越南老街

营业中

休息中

我今日約同好友去位於筲箕灣南安街93號鯉景大廈地下A號舖的越南老街食越南菜，小店型式經營，坐得舒服。我和好友點左個火車頭湯粉（生牛肉、熟牛肉、牛丸、牛柏葉、牛根） Signature Noodle Soup (Rare Beef, Cooked Beef, Beef Ball, Book Tripe & Beef Tendon) $98 ，汁燒牛肉配扎肉撈檬 Cold Vermicelli Bowl with Grilled Beef $68，另外點左個海鮮柚子沙律 Seafood with Pomelo Salad $128。海鮮柚子沙律賣相不錯 ，有大蝦及魷魚圈，蝦肉結實彈牙，沙律菜豐富及新鮮；？火車頭有齊各款牛肉，一次過食哂，大滿足；汁燒牛肉外脆內嫩好味道，扎肉有煎香👍，好食。

又與住筲箕灣的好朋友吃晚飯。我們當然又到「越南老街」吃越南菜了。今晚我們轉轉口味，不點太多澱粉質，點了一些小食拼盤和海鮮，也能飽餐一頓。串燒拼盤這道拼盤包含了多種串燒，每一種都有其獨特的風味和口感：豬頸肉串：肉質鮮嫩多汁，經過適當的醃製後，帶有微甜的醬香，口感滑順。 牛肉串：牛肉的嚼勁適中，香味濃郁，配搭配著香濃惹味的花生醬特製醬料，讓人一口接一口。雞肉串：雞肉鮮嫩，搭配香料的味道，非常入味。牛舌芯：口感獨特，肉質柔軟，略帶嚼勁卻又惹味彈牙，個人最愛吃這些牛舌芯。魷魚鬚：魷魚鬚彈性十足，帶有海鮮的鮮味，燒烤後香氣四溢。蒜蓉包蒜蓉包外皮酥脆，內部鬆軟，脆卜卜的，蒜香味濃郁，牛油味亦濃，讓人一口接著一口。不油膩，蘸着黃咖喱一起吃，份外美味。黃咖喱海鮮咖喱醬很香濃而微辣。蝦：飽滿的蝦肉，鮮甜多汁，盡吸咖喱的味道。青口：肉質鮮美，吸收了咖喱的香味，口感滑順。魷魚鬚：同樣鮮嫩，與咖喱非常搭配，入口爽口彈牙。這頓越南料理的風味和口感令人滿意，串燒拼盤夠惹味，蒜蓉包夠香脆，黃咖喱海鮮夠香濃。每一道菜都令人吃得很愉快，值得一吃再吃。

天氣咁熱，最啱就係食越南野😍😍今次嚟到筲箕灣呢間越南餐廳 —「越南老街」，餐廳主打性價比高的越南菜～晚市仲有提供多款套餐，都幾抵食！！🍜碳燒豬頸肉配扎肉撈檬 $68✨份量十足！豬頸肉肥美香口🐖，扎肉肉質扎實，配上蘿蔔絲、炸蒜等配料，撈勻後食好開胃😋😋🦐蝦餅(4件) $48✨蝦餅大大塊，裡面加入咗帶子，口感爽彈juicy！蘸泰式辣醬食好惹味🔥🔥🧇臨記格仔餅配芒果藍莓忌廉 $48✨格仔餅即叫即整，外層香脆、內裡鬆軟～面層有芒果、藍莓同忌廉，啖啖果香🥭，味道又幾夾！！🍹青檸梳打 $38✨飲落酸酸甜甜，口感好清爽🍋！夏天解渴之選👍🏻👍🏻

呢間餐廳位於筲箕灣，佢地係越南小店入面主打越南菜，環境光猛闊落，店鋪唔係好大間但都有好多人，我地叫左一碗生牛肉湯河，牛肉嫩滑又juicy，湯底好好味，河粉份量又多，我地叫左一份炸香茅豬扒，香茅豬扒燒至香脆，咬落好香香茅味，咬落仲好惹味，豬扒軟淋唔會好鞋囗，入口岩岩好。我地叫左另外一份脆炸春卷，春卷入面係包左粉絲同木耳絲，咬落外層脆卜卜勁香口，入面既涵料可以再落多d，沾上酸甜醬味道好夾，又唔會勁油膩。

