呢間小店位於後街後邊，餐廳地方唔算好大，但係好整潔，環境舒適。
1
而食物方面選擇都好多，亦都有得點套餐或者單點，而我哋今次就選擇單點。
撈檬豬頸肉扎肉
豬頸肉燒得好香，而且撈檬嗰個魚露汁，酸酸甜甜十分開胃，扎肉很厚切，而且佢都有輕輕一煎，所以比起平時其他店舖的更加好味。
蝦餅
有四大塊，蝦肉質彈牙，而且加入咗帶子，食落更加有口。
燒汁牛肉紫米卷
牛肉燒得好香口，肉味好重，而且配合埋沙律菜，好足料，味道亦都好夾。
雞肉串燒
雞肉串燒得啱啱好，好嫩滑，而且配合埋佢嘅沙嗲醬，更加有風味。
酸梅梳打同鹹檸梳打，兩杯個味道都好解暑。
總括嚟講我覺得呢間餐廳嘅食物質素性價比高，而且好有心思。
