越式阿肥美食 (已結業)

香茅豬扒湯檬豬扒即叫即煎,好香的香茅,不過肉質仍有些少鞋及乾魚露夠濃,拌檬一流檬份量不多,不過廿元都不用,真係全城至抵

阿肥真係好好食XD雞翼,炸豬排係至愛!! 新鮮, 香口, 唔膩同埋係飯/粉上面既同香芧..太正la~!加佢d秘製酸汁(係面有d辣椒仔果d)落凍檬度簡直一流!!!!!!不過有時午時唔開!! 太有性格la佢,,好似唔憂做咁=.=係慈雲山讀書, 最有幸既係知道e間小店既存在!!

推介:香茅雞翼同香茅豬排可以一試香茅雞翼豬排飯,一次試哂兩樣......雞翼同豬排都好夠味!食完就會明白......

依道既牛油雞翼令我一試難忘,我覺得佢比清庭重好味!佢既咖哩煲都好正,冬天食就一流~~同埋真係好平,2個人食埋單都唔洗100~~正~

中學時代時時都會係阿肥度飯午飯,今次有我同女友去阿肥度食飯,只係叫了一碟飯,但已經足夠兩個人食得飽飽啦, 碟飯真係無得頂~水準提高左, 如果換個更好的環境作業,將會係食客既喜訊~服務態度很好, 笑面迎人~

呢度門面不什光鮮，只可以放得幾張枱，坐係樓梯邊好怕會碌左落去！不過由細食到大，而且亦係慈雲山區唯一既越式餐館，所以間中都會去食下。食客通常都會叫撈檬，今次我揀左食三寶飯。三寶即是香茅豬扒，雞翼同扎肉，配葱蒜同豉油汁，豬扒新鮮炸，香而唔靱，雞翼扎肉冇乜特別。啲餸係稍鹹左啲，但啲飯可以中和返，唔會有乾硬既感覺！簡簡單單一餐就係咁啦，仲包埋野飲添！

因為屋企住附近既關係，所以就成日黎呢度食野，我最鍾意食雞肉"勞"濛，加沙嗲汁，真係GD呀!!同埋幾抵食呀!

同老婆行完鑽石山，到食飯時間，老婆話未去過慈雲山，不如行上去. 於是我地一步一步行到了. 聽講阿肥好味. 雖然天氣好熱,都照頂. 1) 牛肉湯河- 牛肉香, 但也不算得上驚喜. 2) 雞翼湯河- 雞翼其實很普通, 河粉一般. 係唔係因為太熱所以覺得D野好一般呢?點解我都唔覺得咁好味既?

在open rice見人們介紹這間的東西味道不錯...所以今日去了試...不過...吃后...發現味道只是一般...所謂的牛油chicken wing 也油了一點...青檸冰好甜...而且一點也不冰...總括而言...只此一次...

大熱天時，同老老又鳳凰村貢到呢度搵食，我地都算神心。揀呢間無冷氣的，又無餐\叫的(散叫是不平的)，都是因為看過之前的食評，有期望。老老叫了豬扒雞翼飯，水準還可，但豉油味唔夠又唔香。失望。我叫的更差，雞絲檬，好多雞皮>_< !!!而且好超勁鹹呀，好唔得呀。勁落甜酸醋都無用。服務又唔好，講野大大聲，又眼厲厲。咁o既價錢，食隔離的10蚊粉麵好過啦。

上星期工作需要黎開樂富之前專登黎食但未開門心有不甘所以就算要專登轉一程巴士都仍然想黎試下外賣左沙嗲豬扒撈檬豬扒約有一片食唔到鬆肉粉味但唔韌不過個人覺得同小巴黎質素差唔多而且檬粉份量太少女仔食都係剛剛飽但公平d講句佢既招牌沙嗲汁係抵讚有花生粒又夠野味不過如果好似我咁專登黎就不必喇本身豬扒檬賣$16但加沙嗲汁加1蚊外賣再加1蚊

見咁多人比comment，於是同bf去試叫左蔗蝦...唔得...唔好食香芧豬扒飯...普通(可能加咖哩汁會好d)，我都係覺得小巴黎o既好食好多牛油雞亦勁! 牛油味濃! 炸到卜卜脆! 不過食2隻就已經滯~埋單$68 (仲有凍O水+ coke)都好抵

住o係慈雲山但係咁多年都冇乜去呢間食,前排有一日突然落左去幫襯佢叫左香茅豬扒湯河,同埋牛油雞翼!好好味!d香茅好有味道,,不過食完都幾口臭=]湯河,軟硬度適中,,牛油雞翼,唔駛講,,好好味!不過都真係幾肥下,,不過伙計服務態度就麻麻啦,,而家伙計之間經常有口角,,-_-"anyway!值得推介..

住左慈雲山10年,好少o係毓華里果邊食飯尋晚男友仔送我番黎,不過又未食飯,於是就走黎食dinner喇~本來打算去三記食,不過多人多到嚇左我一跳,都唔知佢對面間老人院d老人點訓得著...好鬼嘈行到依度都好多人,不過又o岩o岩有,就黎依度食叫左香茅豬扒乾朦, 雞絲金邊粉, 牛油雞翼, 青檸梳打~叫雞絲金邊粉果陣,阿姐問左我地個問題, 我同男友都聽到佢問斬唔斬...當我地r晒頭果陣,佢先講慢d, 問雞絲炸唔炸~~哈哈~我地之後都奇怪...雞絲都撕左...無理由仲要斬傢嘛~~哈哈~我地揀左唔炸~因為唔想食得太多熱氣野~阿姐好攪笑, 可能好忙卦,成日將隔離叫d野過黎,我地就乘機睇下其他野黎個賣相~!哈哈~有人食香茅豬扒飯,有兩大塊扒,飯又好鬼多,d汁就黎流出黎~好鬼勁呀!!!到我地d野黎喇~男友個雞絲金邊粉就普通d, 所以我分左d豬扒俾佢食,佢話好好味,所以我點可以刻薄佢,所以都分左一大半俾佢食,我當減肥啦~哈哈個牛油雞翼一碟4隻炸到熱辣辣, 咬開好香牛油味,不過無肥淋淋o既感覺, d肉好鬼滑~正呀!!青檸梳打一大杯青檸,跟一罐冰凍梳打水~味道o岩o岩好,正呀間野好好生意,我見有好多人黎叫外賣添

檸粉好正,$15only ,抵食,我最鐘意食佢個香豬扒飯,第二度食唔到呢隻味只係$23 ,但份量一d都唔少,一定飽,可惜冇冷氣... ...