越味皇 (已結業)

前日同朋友去路德圍附近搵午餐食，見到呢間越味皇，就突然好想食越南菜。午餐餐牌有兩邊，一邊係飯，另一邊就係檬粉嗰啲，我朋友叫咗個雞翼撈檬，份量都唔少，雞翼有四件，撈檬嘅湯水都好夠味道，落左成半樽，差啲變左湯檬而叫午餐可以另外加錢嗌啲小食，我哋好為食，乜都想試所以呢啲選擇啱晒我地，我哋先加咗一個牛肉串同埋一客酸辣鳳爪，串牛肉望落黑黑地以為燒得有啲燶，但原來實際食落又唔係咁！燒得啱啱好，配合佢提供嘅沙嗲汁絕對無得輸而個酸辣鳳爪，一上菜已經覺得個色澤好靚，食完就真係知道應該有花時間去醃製，好入味，啲味道唔係得表面有我就order左個餐廳推薦嘅招牌炒飯，雖然味道淡左啲啲，但除左兩隻蝦之外，入面啲料都好足架，都算物有所值嘅！最後嗌左多個越式炸蝦餅，蝦味濃，新鮮炸出黎，點少少酸辣醬，正！飲品方面就嗌左珍多冰同埋益力多沙冰，珍多冰比較淡，但都唔算差。整體黎講呢間餐廳唔差，價格都唔算昂貴，嗌左咁多都係二百幾蚊，服務好上菜亦快！

越味皇系荃灣區.位置系荃灣路德圍12號地舖, 唔算難搵生牛肉湯粉 $68湯底濃鬱, 份量很多, 兩個女生SHARE一碗就最完美隨湯粉會附上青檸及辣椒, 按自己的喜好加入牛肉粉, 更加惹味牛油果軟殼蟹米卷 $62牛油果與軟殼蟹永遠是PREFECT MATCH, 趁新鮮熱辣點上酸汁來吃非常滋味, 酸酸地胃口大開蒜蓉牛油雞翼 $45咬下肉汁爆出, 整隻雞冀也充滿牛油和香蒜味, 雖然邪惡但食完先算了~~越南燒魚 $88嫩滑的魚肉沾上酸汁, 令人吃不停口!燒魚最好趁熱吃, 不然攤凍了會腥椰汁綠豆冰 $14 (跟餐)椰汁與綠豆蓉的比例剛好, 而且不會太甜

那日我朋友帶我嚟呢間食越南菜，唔係咩貴價菜，好平民的，價錢合理，水準中上，忍住寫下食評讚下。間店細細，裝修都幾䚍，頭頂有D西貢尖帽，好有越南風。講到食物，香茅豬扒飯D豬扒幾入味，好有香茅味，唔乾，D蔥油做得唔錯，撈飯一流。越式牛肉湯河，個湯好甜好重香草味，一定係牛骨煲先咁鮮甜，先喝湯頭，再食半熟牛肉，好食，牛肉好嫩有牛味，湯粉又滑。越式春卷個皮好脆，入面有紅籮蔔， 木耳，肉碎，好清新，加D酸辣汁食，好食，個軟殼蟹牛油果米紙卷，入口清新，食落有層次，入面有米粉都幾飽肚，我鍾意加D魚露食，惹味D。酸辣鳳爪汁醬好吃，夠酸又辣又香，鳳爪又爽，飲埋冰凍椰青，呢餐90分，重要係唔貴，食得過。

越味王不嬲都好食，以前食過下午茶，晚餐還是第一次試。年卅晚好多店都提早過年，這裡近花巿，人頭湧湧，都冇加一, 平民佳音呀！平日晚餐$62有沙律，麵/飯，飲品.飲品仲係特飲款式。飲番杯鹹檸七啦！麵好大碗，飲品都好大杯，連沙律都好大份，有4-5隻無骨鳳爪同菜，另一個無骨雞肉沙律都好正，但留意兩種沙律都係辣，惹味。Facebook讚好是會有甜品的，是椰汁黑糯米，三小碗讚好就有，又一次讚好，好到寫個讚評先! 原來有成300幾個好，繼續努力!

