越棧越式湯粉專門店 (荷里活廣場) (已結業)

難得星期日同男友在荷里活廣埸睇完戲,正值3點3,  當然要食個tea啦..不過見越棧不用等位, 5分鐘後就入座..我點札肉蝦片+豬扒(配凍檸檬茶 $34/set) ,札肉夠大片, 還有蝦片配有檬粉...店員亦提醒我可加酸汁來食,味道醒胃~但豬扒味道有點油了, 味道亦可以接受~而男友是雞翼河粉(配凍檸檬茶 $36/set) ,雞翼味道炸得好脆, 河粉軟硬度剛好,口感亦佳~下午茶餐好飽肚...服務亦不錯~~

4點幾, 行街行到攰,最岩就食翻個下午茶補充體力XD求其揀左間越南餐廳食啦~叫左個香茅雞翼湯河, 同杯紅豆冰其實都ok嘅, 湯底夠味, 但對我黎講就有d鹹~d河粉好就好在唔會散收收夾唔到, 幾隻雞翼如果可以分開上, 唔洗尋到林曬就好啦!!紅豆冰都唔錯, 夠冰夠甜, 而且椰子味都幾重!

HEA左一個下午，DINNER就同媽咪出下去啦！同媽咪去左荷李活廣場搵食先行左一個圈，媽咪揀左食越南野媽咪話LEE間D豬扒好食，所以佢就揀食豬扒喇！香茅豬扒湯檬~~~豬扒本身醃得好入味，肉質好鬆軟，外表煎得香脆，但仍好JUICY，湯底是牛骨湯，好香好濃叫多兩個小食蒸粉包~~~餡料好多，皮都夠薄，重要係好夠熱，好味！越式炸春卷~~~又係即叫即做的，好香好好味！香芧雞翼湯河粉~~~湯底夠清，好濃的牛香，河粉好滑，而且份量都好多，雞翼好入味，而且SIZE都唔細喎！

餐廳環境唔錯，越式平民格調中帶點童真。生牛肉湯河讚。湯底濃郁香甜，而且好夠熱。牛肉幾新鮮，肉味香濃，厚薄剛好，唔會太厚難咬亦唔會太薄冇口感。河粉軟硬度亦啱啱好，口感煙仞。配料洋蔥非常新鮮，清新爽口，為牛河錦上添花。蓮藕餅有驚喜。雖然蓮藕餅係炸嘅，但一啲都唔油膩。味道一流，非常香口。兩片蓮藕中間夾住一層肉餅，相信入面應該加咗啲蔬菜，令到食起上泥冇咁漏。而且蓮藕同肉餅之間痴得好實，咬落去都唔會散，口感好特別。不過得三小嚿好唔夠喉。西瓜柚子特飲幾特別。西瓜糖漿味道有啲假，似食西瓜硬糖果種味道，但配上柚子之後味道卻出奇地夾，仲幾好飲，而且甜度剛剛好。

今晚我和家人在這裡點了一個二人餐食晚餐，有兩個主菜一碗腩片河和一碟雞絲飯，有兩個小食一碟粉包和一碟扎肉粉絲蝦片。碟飯又硬又生，有個侍應生(中女)態度差。以後不會再食來

去得越式既餐廳,當然要食金邊粉同扎肉啦~扎肉好爽口,五會好多粉,正斗加上個湯氐好好味,有D香肉既味,五會太濃,剛剛好.....我特別推介既系香炸春卷,十分愛D汁之餘,個口感仲好不得了外面好似有層網,好脆,內裡既涵料好足,有肉粒,加D肉汁,好正

今日補習過後，我去咗越棧食，可能係假日關係，我等咗差唔多半個鐘先入到，我叫咗個香茅雞翼湯河粉，河粉彈牙，唔會浸一陣就吸哂水，而且粗幼適中，有別於一般河粉，唔會幾條河粉黏著分唔開，雞翼入味，不過唔脆，應該係一早整定擺咗好耐，湯底重香茅味。熱菜蜜略為太甜，有點兒蓋過菜的味道。

