越旺美食

今日放假訓到一點鐘起身好肚餓同老公出大角咀搵食見到呢間光猛坐位寬敞決定試下主食叫左個餐廳推薦既馬來奶油蝦$110嘩～好大碟驟眼睇有8隻隻隻都好大隻蝦殼好脆口蝦身開邊方便食奶油味香底有粉絲蝦頭有膏蝦實肉彈牙馬來濃湯蝦麵$78麵要左摻摻小辣如果食得辣可以揀中辣以上湯好香蝦味3隻大蝦同奶油蝦一樣咁大隻兩種口味既蝦都好有驚喜配料仲有豆卜吸晒d湯汁、魚片、腩肉等另外有個醬比你蘸眼或撈埋落去食碗麵好大碗細食人士建議share食咖喱羊腩$78配千層薄餅羊腩唔蘇，薄餅鬆脆牛油味香，蘸咖哩汁／奶油蝦汁／濃湯一樣咁正，如果唔係叫左好多野想再加一塊小食：越式酸辣鳳爪$48酸酸甜甜好開胃，仲有青瓜紅蘿蔔絲越南小食式拼盤$98生菜包春卷解膩，春卷好好食脆口得嚟唔熱氣除左春卷仲有兩隻雞翼、3串串燒、蝦餅、札肉叫左半份越式蒸粉卷$24熱辣辣好食，店員係我地食左兩件後，再拎4件上嚟話叫午餐會送，連忙多謝兼表示食唔落唔好嘥😆湯試左細冬蔭功湯$68點知……勁大兜我以為係一碗🤣好大鑊麵都即刻唔敢食入面再有3～4隻中size既蝦大中size我地今餐都食勻中型肉質都唔錯一樣都係鮮甜無泰式既咁酸辣比較切合港人口味最後飲品：我試左越南咖啡$38少甜少冰飲落幾順喉，香濃唔錯係倒落冰杯比較狼狽😆老公前後飲左椰汁綠豆冰$30，話梅冰$30兩個人食到好飽飽咁番屋企店員熱情推介食物，親切有禮，會主動幫忙換碟，好有人情味～下次再會嚟…查看更多

📍 越旺美食 Yuet Wong Restaurant🌍大角咀中匯街37-39號地舖G/F, 37-39 Chung Wui Street, Tai Kok Tsui📝整體評分：9／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝▸ 馬來奶油蝦 ◂＄１１０✿ 隻隻蝦咁大隻，仲要咁多條，邊到搵呀!✿ 炸到蝦勁香脆，連殼都食埋，愈嚼愈香。▸香草香仔骨 ◂＄75✿ 牛仔骨肉味重，份量超多，有成10件左右，真心勁好食又勁抵食！▸ 香茅豬扒河 ◂ $52✿ 豬扒好有肉汁，仲好入到香茅味✿ 湯底清清爽爽，係香葉稍微重左。▸印度咖喱牛腩 ◂$62✿ 超多香料磨碎哂加埋煮到軟爛嘅洋蔥，撈飯好正✿ 牛腩勁多，好軟嫩…查看更多