充斥住異味風情既裝修 猶如帶到我去到當地一樣 一入到餐廳就已經聞到陣陣既BBQ香味 香味四溢令人垂涎三尺 於時乎就order咗好多唔同種類既野食首先黎左個雞肉串同牛肉串燒 一咬落去已經感受到個肉質都幾鮮嫩 加上濃郁既肉汁 令人齒頰留香因為唔想單一試一種菜式 所以就試咗五花八門既小食拼盤 包括有炸蝦、蟹箝、豬頸肉、燒雞翼 配上甜甜酸酸既醬汁 絕對令人胃口大開 其中蟹箝我覺得喺最值得推介 以炸物黎講炸得都相當均勻 由金黃色既色澤就可以睇得岀喺時間方面做得都相對地好 並唔會有岀現炸濃嘅情況岀現 呢點值得一讚除此之外 炸軟殼蟹米紙卷都相當讚 呢個食法相當新穎 小編都喺因爲覺得個名幾特別就嗌咗呢個炸物 整個配搭喺以新鮮既蔬菜配料夾住軟殼蟹 無咁膩口之餘仲帶點fresh 呢個驚喜真喺令我加分喺飲料方面就選擇咗同炸物prefect match 既椰青 飲落去都相當fresh 感受到有小清新嘅感覺而無假甜嘅味道 飲完一大個椰青仲可以品嚐到清香可口既椰肉 單單呢點已經賺翻回票價

喺荃灣食越南菜，呢間平平哋，又易搵。入到去向上望，就見到好多越南帽，都好有越南特色，鋪頭裝修，充滿越南風味。越式椒鹽炸軟殼蟹 $72有成兩隻軟殼蟹，軟殼蟹嘅特色係肉多甜美、全身柔軟，炸完外脆內軟，油酥嘅感覺。一面又唔會好乾，保持濕潤。特色生菜包 $38越式生菜包既味道有唔同嘅香料，聞落已經好香，加埋生菜🥬，唔會覺得好油膩，特色仲有一個係加埋蝦片，脆卜卜。香蒜牛油焗青口 $68一上碟已經聞到牛油同蒜蓉嘅香味，梗係要趁熱食啦。越式串燒 $88有兩種肉，有雞肉同牛肉。雞肉燒完仲保持左個肉汁，入面仲係軟林林。仲可以點啲醬，充滿呢個越式風味。呢個牛肉串燒，加埋啲香料，覺得小小似牛肉乾嘅味道。蒜蓉炒芥蘭 $58呢個係一時時先有㗎，本身想嗌其他菜食。個職員好nice話，今日有新鮮芥蘭食喎，可以試下。聽到我心郁郁，見到價錢一樣，就梗係食當季菜啦。

今日難得同老婆拍住拖去荃灣行街街，行到肚餓路經德圍搵食祭五臟廟，門口已聞到香噴噴烤魚味，一於入去試下。我們被安排就坐卡位，抬頭盡是越南斗笠海，配合柔和的燈光相當有情調。越南蝦多士（$48）餐前小食一定要叫越南蝦多士，兩片法國麵包上面釀入厚厚的蝦膠，再炸至金黃鬆脆，一啖咬落去真係滋味無窮！越式烤魚（$88）呢條越式烤魚真係風味獨特，公人明火正接烤熟，配合埋秘制檸檬汁，鮮味攞滿分！蜆港蒜蓉牛油焗青口（$68）半打新鮮青口，用蒜蓉牛油黎焗，聞到已經令人口水直流。趁熱食想唔好味都難！越南串燒（$88）分別有烤雞同烤牛肉各三串，加上秘制醬汁的明爐串燒，盡顯越南特色。串串新鮮熱辣辣香噴噴，一串接一串停唔到口。特式飲品食完咁多香口野，緊係唔少得飲個椰青清清熱氣！呢度大大個椰青都只係$30，清甜解渴！而我就揀左滋補養顏的龍眼冰，都係$28蚊咋！

凍冰冰去到荃灣，見到間越南野好似好好食咁本來諗住食碗湯粉，見到佢竟然有火鍋食，天氣咁凍梗係烚吓烚吓啦。佢有一人份同二人份，睇餐牌個圖二人份好似吸引好多最後揀咗越式牛肉鍋個鍋嚟到真係有好多嘢，包括油加咗錢嘅美國牛肉，仲有熟嘅牛坑腩片，金錢剪片，牛孖根，牛丸，生菜同埋蘿蔔。其實好似一份超級大份嘅越式牛肉粉。之後再加左龍蝦丸同埋扎肉，鍾意佢啲牛展牛腩全部都係熟嘅桌一桌就食得唔使等一輪全部都已經好林，凍冰冰嘅天氣都係食火鍋好佢跟餐仲有河粉或者檬粉可以揀今餐有兩杯普通飲品餸如果揀夜青仲有得平$10

