越棧越式湯粉專門店 (福德樓) (已結業)

大熱天時，一心諗住食碗越南撈檬做晚餐，因為唔熟附近，就貪方便明知越棧一般都照入去。坐低叫撈檬，被阿姐告知冇撈檬，我頓時打算起身走人，但阿姐話：有金邊粉、河粉。Ok... 咁撈河啦。點知阿姐上演麥兜對話咁：得湯河喎。What？唔好講咁多喇，咁我撈金邊粉啦。碗嘢黎到我一食，我的天，係熱嘅！我一心就係怕熱所以想食越南撈檬清爽一下，結果黎左碗熱嘢，不特止，熱嘅撈金邊粉食落，就好似走左湯嘅湯粉咁！我頂唔順，同番阿姐講：我真係未食過熱嘅越式撈粉，咁樣你不如俾番個湯我啦。雖然阿姐肯攞番俾我，但都要串番我：咁啲麵煮熟俾你，緊係熱架啦，唔通俾生嘅你食咩？What？凍就代表生架喇？咁你本身啲撈檬係凍嘅咁上，即係果啲檬粉係生架？阿姐行開冇應我了。然後全程望望貢，但一知半解嘅經理行過，見我食法咁特別要夾番啲粉落湯度食，就同我講：你嗌撈麵係冇湯，係撈呢個食架嘛（指住果壺甜酸汁）。我話我知～不過我從來冇食過熱嘅越南撈粉啫！我問經理佢地平時嘅越南撈檬係凍定熱丫？佢唔想答架，但我唔罷休繼續追問佢，佢猶豫住咁答：好似唔會好熱嘅。喺我仲思考緊呢個係咩答案之際，佢再話：可能廚房今日整唔切...～咪係咯，事情就係你地廚房冇預

好耐冇幫襯過佢，黃雨行過又有位，係你喇！見佢有午餐，兩個人就各叫一款試下。《牛脷雙拼河 》$56我自己選咗拼香茅豬扒，改咗撈檬。牛脷切幼條容易入口，好軟好香。豬扒煎完唔硬，幾好，另外酸蘿蔔都好好味唔太酸。檬粉撈埋花生碎同乾蒜好香口。《牛腹肉豬扒河 》$54牛腹肉嫰口，豬扒亦都合格，湯唔會好咸，好香，中規中矩。兩個餐特飲+$12我地叫咗《椰汁三色冰》同《椰汁紅豆冰》兩杯冰同一般餐廳嘅分別係唔會太甜。三色冰入面有紅綠豆加珍多冰嘅綠色粉，甜啲會好飲啲。

晚上8:30左右去到，唔算好多人唔洗等，不斷都有人入下黎，又見佢要出外賣人手唔算多，呢個鐘數夠應付有餘蝦餅(轉湯金邊粉）牛湯，蝦餅一大塊切5件，炸得唔錯，好香口👍🏻😋金邊粉咬口岩岩好，份量都多，洋蔥真係超正。推薦👍🏻👍🏻👍🏻豬扒雞絲(湯河）轉雞湯，豬扒有幾件，味道唔差，咬感一般，雞絲份量都ok，河粉有d淋，雞湯感覺上清d+$8加津白，勁多👍🏻👍🏻👍🏻抵！椰汁冰都幾濃椰汁味，好飲👍🏻👍🏻👍🏻推薦！總結：越南餐廳唔太多，又唔算貴，口痕絕對可一試😋😋👍🏻缺點係只收現金或八達通

今日好熱，熱到有d中暑feel, 揹住沉重架餐都冇咩心機，所以冇刻意搵餐廳食，就諗住喺回程車站附近搵間野食算，瞥眼見到越棧，心諗應該唔差得去邊就試下.一入到去見到有好多位心諗會唔會中伏，不過難得有梳化卡位都算，因為真係好攰，最緊要有位放腳架同大背囊. 同朋友研究左一輪menu就決定order.朋友叫左鹹檸七+雜牛河，我叫左斑蘭青檸梳打+生熟牛河.冇咩心機所以冇影相，七喜和梳打都唔夠氣，而我嗰杯斑蘭味好奇怪，唔夾，好難飲，生熟牛河牛肉硬，河粉ok, 朋友的雜牛應該有d牛係ok, 但應該就唔會再嚟……

陪朋友想食越南菜，又醒唔起元朗仲有邊度有得食，只記得有呢間，之前佢喺元朗廣場都食過，味道都可以，搬咗嚟呢個位置就未幫襯過，所以就過來一試，不是太肚餓，所以叫多啲小食，1. 香茅串燒(雞串和豬串) : 味道較濃，肉較少，都可以2. 胡椒肉卷(半份-4件) : 唔太覺有胡椒味，皮薄較煙靭，內有辣椒，比較辣，一搬3. 扎肉蝦片 (半份-4件) : 這個加咗醬汁，咬落去有花生味，少少酸酸味，脆口，口感和味道不錯👍🏻4. 生牛肉金邊粉 : 味道中規中矩，食時要睇清楚，有冇異樣😖5. 珍多冰 : 一搬6. 玫瑰檸檬茶 : 感覺略甜，不過溶冰後，還可以😅服務態度，都可以，因為食金邊粉時，發覺有啲問題，即時向服務員查問，佢即時話重新煮過一碗俾我哋，我哋說不用，他便話這碗免費，更道歉，我們到柜檯付款時，其他職員都向我們道歉，甚至到了門外，見到個職員，佢都仍然對我們道歉。至於會否再幫襯，這個可能要過一陣子先啦。