好耐冇食過越南菜，朋友話佢哋屋企附近有間幾好食嘅，推介我去試吓。呢間小店位於後街後邊，餐廳地方唔算好大，但係好整潔，環境舒適。而食物方面選擇都好多，亦都有得點套餐或者單點，而我哋今次就選擇單點。撈檬豬頸肉扎肉豬頸肉燒得好香，而且撈檬嗰個魚露汁，酸酸甜甜十分開胃，扎肉很厚切，而且佢都有輕輕一煎，所以比起平時其他店舖的更加好味。蝦餅有四大塊，蝦肉質彈牙，而且加入咗帶子，食落更加有口。燒汁牛肉紫米卷牛肉燒得好香口，肉味好重，而且配合埋沙律菜，好足料，味道亦都好夾。雞肉串燒雞肉串燒得啱啱好，好嫩滑，而且配合埋佢嘅沙嗲醬，更加有風味。酸梅梳打同鹹檸梳打，兩杯個味道都好解暑。總括嚟講我覺得呢間餐廳嘅食物質素性價比高，而且好有心思。

Finished work in Shau Kei Wan and walked past Old Street Vietnam. A bowl of pho would be the perfect comfort food after a long day so I had no second thoughts and popped in to grab dinner.Snack PlatterA combo from refreshing cold appetizers including pomelo salad and veggie rice roll to hot munchies like beef skewer, chicken skewer and spring roll. The skewers went perfectly with the satay sauce tossed with chopped peanuts, while the spring rolls had a thin crispy rice wrapper loaded with savory

性價比好高嘅越南餐廳，特別係2人套餐，不過就算散叫都抵食！配菜或菜式份量都好足料，調味亦做得幾好～生牛肉湯河用湯嘅溫度熱熟啲牛肉片，所以口感嫩滑。炸豬扒係香茅味，個人幾喜歡，而且自家製撈濛汁唔需要落太多都夠晒味！小食係輕盈一點嘅牛肉紙米卷，皮薄料多～芒果糯米飯係用咗菲律賓芒果，有別於平時食開嘅芒果，係爽口，清甜帶微酸，飯後食都幾Fresh！⋯⋯⋯⋯ 𝕞𝕪 𝕠𝕣𝕕𝕖𝕣 ⋯⋯⋯⋯𖤣 生牛肉湯河（$78）𖤣 豬扒扎肉撈濛（$68）𖤣 燒汁牛肉米紙卷（$98）𖤣 芒果糯米飯（$98）

越南老街 • 筲箕灣呢間餐廳係我見過咁多間越式餐廳之中，比較近似中式小菜館嘅餐廳餐，因為食客除咗喺度食嘢之外，我食飯嘅時候見到有好多熟客同店主有講有笑，關係熟絡，氣氛幾好。😆✅ 汁燒牛肉配扎肉撈檬 🐮 $68上次光顧我都有叫呢一度食物，汁燒牛肉就是燒汁為醬汁，牛肉份量幾多，帶點肥肉，食落好有油香。配上撈檬酸酸甜甜，幾好食😙✅ 火車頭湯粉 🐮 $98上次光顧呢間餐廳我都有食呢個火車頭湯粉，我欣賞佢嘅湯底，香料味豐富，有九層塔增加香味，材料有牛肉、牛丸、牛柏葉、牛筋，材料幾豐富，牛丸爽口彈牙，牛筋淋滑，唔錯👍🏼✅ 蒜蓉牛油香茅雞中翼 🐔雞翼炸至香脆，外皮金黃，上面鋪滿炸蒜蓉，食落隱約有少少香茅味道，唔錯嘅小食選擇。😗