同男朋友黎食越南菜，貪越味皇選擇夠多，基本上想食咩越南野都有 ！影左其中兩頁ｍｅｎｕ俾大家參考下，真係睇到花多眼亂XD越式柚子鮮蝦沙律＄６８我其實好怕柚子既甘味，覺得好苦，但男朋友想食就照叫啦！原來溝左越式醬汁食係好好多，酸酸甜甜咁，都幾開胃，如果可以俾多少少蝦就好啦哈哈越式椒鹽軟殼蟹＄７２依個都係男朋友話想食既，我只食左一小舊，因為本人唔好軟殼蟹男朋友話都幾好食，仲要食到有蟹膏好正～越味皇牛油蒜蓉雞翼＄４５四隻用得自己店名黎做個食物名，一定有返咁上下信心啦～所以依個牛油蒜蓉雞翼真係幾好食隻隻都大大隻，有好香既牛油同蒜蓉味，炸到熱辣辣好脆身，真係好邪惡！越式燒魚＄８８燒魚亦都係依度既推薦菜式，用燒既形式烹調，帶有少少焦香味（我覺得燒野係有少少焦香脆身先好食，但唔係全燶呀！）而魚肉不腥啖啖肉，點埋醬汁食好正，係我全晚最鍾意既菜式，我地勁快清哂～越式燒雞肉串燒＄４８三串雞串亦都整得唔錯，唔會好多肥膏，燒得岩岩好，配埋花生沙嗲汁，好香口！青檸梳打＄２６每次食越南野都要飲既青檸梳打～

屋企魚缸越嚟越少魚， 想過年前增添成員， 諗起以前喺荃灣曾經買過魚， 咁就去荃灣食飯及買魚喇。 好耐冇嚟過路德圍食嘢啦， 以前喺附近返工，成日喺呢頭食lunch， 同以前一樣咁多間餐廳，花多眼亂，路過依家越南餐廳， 望下餐牌， 價錢平民，裝修又廷幾光猛同特別， 入去試下新嘢啦， 我們叫了五款食物加兩本飲品都係平民價埋單。越味皇蒜蓉牛油雞翼$45 :皮脆肉嫩，簡直無敵。咖哩牛腩煲$78: 咖哩非常惹味， 而且牛腩炆得很冧， 還可以配飯或蒜蓉包， 我們配了蒜蓉包，蒜蓉包焗得很香脆。越式燒牛肉三文治$62: 法包焗得很香脆，牛肉很嫩滑。越式柚子鮮蝦沙律$68: 鮮蝦很爽很新鮮， 醬汁調味適中， 酸辣程度剛好。越味皇炸春卷$42: 春卷內有木耳絲、冬菇絲， 配備生菜，包著食， 在點酸辣汁， 非常美味。越式滴漏咖啡$28: 第一次飲越式咖啡嘅我， 覺得非常香濃， 一試愛上。咸檸檬吉水: 好好飲。

呢間位於荃灣既餐廳，又平又好食，仲有好多選擇呀！(◕ܫ◕) 蕃茄蟹膏湯檬粉 $68 (｡◕∀◕｡) 蕃茄味好香同濃烈，味道濃厚，酸酸甜甜所以好惹味ε٩(๑> ₃ <)۶з～蟹膏份量幾多，仲有啲肉碎，爽口既扎肉同肉丸，檬粉幼滑，不錯！！炸蝦餅 $56 蝦餅爽口彈牙，外表微脆，而蝦味都好濃郁！！：Ｐ呢個價錢算好抵食了！越式燒魚 $88 燒魚好好食，必叫！(⁰▿⁰)燒魚用左香茅、檸檬等配料，燒到好香同岩岩好，魚肉保留到肉汁，又多份香料味，配埋魚露，特別開胃，燒魚亦都冇咩油膩感(๑´ㅂ`๑)～ .牛油果軟殼蟹米紙卷 $62 米紙煙煙靭靭，軟殼蟹香脆熱辣辣，同牛油果好夾，點埋酸汁好食，但如果軟殼蟹份量再多點就更好！！ヽ(・×・´)ゞ大蝦柚子沙律，大蝦彈牙，而且沙律非常清新！ 牛油果沙冰 $32 牛油果好足料，打得好似奶昔咁，口感好creamy～～餐牌 越味皇地址：荃灣路德圍12號地舖

