越棧越式湯粉專門店 (福德樓) (已結業)

服務員態度欠佳，一入門口完全無招呼、無帶位、無人理，坐低左想嗌野食又無人理，叫人叫左起碼10分鐘都未有員工過黎。用餐經歷極差，尤其是門口戴眼鏡的服務員，不會再光顧。

放工想食碗粉面，就去左越棧。雖然到左下午茶時段，但見到隔離枱果碗面比較細，今日我想食飽d，所以無叫餐，齋叫左一碗特別牛金邊粉。而湯底預設係牛骨湯，可以要求轉雞湯。呢款我都未食過，分別有四樣餸，生牛肉三片，牛腩條兩條，金肚絲數十條同埋胡椒牛札肉。餐牌係寫牛腩片，但黎左牛腩條，食第二條時，勁so, 不明。好彩我都唔怕。不過唔夠冧，要有牙力去食既。其他就一般拉。有樣野要彈一下，辣椒🌶️，青檸同辣椒醬，都係要另外同侍應要求，先會提供。另外，再要問額外既金不換，都要另外收錢喎。其實呢d配料先係令碗面提升另一個層次既靈魂，差缺之下，係有點失色。整體環境係乾淨既，不過我當日坐果張椅就唔乾淨，似係抹枱時跌左濕既野落張椅度。埋單，不設加一

一入門口座低就決定好 order $388套餐侍應都好快手問我地食咩，一碗豬扒豬頸肉湯檬一碗牛肚豬頸肉湯檬一碗牛脷豬頸肉撈檬一碗雞絲雞翼撈檬《來錯變左雞絲豬頸肉，搞到要換》一個羅白一碟雜錦拼盤 《有香茅豬扒，越式炸春卷，炸蝦餅，越式扎肉蝦片》本來跟餐仲跟一個越式蒸粉包，但買哂，所以幫我轉左蓮藕餅， 侍應開頭好搞笑話轉雞翼比我，咁我咪問佢 ，你比幾多隻，佢話4隻，我話你本來越式蒸粉包$52， 你雞翼4隻$38， 咁我要蓮藕餅$52，佢話要問 ，好彩轉頭覆我都話得。野飲 - 椰汁紅豆冰， 玫瑰檸檬茶，咸檸七， 呢杯又來錯本來是凍柚子梳打來錯凍檸茶。其實我們一家都喜歡佢的湯底，但成日都出錯，真係要改改。

下雨天，一大班人食遲來的午餐，來到這間好耐無黎的越南粉店。以前下午茶是三點開始，今日變了兩點，非常好！於是我便叫了生牛肉湯金邊粉和一杯特飲—鹹檸七走冰。一個下午茶湯粉40元，包一杯普通熱飲，要特飲就加4元，其實真係幾抵。特飲好快黎，但原來因爲走冰，所以只有八成滿。牛肉湯金邊粉上了，但原來只有兩片好薄的牛肉，真係無諗過甘少！除牛肉，都有芽菜和葱，金邊粉都算多，夠食。湯底沒有以前的口渴，都幾好飲。不過，有些懷疑如果我叫香茅豬排湯粉會有幾大塊豬排呢？

叫咗豬頸肉湯河，湯底重味精，職銜，食完好口渴。不特止，而且豬頸肉得兩三塊，河粉份量有小，真係唔會再試。唔單止唔抵食，而且員工好忙，根本冇乜人理你。環境又唔乾淨，真係10分失望。

食左好多次，今日叫左豬頸肉湯河，豬頸肉撈檬同埋豬扒湯河，野飲叫左粉紅七喜。首先講下豬頸肉撈檬先，呢間算系撈檬個汁比較真材實料既一間，味道甜甜酸酸小小辣，夏天食好開胃。豬頸肉口感好好，一啲都唔乾身，肥瘦又岩岩好，都算系出色之後講下豬扒，好淋身同埋都幾夠味。好在佢系豬扒同個河粉系分開上，咁啲豬扒就唔會比啲湯攪到淋哂粉紅七喜系每次都會飲，其實佢就系西柚味既汽水，單純地因為覺得粉紅色好靚所以叫叫左黎飲。總括黎講，間野坐得舒服而且野食又好食。

失望的越南河粉！越棧我哋細細個就已經幫襯，以前離遠都已經覺得湯底好香。但真係無諗過依家會變成咁！湯底普通，牛肉扎肉一啲都唔好味，好似用緊下等貨咁。連我叫嗰餐杯凍檸茶都淡而無味。店舖入面又好似無冷氣咁，三十幾度邊食邊流汗，唔講我仲以為自己食緊大排檔😿究竟係間間越棧都係咁，還是元朗呢間特別啲？一個字、差😾

