越南亞呂 (已結業)

週末不知道吃什麼，在紅磡區路過一家越南亞呂，點了生熟牛肉湯河粉(中)加青檸冰，套餐價錢HK$50。端上來以後份量不錯滿滿的一大碗，湯頭最出彩的地方在於有很濃郁的牛肉味而且加了很多青檸汁，所以很開胃，配上薄荷葉有一種獨特的香氣，可以吃的出來老闆很有誠意在做，不一會兒就全部喝完了。牛肉片很滑嫩，河粉也吸收了滿滿的湯汁，口感很順滑。青檸冰沒有那麼酸澀的口感還不錯，跟河粉很搭。雖然環境較為普通，但一個套餐才$50價格，總的來說很值得試一試啦！

行過幾次 一直聞到好香但又未試過 今晚屋企無煮 我就來買外賣試試 一直都鐘意食越南野 想外賣湯河 但分唔分湯上都好 返到去都唔好食啦 住得離店遠左D 咁叫左份E餐 香茅牛肉配蝦膏炒河 連凍菜蜜 外賣返到去 過左陣先食 打開果下 仲好暖身 好香 食落牛肉碎碎地 咸香幾好味 仲有蝦膏果種咸甘香 食落惹味 炒得都算乾身 好味道 80係貴左少少 但18年老鋪有佢過人之處既 就好似燒味飯外賣30零有一份到同一間外賣都係燒味飯70 80都有 睇你食乜啦 值得一試既 仲叫左份沙爹牛肚比家人試下 我無食 好唔好食就唔知了 啊叔仲送2件椰汁糕我食添 Nice!

在越南玩了1個月, 回港想食返d越南味...點了雞絲湯河(小)加青檸 (少甜), 只可以話碗粉好咸, 政府話要少鹽... 咸過我在越南食過的雞絲湯河...杯青檸無青檸亦無青檸味, 好彩唔係好甜, 適中啦店舖有好多相, 有小儀...結論: 適合重口味的食家...

星期六想出街食，又唔知食咩好就想起之前試過呢間越南亞呂既湯河不錯，所以晚上就決定到呢間餐廳用餐。餐廳環境好懷舊，開放式既廚房配合四張台，地方有點細應該都係老店既特色吧!!呢到既湯河有分大中細碗，每種相差5蚊，如果胃口不大可以按自己情況挑選。我地叫左茄汁牛腩湯河/香茅豬扒湯河及龍脷柳湯河茄汁牛腩湯河:有兩舊好大舊既牛腩，好林同埋好入味，而且肉質唔會老，配合湯河濃郁既湯底真係最佳既配搭。香茅豬扒湯河:豬扒有D老，有香茅提味拎番D分，算不過不失。龍脷柳湯河:雖然龍脷柳好味，但略嫌不夠大塊， 如果可以大塊D就更加好另外我地仲叫左豬肉串燒， 職員話拎走支竹籤令我地方便D 但我地就覺得無左串燒既風味，而且豬肉有D燒得過左火喉，有D老。但呢間店慶祝開業18年好多食物都做左折扣 算係幾抵食。野飲都揀左青檸冰，都幾大杯，酸酸地幾開胃明。最後仲送左椰汁西米糕，幾清甜，一啖啖一個岩岩好。

原本幾個同事諗住一齊去試阿叉咖哩架麻，點知無開門，懶到死 ﹗唯有近近地去對面食亞呂河粉啦 ﹗第二次幫襯，最深刻印象係基督徒老闆娘熱情招待，除左介紹及推介菜式外，仲會分享家庭生活、同老公仔女既故事，都幾搞笑架 ﹗菜式好多，所以好多野都想試。原來同事們一早已經黎過幫襯，估唔到您地都幾肯行架喎。青檸梳打，真係係越南飛黎既梳打水喎，從來未試過，同普通港式茶餐廳差不多啫，不過不失啦。白蘿蔔併生菜，大路野，無咩特別野可以描述，合格。生牛什錦金邊粉全走，上次食河粉，今次試金邊粉啦。唔該青檸指天椒另上，老闆娘依舊回答已經落左青檸架喇，不過我唔多食到青檸味，而指天椒會由老闆娘親自成樽攞出黎幫我落埋 ﹗金邊粉掛湯力勁差囉，好淡口啊 ﹗我印象中其他越式菜館唔係咁架喎，莫非烚得唔夠耐？有牛肉、札肉、牛丸，味道幾好。越南河湯底最重要，靈魂所在 ﹗亞呂既湯底有點質數，雖然未算好香好濃，清淡得黎還可以啦，合格既。