好耐冇去過筲箕灣 呢個區其實都幾多美食😋除咗食低調高手 去東大街之外呢個係個好選擇🥳❣️火車頭湯粉 $98（生牛肉，熟牛肉，牛丸，牛柏葉，牛根）湯頭濃郁帶一點甜😆有濃縮嘅牛肉精華🐄🐄唔鍾意食太生嘅牛 浸完湯啱啱好 冇乜肥肉嘅位置🫶🏻牛丸都幾有牛味 難得有牛柏葉 牛筋呢啲港式啲嘅配料😆交咗青檸同辣椒之後 味道層次更加豐富🍋‍🟩🌶️❣️越南老街小食拼盆 $138（春卷，雞串，牛串，素菜米紙卷，柚子沙律）好抵食 咁樣每樣兩份share啱啱好👅柚子沙律好正 一啲都唔苦澀好清爽🫶🏻米紙卷加上醬汁酸酸辣辣好惹味👍🏻雞同牛嘅串燒都唔會鞋 調味同肉質都唔錯🥰春卷肉餡鹹鹹香香 幾過癮👄❣️馬拉盞炒時菜 $58本身想食通菜 但係得菜心芥蘭都唔錯😆呢度嘅馬拉盞唔辣 好啱一家大細🔥❣️青檸梳打 +$19

之前來過這間位於筲箕灣的越式小店試早餐質素有驚喜 今次晚上來試試越式料理亦很不錯🥢食物款式不算多 但價錢實惠亦有晚市套餐CP值好高✨小食拼盤春卷｜雞串｜牛串｜素米紙卷｜柚子沙律燒雞肉串及牛肉串帶肉汁 沾上香濃花生味的沙嗲醬更好吃😋越南春卷比較重胡椒香味 素米紙卷好爽脆清新🌿配上甜甜的柚子沙律好開胃解膩🥗✨黃咖喱海鮮幾款新鮮海鮮有蝦🦐青口🦑魷魚圈及魷魚鬚 非常彈牙鮮味👍🏻黃咖喱重椰奶的味道🌶️帶點香辣好香濃惹味✨蔥油餅蔥油餅有兩大件熱辣辣🫓口感酥脆帶煙韌😍濃濃蔥香味再蘸上咖哩味道好夾✨鹹檸七一杯冰底加新鮮鹹檸檬及冰凍七喜🥤鹹鹹甜甜非常清涼 好消暑解渴 可以半價優惠加配好抵📍越南老街 (筲箕灣)筲箕灣南安街93號鯉景大廈地下A號鋪

以前係筲箕灣返完教會就會去樓下嘅串燒店食晚飯。如今事過境遷，串燒店已經變成呢間越南老街，今日咁啱經過決定試吓。餐廳位置唔係大街，所以餐廳用盡方法招攬客人，其中一個方法係用投影機投射餐廳logo 落牆身上面，而我正正比呢個方法吸引咗😂- 生牛肉河粉每次食越南菜，我一定會叫生牛肉河粉。餐廳嘅生牛肉顏色粉嫩，肉質軟稔兼牛味豐富。湯底好重牛骨味，河粉吸湯能力出色，每一啖都鮮甜可口，食完不會有口渴感覺👍🏻- 馬拉盞炒菜心苗馬拉盞炒菜都係必叫，菜心苗賣相翠綠，口感爽脆，加咗馬拉盞炒非常惹味。- 青咖喱配香烤豬頸肉越南嘅青咖喱質感好稀，味道唔算太辣。重點係香烤豬頸肉，數量非常多，而且燒得好香口，肉質彈嫩爽口，另外叫咗油餅，油餅煎得完全唔油膩，沾上青咖喱汁一定好食😋飲品方面，我哋我左青檸梳打同鮮奶咖啡，兩杯都水準以上。總括而言，越南老街嘅生牛肉河粉係我食過嘅top 3🫡

