越南西貢 (已結業)

星期五(15日)與男友去尖沙咀的奧運廣場前來citysuper吃晚飯，點了雞翼檬粉（＄３５），包凍柑桔蜜。我倆太愛吃雞翼啦。份量都幾大碗，四隻雞翼，有白紅蘿蔔做配菜，但紅蘿蔔唔靚，有黑點。其實檬粉都無乜味，不過夠林。凍柑桔蜜都有幾多柑桔條，不錯。

叫左個越式小食拚盤套餐; 有庶蝦, 春卷, 雞翼, 凍檬卷同埋好似雞絲粉絲既野再配一杯特飲($53), 其實價錢都唔算貴, 單單庶蝦都值回票價啦..加上味道都唔錯起碼即叫即整夠熱...正

死喇,我唔記得左尋晚係city super食果間野係咪呢個名,但係都係有越式泰式之類食品,應該差唔多卦?見到佢有好多湯檬湯河都大大碗好吸引,但係想食得特別少少,所以叫左個泰式海鮮炒飯,嘩!好多飯呀!睇個碟好似唔大,但係食落份量好多架!分分鐘有兩大碗!味道方面,有少少辣,食下食下有少少頂唔順,好多紅色辣椒混左入飯度,送又多,魷魚都唔少,炒得香而乾身,唔油,手勢幾好!不過呢,面頭隻煎蛋係敗筆之作呀!好細隻,又乾左,硬晒,唔漏黃既…下次要改善下喇!

見好多人邦襯,價錢又幾扺咁所以就試下~牛肉係幾大塊但係就幾un,濛粉都冇乜味..雖然份量唔算少但味道就真係麻麻地..我唸凍濛可能會好d..反而個炒菜就唔錯~$50幾

冇o既, 今日自己一條"冷" 咁去開尖沙咀文化中心拎電影節本章程, 跟手再行下街街. 行到咁上下就想醫下肚, 咁我只係想食o的粉麵咁. 所以見到有越南湯河, 又好似冇其他o個o的賣日本湯麵烏冬o個幾間咁貴, 就叫左碗食下. 結果... well, 我唔覺得碗扎肉湯河好難食, o的扎肉都叫OK, 個湯唔係特別差, 但又唔係好. 只不過-- 呢個係"死罪" -- o的河粉比較碎, 但又仲有部份係未煮散o既喎! 而且成碗野望落真係好"求其", 仲有條芽菜貼左o係碗邊... 喂, 我o係觀塘工業區o的茶餐廳叫廿蚊碗連埋野飲都好樣同好味過佢啦.另一方面, 呢間野o的人好似好唔想do 咁, 全個counter 得我一個人走埋去想叫野, o個度有兩大個小姐企左o係度, 再加有個o係廚房裝左個頭出o黎o既哥哥仔, 都好似冇人見到我咁. 直至企左成半分鐘後, 有另一個小姐由廚房出o黎, o個位小姐先至口黑面黑咁問我想要乜. 係咪家陣經濟好轉, 用廿幾三十蚊咁少錢o係尖沙咀買碗粉都唔好要求講咩笑容同埋服務咁呢?Food court 冇咩環境可言o架啦, 不過值得一題o既係, 呢度人多得o黎唔算嘈! 定係今

星期六晚去食左個炒金邊粉,有少少貨不對版,睇個sample無咁黑無咁油多d芽菜…真實版黑麻麻,幾油,幾重味…一般only!