今日去咗元朗👇呢間越南嘢食下午茶🍲招牌同入面裝修以芥辣黃做底色，非常搶眼，天花採用舊式風扇，配合四周嘅環境，呈現越南色彩呢度都幾大㗎，大部分都係卡位連梳化，坐得舒服下午茶餐單比較簡單，有湯粉、小食、撈檬款式比較少😔🍲餐亦可加多$8.00有菜食，但冇興趣🤷‍♀️香茅豬扒湯檬🍜$40.00湯底濃沃、清爽， 香茅豬扒肉質幾好、 有咬口👌玫瑰柚子梳打十$4.00🤔 唔明點解叫玫瑰柚子梳打 ，沒有玫瑰味🤷‍♀️ ，只有柚子味👩‍⚖如果餐牌多元化會好啲，服務有待加強😤

下午茶平價抵食之選，平時我會食撈檬，不過今日病病地就唯有食湯檬，佢嗰個香茅豬扒湯檬好正👍🏻最美中不足係個豬扒放埋入湯中，無另上⋯林左少少，另加嗰個蘿蔔好抵，不過唔好食，太硬又唔入味

天口熱，冇乜胃口，就想食個越南撈檬。今次一家人夜晚出黎食飯，去咗元朗越棧，嗌左個四人餐。四人餐有四個main course，一個前菜，一個小食拼盤，一碟生菜，四杯飲品。前菜係一個越式腸粉，餡料似中式嘅粉粿，腸粉皮算薄，不錯。一碟生菜，比較生同清淡，啱老人家口味。主菜嗌左3個撈檬，一個咖喱牛腩紅米飯。撈檬分別拼左雞翼，豬扒，豬頸肉，香茅味幾濃，好食檬粉軟硬適中，不錯。咖哩牛腩飯嘅牛腩就比較少，咖啡亦都唔夠辣，麻麻地。小食拼盤有春卷，炸蝦餅，豬扒，好味香口。飲品比較甜，麻麻地。

今朝起身好想食越南粉， 於是揀咗食越棧。 我叫咗個春卷湯檬， 春捲有兩條,剪開咗變左有四小件。春卷夠香夠脆，又唔太油，而湯底就好夠熱同好香牛骨味。 由於太肚餓嘅關係，唔使十分鐘我已經全部食曬了

住喺元朗咁多年食過呢間越棧都有好幾次一直覺得越棧最好食嘅係特別牛河 聲稱湯底均選用鮮牛骨熬制連餐牌封面都大大隻字推介特別牛河大約夜晚7:30進食 不算多人都有位置不用等環境以淺啡色和胡桃木為主配有特色燈籠裝飾特別牛河Special Beef Pho $54特別牛河有胡椒牛札肉、金肚絲、牛腩片及生牛肉四合一特別覺得半生熟牛肉較有水準好食其他一般配以熱檸水普通一般茶記水準冇乜特別生牛肉湯金邊粉Rare Beef Thai Noodles $46生牛肉湯金邊粉湯底保持一貫水準清甜易入口陣陣牛肉香配料有大量彈牙芽菜及蔥被湯浸致半生熟牛肉好食唯獨美中不足係生牛肉量太少配上較幼身金邊粉適合女仕慢慢咀嚼配以熱檸蜜普通一般茶記水準冇乜特別另外加$8可選擇津白/生菜/蘿蔔/芽菜津白服務一般 流單 叫左兩次先黎清湯淡味不入味不夠爽口

成日經過見到，終於一試！其實呢間分店都唔算新開？最起碼開咗半年了吧。。。竟然未有任何食評，連張相都冇，咁等我貢獻下啦！五點五十分到，冇咩人，入到去自己揀位坐，揀咗個窗邊位，感覺唔錯，冷氣夠但唔會太大，有音樂又唔會太嘈（但侍應姐姐們好開心咁聚埋大聲狂傾計。。）本身諗住去食永年，原來宜家加價加到仲貴過個下午茶。。。呢度下午茶幾實惠！38蚊一碗粉/飯連冷熱飲品，佢寫明係輕食份量，但碗粉份量係夠飽的（我當晚餐食）！落單冇幾耐就送上，好快手～ 賣相不錯，用辣椒圈住幾條羅勒，靚得黎唔會喺碗野裡面散晒周圍飄！雞翼有三隻，唔係炸，有煎香，香茅味夠重，好好食！金邊粉挺身軟硬適中，俾咗好多芽菜～ 湯底唔算好濃唔算好淡，但唔會太喊，我食到底飲晒。。。 我食到一半先醒起冇俾到青檸，見到其他人食湯河都有，唔知係俾漏定下午茶細碗唔俾！？杯野飲賣相都好好，其實只係凍檸蜜，應該係佢嘅特色，我見個menu畫住d野飲都係一層層咁，唯獨是支飲管倒轉咗插。。。同埋個杯身太高而且好滿，支匙羮只係長過個杯少少，好唔方便篤。。。整體非常滿意，希望下次試下生牛河，佢仲有d二人餐四人餐，碗粉有得雙併之餘仲有小食同菜，特飲又唔駛加錢，好