我之前仲以為 lunch 實會排長龍等位，原來無咩人架喎，只有我一個同另外一對老夫婦。雖然行得遠左少少，家庭式餐廳，都坐得舒服。老闆娘非常熱情又健談，佢話都係做街坊同熟客生意，好少食客會係寫字樓、工廠嗰邊行咁遠黎幫襯架。因為每日收工都會經過，先發現依間越南河乍，想黎試好耐架喇 ﹗紅磡好少越南野食，除左亞呂，就只有間老許。好多菜式喎，花多眼亂唔知食咩好，求其試左個越南河餐啦。老闆娘熱情到嚇親我呢 ﹗介紹餐牌、菜式之餘，介紹埋佢老公即老闆阿呂、佢個仔、menu 設計由來、越南華橋、老趙、牆上面既電視報紙訪問、基督、神，好多好多 ﹗真係好熱情，而且服務周到，好有家庭 feel ﹗福音越南餐廳？！辛苦晒。炸龍蝦餅，老闆娘介紹係用虎蝦同龍蝦打成蝦膠架，堅野黎架 ﹗佢仲推介先食原味，跟住就試吓點雞醬同魚露。味道幾好，彈就係好彈、鬆脆又唔係幾鬆脆，不過不失，一試無妨。第一次幫襯，menu 好多野唔知點 order，最後叫左個套餐五十幾蚊，湯粉連小食加飲品。越南生滾牛肉河全走，老闆娘堅持要幫我落金不喚，話香啲喎，好好好，哈哈 ﹗唔該我想要青檸同指天椒呀，老闆娘話已經落左青檸，跟住隊左一大羮指天椒落碗河

是日路過此區, 順道找地方吃一頓, 首次嘗試這店, 聽說是聞名已久的, 果然有點料子兩位老伯伯作主廚, 一位老闆娘作侍應及帶位員, 位位落力介紹, 很親切比較甜而不太酸的青擰冰, 夠解渴 很鬆脆的炸餅, 由龍蝦及蝦打成, 果然是很鬆化, 讚!!非常入味的厚雞扒, 啖啖肉, 大大碗凍檬很爽口不會黏在一團, 很多的香草香料如香茅,金不換等, 十足越式風味, 很難得!食物是不錯, 環境較窄,多數需要撘枱, 唯有快吃快走呢!

春卷: 精華之處就在於點佢既醬汁黎食, 好好味龍蝦餅: 同平食既蝦餅最大分別係佢入面打成膠狀, 外脆內軟, 仲好有蝦味雞絲湯檬: 我叫既係set, 所以比正常細碗d, 但雞絲絕不欺場, 好多, 加埋佢地自家製魚露, 令個湯變得好正咖哩鴨: 份量出乎意料的多, 咖哩惹味

上openrice睇下 有多笑笑的越南菜---亞呂 我都想食好耐 揀左晚飯時段就呢間前來外賣.點知一黎就見到服務態度差的老闆娘望左一望就叫野食 檬粉 + 春卷 ..黑口黑面的老闆娘一句 ~﹡唔係堂食就行出去﹡~其實店內只有一半滿坐，我又無坐係佢既台到，只係站立在邊邊位以為老闆態度差. 原來老闆娘態度都係一樣甘差. 其實都可以好d禮貌對客啫，咁我都冇咁嬲囉!唉~~ 失望~佢地咁既服務態度，相信都幾難會有好口碑再介紹比人食物：春卷只係好港式, 又油, 不過只為充飢就ok, 如果大家有去過越南就知道我有幾失望

