越味屋

营业中

休息中

越味屋 📍：香港元朗裕榮徑11號好旺洋樓地下10號舖🚗：朗屏地鐵D出口 步行10分鐘📞：+852 6466-2829💲：~HKD50/head for lunchFood quality✔️：豬頸肉法包👌🏼：香燒腩肉撈檬、熱柚子蜜、西洋菜蜜 總結：🤔一間越式小店但款式多到嚇死人🤯法包好食但撈檬普通🤔香燒腩肉撈檬份量足夠 香燒腩肉畀足三串 大份不過腩肉有點鞋 撈檬配嘅碌冧唔夠酸唔夠辣唔夠甜 冇咗嗰靈魂碌冧顯得平庸🙊🤔熱柚子蜜同西洋菜蜜就普通😋法包🥖好食 脆口足料 橫切面都靚仔 好食😨衛生有改善空間 啲筷子🥢每對都癡立立 搞唔掂 仲要有烏蠅飛嚟飛去

味道正宗，越南人主理，小店用心經營，雖然人手較少，但還是非常體貼客人嘅需要，值得支持。早餐食了生牛肉湯河，多士新鮮鬆軟，港式奶茶一般，可能下次要試吓越式咖啡，會再次光臨

以前做外賣店嗰陣都幾好食，都成日幫襯，因為幾有越南風味，法包係非常出色。自從轉左入鋪，食過幾次，但好可惜係越嚟越差。最後一次幫襯嗌咗雜錦湯河，食過好多次貪佢咩餸都有，而當中一直都係有正常雞絲，呢次好特別，竟然求其比舊燒味嘅油雞我，係真係燒味舖嘅豉油雞，咁我問聲樓面點解雞絲會變咗油雞，你哋餐廳冇油雞㗎喎，佢話來貨轉左係咁。我當中咗伏算，呢間舖頭應該出咗啲問題。事後有喺西裕街紅葉見到該樓面番工。另外轉咗入舖黎超多蚊滋烏蠅一直冇改善。好可惜睇住一間鍾意食嘅鋪頭變化，其實都幾灰。自從呢次我放棄咗呢間越南餐廳。建議大家想食嘅話，最好嗌外賣，落定單先，如果唔係門口會等到你俾嘢咬腳痕。

叫了凍檸茶，豬頸肉煎蛋飯。好味，配豉油蔥油撈飯好好味。凍檸茶普通，茶底清。煎蛋有少少燶邊，配合豉油好正。Open rice 外賣八折，好抵食。味道方面好好及飽肚好有滿足感。外賣取餐時間適中，不用等太久。抵食，價錢方面抵👍

越味屋的牛肉法飽非常好吃，值得一試。麵包的外皮烘烤得恰到好處，外脆內軟，帶來絕佳的口感。而內餡的牛肉則選用上等食材，鮮嫩多汁，每一口都能感受到牛肉的鮮美。配上爽脆的蔬菜，使整個法飽不僅口感豐富，還多了一份清爽。醬料則是點睛之筆，少少酸辣的香濃醬料恰到好處地提升了整體風味，讓人一試難忘。這款牛肉法飽確實是越味屋的必試之選之一。餐廳的服務也非常周到，客人可以在到達前5分鐘先打電話去預訂，這樣就能避免等待的時間，去到即拿走，非常方便。這一點特別適合那些忙碌又講求效率的食客。總體來說，越味屋的牛肉法飽在食材、口感和服務上都表現得非常出色。這裏的牛肉法飽不僅滿足了味蕾的需求，更是一種美食享受。每次咬下一口，都能感受到不同層次的味道，是一次難忘的美食體驗。強烈推薦給所有喜愛越南美食的朋友們，絕對不容錯過！