越北牛肉粉

营业中

休息中

話說如心廣場依家開咗好多食店，呢間越北牛肉粉系連鎖餐廳，今日第一次食，環境都非常唔錯，舒服好坐。中午有lunch set,好抵食，好多越南特色粉，湯粉類可揀河粉/金邊粉/檬粉。搭配豬/牛/雞/蟹，選擇很豐富,而且套餐仲可追加小食，送普通餐飲。侍應的服務態度親切，好耐心介紹野食。———————————————————————「是日餐點」👉🏾 海防蕃茄蟹檬 💰 76HKD 有蟹鉗，蝦丸，扎肉，大大碗好抵食，蕃茄湯底濃郁夠味，雖然蟹鉗不太大，但勝在份量足夠，蝦丸同扎肉質素都不錯，都幾有誠意。👉🏾蜆港炸蝦餅💰30HKD跟餐追加蝦餅，蝦肉彈牙，沾上酸辣醬，香口好味。👉🏾熱檸水💰0HKDlunch set送普通野飲，中規中矩。

今日嚟到如心廣場呢邊見到越北好受歡迎，諗一諗又明，佢性價比真係高，又唔洗加一我今日想食飯所以叫咗個無骨海南雞配油飯$66就咁睇以為唔係好多，點知食落原來好多！都唔係太食得晒仲有個冬瓜湯最驚喜係佢個飯勁好食！個飯有椰漿味勁正呀！雞又滑，好驚喜呀我朋友就叫咗個T04順化湯檬粉$60佢大讚個湯粉好食，多配料，佢話啲牛丸好爽口彈牙，扎肉好好食好香牛味跟餐叫咗個小食青桔仔雞翼（4件）$25呢個係冷盤嚟嘅，好好味！之後我哋再叫多個馬拉盞通菜$33如果跟餐就再平$10呢個通菜真係一定要大讚佢係我勁鍾意嘅味道鹹鹹地嘅蝦醬味！好正呀！！飲品我哋兩個都加咗$8要特飲我飲三色鹹檸七朋友飲薄荷青檸梳打👍🏼👍🏼😁好飲 正同埋餐廳枱旁邊有櫃桶放餐具紙巾牙簽可以自己拎，我好鍾意呀

荃灣西幾個商場連埋一齊之後真係好方便，又多野行又多野食，是日就同朋友黎左越北食下午茶。好好彩有張卡位坐，叫左份下午茶再加份小食，滿足下口胃先。🌶️順化湯檬自己點左碗順化湯檬，貪佢多餸又有辣湯底，最近愛上食辣，哈哈。餸有牛腩片、扎碲、扎肉、牛丸，鮮味又有口感。湯底鹹鮮微辣，幾好味噃，個人覺得可以再辣多少少嘅。檬粉爽口份量多，一碗都好飽下。🥢越北三寶湯河朋友叫左三寶河，三寶有香茅豬扒、香茅雞翼、扎肉，醃得好入味，豬扒尤其好食，軟腍無鬆肉粉味，個香茅味好出。朋友呢碗個湯底都好鮮味，河粉嫩滑。🦐峴港炸蝦餅香口彈牙，點埋個酸辣醬一流。🐖越式烤豬頸肉甜甜嘅醃醬好香口，豬頸肉爽口，又係好正。🍋鹹桔水&三色鹹檸七朋友點左凍嘅鹹桔水，入面有一粒鹹柑桔，鹹鹹地幾好味呀。自己點呢杯三色就犀利囉，有檸檬片、青檸仔、咸檸檬同薄荷葉，酸酸鹹鹹又清新，好好飲。點左咁多野都唔使兩百蚊，係抵食嘅！

又食麵啦！今次食越南野。其實1年前呢度啱啱開嘅時候食過一次，當時就覺得麻麻地好食，尤其係個生牛肉湯河，啲牛肉太熟之餘仲要韌到一個點。1年之後我再俾多次機會佢，食番一樣嘅餐。清新配搭A+B+CA越北生牛肉牛腩片河$90再食一次生牛肉牛腩片河，今次嘅生牛肉真的是生的，沒有煮得太熟，牛肉棉滑好吃，牛腩片肉質不算太廋，肉味濃有嚼勁，配有小量香草、炸蒜及生洋蔥，令湯底更加昇華，今次真係好滿意。B蓮藕蝦餅（2件）蓮藕蝦餅，香口不油膩。C三色咸檸七青檸、檸檬同七喜真係好夾。

而家早餐午餐混埋一齊食之餘仲要拖到3點先出發去食野，不過下午茶餐又唔夠我食，所以我次次叫餐下午茶都加呢樣加果樣😂今日錯哂，需要話係下午茶，同樣叫左2碗粉再另加多2款小食，點知份量一啲都唔少，今次真係貪心左，好飽飽😊越北綜合牛肉湯粉$60✍🏻有牛肉、牛腩、牛丸同勁多蔥，湯底夠熱，個湯好濃，正👍🏻香茅豬扒撈檬$52✍🏻好大碗，一大塊豬扒仲有好多配菜，撈埋個汁，夏天食一流，好開胃另外再追加通菜$23同炸蝦餅$30要加多2杯特飲真係好滿足既一餐下午茶