大角咀變變吓，可以講越嚟越變得喺平民嘅美食天堂，尤其喺埃華街、大全街、中匯街，可以講喺食街嚟，當中有唔少更喺卧虎藏龍嘅小店。早前有街坊食友試過呢間「越旺美食」，強力推薦，話性價比高，所以，今晚就同多年老友嚟試試，大家都喺鍾意飲飲食食，人大咗，搵食嘅閱歷就會越嚟越多。從鋪面已經可以清楚睇到餐廳內籠，第一印象喺整潔光猛，再踏進餐廳，原來都幾大，除咗正面嘅用餐區，入少少靠左仲有一大片用餐區，坐滿嘅話都幾墟冚。而裝修方面，就比較簡約，唔會話太多越南呀、泰國呀嘅裝飾，都只喺牆上掛啲食物相。不過，無論挨牆嘅，獨立嘅，啲梳化櫈都頗為舒服好坐。全場有一張大圓枱，基本上喺坐8個人，逼少少可以坐到9個，啱晒一家族人嚟食飯，圓枱點都方便傾偈好多。餐廳採用二維碼落單，當然你叫阿姐幫手都喺無任歡迎。打開餐牌睇睇，選擇非常之多，一起手就係啲升級加配，跟住就有越式湯粉檬、越式飯類、炒飯炒河、秘製咖喱、超多款越南小食、海鮮類、煲仔類、蔬菜類以及各式飲品……等等。此外，仲有幾款晚市2人餐（$220-$280）、3人餐（$380-$410），計落當然比散點划算好多。雖然三人餐夠豐富，不過佢哋又想試個招牌奶油蝦，所以就揀咗個二人餐（B餐, $230）搭過招牌奶油蝦，夠晒三個人食，仲無加一服務費添，讚呀！順帶一提，講講招呼，雖然有啲阿姐好似有少少生手，但服務殷勤，態度有禮搭夠，好似一坐低，就主動俾杯熱水消毒吓筷子，醒目！越式蒸粉卷（二人餐）蒸粉卷一客有4件，做得的的骰骰，灑上炸蒜片、蔥油，外皮真喺唔錯，既薄且滑，薄到透出裡面嘅餡料，而內裡塞滿木耳絲、甘筍絲、粉絲，沾啲魚露感覺就更清爽。 馬拉盞炒通菜（二人餐）除咗通菜，仲有多款時菜可以揀，如芥蘭、菜心，不過，配馬拉盞都喺通菜夾啲。馬拉盞即喺馬拉蝦醬，鹹香惹味，加上通菜鮮嫩爽口，令馬拉盞嘅風味盡顯！ 越式咖喱羊腩煲（二人餐）+$20咖喱煲可以揀印度咖喱或越南咖喱，辣度亦有選擇（1到5級），而肉類可以揀牛腩、雞肉或羊肉，難得老友都食羊，我哋就當然加錢揀羊肉啦！唔喺講笑，非常大煲，份量勁足，當然，下面都墊有少少薯仔、三色椒、蕃茄同生菜。我哋就試咗越式咖喱，唔似印式咁重香料味，相反加咗椰奶，比較香滑，微微辣；啲羊肉好正，肉質鬆化，帶陣陣羊羶香，鍾意食羊嘅人一定啱口味。最貼心喺下面有火酒糕熱住，食到尾都仲喺熱焫焫嘛！馬來奶油蝦 $110作為招牌菜之一，梗喺好想試吓啦，一客份量唔少，足8隻大大隻鮮蝦，擺得整齊，而且，鎅晒背方使便食之餘，更入味。精髓當然喺個馬拉風味嘅奶油汁啦，奶油汁口感頗為厚身，味道濃郁，而蝦肉爽口鮮甜，絕對喺新鮮貨色，墊底仲有少少粉絲，掛滿汁，好食。薄餅 +$8套餐配有白飯，但當然加少少錢轉一客薄餅啦，啲薄餅好有油酥香，口感一流，無論沾上咖喱，抑或奶油，都好好食。三色冰 +$15轉特飲有半價優惠，事先已上網睇過人家嘅食評，介紹到呢一款「三色冰」，賣相靚，已經好想試。大大杯椰奶，杯底有開邊綠豆、紅豆，再加開邊綠豆，如果晌杯邊再倒少少椰糖綠，相信賣相更正。椰奶好香滑，啲豆豆軟腍清甜。龍眼冰 +$15老友就揀咗龍眼冰，其實，呢款特飲我都鍾意。睇色澤都覺得唔錯，老友就話個糖水底清甜，好潤；而裡面有唔少龍眼肉，呈深啡，就知唔喺罐頭貨，入口龍眼獨特嘅味道特別濃，甜味自然。都話有唔少臥虎藏龍啦，果然呢間都好唔錯，幾款食物都做得好食，加上份量足，價錢又相宜，地方大，又坐得舒服，值得再撐嘅小店。…查看更多