最近呢間嘢好似裝修過嚟，遠睇係幾eye-catching，但最基本既問題都無解決過。坐到入去就發覺逼到死，而且完全唔適合傾偈。平心而論，食物方面算係不過不失。嗰日點咗一份二人套餐，有兩碗金邊粉、兩款小食、一碗菜、兩杯嘢飲。每位收$80，算係合理。越式金邊粉應該係佢哋招牌菜嚟，有少少酸酸辣辣咁，幾好食，只係略嫌份量唔夠。小食就揀咗越式炸雞翼，無咩特別，同周圍食到既炸雞翼差唔多。嗰碗上湯菜就有啲油得濟。估唔到最好味係杯嘢飲，我嗰杯係綠豆冰，啲綠豆佢哋應該係預先煮溶過，好入味！最大問題係個收銀真係好無禮貌。我朋友問佢收唔收EPS，佢已經唔耐煩咁既樣無冇，跟住問佢VISA呢，佢就喺到藐我哋。呢種態度真係不能接受，我已經決定唔會再幫襯！

幾年前的一天接觸過越棧這家餐廳以後，因為他家的湯底而愛上這家餐廳，加上平民價錢，又愈來愈多分店，漸漸地Wing都把這裡當作食堂了，每次去都叫他家的湯河，卓越河都已經食過很多遍了（對唷，還沒有寫過卓越河的食評，下一次補回唷~）。今次Wing再吃這家餐廳，但今次吃的是沒湯的啦，來看看Wing今次吃甚麼啦~Wing今次點了個豬頸肉粉皮($45)。貌似不錯的丫，五顏六色的，有大大塊的青瓜跟蕃茄~正正吸引著Wing這種愛美的「少女」（讓我哄一下自己吧。。。）說真的，雞絲粉皮Wing超愛的，但這個豬頸肉粉皮的粉皮有點厚，也有點乾的，那是正常的嗎？Wing也不知道。幸好有酸醋調味，為乾身的粉皮帶來點點濕潤，也帶來少少味道，為整道菜加點生氣~豬頸肉幾乎就是去到「冇得輸」的地步了，香口卻不油膩，喜愛豬頸肉的朋友要試試唷~嗯，吃過這個粉皮以後，Wing想過要是豬頸肉切絲再加點醬汁，混和粉皮來吃會是甚麼味道的呢~？胡椒肉卷($48/全份)是Wing在越棧必點的菜式~Wing很愛吃這個「紙卷」外皮加上入面香口加上點點辣的豬扒條，還有生菜跟紅蘿蔔條，口感十分豐富~Wing喜歡吃這個胡椒肉卷的原因不止口感豐富，更

買左飛睇戲，只係一個鐘可以食個DINNER，唔可以等一D想食的餐廳又係經過見唔洗等就入去啦香茅豬扒湯檬粉~~~豬扒好香香茅味，又夠"林"喎！湯底也不錯，又唔會好勁味精越式粉包~~~個皮好厚，NO GOOD簡簡單單的一個晚餐，湯粉加杯飲品都係幾十元都算好抵的

▓ ▓ ▓食  物▓ ▓ ▓〓〓〓〓〓〓〓〓〓〓〓〓〓〓〓〓〓〓〓〓〓〓【咖喱雞紅米飯餐 $50 跟咸檸樂 ★★★★★★★★☆☆】有驚喜。咖喱濃濃都是薯仔屑，熬了很久。些微辣。不錯的港式咖喱。所謂咖喱雞飯，其實是咖喱【雞中翼】飯。沒所謂。雞翼都熬得【近乎爛掉】，但我反而喜歡。Bonus 額外得分：在座有一位長者，易於咀嚼。紅米飯新穎健康，也不是只做個樣，比例還挺高的。咸檸樂，正正常常。〓〓〓〓〓〓〓〓〓〓〓〓〓〓〓〓〓〓〓〓〓〓【生牛河粉 $37 ★★★★★☆☆☆☆☆】湯底還好，味精很少，味濃而鮮。很多芽菜，但，應有的Herbs久奉，失色。就當是一碗港式牛河來吃。河粉，厚身連貫，OK。牛肉方面：太薄、太迷你、份量極少。河粉和牛肉的比例嚴重失衡。有進步空間。〓〓〓〓〓〓〓〓〓〓〓〓〓〓〓〓〓〓〓〓〓〓▓ ▓ ▓ ▓ ▓ ▓ ▓ ▓ ▓ ▓ ▓ ▓環境 / 服務 / 衛生 / 其他▓ ▓ ▓ ▓ ▓ ▓ ▓ ▓ ▓ ▓ ▓ ▓5時，跟祖母連袂到鑽石山荷里活廣場。連日嚐越南菜，就選【越棧】。就近、有熟悉的氣味、不算貴。位於2樓，近百佳那一邊。這時段，座位已剩不多，很多人客。環境舒適，樓底夠高

