越泰粉 (已結業)

今晚同太太第一次嚟呢度食飯，第一碟上嘅泰式海鮮炒河味道唔錯，有好多隻蝦，魷魚亦都新鮮第二碟相嘅上湯浸蘿蔔，價錢$10，但係個湯味精太濃，味道太鹹，蘿蔔有渣第三條上既係星期三做特價嘅明爐烏頭，第一條魚超多鱗，第二內臟沒有清潔好，好多血，亦非常腥，食到最尾諗住夾條椰菜食，點知係一大張摺埋咗嘅保鮮紙，告知侍應，他亦有表達協議，又話送飲品俾我，我話唔需要啦最後佢送咗四件，應該係斑蘭椰汁糕，賣相極差，但味道都過得去總結價錢算抵食，但師傅做條魚係完全沒有俾個心去做，所以亦沒有下次了…查看更多

好咸嘅鹽水味精，肉靱到好似煲湯肉咁，大家想試味同嚼蠟，可以去試吓，但係我永遠唔會再去，亦拉大隊，全公司唔會再食！午餐叫埋飲品$80，食埋啲咁嘅嘢，衰過食杯面！！…查看更多

叫外賣一份春卷 有兩件，我同同事都order 春卷，但送到黎只有一個盒𥚃面有呢個様嘅4舊，聯絡餐廳話圖片咁樣已經算一件春卷，放晒入一個盒，我check 返佢地菜單，首先，拼盤寫係兩件，但圖片係4件黎喎，可能大家會話圖片可能同實物不附，但係總唔會數目差一倍下嘛！同埋一份份外賣歺，明顯一人一個歺，點會放埋一盒呢？分明搵笨啦！算！份量唔計只睇食物質素，淨睇呢個豬脾都明白有幾靭，味道亦只有顏色，沒有味道，混埋下圖個少少酸菜叫吊下味，要自己加包豉油先至勉強啃得落。絕不再試，咁樣做生意，等執𦲷啦！…查看更多

今日同朋友黎左呢間位於土瓜灣既越南餐廳-越泰粉，試試佢個海南雞飯同生牛肉河。呢間越南餐廳嘅海南雞飯好好味，雞肉好嫩滑，啲飯都好香口，呢道菜上既體驗係好好。但其他嘅越南菜就唔係咁出色，湯河湯底都有啲冇味，有啲失望，牛肉亦比較柴。但抵讚既係呢度嘅服務態度幾好。座位上呢度嘅環境就有啲迫，啲座位嘅質素唔算好好，比較擠迫，冇乜私隱度。總括而言，呢間越南餐廳有啲食物好好味，有啲就唔係咁出色，服務好好，但環境就有啲差。如果你鍾意越南菜嘅話，可以嚟試下佢哋嘅海南雞飯，但其他菜就要自己試下。…查看更多

最近愛上左食海南雞飯，係土瓜灣唔係好多選擇，要行到去紅磡，其實呢間泰菜一直都想來，家裡行過來起碼要15分鐘，都試下啦，發現海南雞飯都好味，中午都滿座，所以之後都選擇2時過來舒服d,買左外賣乾炒豬肉河比老公，另外一天叫pad thsi, 不過有d 濕。第二天我試豬手飯，不過瘦肉比較多，老公叫左生牛河，後來每天都來食，連續食左3日，泰式奶茶好味，冷氣好夠，服務態度好。如果想舒服食飯可以考慮2時後寧靜d, 晚餐未試過，可以搵日試完再評。…查看更多

今日一家人（3位）去食下午茶，漏單嚴重！遲來既竟然比我更快齊晒，真係要儲夠EQ先可以開心渡過呢個用餐時間～唔信可以去試下！要預備比平日用多一倍時間去等待，催單，再用饍！請選擇時諗清楚自己心理狀況…查看更多

土瓜灣最出名嘅越南餐廳應該就係1986😆半年前呢間餐廳進駐，期間都不停出招希望同1986睇齊，但感覺上都唔太多人幫襯，不過我決定比個機會佢😎本身想叫木瓜沙律，但原來5個選項入面得返雞絲或者軟殼蟹揀，所以就要咗軟殼蟹米紙卷($68)🦀嚟到已經覺得同平時見到嘅有啲唔同，因為米紙係灰灰地色、而且比較厚🤔食落發現好難咬斷，但唔係煙煙韌韌嗰種，明明米紙卷就係想一啖食曬所有嘢、享受唔同口感，而家就要分開內餡同米紙食😅第二樣嚟到嘅係海南雞，賣相睇落唔錯、去完骨都有一定份量，不過食落真係好柴💩本來以為係因為雞胸，但雞髀位都一定，唔juicy唔嫩滑，係水準之下，更加唔可能叫做代表作😢而且幾乎冇調味，要點好多醬先好味啲😗最後就係生牛肉湯檬，牛肉大約有4片，肉味都算重唔會太韌，湯底亦都夠濃郁，係層次唔太豐富👌🏻檬粉份量就略為少，男仔有機會唔夠飽，見到其他炒粉麵嘅份量都偏少，可能就係比唔上1986嘅主因🥸個人覺得可以落多少少配料，除咗視覺上會吸引啲，食落都會覺得豐富啲🙈…查看更多

今日相約左友人黎到呢間越南泰國菜餐廳食嘢😚食咗好多嘢🤣我預先食咗幾日代餐先嚟食嫁鮮菠蘿海鮮炒飯～最緊要有鮮菠蘿🍍仲有肉鬆，泰國臘腸，海鮮有魷魚蝦仁，蛋，雜菜粒⋯ 菠蘿香氣濃，酸甜感加上海鮮炒飯，做成一個開胃美觀既飯，睇得又食得泰式咖喱虎蝦🦐跟蒜蓉包～虎蝦肉質有彈性有肉味。濃稠惹味咖喱香，咖喱後勁出，辣味慢慢滲出來，用黎配蒜蓉包真係正👍馬拉盞炒通菜～菜嘅顏色完全保持到翠綠，又嫩又綠😚菜梗仲係爽。香辣馬拉盞醬炒菜完全提升到菜既味道肉碎生菜包～酸酸辣辣好開胃🥰其實就是炒肉碎加入充滿泰式風情既香料，簡單但亦係我最鍾意食😋令我食指大動泰式燒鰂魚～魚肉滑，鹽味加重魚香，我鍾意將魚點酸辣汁食。我覺得鰂魚都多骨，記住要慢慢食冬陰功湯～其實我好少飲冬陰功湯，好多都好鹹，又怕水腫又怕口乾…呢個香辣熱湯完全唔會過鹹，材料都係湯底，有蝦有菇有香茅檸檬葉，飲完好飽肚😆椰汁三色冰～呢杯三色冰特別之處唔係用啫喱條，底部仲加入大樹菠蘿條，仲有一粒粒唔知乜嘢😂入面係包住馬蹄，一定係我飲過最特別最多材料嘅三色冰…查看更多