是晚到了大角咀和親戚們食晚飯，佢地帶我去到樓下的越旺美食。胡亂點了幾個小菜，想不到味道著實有驚喜！豉椒炒蟶子份量頗多，蟶子肥美而且無沙，食落好爽脆又鮮甜。馬來奶油蝦有7隻大蝦，蝦已經預先炸過，所以多了份香口。奶油的奶感很重，好creamy，再加入了金不換等香料，很有馬來風味！越式豬頸肉肥美又爽脆，一定要點秘製的酸辣汁，好開胃！馬拉盞炒通菜菜嫩醬香，平常的配搭，但食唔厭的味道。咖喱牛腩配薄餅牛腩份量很多，炆得好嫩腍。咖喱汁好濃郁，點煙韌香口的薄餅，已經好好食！喇沙海鮮河好足料的一碗喇沙，椰奶味好香，鮮蝦、螄蚶、魷魚、豆卜、蝦米、魚片頭，加上兩溝的摻摻，吸盡喇沙精華！珍多冰椰汁綠豆冰飲品亦都好足料，重點是甜度不太甜。我哋就係驚太甜，所以要了少甜，所以味道偏淡。原來正常甜度，就剛剛好！這是一間街坊食店，好多都係街坊食客，價錢唔貴，味道有質素，仲有好多實惠晚市套餐，難怪親戚們一星期嚟幾次。…查看更多

走進越旺美食，味蕾嘅派對即刻展開啦！首先，香茅牛肉炒金邊粉啲香茅香氣撲鼻，越嚼越有味，牛肉嫩得滑唔溜手，實在過癮到不得了。而越式炒飯真係有學問啊，每粒飯係炒得恰到好處，扎肉和雞肉夠味，一啖心頭好👌。不愧是招牌，豉椒炒蟶子炒得火候恰到好處，蟶子爽口彈牙，嗜辣嘅食客一定心心眼🌶️！越南小食式拼盤就好似越南風味嘅迷你盛宴，尤其係越南炸春卷，香脆得來不膩口，夠晒滿足👍。渴咗嗑完呢堆小食，鹹檸檬梳打同話梅梳打解渴又提神，尤其喺炎熱嘅天氣入面，實在係清心咁解渴。今次試越旺美食，真係每一味都過口乾淨，下次再嚟必定要試埋其他嘅美味！話咁快就食完，咁滿足，食得真係夠晒開心啦！…查看更多

越旺美食（大角嘴店）是一家值得推薦的餐廳，提供了多種美味的菜品和飲品選擇。馬來奶油蝦 ($110)這道菜以新鮮的蝦仁和馬來風味的奶油醬料為特色。蝦肉鮮嫩，搭配奶油醬的濃郁口感，味道非常美味。份量也相當豐盛，適合與朋友分享。越南炸春卷（6件） ($51)這裡的越南炸春卷非常脆皮可口，內餡豐富。每一口都能品味到裡面的新鮮蔬菜和香料的結合，搭配沾醬更加美味。份量適中，作為開胃菜或配菜都很適合。香草牛仔骨 ($75)這道菜以香草調味的牛仔骨烤至香嫩多汁。牛仔骨的肉質鮮美，香草的香氣使其更加特別。這道菜非常適合肉食愛好者。越式咖喱豬頸肉薄餅 ($69)這款薄餅以越式咖喱豬頸肉為主要配料，口感豐富，配料豐富。薄餅餅底酥脆，咖喱豬頸肉的香辣風味與其他配料的搭配非常美味。叻沙雞絲扎肉河 ($78)這道菜以叻沙湯底搭配雞絲和扎肉河，味道鮮美。湯底酸辣開胃，雞絲和扎肉河增加了飽足感。這道菜給人留下深刻的印象。蒜蓉焗青口 ($75)這道菜以蒜蓉調味的青口烤至鮮嫩。青口的鮮甜口感和蒜蓉的香氣相襯，非常美味。這是一道適合海鮮愛好者的佳餚。🌟 飲品加配優惠價$15杯泰式三色冰有椰奶、紅豆和綠糯米。綠糯米給予這道甜點獨特的口感和嚼勁，椰奶提供了濃郁的奶香味，而紅豆則增添了甜味和口感的層次。必試！龍眼冰有大量甜美多汁嘅龍眼肉。非常清爽，並提供了龍眼獨特的天然甜味，唔會死甜。餐廳的環境充滿著溫馨和舒適的氛圍。內部裝潢精美，使用了木質和溫暖的色調，營造出富有著現代感又不失溫暖的氛圍。餐廳的燈光柔和，營造出輕鬆愉快的用餐環境。桌椅整齊舒適，讓用餐的客人感到放鬆舒適。…查看更多