筲箕灣南安街今年年初開了間越南菜館，面積雖然不大，但乾淨企理，環境舒服，牆上掛著越南畫作，很有風味。❤️火車頭湯粉真材實料，材料豐富，有生牛肉、熟牛肉、牛丸、牛筋、牛柏葉，勁多芫荽鋪面，青檸，辣椒，香葉另上，按自己喜好加入，生牛肉及熟牛肉都很鮮嫩，牛肉味濃，牛丸彈牙，牛柏葉爽口，牛筋軟淋，炆得好入味，湯底清甜，河粉夠滑身，唔會碎，越南風味十足，有水準。❤️蝦餅有四大件，蝦肉新鮮彈牙而嫩滑，每一口都充滿了蝦的鮮美，加上特製的醬汁，帶來極佳的口感，必食之選。❤️香煎大蝦泰式柚子沙律食完蝦餅，來一個泰式柚子沙律，立即感到一股清涼感席捲而來，柚子片散發出陣陣清甜，沙律中還有各種新鮮沙律菜，配上酸酸甜甜的醬汁及爽口彈牙的大蝦，為整道菜增添了不少口感層次，健康又好味。這裡的越南美食十分正宗，員工服務有禮，絕對不能錯過。

🌃筲箕灣越南菜小店🥰-筲箕灣之友飯聚 同舊同學喺附近catch up一下 搵到呢間喺後街嘅越菜小店😯 環境唔錯 乾淨企理 坐得幾舒服🤭 啲粉都做得唔錯 第日諗唔到食乜 嚟買個外賣都可以😳-🐷豬頸肉扎肉撈檬 $68天時暑熱 第一眼睇menu就揀中撈檬☀️ 魚露撈檬汁口味甜甜酸酸哋 清新開胃🌿 豬頸肉燒到焦香 一上菜已經食指大動🔥 幾欣賞呢度嘅扎肉係厚切 仲會輕輕煎下 肉香味更出😉 -🐮火車頭 $98（生牛肉、熟牛肉、牛丸、牛柏葉、牛筋）我自己食Pho覺得最緊要就係個湯頭🥣 呢間餐廳有俾到驚喜 味道清甜 牛味頗濃 係會想令我飲多兩啖嘅牛肉湯😌 生牛肉滑得嚟肉味好出👍🏻 最開心有我鍾意嘅牛柏葉 正呀💕-🐔小食拼盆 $138（春卷、雞串、牛串、素米紙卷、柚子沙律）有選擇困難症就揀拼盤啦🤭 我鍾意食米紙卷 食完串燒之後食一嚿 清清哋冇乜負擔🥬 朋友就最鍾意雞肉串燒 香口好味✨-📍越南老街筲箕灣南安街93號鯉景大廈地下A號舖-

今日喺筲箕灣打完波,  見到有間越南菜. 啱曬晚餐就去試下啦 !小店餐廳面積不大，坐位大概20 個,  佈置簡單整潔. 火車頭湯粉 $98   好多料好豐富 有生牛肉、熟牛肉、牛丸、牛柏葉、牛根,  芫荽鋪面，湯底好香甜重牛骨味，唔太鹹.  我最後飲曬個湯. 叫左金邊粉好幼滑好食.   牛丸質彈牙，牛柏葉有咬口, 牛筋好入味, 生熟牛肉都好香！食越南野叫小食拼盤是常識吧. 越南老街小食拼盤$138 . 好大份多種類！有越南春捲、雞串、牛串、素菜米紙卷同柚子沙律～全部都好美味，尤其柚子沙律，非常開胃！另外叫左椰青, 靚貨又大個, 多汁好香甜，肉嫩, 解膩！越南老街筲箕灣南安街93號鯉景大廈地下A號舖

有次晚市行過見滿座 即刻book mark咗呢間餐廳今日放假嚟試下下午茶咖啡係撳掣咖啡機☕️越南湯河個湯底唔係好得 得個甜味牛肉係肥牛最正係蒜蓉包 滿滿蒜蓉加牛油🧈下午茶$48抵食😋😋午市或者晚市價錢就要諗諗先