以價錢來講，呢一間越南嘢真係性價比好高😝特別係粉面類，價錢又平又大碗又好食😋先講嗰個生牛肉湯粉，湯底好香，唔會好油同死咸，飲多幾啖都唔會好口渴牛肉份量都算多，不過個粉嘅量就有啲少，大食嘅記得加底反而香茅豬扒撈檬嘅粉就好多，豬扒就唔會好肥膩，肥瘦適中，枱面會有枝酸汁，撈嘅時候就自己落份量，我覺得唔係好夠酸，所以落多啲會好啲😋酸辣鳳爪好爽脆，夠酸夠辣不過最失望嘅係軟殼蟹米紙卷，個生菜又黄又唔新鮮，最重要係個蟹好腥好油膩☹️炸得完全唔脆，隻蟹吸晒啲油，一咬落去成口都係油。同埋隻蟹唔知係咪唔新鮮，好大陣腥味☹️真係唔洗試都得

621屯天水大停電，座西鐵的我被迫以荃灣西為終點站，落車後去左如心搵食，見到好耐無食過越南野，所以走左入去越北座低，當日人流唔算多，但冷氣只系一般，職員話因為系中央空調，已經系最大冷氣，食熱野食到有少少出汗食物味道整體都OK的，系杯咸檸七唔多夠味，職員態度友善，上菜亦算快的，個綜合牛肉粉比的預期的好，拉返平可以俾機會食多次

越北落雨濕濕， 喺商場食飯避雨最好。揀左喺荃灣西如心廣場度食， 食完又可以行Donki Aeon，開心仔🥳呢間越南野之前都想試， 見佢d set 幾抵， 又連小食同飲品。我地叫左兩個set 再加多個小食。生牛肉牛腩片湯濛🍜湯底清甜，飲到有蘿蔔甜味。生牛肉同腩片肉質嫩滑重牛味，唔會靭。蝦頭膏酸辣海鮮湯檬🦐湯底酸辣過癮，食食吓都幾辣，配料有青口、墨魚仔、蜆肉同蝦丸。蝦丸爽滑彈牙，蝦味濃。蓮藕蝦餅有蝦肉、蓮藕、韭黃剁製而成，足料飽滿。酸辣無骨鳳爪超開胃，辣辣地又有蒜蓉味，最正係無骨啖啖肉。香茅雞翼大大隻，味道醃製得相當唔錯。

🚩越北牛肉粉今日同朋友放工嚟咗近公司嘅如心廣場食飯，依間餐廳周圍都見到有分店，但真係好少坐入去食，今日又冇咩人等位就黎試下啦～入座後，店員已經準備左口罩袋同消毒紙巾比你，超級細心😆🫶🏻〰️〰️〰️〰️〰️〰️〰️〰️〰️〰️〰️〰️〰️〰️〰️🌈燒春雞配咖喱汁及米飯 $62燒春雞份量都有半隻，雞皮燒得好脆身，但肉質都保持嫩滑～咖喱汁好香椰汁味，辣度唔高，唔食得辣嘅人都可以食！不過白飯就略嫌煮得太軟身，黐埋咗一舊，落返少啲水就好啦🌈生牛肉牛腩片河粉套餐 $90相信大家對依個越南菜式都唔陌生，熱辣辣嘅牛肉湯加上生牛肉片，可以keep到牛肉岩岩熟嘅狀態，所以唔會靭～牛肉同埋牛腩片都好重肉味，岩曬我心水🤤除咗河粉之外套餐仲有泰式無骨鳳爪，不過依一款嘅調味就比較辣啦，酸酸辣辣咁，食完都要飲啲野～野飲就簡左薄荷青檸梳打，清清涼涼又酸酸甜甜，係咁焗嘅天氣飲就岩曬！🌈香茅雞翼 $48雞翼面頭炸得好乾身，但入面都有肉汁！入口就係甜甜地嘅，但就唔太食得出有香茅嘅味道～