馬拉奶油蝦呢個菜以新鮮蝦肉同馬拉風味嘅奶油醬料為主打。蝦肉鮮嫩，同奶油醬嘅濃郁口感結合得好好，味道好好食。份量都幾豐富，啱哂同朋友一齊分享。越南炸春卷（6件）呢度嘅越南炸春卷好脆好好食，入面嘅餡料好豐富。每一口都可以品嚐到新鮮蔬菜同香料嘅結合，再配埋沾醬更加美味。份量適中，作為開胃菜或者配菜都好啱。香草牛仔骨呢個菜以香草調味嘅牛仔骨烤至香嫩多汁。牛仔骨嘅肉質鮮美，香草嘅香氣令佢更加特別。呢個菜好適合肉食愛好者。越式咖喱豬頸肉薄餅呢款薄餅以越式咖喱豬頸肉為主要配料，口感豐富，配料結合得好好。薄餅餅底酥脆，咖喱豬頸肉嘅香辣風味同其他配料一齊食好好味。叻沙雞絲扎肉河呢個菜以叻沙湯底同雞絲同扎肉河組成，味道鮮美。湯底酸辣開胃，雞絲同扎肉河令呢道菜更加飽足。呢個菜令人留下深刻印象。蒜蓉焗青口呢道菜以蒜蓉調味嘅青口烤至鮮嫩。青口嘅鮮甜口感同蒜蓉嘅香氣搭配得好好，好好食。係一道適合海鮮愛好者嘅佳餚。🌟 飲品加配優惠價$15杯泰式三色冰有椰奶、紅豆同綠糯米。綠糯米嘅口感好特別，椰奶有濃郁嘅奶香味，紅豆令味道更加層次分明。一定要試試！龍眼冰有好多甜美多汁嘅龍眼肉。清爽之餘又有龍眼獨特嘅天然甜味，唔會太甜。餐廳的環境非常溫馨舒適。內部的裝潢設計精美，以木質和溫暖的色調為主，營造出現代又溫馨的氛圍。柔和的燈光使得整個用餐環境輕鬆愉快，讓客人感到放鬆。桌椅整齊有序，提供舒適的座位給用餐的客人。…查看更多

大角咀經常被人遺忘的地區，但係區內經常都會發掘到新驚喜！今次，愛玩團隊🧑‍🤝‍🧑🧑‍🤝‍🧑周末入去走走，試了一家越式的小餐廳，菜式款類超多，而套餐份量都很足夠，包括︰1. 越式蝦餅🦐越式蝦餅散發著濃郁的東南亞風味，每一口都是清爽而豐富的滋味。外皮酥脆，內裡包裹著鮮嫩的蝦仁碎，融合了香料和草本香氣。2. 馬拉盞炒通菜🫛偏鹹的馬拉盞炒通菜，亦帶來香辣的風味，加上通菜鮮嫩爽口，完美吸附了馬拉盞的風味呀！3. 炆牛腩🐮炆牛腩肉質鮮嫩，入口即化。濃郁湯汁完全滲入牛腩肉中，搭配的蔬菜入味鮮嫩，極富層次的口感味道呀。3. 金蒜炒飯🍚（加錢配太陽蛋）金蒜炒飯搭配有幾片的臘腸片，散發著迷人的蒜香之餘，亦帶有臘腸片的香氣，飯粒香糯，非常獨特的風味。越旺美食 （大角咀店）📍地址： 香港大角咀中匯街37-39號…查看更多

