越南Fûhn (已結業)

第二間Fûhn Express終於係啟業村開咗啦，express主打平價越南菜，價格非常親民，全日套餐$4x蚊就有交易，店員都好親切，會主動拎多張櫈比我地放袋香茅豬扒飯($45)大大碟勁抵食，豬排好鬆軟，而且醃得好入味，配埋蒽花豉油好惹味呀生牛肉金邊粉($40)牛骨湯好濃郁，生牛肉上菜嗰陣只係輕輕灼熟到五成熟，口感嫩滑，脂肪均勻，金邊粉爽口彈牙小食試咗幾樣都好唔錯，自家製蝦餅($58)果然係招牌菜，見到咁多蝦肉就知足料，質感好厚實，口感非常彈牙蒜蓉牛油雞翼($36)牛油味都幾香濃，半煎炸嘅雞翼脆口得嚟又唔會成口油，蒜蓉份量可以再加多少少越式春卷炸得酥脆唔油膩，內餡仲加咗芋絲，口感好豐富呀飲品有好多選擇，連滴漏咖啡都有，不過天氣咁熱都係想飲下冰凍嘢，白桃沙冰(+$15)入口好幼滑綿密，味道清甜

九龍灣啟業市場係新派冷氣街市+餐飲小舖，有好多野食😬 「Fûhn Express」係越店小店，主要食湯粉、撈檬、飯，亦都有越式飲品提供。老闆好親民，價錢相當貼地，分量好大方，性價比高，最重要係味道唔錯啊🥳。金邊火車頭($68)••••••湯粉類嘅皇牌火車頭金邊粉🤩材料好豐富，有生牛肉、牛腩、牛丸、牛栢葉。湯頭濃帶點鮮甜😋，唔會死咸，都唔覺有味精，食完唔口渴。金邊粉幼身，滑溜掛湯能力高☺️好正。牛肉即肥牛，唔會好肥，又唔韌👍🏻。牛腩用上牛坑腩，非常軟腍，驚喜係好有牛味喎！🤤牛丸正常，私心希望牛栢葉切得大件啲，口感更好。香茅豬扒撈檬($45)••••••豬扒好巨型😍炸得好香脆！檬粉汁帶酸辣，夏天食一流😚配菜仲有酸紅白蘿蔔、青瓜、葱油，好味！自家製蝦餅($58)••••••未見咁足料嘅蝦餅🤪一粒粒超明顯嘅蝦肉，有相為證😂新鮮熱辣炸起，上枱好香口。小食拼盤••••••老闆主動建議人少，可以做個小食拼盤😍緊係好啦！樣樣都食到，有雞翼、春卷、扎肉、同類似豬面青口感嘅肉，俾左兩個醬汁，一個泰式辣醬，一個係招牌咖哩，咖哩有驚喜喎！好香微辣，好味到小編連豬扒都點咖哩汁🤭。

Fuhn 終於開到黎九東區，仲要落戶平民屋邨啟業邨，身在唔起眼的地方，卻依然係銅鑼灣高質素的湯底與加拿大越南湯粉，而且平時午餐 只需四十蚊起就有交易，超抵食又高質。越式公司飯60一嚟到就知勁澎湃 ，即叫即炸豬扒，豬扒唔太多肥肉，而且醃得好味。手指公 size的春卷炸得香脆， 扎肉亦都畀得好多，即叫即炸的雞翼，香噴噴， 外脆內juicy。撈飯的豉油經過精密調校，鹹中帶甜，性價比超高！金邊火車頭 （生牛肉牛腩牛丸牛柏葉）68另一碗檬粉叫咗 火車頭， 一嚟到又係知道 冇叫錯。 牛肉牛丸牛柏葉 同牛腩都畀得多，食肉獸一定喜歡。牛腩炆得鬆軟， 而且一睇就知 部位揀得靚。 生牛肉雖然唔係安格斯， 但係一食落去都知道勁嫩勁有牛味， 牛丸亦都彈牙可口。 最重要係湯飲落去 足料有牛骨味， 唔會感覺係 味精湯，勁高質素。扎肉米紙卷35see through的米紙卷包滿條條扎肉，還有大量檬粉、生菜和紅蘿蔔絲，食落清爽快感，勁開胃，而且配埋自家醬，點一點，超好食。另外師傅仲比左佢地的咖哩汁同黑椒汁試味, 想講咖哩超濃超足料, 唔會水汪汪, 有齊越式咖喱的色香味, 如果我撈飯都可以食足兩碟ar~~每一個午餐都會

屋企附近既街坊商場開左一間新既越南餐廳，價錢好抵食，又多左一個新選擇，正！我地點左香茅雞扒粉撈檬，呢個撈檬份量好多，勁抵食，雞扒煎到好香脆，撈檬汁亦都整得好好，撈埋檬粉一齊食勁開胃啊！另外，仲點左越式拼盤飯，呢個飯好豐富，入面有雞翼、扎肉同埋春卷，每樣既份量都好多！另個自家製蝦餅好足料，落左好多蝦肉，勁鮮美，值得一試！飲品方面，牛油果奶昔係大大推介啊，佢既質地好creamy，有香濃既牛油果味，超級正！

