影片
大热天时，一心谂住食碗越南捞檬做晚餐，因为唔熟附近，就贪方便明知越栈一般都照入去。坐低叫捞檬，被阿姐告知冇捞檬，我顿时打算起身走人，但阿姐话：有金边粉、河粉。Ok... 咁捞河啦。点知阿姐上演麦兜对话咁：得汤河㖞。What？唔好讲咁多喇，咁我捞金边粉啦。碗嘢黎到我一食，我的天，系热嘅！我一心就系怕热所以想食越南捞檬清爽一下，结果黎左碗热嘢，不特止，热嘅捞金边粉食落，就好似走左汤嘅汤粉咁！我顶唔顺，同番阿姐讲：我真系未食过热嘅越式捞粉，咁样你不如俾番个汤我啦。虽然阿姐肯攞番俾我，但都要串番我：咁啲面煮熟俾你，紧系热架啦，唔通俾生嘅你食咩？What？冻就代表生架喇？咁你本身啲捞檬系冻嘅咁上，即系果啲檬粉系生架？阿姐行开冇应我了。然后全程望望贡，但一知半解嘅经理行过，见我食法咁特别要夹番啲粉落汤度食，就同我讲：你嗌捞面系冇汤，系捞呢个食架嘛（指住果壶甜酸汁）。我话我知～不过我从来冇食过热嘅越南捞粉啫！我问经理佢地平时嘅越南捞檬系冻定热丫？佢唔想答架，但我唔罢休继续追问佢，佢犹豫住咁答：好似唔会好热嘅。喺我仲思考紧呢个系咩答案之际，佢再话：可能厨房今日整唔切...～咪系咯，事情就系你地厨房冇预备好材料，再不顾品质咁出餐俾客人。遇到客人反映，第一时间谂点串／点驳番佢。今次只怪自己贪方便，保证永远唔会再帮衬你。
继续阅读
好耐冇帮衬过佢，黄雨行过又有位，系你喇！见佢有午餐，两个人就各叫一款试下。《牛脷双拼河 》$56我自己选咗拼香茅猪扒，改咗捞檬。牛脷切幼条容易入口，好软好香。猪扒煎完唔硬，几好，另外酸萝卜都好好味唔太酸。檬粉捞埋花生碎同干蒜好香口。《牛腹肉猪扒河 》$54牛腹肉嫰口，猪扒亦都合格，汤唔会好咸，好香，中规中矩。两个餐特饮+$12我地叫咗《椰汁三色冰》同《椰汁红豆冰》两杯冰同一般餐厅嘅分别系唔会太甜。三色冰入面有红绿豆加珍多冰嘅绿色粉，甜啲会好饮啲。
继续阅读
晚上8:30左右去到，唔算好多人唔洗等，不断都有人入下黎，又见佢要出外卖人手唔算多，呢个钟数够应付有余虾饼(转汤金边粉）牛汤，虾饼一大块切5件，炸得唔错，好香口👍🏻😋金边粉咬口岩岩好，份量都多，洋葱真系超正。推荐👍🏻👍🏻👍🏻猪扒鸡丝(汤河）转鸡汤，猪扒有几件，味道唔差，咬感一般，鸡丝份量都ok，河粉有d淋，鸡汤感觉上清d+$8加津白，劲多👍🏻👍🏻👍🏻抵！椰汁冰都几浓椰汁味，好饮👍🏻👍🏻👍🏻推荐！总结：越南餐厅唔太多，又唔算贵，口痕绝对可一试😋😋👍🏻缺点系只收现金或八达通
继续阅读
今日好热，热到有d中暑feel, 揹住沉重架餐都冇咩心机，所以冇刻意揾餐厅食，就谂住喺回程车站附近揾间野食算，瞥眼见到越栈，心谂应该唔差得去边就试下.一入到去见到有好多位心谂会唔会中伏，不过难得有梳化卡位都算，因为真系好攰，最紧要有位放脚架同大背囊. 同朋友研究左一轮menu就决定order.朋友叫左咸柠七+杂牛河，我叫左斑兰青柠梳打+生熟牛河.冇咩心机所以冇影相，七喜和梳打都唔够气，而我𠮶杯斑兰味好奇怪，唔夹，好难饮，生熟牛河牛肉硬，河粉ok, 朋友的杂牛应该有d牛系ok, 但应该就唔会再嚟……
继续阅读
陪朋友想食越南菜，又醒唔起元朗仲有边度有得食，只记得有呢间，之前佢喺元朗广场都食过，味道都可以，搬咗嚟呢个位置就未帮衬过，所以就过来一试，不是太肚饿，所以叫多啲小食，1. 香茅串烧(鸡串和猪串) : 味道较浓，肉较少，都可以2. 胡椒肉卷(半份-4件) : 唔太觉有胡椒味，皮薄较烟靭，内有辣椒，比较辣，一搬3. 扎肉虾片 (半份-4件) : 这个加咗酱汁，咬落去有花生味，少少酸酸味，脆口，口感和味道不错👍🏻4. 生牛肉金边粉 : 味道中规中矩，食时要睇清楚，有冇异样😖5. 珍多冰 : 一搬6. 玫瑰柠檬茶 : 感觉略甜，不过溶冰后，还可以😅服务态度，都可以，因为食金边粉时，发觉有啲问题，即时向服务员查问，佢即时话重新煮过一碗俾我哋，我哋说不用，他便话这碗免费，更道歉，我们到柜台付款时，其他职员都向我们道歉，甚至到了门外，见到个职员，佢都仍然对我们道歉。至于会否再帮衬，这个可能要过一阵子先啦。
继续阅读