同個fd係度食food court, 我個fd就慘啦, 佢係呢度叫左個炒金邊粉, 但係好快有得攞, 好明顯係一早煮好左而且係翻叮比人食啦, 最慘係比你個時都係唔熱, 重係涷冰冰, 金邊粉痴埋一舊舊, 個味又勁淡, 係咪唔掂先?

d金邊炒好碎，要用匙斤不好難夾調味淨係得個咸字。豬頸肉又少，三個人食一人一舊都冇左

$18 的蝦仁豬肉卷（圖示）份量縮水四分一，美味依然。調味料自助，乾蔥乾蒜酸辣醬料任選，抵讚！惜，店員態度惡劣，粗聲粗氣，笑容欠奉。

越式蝦仁豬肉卷（$18/份），不俗的清新小食，越式調味自助任取。唯此food court 不算新淨兼頗擠迫。

試過佢0既越式炒金邊粉,係几好食,但就好細碟,加杯野飲就35蚊,我一個女仔都覺唔夠食....(可能我大食啦=)

**首先更正﹐尋日打錯字﹐湯河中的應該係西蘭花﹐唔係椰菜** 為左試真呢間越南西貢的水準﹐今日同朋友再前往一試﹐結論係再一次地失望。首先朋友要了我早幾日食過的牛肉湯河﹐他覺得的確唔似一般越南餐館的生牛河﹐不過還算可以。但我就無興趣再食了。我今日試了一個“香茅咖喱豬肉套餐”$48﹐一碗香茅咖喱﹐一碗白飯﹐及例牌的小食﹐甜品+ 汽水。先打開個咖喱碗﹐見到的香茅咖喱﹐色香皆無﹐而原來所謂咖喱豬肉﹐只係將香茅豬扒切件放入咖喱汁中﹐求其得很。咖喱味道甚差﹐很希淡的咖喱中有好多香茅絲﹐的確有點香茅味但就完全唔似食緊咖喱﹗豬扒切件亦唔好食﹐太“淋”而且亦食出像廉價牛扒一般的“梳打味”﹐連豬扒同咖喱都一樣做得唔好﹐太差了吧。。。。﹖如果10分滿分﹐個咖喱最多只值3分﹗食過牛肉湯河及香茅咖喱後﹐我對呢間越南西貢頗失望。講抵食﹐都還算可以(如果你對味道要求唔高)﹐但講食物水準﹐真係幾差下。同CITYSUPER 美食廣場的平均水準有差距。。仲有個問題﹐我真係唔明點解硬係要放一個非本地人負責落單呢﹖替我落單的﹐係一個似泰國人的女人﹐係識廣東話﹐但好多時都聽唔清我地要咩。請一個識講英文的香港人真係好難咩﹖我覺得

前幾日食LUNCH時﹐見有新越南食店開幕﹐幫襯左個生牛肉湯河套餐﹐包一碗生牛河﹐一碟小食﹐甜品及飲品。小食拼盤一般﹐有串燒有粉絲卷﹐唔難食但又無乜特別。飲品可以選汽水或檸茶﹐而檸茶係用青檸的﹐幾特別。個湯河得唔得﹖我自己就唔中意﹐但又唔敢話唔得﹐因為個問題只係湯河入面太多太多“料”﹐你有無食過生牛河入面有蓮耦﹖紅蘿蔔呢﹖椰菜花呢﹖馬蹄﹖老實講﹐我真係未食過。(或者越南的生牛河真係如此﹖我就唔知了) 個湯底味道還可以﹐但唔算特別出色。佐敦的“河內”一定好過呢度。而D牛肉到我開始食時已經差唔多熟晒﹐呢樣雖然唔係大問題﹐但當然如果可以做到D肉仲有少少粉紅色就最好﹗但最大問題係D河粉質地麻麻地好食﹐淨係講個粉﹐我就可以講一句“唔掂”。其實如果唔係我自己買﹐我真係唔知呢個係越南生牛河。我會懷疑呢個係泰式湯河囉。甜品係一個類似布甸的物體﹐上面有D紅色的糖漿點綴﹐食落似花奶味的布甸﹐但有好似有少少香茅味﹐好怪﹐但又唔算難食﹐最攪笑係個餐只得一隻羹提供﹐我食完個湯河﹐唔通用返同一隻羹食甜品﹖總括黎講﹐以CITY SUPER 的美食廣場水準計﹐呢間越南店係水準係略有不及。但希望遲些會改善吧。我會再試多次