影片
港铁牛头角站 A 出口, 步行约6分钟
继续阅读
电话号码
27712119
营业时间
今日营业
12:00 - 00:00
星期一至日
12:00 - 00:00
*6点后做外卖
以上资料只供参考，请与餐厅确认详情
食家推介
呢间一直都有帮衬开食物都唔错因工作关系食饭时间好赶所以好多时都打定电话叫外卖今日一如以往都打去叫定个lunch点知去到突然话只收现金之前次次都用电子支付姐姐话转咗老板只收现金打电话落order 时又无讲明我话无现金佢叫我去㩒钱成条街都无柜员机㩒得嚟我都无时间食啦结果因为无现金所以放弃个lunch走嘅时候个姐姐仲大大声话我无钱俾真系火都嚟结果因为佢搞到唔够时间再买外卖无饭食之后都唔会再帮衬服务大倒退 😡
继续阅读
越泰丰宜安街屹立多年嘅泰国菜，总厨系喺香港已经有三十年经验嘅泰国大厨，口味包保地道！美味！🦐 生虾刺身一碟八只，每只配有生蒜同辣椒片，香辣爽甜，夏日炎炎食呢个做前菜开胃就FIT哂！生虾下面仲垫有一盘冰粒，够冻，卫生程度都非常理想🧊🦪 铁板蚝仔蛋必食之选！次次都会叫！蛋好香滑，蚝仔大大粒胀卜卜，鲜味十足，铁板即上够热辣辣！🇨🇷 泰式拼盘泰国小食样样嘢都好好食，为咗唔好谂爆自己个头，我通常都会叫拼盘，呢度嘅拼盘内容包括：虾饼、鱼饼、春卷、香茅鸡翼、酸辣凤爪、猪颈肉，款式丰富，完全可以拯救选择困难嘅人🤭而我最钟意就系猪颈肉，香口🦀 黄咖哩软壳蟹面包又系一个必食之选！惹味嘅黄咖哩，再配上炸到通透嘅软壳蟹，味道同口感都衬到绝，而大家通常抢嘅都系面包，面包质感烟韧，唔会因为索咗汁就变得烂溶溶，点满咖哩真系超级好味！🦑 烧原只新鲜鱿鱼平时都有叫开，但呢一晚去食好似有少少失手，烧得硬身咗啲🥺🥬 生菜包香辣肉碎配上爽甜生菜，虽然知道食起上嚟会有啲「呢hea」，但总系忍唔住会叫嚟食😝肉碎辣辣地，炒得好味，配上洋葱葱粒，每一口都有新鲜嘅感觉🍜 泰式炒金边粉（海鲜）卖相好靓！铺喺金边粉上面嘅系一层薄薄嘅蛋皮，食落有腐皮嘅质感，会有芽菜、花生碎、青柠，可以依照个人喜好加入，金边粉炒得入味，用嚟埋尾相当满足成餐饭无咩投诉，卫生同服务都不错，之但系店舖个冷气好似坏坏地，坐得有点热有点焗，希望快D整好佢，客人们可以舒舒服服咁食啦~
继续阅读
晚市气氛相当热闹，人数较多嘅要等一阵入座嚟得食泰国菜，唔少得要整锅冬荫功汤醒神一下冬荫功汤有分大同小尺寸，由于多人一齐食开心share，当然拣大尺寸著数汤底好香 有齐蕃茄酸甜同虾嘅鲜味，辣味恰到好处连小朋友都可以入到口小食拼盘满足到大人小朋友香口脆身 有春卷鸡翼啖啖肉嘅有虾卷同扎肉（？）仲有好爽嘅猪颈肉同无骨凤爪唔错推介个汁好好食嘅青木瓜沙律肉碎生菜包不过不失猪肉串烧卖晒，得返鸡肉串烧另有沙嗲汁配好味街坊店嚟讲 已经算系咁不过若然午餐嚟食比较实惠
继续阅读
大家听啦！我喺呢间餐厅食到一顿好玩、好味嘅晚餐，十足十嘅地道体验。一入门口就觉得阵阵茄汁味攞命，正！我嘅必点椒盐鱿鱼做得出奇地松脆，啖啖肉咁，丝丝咸香够晒kick。朋友点嘅豉椒牛肉，闻落黑椒味扑鼻，煮到柔软得黎保持咗牛肉本身嘅鲜味，香滑得嚟唔牙膏，揼一啖，牛味满口，完全系啱晒我呢啲爱肉之人。😋私房菜嘅手艺一流，推介佢嘅豆鼓蒸排骨，啖啖肉，绵滑嘅口感搭配豆鼓嘅微辣，蒸得刚刚好，真系食指大动。茄汁金菇滑豆腐嘅鲜甜，加上豆腐嘅嫩滑，完美致敬广东经典嘅家常味。最后奉上畀大家一个小Tip：如果你肚饿嘅话，万勿错过佢嘅爆汁叉烧包，中间流出嘅叉烧汁，真系惹味到爆！整体黎讲，系个温馨又满足嘅晚餐体验，打个饱嚟紧系满足到塞牙缝！🍢🍚🥢
继续阅读
呢间泰国餐厅叫越泰丰，在观塘宜安街：我食过觉得值得推介呢个黄咖喱软壳蟹+面包😁😁黄咖喱汁好香浓，完全唔辣，有少少甜面包是烘过既，好脆，好松化，新鲜食好正👍🏻👍🏻软壳蟹件数够，好鲜美。 完全系可以咬到食落肚😆当然 堂食 比外卖更好食，色泽更吸引😋😋😋 但餐厅位置真系唔多，繁忙时段食真系几虾人😂😂如果面包唔够喉，配上份薄饼点黄咖喱都系一个好唔错既选择😆😆总体来说，呢个黄咖喱软壳蟹系好值得一试😋😋
继续阅读
您可能会有兴趣的...