越南冰室 (已結業)

今日上去大元試下呢間越南菜，因爲見到裝修吾錯，所以入去試下…而且剛剛上星期試左昌運嗰間越南菜吾錯，所以就諗住上去大元呢一間都試下點知入到去都冇人招呼舉手好耐都冇人理，真係有啲傷心……野食同餐飲都等左好耐先黎到…我諗住同個侍應追下啲菜，點知佢不斷叫我「等」但又吾幫我入去廚房追……等左好耐先知原來單漏左…食物黎到…但係都「等」到吾想食食物好吾好食就見人見智啦:(作為一間食肆服務好重要…所以呢間員工嘅服務態度真係有待改善………查看更多

好耐冇上大元村，上次路過，見呢間越南餐廳格局唔錯，入去食咗燒雞飯，好好味。埋單時查問有甚麼其他拿手小菜？待應話廚師是越南人，對法包好有信心。於是今日目標就是法包，但搵極餐牌都冇，原來是晚餐menu！所以貴小小(連飲品$68)。店內午餐價錢是五六十，希望法包值回票價啦。豬扒是厚切，法包熱辣辣脆卜卜，加上中間的酸紅蘿蔔絲，味道真是越南風味，用枱上提供的醬料點來食，更是好味。老公叫了海南雞飯，好快食哂所以冇影相，佢話雞肉好滑好好味喎。…查看更多

店外的大餐牌上，有蕃茄大頭蝦湯面的大幅相片，標著每天限量發售。而此道菜式也在店內的餐牌封面上，似是招牌菜。不過想下單時，才得知已售罄。不吃大頭蝦，便吃少見的芝心蝦多士。多士非常新鮮，鬆脆可口，夾著溶化了的芝士，是這一餐最好吃、亦是最貴的食物。海南雞飯 雞是冷的，伴菜也是冷的，實在吃不慣。飯黃色鮮艷，看似惹味，實則淡而無味。有幸點的咖哩軟殼蟹選配了蒜蓉包不選飯，多餘的咖喱汁可撈海南雞飯。咖哩汁偏甜，咖哩味不重。軟殼蟹一般。蒜蓉包鬆軟鹹香。原來這裡的麵包比較好吃？餐廳有越、泰兩國菜式，選擇不少。星期六晚飯時間也不滿座，不吵不擠，環境尚算舒適，值得再來試試其他菜式。…查看更多

今日下午一行三人去食午餐，叫完餐後。再叫侍應俾兩杯水（餐具望落好似唔算好乾淨），個侍應望都冇望我地，應左句'轉頭！'過左一陣，佢行左兩個圈，企左左度，咁我問多次啦，佢好唔耐煩應我：'我咪話左等等羅！！' ,我話等左一陣喇，佢發脾氣回' 廚房水未滾丫嘛，滾左咪俾你羅！！'跟住行開左。咁既態度，我地已經冇心機食了。食物質素非常普通，飯又淋，餸又少，奶茶又甜到爆，總之冇樣正常！想受氣又最食物冇要求可以一試！我就一定冇下次！！…查看更多

我仲好記得有一個下午，咁啱同，朋友經開呢一頭佢約我去一間，餐廳嗰度食，噉我問佢會食啲乜嘢啦佢就係越南冰室，噉我就問即係越南野啦咁簡單啦畀個地址你噉我就可以去。但係件事真係好好笑因為呢間餐廳佢唔係地鋪佢係似係閣樓要坐自動扶手電梯上一層。所以就算搵到呢個大元街市，都要搵大源村呢個平臺點樣上去樓上先去到呢間餐廳。門面細細但五臟俱全入到去見到侍應好好，紹容都有歡迎你見到佢哋嘅設計都好得意佢哋嘅吊燈係好似三角形噉樣好有新潮。裝修算係幾乾淨企理地方都還算乾淨，喺街市附近有間咁靚嘅餐廳其實都已經很好了。由於約咗朋友嘅關係，所以一齊食飯時我只係認咗自己嗌咗嘅嘢食，噉我就叫左一個豬頸肉撈檬噉佢包凍檸茶同埋有沙爹醬。檸檬茶就一般啦都係嗰啲味因為好難有啲特別嘅，檸檬茶嘅豬頸肉都算好算大條我都影咗相唔錯囉蒙己好有越南味，沙爹醬應該係自家製，有啲濃口非常嘅美味芳香。最後臨走嘅時候，侍應都好好人同你傾咗幾句偈之後就收現金多謝你功能噉樣囉。如果真係咁啱係開頭嘅想避下暑佢呢間餐廳都唔錯。…查看更多