夜晚做完嘢唔想同人迫, 去到荷里活廣場搵間少人等位嘅越棧, 人流快, 而且唔使加一~~叫左一個二人餐同同事SHARE , 包兩碗檬, 兩款小食, 一碟蘿蔔/生菜同兩杯嘢飲, 都係$158我同同事分別叫左香茅豬扒同雞絲撈檬, 雞翼拼豬頸肉, 上湯蘿蔔, 一杯椰汁紅幵冰同紅棗啫哩茶先講撈檬, 我食嘅係脽絲撈檬, 都算有幾多雞絲, 碗底有生菜絲, 面就有炸蒜同花生碎, 加埋佢D甜酸汁, 又香口又開胃, 檬粉都好爽口同易撈, 唔會痴埋一舊~朋友嘅香茅豬扒聽佢講都唔錯嘅~ 小食有豬頸肉同雞翼, 份量都算多, 雞翼炸得幾香, 連D軟骨都可以食到, 加埋佢D荵一齊食, 好野味, 而豬頸肉整得都唔差, 只係切得太簿, 冇咩咬口.....蘿蔔都幾甜同 大大舊, 不過我鍾意多D菜類, 一碗得五舊唔係幾夠喉.....最後就係嘢飲, 開頭覺得個名幾得意, 飲落先知原來係怪嘢.....叫嘅係熱嘅紅棗啫哩, 唔知係咪因為咁, 所以D啫哩熔左, 而且好甜好甜, 飲左一半就冇再飲....不過咁嘅價錢, 食到咁多嘢, 又幾好味, 都值得推介啦~

今晚又係'一個人的晚餐'。。。 最好係'快、靚、正'搞掂就返屋企! 本來想去隔鄰店舖"元X壽司", 未夠七點但當然, 一如往常, 雖然係'閒日'但又係全爆! 攞飛仔都要等廿幾個號碼, 其實次次都係咁多人, 咁....我唯有'退而求其次'去鄰店"越棧"啦! 七點未到, 呢度好多位任坐, 入坐後店員先奉上一杯好清香的暖茶, 應該係花茶, 但一飲仲以為係玄米茶, 因為個味似....總之好香! 打開餐牌, 好多選擇....但一下子被佢餐牌上句宣導Slogan--- "一個湯底的傳說"吸引....叫咗湯粉麵套餐, 一碗生/熟牛肉金邊粉, 跟餐飲凍檸七, 盛惠HK$49.00. 碗粉一嚟, 即刻有點失望, 原因係放响我面前我完全聞唔到半點香味, 再加上得3片金不換, 用一粒仔辣椒穿著, 真係覺得佢'控制成本'做得非常好, 但相對地做客人的我當然覺得不夠喉! 點都好, 試啖湯再講, 睇吓有幾'傳說'先?! '傳說'啲咩呢?! 其實....以我粗略估計...真係唔駛飲都知無料到! 尤其是我Honey自家制作整過用真材實料用牛骨用靚香料熬湯做湯底煮粉俾我試過之後....果然信

與友人共四位到鑽石山荷李活廣場越棧吃下午茶餐，試了份生牛肉河粉，三十幾蚊茶餐竟然可選價值25蚊既凍飲，梗係要試下，叫左杯椰汁紅豆冰。先來紅豆冰，椰汁味香不錯，但就嫌紅豆少D，係長杯內、高度都唔夠一吋（唔醒起映低張相添），可能平價餐要努力控制成本吧！不久我碗生牛肉河粉到了，看上去牛肉似乎份量很少，湯和粉的份量還可以，可能又是平價餐要低成本制作！或許要怪的是地產商的高昂租金。雖然份量小，牛肉的味道倒不錯，河粉口感亦中規中矩，只可惜湯底有點令我失望，湯底感覺太薄了，有點像加了水再煲過的！這是整個生牛肉河粉的敗筆，需要改善。另兩位也吃生牛肉河粉的友人和我的看法一樣。其餘一友人吃的香茅豬扒飯也算ok。

LUNCH套餐價:$45.....向荷里活廣場入面都算是比較平的食市, LUNCH時間出門都排滿人~ (同商場入面其他食市都沒有人龍)叫了牛肉凍濛, 賣相幾好...但沒有特別....份量大.....食到好飽...牛肉片有D老....同埋"鞋"...跟餐凍奶茶幾好飲....因為我鍾意奶多茶少的奶茶......