這天經過紅磡，不想浪費時間搵食就選了這裏開餐。記得上次一個人吃了一個生熟牛肉湯檬，覺得味道也不錯，湯底很夠味，只是午餐價錢下午茶餐份量覺得有點貴，不過看見牆上貼了很多宣傳介紹，食物好像也不錯，所以今次人多也想試試其它食物如何。我們叫了咖喱鴨、龍蝦餅、越式春卷、生熟牛肉湯檬及香茅豬扒炒金邊粉，都是比較熱門多人叫的。這裏的餐牌有點複雜，我們的智慧是不足以明白老板解釋那些是套餐，那些是散叫，只好聽他說以上叫的有兩個是有飲品跟的，就要了青檸冰算了，不夠再加吧。咖喱鴨的肉質有點實及韌，不像鮮鴨，感覺有點像風乾的臘鴨，奇怪！而且件頭肉少骨多兼一人都無兩舊，剩下的也不好意思跟友人爭，就算咖喱醬汁調製得很香，也不值六十元一客，跟蒜蓉包上還要另外加錢，就更加貴了！生熟牛肉湯檬看樣子跟上次吃的差不多，因食物份量太少不夠分，我也沒有吃。真的感受不到龍蝦的味道，只覺得跟一般蝦餅沒有太大分別，兼且有點油膩，已經叫了大份，都是一人都無兩舊。春卷外面不覺燶，但裏面的餡炸得很燶，像翻炸似的又乾又硬，吃不到裏面是甚麽餡料。肉薄得交關連骨都無，跟豬扒有點距離，香茅味欠奉，不過金邊粉炒得很香口惹味，但是油太多了。 來的青檸

幾年來食了好多食店，不過夜晚要返學，唔得閒寫，而家終於有時間清一清。基本上，這食店都係做街坊生意，想簡單食一餐，要求不高還可以吧!牛肉湯河- 湯底清，有少許味，牛肉老老地，河粉還可以青檸冰- 太甜了春卷-剛剛炸起，十分春脆周圍食肆食到悶，都可以試下這間

上個月食完唔記得店名今日行過都仲係想俾番個劣評佢，費事其他人受騙越南野但碗牛河真係好唔掂牛肉唔記得係得兩片定三片，薄如紙，燈影牛肉？無論賣相、味道都唔得$10都唔值

左上:蝦餅$30OK好食左下:海鮮沙律$45超正但好辣右上:乳鸽$35可以右下:雞翼尖#22都OK經過肚餓,買外賣返屋企食,試过呢幾款都OK,下次再買其他嘢試試^.^

臨近新年holiday mood太強連寫食評也很沒心機，但不寫就要過了年才會動手，拖太久我又不好意思，隨便寫篇頂當吧。某次巧合路經附近看到這間店好像不少介紹，沒多想就走進去了。這裡的環境確實是街坊了一點，甚至連冷氣好像也沒有，不過這附近的店裝修也的確不怎麼樣。看餐牌食物的價錢算是正常價，但以店內環境好像不太值？反正已經坐下了就來個基本的豬扒撈檬，餐飲則選青檸冰。豬扒即叫即煎且熟透(這很重要)，雖然很瘦兼帶韌但可接受，只是香茅味實在不突出，只有某幾口能吃得出來，似是醃料不夠平均所致。檬粉不會忽冷忽熱而是全冷的這點合格，沒有煮麵水這點自然是做到的。問題是豬扒少而檬粉多，實在很難適度分配兩者，還好魚露的味道正常只是撈魚露也吃得過。青檸冰看不到青檸心已涼一截，一飲果然很假，一點也沒有青檸的清新，不過也只能喝下去，味道就是酸酸的，沒有甚麼特別。以這個價錢怎麼也不會找不到水準跟這店差不多的，店內環境又不算太好，要我再來還是有點困難…

 路經亞呂, 叫了特價生熟牛肉湯濛 + 橙冰 $24 豬肉撈濛 + 青檸冰 $35 越式春巻 4 條 $20- 生熟牛肉檬價錢貴了但份量比以前還要少, 可以講兩啖食哂, 但總算湯頭清甜. 但牛肉無味又起渣. 香芧豬肉撈濛看似很多, 其實祗是碟底墊了很多芽菜和生菜, 豬肉淋身亦又帶點點焦香, 不錯.