下午茶時段來到，差不多滿座，兩旁的卡位已坐滿，很多客人落單，又有很多外賣，侍應只有兩個，見她們忙到無停手。很多客人話落錯單，侍應又要忙著改單，結果等了一陣，我們才落到單，不過侍應都好nice，面帶笑容嘅。下午茶餐很抵食，我們點了兩個餐，等了頗為耐(約15分鐘)才送來，見廚房只得三名員工，大概未能應付咁多客人吧！咖哩牛腩飯，是帶甜的一種咖哩，有點像日式咖哩，上面有薄荷葉，牛腩炆得很腍，又入味，飯的份量略為少。越式生牛肉湯河，配著生洋蔥和九層塔，再洒些青檸汁，味道很夾，牛肉份量算多，湯底都okay！熱飲點了熱奶茶和熱咖啡，真的很難飲，淡奶少，味道苦澀，怪不得其他客人多數叫凍飲！會再來試下它的越式法飽和海南雞飯！…查看更多

是旦搵食食左間越南餐廳，應該係開左唔係好耐兩大兩小叫左6樣野食餐廳裝飾得唔錯，有越南既味道個越式蒜蓉牛油雞翼都好有牛油味，5隻$48差唔多啦！個豬扒雞翼撈檬味道幾好食！又唔會凍冰冰！都ok! 呢個越式半生熟牛骨湯河個湯好甜我覺得係最好味既一個！越式咖喱黃金大蝦，個味道一般，蝦亦係一般既蝦，但有成8-9隻！都算誠意搭夠鹽焗鱸魚，即整要20分鐘！肉質都算鮮嫩，但配果個汁就一般，唔酸又唔辣！得個甜味！扣晒分最好笑係有個唔駛著制服既店員，我地食梗魚既，行過黎話魚皮咁好食，做咩唔食! 呢隻焗既魚，又多魚鄰，又硬！係食唔到囉！食蒜蓉包時，又問呢個咁靚係咩黎家？嘩！自己店鋪既出品黎喎！咁都唔知！佢答好多野佢地都冇食過…查看更多

生牛河等30分鐘牛丸都仲未煮透，啖啖雪藏味個湯好咸$52一個河，熱檸茶仲要加$5慢貴難食好食就話有得形容下je，難食就難食，連最基本「熟唔熟」「咸唔咸」都未夠實質，仲話我篇review empty？你覺得我仲有雅興，寫到篇review龍飛鳳舞？…查看更多

路過看到新開，裝修幾靚幾企理，又坐得舒服又有電視，所以決定試下。下午茶價錢跟午市沒差別，朋友點了一碗細牛肉飯加兩條超迷你春卷$45，普通熱飲仍要加$5。朋友點既餐我沒有拍照，但賣相不討好，份量少，味道不合格。我點了午市套餐，雞翼檬粉$45午市感覺重抵食過下午茶，至少份量正常，但味道偏酸味一點，湯底沒有鮮味，跟平時食開既越南粉不太相同；三隻雞翼雖然都唔算細隻，但有雪味同肉質鞋。食完之後大家都表示無下次…查看更多

環境裝修擺設唔錯，幾吸引.點餐👉🏻第一次食試左「越式香茅雙拼河」揀左（雞翼+豬頸肉）另一款「越式牛腩魚蛋飯」是日仲送柑桔檸檬（凍/熱都得）.食物賣相都可以，價錢其實都偏貴.蘿白牛腩都好夠味👍🏼，但牛腩未夠腍😢豬頸肉，好硬，無咩香茅味❌炸雞翼，超油，夾起成碟都見到油❌碗麵湯底，唔濃唔淡，都夠味👍🏼下次可以試其他小食配麵👍🏼飯就唔太好啦❌送杯柑桔檸檬，嘩，第一啖好fresh，好酸😖…查看更多

