越旺美食 (已結業)

以前成日都嗌佢嘅咖喱外賣,但堂食就從來都冇試過，皆因舊鋪環境比較細同舊. 搬咗新舖之後雖然位置遠咗少少，不過裝修同環境都靚咗好多，當然就要嚟試吓啦😆無骨鳳爪同埋豉椒炒蟶子嘅份量非常多, 特別係炒蟶子每一條都脹卜卜而且食得出好新鮮, 好彩我哋早落單, 之後聽到其他人想食都已經話冇晒啦😯咖喱方面有越式同印度咖喱兩款選擇, 兩者我都食過不過我就鍾意前者多啲因為感覺上冇咁辣. 羊腩煮得好入味而且夠林滑, 70幾蚊嘅價錢都有五六舊非常抵食👍🏻

📍 越旺美食 Yuet Wong Restaurant🌍大角咀中匯街37-39號地舖G/F, 37-39 Chung Wui Street, Tai Kok Tsui📝味道：９ ／10📝賣相：７／10📝抵食：８／10📝服務：７／10晚市二人套餐C $280時菜🥢馬拉盞炒椰菜苗🥢 (另加$６)最唔鍾意食菜但佢呢到整嘅馬拉盞炒菜係超好食！椰菜苗保持到鮮綠脆嫩，料頭爆香。勁鹹香惹味～小食🥢越式蝦餅🥢蝦餅金黃香脆嘅外層，內裡肉質好彈牙～小菜🥢炒蜆🥢蜆肉脹卜卜大大隻，勁飽滿鮮味，豉椒汁搾飯唔錯，埋茨收得唔夠就唔係好上到蜆到。主食🥢蝦醬炒飯🥢’飯底用左蝦仁同海老仔去炒，香口且有鍋氣，不過蝦醬味唔夠突出～券飯上鋪上流心煎蛋蛋同臘腸。飲品x2 🥢椰汁奶 & 熱西洋菜蜜’🥢特色飲品半價

本人居住大角咀，已光顧該店多年，以前在燒味舖旁邊，到現在轉了地點，食物水準依然很不錯，一直以越南及印度式食品作為賣點，但店員態度欠佳，是一名經常穿黑衣服身材高大，該店員有一種令人覺得就算做不做你生意也罷了的感覺，如果你三五成群進入飯店就會獲得該店員熱情招待，如果你是一個人進入飯店，就會感到被該店員敷衍，以往在舊地址的時候也不會發生這種情況，我相信這是個別員工問題，一間好的飯店，不應該被某些員工的服務態度影響整體水準！如有冒犯，請見諒

有一排冇去越旺了, 好掛住佢既性價比, 有個朋友要返去睇仔, 但又想同我食個快DINNER, 所以就約左去越旺啦入到越旺, 發現有野改善左, 就係依架係可以用QR CODE落單, 方便同準確左好多!越式酸辣鳳爪-$48無骨鳳爪偏細隻,但勝左數量多, 我地密密食都仲有好多剩咁, 味道就比輍偏向較酸, 但酸得幾好味幾開胃, 口感爽口彈牙豉椒炒蟶子-$85D個之前未試過, 今次見到推薦所以叫左, 我地都覺得好有驚喜, 鑊氣度完全唔會輸比大排檔, 而且蟶子數量好多, 肉質又厚又彈牙, 仲要幾鮮甜, 加上個好惹味既豉椒汁, $85真心冇得輸生熟牛肉湯米-$55個湯幾好味, 因為落左好多香料, 更添越南風味, 而且牛肉好嫩滑, 幾好豬排湯河-$52, 另加蝦餅-$30豬排就似D屋企幾傳統既豬排, 味道都算唔錯, 而且仲好貼心咁幫我地切到細細塊咁, 方便我地食；而蝦餅都幾彈牙餐飲-跟粉麵半價$15因為叫左粉麵可以半價叫野飲, 都幾抵, 最抵就梗係叫特飲啦, 飲完爽晒總結, 越旺係唔會令我地失望的, 而今次個豉椒炒蟶子更令人有驚喜, 相信好快我地會再黎試其他菜式!

