光身多斷晒，牛肉四瑰色深黑，少量旦碎、介蘭頭、椰菜，無鑊氣。一食就知是炒定坐熱，有單才上碟。餐飲要可樂，待應說可樂是特飲要加10元，一罐很普通的可樂，在這裏都算是特飲真是够神奇!全個餐59蚊，這裏不係中環，成條街是食肆，這樣的質素哪有競爭力，59元在觀塘區吃午飯，相信有大了把選擇啦！