大埔唔算多越南餐廳，見到街市樓上開咗間新嘅越南餐廳， 喺門口見到有喇沙湯麵， 喺大埔好難見到有喇沙湯麵食 ， 所以入咗去試。 餐廳環境算乾淨叫咗個豬頸肉喇沙湯麵， 濃郁嘅湯底， 好濃嘅花生味， 個湯算係小辣， 幾好味， 應該會再返去食。…查看更多

大元邨街市上面有一間叫越南冰室，見佢冇乜人唔使排隊，即管去試吓啦！入到餐廳裏面已經覺得有少少伏，點解溫度可以咁熱嘅？究竟有冇開冷氣㗎？不過都行到入嚟啦，唯有繼續食啦！我叫咗一個香茅豬扒喇沙湯檬粉餐（$78），套餐包括一杯荔枝特飲和兩隻餃子🥟餃子炸過，味道唔太特別。荔枝特飲就冇乜味道，可能荔枝醬落得太少，如果加多少少，應該會好味啲囉！冰就真係好夠，飲到最後啲冰都仲未溶曬😆香茅豬扒湯喇沙湯檬粉，外表都OK嘅！香茅豬扒都好似幾足料！香茅豬扒味都OK 㗎！不過就唔好浸係啲湯到咁耐，如果唔係就唔夠香口！檬粉都冇林晒，質感都OK！湯底就有待改善，好似少咗少少椰奶味。不過最大問題係，嗰啲菇好似未煮熟，如果煮多少少時間，應該會好味啲！可是我最唔滿意就係餐廳嘅地下，有點粘粘既感覺😰…查看更多

上星期見到呢間新開越南嘢，而我又一向鍾意食越南河粉，間嘢又標榜無味精，星期日lunch 一於去試下。可能大家都諗住試新嘢，大約12點幾去到已坐8成滿。叫左個越式葱牛肉飯同生牛肉牛丸河粉，餐飲加錢要左一杯青檸梳打同咖啡。之前到大中間Pho 食，記得咖啡係杯越式滴餾咖啡，令人回味。嗌餐飲時問過店員咖啡係唔係越式滴餾咖啡，店員答一定係（要加$5），一於成交。新裝修環境唔錯。店員有禮貌嘅，態度唔錯。可能樓面得兩個人，我落單時要求俾個碗仔一陣俾阿女食飯，但樓面轉頭唔記得左，提左次都有攞黎。服務方面都ok。啲食物黎喇，中伏！杯咖啡係G7咖啡粉開的味道，都唔係滴餾咖啡嗰個味，仲要係跟餐加$5個牛肉飯似吉野家的日式牛肉飯，牛肉over cook 好乾，偏甜，暖但唔夠熱。最奇怪係啲炸乾葱同無味的酸蘿蔔絲。不過好快到，而阿女又好肚餓，未影相前已食左半碟飯，牛肉太靭係大人食。個河粉黎喇，牛丸有兩粒，唔差。蘿蔔夠淋，唔差。個河粉叫做有味過個飯。湯底偏甜，無魚露的鮮味，唔夠咸，湯係暖嘅唔夠熱。我見唔夠咸又無魚露味，所以加左啲枱面撈蒙粉嘅汁。跟住個湯好奇怪有香茅碎，食入口每啖都有香茅碎，阿女試左啖之後完全唔肯食。唔知係個湯有香茅碎定係枱面支撈蒙粉汁。唯一可取係杯青檸梳打幾好味，有足一個青檸，好香青檸味阿女唔想再食，唔夠飽，嚷著要走。店員問啲食物好唔好味，我話失望。走嘅時候在門口有位似是做廚的阿嬸問我地好唔好食，我都直言講返晒上面嘅嘢。佢竟然話魚露咪放左在枱面囉、唔夠咸係因為無落味精我地食唔慣。我對味精有心悸手震反應的，一向討厭味精。但呢位廚咁答原來唔欣賞佢地嘅食物係我嘅錯咁...總之一句：無下次…查看更多