今次我地去大角咀搵d平民d既野食，呢區一般都比較平，泰國野呢排食得多，越南野我都鐘意食，類型差唔多，咁就揀左呢間餐廳啦呢間餐廳格局感覺似冰室類，坐位ok，店員都好態度，話比我地知雖然可以QR code落單，但都可以搵佢地落單，佢地有3款晚市2人晚餐，種類各有不同，我地就揀左要B餐晚市2人套餐B（$230）春卷小食有春卷同蒸粉卷揀，我就揀左春卷，新鮮炸起有成6件咁多，加d撈檬汁食更加有越式風味蒜蓉炒菜心第2個選項既菜可以揀馬拉盞或者蒜蓉炒，而菜類係QR code落單既話可以揀唔同蔬菜，我地就揀左蒜蓉炒菜心，d菜炒得幾有鑊氣，同埋好翠綠新鮮，唔會炒到黃曬同唔會太淋太油膩越式咖哩牛腩煲咖哩佢地有細分為印度同越式咖哩，印度咖哩就係香料比較多d，聞都聞得出果種印度香料，我揀既越式咖哩就係用椰漿整既，好有椰香味，而且佢份量係超大裡面有曬薯仔，同少量唔同牛既部位，個煲下面仲有個火爐燒住保持溫度，呢下抵讚簿餅（$8）跟餐白飯每個可以加$8轉成簿餅，一份簿餅都好大件，點咖哩食真係一流飲品跟餐仲有兩杯熱飲送，或者加錢轉凍飲或特飲香茅牛肉河（$52）我地諗住白飯轉左簿餅會唔夠飽就叫多碗湯河，佢既肉香茅味好正，有燒肉嫩滑口感，如果唔想食生牛肉既，呢個係好選擇呢間餐廳2人餐其實已經好夠食同抵食，我眼闊肚窄先叫多左個河，諗住簿餅唔夠飯咁飽，但原來碟碟都咁大，食埋河粉先$300，飽到捧住個肚走，食物質素都唔錯，係一間性價比高既餐廳…查看更多

小店位於大角咀，主打多款正宗特色越南菜，湯河、凍檬、炒粉飯、秘製咖喱，樣樣有齊，地理位置較偏僻，但平日晚上都好多客人，勝在價錢親民化而且份量都合理，值得到訪支持😛咖喱牛腩煲賣相一流，以小鍋上，咖喱可以選擇要印/越式，辣度為一至五級，十分貼心，唔怕唔啱食，咖喱濃郁，配上脆脆嘅薄餅同白飯都好夾，牛腩煮至淋身，唔嚡口，仲有薯仔、三色椒等配菜，性價比高！主食有香茅雞翼炒河，河粉軟硬度適中，乾身，食落唔油膩，感覺都唔錯，雞翼大大隻，估唔到有成四件，外皮酥脆可口，咬落嫩滑多汁！小食有馬拉盏炒芥蘭，入味，香濃，爽口、春捲同樣出色，六小件，餡料唔少，正！…查看更多

今晚行行下太子但又諗唔到食想食咩行行下就行咗去大角咀記得以前食過一間越南咖哩幾好食同平於是一於去食個dinner我地今晚order咗越式咖哩豬扒配印度薄餅咖哩可以揀0至5嘅辣度咖哩汁好濃而且配上薄餅真係好好味其實叫個飯真係只係撈汁都好好食另外我地再叫咗越式炒河雖然味道幾好但餸仲多過麵另外再叫咗越式春卷小食…查看更多

跟朋友之前因事去了大角咀, 順便選了間餐廳吃晚飯, 意外地不錯。店面很大, 光線很足, 坐得很舒服~吃了個越南小菜拼盤, 可以看到有串燒, 春卷, 蝦餅及扎肉, 都是越南有名的小菜, 春卷炸得很香口, 香脆, 所以要趁熱辣辣時吃哦。然後烤肉汁很足, 很惹味~ 蝦餅的話上搭上配料吃既香口又不會很膩。扎肉的話口感不錯, 也挺香濃。另叫了炒聖子, 海鮮也不錯這間, 畢竟這裡可點的海鮮菜不少, 這個味道夠香濃, 聖子也很鮮很彈口, 口感很爽。奶油蝦, 湯汁都滲進蝦裡, 很少吃這種, 這種配飯一流, 好吃!咖哩雞翼配薄餅, 薄餅很鬆軟, 又香麥味, 咖哩既有椰香味又挺香辣, 雞翼炸得很香脆, 也是配飯一流!另叫了飲料~ 真的很不錯這店, 價錢又地道~大可放心來…查看更多