一般嚟到越棧我係會叫粉面食，但係今次想個肚實在啲，食咗個紅米飯，今日同同事都係咖喱雞飯🍛，食得晒，份量啱啱好，同事一試咗第一口，就話都幾好食😙飲咗一杯椰汁綠豆，少冰少甜。都係好味嘅，服務唔錯

每日中午放飯都周圍食下試下，呢間越棧十年前係其他分店食有好多款式，有焗飯有鐵板餐，而家轉晒專做湯粉麵後都係第1次食。今次試下個特別牛湯河，配料有越式扎肉，牛腩同牛肚絲，黎到先試下個湯，都係好基本加左味精既牛肉湯，河粉還算ok，但比較容易夾斷，牛腩唔算腍，其他配料都好普通，64蚊黎講會有好多更好既選擇，整體味道叫還好啦。環境相對黎講叫坐得舒服既，中午時段都唔會好爆場，可能價錢貴在個環境啦，始終係一般粉麵店食會比較迫。

點咗午餐豬扒湯檬，午餐生熟牛肉河另外再加一個小食拼盤。兩個湯底都清甜不油膩，拼盤熱辣辣份量適很足，咖啡香濃，係抵食的！如果以勝價比越棧係好唔錯嘅選擇！老實講服務就真係冇乜。

如標題，三個員工喺度都可以15分鐘落唔到單（未客滿 七成左右）叫第一個話等陣 等陣就唔見人，叫第二個話等陣，點知又等咗5分鐘竟然係第三個人過嚟，好唔想招呼人就唔好做啦。終於落到單點知呢個人同你落張單好似你得罪佢要鬧死你咁又大聲又惡。真係未見識過服務咁差。野食普通，椰汁冰淡到水咁。唔會再食。

下午茶時間黎到元朗，貪方便兼易找位就去了越棧。試新胡椒豬湯河，40元連冷熱飲品，雖然男朋友話豬有些咸，但我覺得味道不過不失，不過下次未必會再選，始終生牛河好味啲。

近排分別食左2間不同食店的下午茶，都有不太愉快的經歷，今日終於食到間叫正常。生牛肉河，份量正常，牛肉份量滿意，因為都算幾多。凍檸茶，正常有檸檬，但茶味偏淡。服務唔算好，但都唔算差，我覺得可以接受。座位寬敞。最後盛惠$40，都算抵食。

下午茶時間$40一個餐加$4有特飲但係有好幾個座位漏水入到去完全無人理你叫好耐先有人落單無人拎餐具最後我地自己拎紅豆奶茶無咩奶又苦又澀豬扒偏鹹同埋唔香脆整體而言，服務、食物、環境都唔合格唯一可取的係價錢😒但我唔會再去好耐無食過咁難食的午餐😅

今日喺元朗收工，真係好攰好攰，眼前出現在間越棧，即刻想食碗越式牛肉河粉，諗都唔諗就入咗去坐低嘆冷氣。.特別牛河四款牛嘅配料包括胡椒牛扎肉、金肚絲、牛腩片，同埋生牛肉。上菜時，生牛肉已經熟咗，索咗好多湯嘅味道，肉味唔算好突出；胡椒牛扎肉同平時食到嘅扎肉味道好接近，不過就厚身啲；金肚絲都幾有咬口；牛腩片肥瘦均勻，唔算好入味但都不過不失。跟餐加$8要咗個津白，略嫌個湯鹹咗少少。成個餐整體來說不過不失，想食越南野又咁啱經過，入去試都唔會令你失望。

蝦餅是招牌菜式，好味！唯一不滿係店員，這裡環境本來算清靜，不過最近服務員態度勁差，一般茶餐廳樓面咁，成日鬧交，又講粗口，滿口鄉音，尤其男仔頭髮型果個，勁嘈！！食個午餐$72，我以為自己去左大排檔！

叫左一個下午荼，人唔多，d工作姐姐好似唔憂做咁，同她落單，眼從來唔望個客，同她講野只會令開塊面！態度極惡劣！她話冇雞翼，咁問吓佢邊啲有啦！跟住佢就好唔客氣講，除咗雞翼乜都有！態度極其惡劣好似我係佢下屬咁！！同佢講嘢你望住佢佢就態度好差，覺得你阻她時間，明明下午茶冇乜人，完全唔屬於忙，都唔明點解可以唔想做到咁！最慘唔係一個半個阿姐係咁，係全部阿姐包括店長都係咁差！嗰個死老竇咁嘅款！唔想做到擺喺塊面度！永冇下次，永久black list😡