有朋友住係啟業呢度附近，間中都會過下黎買野，啟業街市都算多野賣，是日又黎左買餸，順便食個晏晝飯，有番堂食感覺好啲囉。想坐得舒服少少，fuhn好似唔錯，枱大張啲。店內光猛冷氣足，食物有粉有飯幾多選擇。枱上調味品亦乾淨，拎上手無黏立立。點了生牛肉金邊粉同青檸疏打，好耐無食越南野，睇見都流口水。青檸疏打跟餐加$10，價錢合理啦，一般特飲都要收呢個價。大大杯夠哂凍，青檸清新，酸酸的完全不甜，好啱口味，勁鍾意飲酸野。咁熱天氣飲呢杯野真係透心涼，好正呀～生牛河幾大碗喎，附上芽菜香葉隨意添加。湯頭鮮甜濃郁，好味，可以再熱啲更好。金邊粉煙韌有咬口，吸了湯汁食好好味。牛肉份量不少，浸在湯裏一陣就熟了，好滑呢，而且無乜肥膏。猶豫緊要鹹蛋黃薯條好定雞翼好，因為一個人食唔到咁多但又想試哂兩款，店主話不如做個拼盤比你，等可以食多幾樣，哈哈，又好喎，其他分店都有小食拼盤點㗎嘛。先食個鹹蛋黃薯條，唔好睇佢咁深色以為燶呀，係鹹蛋黃色住啲薯條，勁香口，勁香口，勁香口！！濃郁鹹蛋黃味，薯條勁脆，超正呀呀呀呀～再黎有越式春卷，夠香脆，點下個魚露酸汁食更好味。仲有酥炸扎肉，好彈牙喎，滿滿的肉感好正。最後仲有鹹蛋黃雞翼，又係勁

今次去左舊屋嗰頭執野，見到街市開左新餐廳，Fuhn Express 環境乾淨企理，店員都好親切有禮，主動介紹有咩好食。店員介紹我地食火車頭河，裏面有4款配料包括牛腩，牛丸，牛栢葉同肥牛！仲提我地碗麵幾大碗，兩個人可以share 一齊食！餐廳好nice俾左d咖喱汁我哋試，話比我地點牛腩食，多種食法。啲牛腩真係超正，好腍牛肉又香。我哋仲叫左蝦餅同牛油雞翼！蝦餅真係要嗌，佢個蝦餅勁足料有勁多蝦，好彈牙。因為之前去越南時無機會試滴流咖啡，咁岩呢度俾我見到有就一於試下啦！咖啡好香好濃，好岩我口味！遲啲返黎再幫襯下先。

平民價越南粉在7月份已經進駐屋村,嚟到九龍灣啟業村！Fuhn Express 的確快、靚、正，仲要夠平民價!!!我的至愛生牛肉湯檬粉只係$40，仲要係套餐，跟飲品！牛肉又多又冧，大大碗，湯低夠濃牛肉香味，明顯係師傅用心熬製的牛肉湯底，無味精安格斯牛肉飯聽到安格斯，唔好以為一定係貴，都只係$55，耂係套餐跟飲品，安格斯牛肉好濃牛味，配上洋蔥一齊煮，味道更好、更甜！蒜蓉牛油雞翼$36套餐追加2隻雞翼$16牛油味可以更香濃，蒜蓉味有少少蓋過牛油味越式炸春卷套餐追加$8有兩條，都好抵食！即叫即炸，夠晒熱，又脆，入面有啲椰菜蘿蔔絲，好香口！黃金薯條$28♥️推介之選♥️用鹹蛋黃炒炸薯條，每條薯條都沾滿鹹蛋黃，食完好有邪惡感！但好食到唔停得口！越南滴漏凍咖啡$28套餐加$18就飲到正宗越南滴漏咖啡，煉奶份量剛好，唔會太甜，咖啡味唔太苦，好滑口，夏日炎炎下的必飲推介！呢間平民越南粉的環境非常寬敞，乾淨企理，服務夠親切！一定再早啲黎，食返個招牌炸蝦餅同埋咖哩先

嚟到啟業邨，原來都有Fuhn越南嘢食，佢開咗express，價錢大眾化，不容錯過👇🏻🌟生牛肉河 ，牛肉新鮮嫰，湯頭一流，河粉好滑溜🌟安格斯牛肉飯 ，🤩牛味濃郁，真材實料🌟金黃蛋黃雞翼，咸香雞翼脆口夠juicy😋🌟招牌蝦餅 ,超多🦐蝦，好彈口好新鮮🌟所謂街坊生意，老闆另外俾我哋一啲超好味又唔辣嘅咖喱汁送飯🌟正宗越南蒸溜咖啡，睇住佢一滴滴咁完成✅感覺好治癒喔🥰🌟牛油果奶昔，香甜重牛油果味，加上牛奶🥛味道好滑口👍🏻滴漏咖啡制成品