餐廳叫"越旺"，不過發現其實都唔係淨係得越南菜，我諗較準確應該叫主打東南亞菜。不過以呢個街坊店格局黎講，邊個地方菜式唔緊要啦，最緊要係好食❣️😋兼且好抵食❣️👍🦐馬來奶油蝦$110奶油蝦係馬來西亞名菜之一，喺香港想食都真係唔易搵到！一份既份量都唔算少，啲蝦都大隻。最正係個汁！真係超級好味！奶油汁香滑，帶香葉、蒜片、炸蒜、椰汁香，個底原來仲有粉絲，掛汁，可以撈埋啲汁食，絕對係正到爆炸❣️推介！👍🥘咖哩牛腩 $63印度洋蔥咖哩香濃香辣，越式椰汁咖哩就細滑帶椰香。咖喱牛腩入面有牛筋同牛腩，份量一啲都唔少，薄餅都大塊帶椰汁香！點埋咖喱食，yummyyyyy❣️😋🍜香茅豬扒河$52湯河可以轉河粉/麵/米線/米粉等等都可以湯底好清新！又有香茅味，又有青檸味，唔咸，勁開胃！🥤話梅冰話梅冰鹹鹹酸酸甜甜,開胃，爽呀！呢間好抵食，道道菜落足心思、落足料，食飯唔使成日得中西日泰選擇！黎呢度食下東南亞菜都好不錯❤️👍…查看更多

跟朋友之前因事去了大角咀, 順便選了間餐廳吃晚飯, 意外地不錯。店面很大, 光線很足, 坐得很舒服。吃了個越南小菜拼盤, 可以看到有串燒, 春卷, 蝦餅及扎肉, 都是越南有名的小菜, 春卷炸得很香口, 香脆, 所以要趁熱辣辣時吃哦。然後烤肉汁很足, 很惹味~ 蝦餅的話上搭上配料吃既香口又不會很膩。扎肉的話口感不錯, 也挺香濃。 另叫了炒聖子, 海鮮也不錯這間, 畢竟這裡可點的海鮮菜不少, 這個味道夠香濃, 聖子也很鮮很彈口, 口感很爽。奶油蝦, 湯汁都滲進蝦裡, 很少吃這種, 這種配飯一流, 好吃!咖哩雞翼配薄餅, 薄餅很鬆軟, 又香麥味, 咖哩既有椰香味又挺香辣, 雞翼炸得很香脆, 也是配飯一流!另叫了飲料~ 真的很不錯這店, 價錢又地道~大可放心來…查看更多

餐廳環境闊落乾净，十分舒服。越式豬頸肉豬頸肉配以葱花炸蒜片，唔會太乾身，亦唔會好油腻。無平時泰式甘脆口，但肉質十分入味有口感，別具風味。越式串燒（2 串雞2串牛)串燒方面叫左雞同牛，上碟已經淋左花生醬，大大串，啖啖肉，十分惹味。馬拉濃湯蝦麵（小辣、金邊粉）極力推介呢款馬拉濃湯蝦麵，超級濃郁嘅蝦湯，有兩隻大蝦，幾塊肥瘦平均嘅腩肉，幾片魚片頭，配有芽菜豆卜通菜，十分豐富人味。加理秘製「精華」醬，真係一試難忘。秘製咖喱牛脷(越式）配薄餅秘製咖喱方面有印度同越式可以揀，問左店員，印度係洋葱口味，越式係椰香口味，仲可以自選辣度，非常貼心。我地揀左越式咖喱牛脷，配薄餅。香濃椰香嘅咖喱，十分惹味。牛脷厚肉軟身，而且份量唔少。仲有少量薯仔，配埋薄餅點咖喱一齊食，絕配。飲品-椰青椰青好大個，清甜可口，十分解渴。整體性價比極高，食物質素十分唔錯。值得一提嘅係難得係大角咀區開到接近夜晚 12 點嘅餐廳，最後落單時間為 11:15，無論日頭、晚餐、定係宵夜時間，都係一個唔錯嘅選擇。…查看更多