諗起想食香茅豬扒飯, 第一時間諗起越旺, 落單等一陣就有得拎雙蛋香茅豬扒飯$53蛋加蔥油,再加小小豉油係絕配豬扒好入味, 但有d 乾熱飲唔洗加錢如果加小食(蒸粉卷,香茅雞翼,炸蝦餅)都係+$20 -$28

呢間餐廳好多人光顧，又有單點又有套餐大件夾抵食我地揀咗C餐（$240）成個餐嘅份量都好足，3個人share食都得！ 越式豬頸肉（原價$60）豬頸肉外皮微脆，唔會太熱氣，味道不錯，勝在足料，一份有20塊切片豬頸肉邊位燒得好香口。就算唔沾醬一樣夠味 紅燒排骨份量好多，排骨似好入味，好淋馬拉盞炒通菜（原價$63）份量係平時食嘅幾倍，好抵食，通菜新鮮爽脆，馬拉盞炒微辣惹味成碟菜係炒到好香口，夠鑊氣主食揀咗蝦醬炒飯，佢嘅蝦醬係越式，唔同我哋中式食嘅紫色蝦醬，好易入口另加一個越式酸辣鳳爪，入口爽脆少少辣，帶酸甜及惹味套餐包兩杯嘢飲，凍飲加$3，升級特飲半價。三色冰珍多冰椰汁香濃，好有咬口。

今日試大角咀越南餐廳。依間餐廳坐位寬闊。叫左個午餐 越式炒河配熱杏霜。同QR code 落單之後好快就送上。河粉份量都幾大，足夠一人食飽。味道不過不失，中規中矩。下次可以再試其他野。

同事喜歡食越南菜，知道大角咀有間越旺美食，是家越南小吃料理餐廳，味道唔錯，而且價錢大眾化，今日就帶我過嚟試吓！餐廳環境簡潔光猛，座位寬敞舒適。馬來奶油蝦：奶油蝦是馬來西亞著名的特色菜，別具風味，濃濃的奶油香撲鼻而來，大蝦鮮味又彈牙，配上帶有濃濃奶香的秘製醬汁，齒頰留香！越南蝦餅：蝦餅炸至金黃色，外面甘香鬆脆，食得出蝦餅係用新鮮蝦做成，彈牙有鮮味，點些甜酸醬，更顯鮮味！燒雞飯：燒雞腿皮脆肉嫩，而且重好入味。香茅雞翼炒河：河粉炒得香噴噴夠曬鑊氣，大大隻雞翼甘香脆口，滿滿香茅清香甚為滋味！紅豆冰：啖啖的紅豆香加上順滑濃郁的淡奶香，簡直是絕配！鹹檸七：用咸檸和七喜調製而成，十分消暑解渴

約左朋友去大角咀食野，搵搵下見到呢間食越南菜既餐廳，見門面好新正，座位又寬敞，餐牌又唔貴，去試下啦食物都唔係差，我地叫左紅燒排骨飯排骨好好食，俾左啲朋友食都話好好味雙蛋香茅豬扒飯我都試左朋友少少，香茅味好濃，連蔥花都好好食，我都食埋小食仲有蒸越南粉卷，皮薄餡靚，因為下午茶時間到，仲額外加送一碟，超正，好耐無食過咁正既越南粉卷仲有串燒豬肉，味道都岩哂我地兩個口味，一人一串，朋友都話好夠越南風味另外再加多碟蒜蓉炒芥蘭，仲有其他當造時菜不過我哋揀咗芥蘭，芥蘭好入味，有啲蝦乾一齊炒，更加入味，上菜時聞到好香蒜味同蝦乾味飲品我叫左椰青水，係原隻上，仲有新鮮椰肉食，清清甜甜最鐘意飲椰青水，我見其他食客都有叫，朋友飲西洋菜蜜呢一餐食得好relax，同朋友傾計坐耐左，店員都無催促，而且環境好岩二人傾計，餐廳好靜，坐得好舒服，就算人流多都唔會感覺焗促，上菜又快，叫完好快即到， 店員仲好有禮貌喺埋單時都會講聲多謝曬，聽到真係幾開心，所以再去大角咀都會再幫襯越旺美食

今日與同事到大角咀買貨，順便食埋飯才回家。中匯街這間越南餐廳，菜式及價格平民及多款式，所似選擇了這間越旺美食。餐廳的座位間隔非常闊落。menu也很多選擇。香草牛仔骨，煎得非常香，且牛味好香濃，跟配一個黃色的的芥辣醬，少少辣，好惹味！越式炒河裏面有芽菜、青紅椒、蟹柳粒、蛋碎 ……等，河粉煙韌軟腍，炒得夠鑊氣香口。馬拉盞炒通菜，其實食一個炒菜，經已知道廚師的功架，馬拉盞炒通菜爽脆也是非常夠鑊氣，味道比平時食的 多了一點甜味，甜得來很好惹味！至於飲品，要了熱阿華田及椰汁綠豆冰。下次經過會再食，真心感覺抵食又好味！