路德圍不嬲都多嘢食，今次比我同朋友搵到呢間性價比高嘅越南菜😍😍😍餐牌上有好多嘅選擇，我哋叫咗好多嘢食一齊分享😋😋軟殼蟹米紙卷新鮮爽脆，入面包住軟殼蟹、米粉、牛油果同生菜，本身係冇乜味，所以要定一啲酸酸甜甜嘅醬汁，米紙卷口覺非常豐富，不過如果軟殼蟹嘅份量平均一點同埋多番少少會更加好😊😝我覺得呢條燒魚絕對有驚喜，入面用咗香料腌制，所以帶左少少嘅香料味， 10分清新，魚皮燒到小小脆，魚肉好滑，非常之驚喜！炸蝦餅金黃，而且好彈口，大蝦柚子沙律就非常清新，有勁多嘅生田柚粒同埋蔬菜配料，係開胃之選😋😋😋蟹膏番茄湯麵，番茄味道好濃烈，蟹膏份量適中，仲有扎肉等等嘅配料，同朋友都食得好滋味💛💛我覺得呢間餐廳嘅味道幾好，下次再嚟荃灣可以再食☺️☺️

同老婆去完越南之後幾個月，都想搵間越南餐廳食返次回味下。今日我地出開荃灣，行到路德圍搵食既時候見到呢間越南鋪，見野食都唔錯所以就入去了。天花滿掛越南特色既竹笠。龍眼冰，甜得黎幾清，一啲都唔漏，最後連龍眼肉食埋成杯清哂。牛油果沙冰，好香濃既牛油果味，仲有少量果肉增加沙冰既口感。而且本身牛油果係無甜味，所以餐廳加上適量既蘋果一齊整，令到成杯都好fresh！香燒迷你庶蝦，其實都唔迷你，好大舊蝦膠拎去炸，好彈牙有咬口。牛油蒜蓉雞翼，面有一層薄薄既炸粉包住非常香脆，再加上蒜蓉喺面調味，外脆內軟，好邪惡呀！牛油果軟殼蟹米紙卷，軟殼蟹包住再隔左陣先食都仲係好脆，加上牛油果同米粉一齊一啲都唔覺熱氣。越式串燒，雞串燒完唔乾，牛串好嫩滑，而且加左啲香矛令到牛肉更加好味，沙爹醬香得黎一啲都唔辣。越式燒雞，雞好嫩滑，調味唔會太濃，只是稍為油了點。香蒜牛油焗青口，超香牛油味，蒜味唔算大，青口唔韌幾厚肉。火車頭湯河，牛骨湯底好濃好甜，而且牛丸好彈牙好有牛肉味！

近排愛吃越南菜，連鎖店的越南菜欠特色而且價錢昂貴。而今次朋友帶我到荃灣路德圍的越味皇，價錢合理而且好多選擇仲好好味最喜愛點小食的我揀了幾款必食之選河內蒸粉卷有四件，每件都大大件，入口熱騰騰，餡料濃郁，有口感，粉皮不會太厚，合度好處越味皇牛油蒜容雞翼金黃色的外表，入口脆卜卜，帶有濃香的蒜容味，必吃之選，回味無窮越式炸蝦多士經常吃蝦多士，但越式的就係第一次。脹卜卜的厚多士，睇見就想吃。用了法包做多士，口感更好，更香脆，配上特製醬汁，帶點辣味頂級手切牛柳碎湯河牛柳切碎，新鮮有口感，比平常的生牛肉更有口感。

唔係第一次光顧“越味皇”，上次同同事午餐光顧也回味此店美食。今次 3人行，大家分別點了“生牛肉蕃茄蟹膏湯檬”、2份“咖哩牛腩飯”，3杯飲品“椰汁紅豆冰”、“青檸梳打”、“椰青”蟹膏湯底無得輸，濃濃蟹膏蕃茄味，食完唔頸喝味精唔重，生牛肉有3薄片尚算林淋滑，檬粉幼滑，美味之選朋友咖哩牛腩飯亦保持水準，牛腩依然炆得淋滑，入口即溶有肉汁，咖哩唔太辣配飯一流。3杯飲品不過不失，我都係比較喜歡之前飲的薏米水……