今晚約朋友食飯，就朋友附近找了一間越南餐廳越旺美食。餐廳座位間隔寬敞，裝修企理新潮，間隔寬敞。Menu圖文並茂，可於qrcode點餐。越式酸辣鳳爪，顏色少少橙紅，入口爽脆少少辣，帶酸甜及惹味，可能見慣泰式鳳爪沙律，所以感覺多一些沙律菜更好！豉椒炒蟶子， 廚師用了頗多的豆豉及蒜蓉，所以味道特別香，而且蟶子肉質爽甜。避風塘金蒜炒飯，炒飯粒粒分明，面上有經炸過的蒜粒，內有雞絲、蝦仁、午餐肉粒、蛋碎……等， 炒飯夠鑊氣香口，口感豐富。杏仁霜口感幼滑香甜，現在天氣凍冰冰，飲返個熱辣辣的杏仁霜很舒服。

睇到Y小篇介紹，又睇吓openrice 見到零負評 決定試吓佢啦點知奶哂嘢首先入去係完全冇招呼等左陣叫人嚟先比QR code你落單叫咗越南餐廳最穩陣嘅香茅豬扒湯檬下午茶試吓咩料先個香茅豬扒冇香茅味,死實實，柴柴地….飲啖清湯… 嘩完全係味精咸湯正常我平時食開果啲越南牛骨清湯差天共地檬粉都唔係正宗嘅, 香港常見透明果隻檬粉嚟仲有好多九層塔，同青檸芽菜一早係碗內，辣椒粒🌶️自己問佢拎另一碗牛丸都唔係咁得，為飽肚食咗佢春卷另加$20/3條係比較正常嘅，好炸下，入面係粉絲肉碎，另跟生菜3片比你包住食最後仲唔知係咩原因 每人送兩件粉卷，就係蒸腸粉咁，上面蔥油加乾蔥，入面餡係同春卷一樣嘅仲有果杯珍多冰…加$14 完全唔掂，唔係椰奶嚟嫁..難飲到冇飲喇🥲唔會再嚟食喇

去到門口見到兩個小朋友坐喺度 原來係餐廳小幫手嚟 由佢地帶位好乖巧叫咗二人餐總共 230春卷 咖哩雞 （印度）佢有得俾你揀印度同越式咁樣細分法應該有啲料到有期待 點知少失望料煮得唔溶 都無印度咖哩香料嘅味薄餅馬拉棧炒時菜 當造芥蘭好味

又係夜晚十點之後搵嘢食，有時唔係話因為做嘢做得夜，只不過因為下晝食咗下午茶，真係未肚餓，所以有時拖下拖下就會拖到成十點鐘，但係而家啲舖頭真係收得好早，好多舖頭十點已經閂曬門落曬閘，連美食天堂大角咀都係咁，今日喺大角咀搵到呢一間十點之後都仲開緊嘅餐廳，呢一間係一間越式餐廳，搬咗大舖但位置冇咁當眼，佢有好多廣東菜，加入少少越式嘅煮法，所以都幾特別幾好味，首先我哋嗌咗一個豉椒炒聖子，講真好耐冇食過炒蟶子，去到間間都話冇晒，終於呢間有啦，加咗少少越式蒜片落去炒，味道幾挾幾好味，之後嗌咗雜菜炒蝦球，賣相都做得好靚，雜菜都一啲都唔馬虎，蝦球亦都幾爽好，主食就嗌咗個黑椒牛柳粒炒飯，炒飯都好乾身粒粒分明，牛柳粒味道就濃咗少少，整體都唔錯。

今日收工唔返屋企食飯，決定行遠啲去大角嘴搵野食，俾餐廳光猛嘅鋪面吸引到，睇落乾淨闊落，一入門口職員就好熱情招待，坐定定就揀野食晚市二人套餐（Set B)$210🥟🥗🥘套餐包越式小食，炒時菜同一個咖喱煲，蒸粉卷包到有啲似粉果🥟食材好豐富，仲有蔥油同乾蒜增加味道同口感而炒時菜就揀左馬拉盞炒通菜，味道唔錯帶少少辣味🔥，通菜好爽口主菜咖哩煲當然要揀牛腩啦🐃，揀左香料味重啲嘅印度咖哩 🇮🇳，而且有得選擇0辣度🌶️，雖然唔辣，但香料味十足相當惹味撈飯一流，而且牛腩好軟荏，好易咬開😬兩個人食完全足夠，同埋雖然套餐限制左菜式，但計落平過散叫，食物質素份量又唔錯，值得一試👍