今日落勁大雨，又肚仔餓…啲學生又放學好彩如心2期呢到有食街！食物香茅豬扒撈檬一定一定要叫香茅豬扒超級好食！超大塊！我明明個腦想叫湯檬，點知個口講左撈檬🤣不過撈檬都好食呀！啲檬粉好爽口撈埋仲食到好清新嘅薄荷味綜合生牛肉湯粉真係生牛肉用滾湯淥熟啲牛，浸一陣就岩岩好，夠熟又唔鞋啲牛肉丸又好夠牛味！又彈牙！個湯底係我試過咁多分店最濃湯嘅一間！超掛住呢到嘅湯飲晒都唔過份峴港炸蝦餅呢個又係必嗌！勁多人嗌呢個！好有蝦味！又好彈牙桔仔雞翼呢個酸酸甜甜嘅雞翼，係冷盤黎！超有驚喜個青瓜好青新，成碟都好夏天⛱陽光與海灘feel🤣🤣🤣椰汁三色冰未試過3色冰🤣🤣🤣上次飲過椰汁冰好正，所以叫杯三色冰，點知一黎到就俾我老公騎劫😑因為佢鐘意豆，有紅豆🫘綠豆同斑斕啫喱呢個又係勁多人叫🙈🙈水晶芒果沙冰愛芒果人士必叫！夏天飲正到爆👏🏻服務店面啲哥哥姐姐都好有禮貌呀！上一輪就小學生同家長多，啲小朋友要碗仔要水都好快俾。差唔多下午茶就長者多，好多都睇唔清楚menu ，佢哋都好耐性講有咩食！環境有BB高椅，多卡位，地方大！有小朋友都可以黎食！隔離就係樂園🙈多人排可以玩住等🤣

放工在荃灣如心附近，見到餐廳下午茶menu都幾抵食，加上餐廳裏有不少人，不嬲都係搵啲多人既餐廳就無死🤪，果然無失望💯，點了兩個餐非常推薦豬頸肉飯，$58，豬頸肉外脆內軟，有陣陣炭燒味，加上一般豬頸肉都會很油膩，但這個不會，配上特配的甜酸汁，好味👍🏼👍🏼👍🏼，加上份量大，不是迷你的下午菜餐，晚餐都不用吃老公點了海南雞飯，$66，海南雞都算滑，油飯很香，不會很油膩另選了香茅雞翼這款小食，亦是值得一試之選。雞翼香口，不會有雪味個人非常推薦豬頸肉飯👍🏼

( ͡° ͜ʖ ͡°) 越 北 牛 肉 粉 - 越南菜❝ 舒適恬靜下午茶時段 多分店性價比高又有多款選擇 ❞✿ 街頭香茅豬扒撈檬 $52香茅豬扒超大塊又厚肉香茅醃得好入味好惹味撈檬撈埋甜酸汁好清新開胃麵嘅粉量都好多 share食都食唔哂✿ 綜合牛肉湯粉 $60呢碗啱晒樣樣都想試嘅我有齊生牛肉，牛腩片，牛肉丸牛丸好有肉汁同彈牙 有驚喜！牛腩片半肥好腍有肉味 生牛肉夠嫩湯底清甜仲有蘿蔔，大量洋蔥同蔥鍾意食pho就啱哂啦～✿ 追加小食 酸辣鳳爪 +$28係我必叫最愛嘅小食之一 做前菜一流天氣熱食返啲凍嘅酸辣嘢好開胃個酸辣醬汁調配得好好夠晒惹味但又唔會太過辣鳳爪入味爽脆彈牙 正呀！✿ 追加小食 越式烤豬頸肉 +$28豬頸肉烤得啱啱好 唔會太乾柴爽脆肉質 厚薄適中配埋撈檬食 加多個餸正呀～✿ 凍越南椰子咖啡 特飲+$8太掛住越南椰子咖啡啦估唔到呢度飲到咖啡超香濃 少少偏酸 但可以接受 椰子味唔算好突出～✿ 青檸梳打 特飲+$8朋友點嘅 清新得黎又酸酸地天氣熱飲佢都幾爽～╰☆* 推介指數：🌟🌟🌟🌟/  ‘𖤘◦″ 𖤣 越北牛肉粉 (荃灣)荃灣大河道98號如心廣場二期2樓216號舖✿ ≗≗≗≗≗≗≗≗≗≗

越南嘢連鎖店多，但想有穩定同好食保證，暫時只有越北做到。 無論沙田/荃灣分店，佢哋d 生牛肉湯河真係無得頂。 越北還會比一張獨立包裝的抹手濕紙巾同裝口罩的紙袋比你。服務超貼心。牛丸湯檬粉 $58手打牛肉丸非常之陣彈牙，啲湯好濃牛肉味，檬粉煮到剛剛熟透，唔會太硬、亦唔會太淋，好好味。酸辣海鮮湯檬粉 $75酸辣度啱一般人食，唔會過辣。 有八爪魚、兩隻青口同海鮮丸跟埋。 檬粉吸收晒酸辣湯嘅味道，還帶住陣陣海鮮湯味，非常惹味。炸蝦餅（細） $30蝦餅非常彈牙，炸到金黃色識起上嚟外脆內軟口感非常正。每食一啖都有濃濃嘅蝦味，完全冇偷工減料。超好味！鳳爪（細） $28酸酸甜甜嘅鳳爪，再配少少辣椒嘅辣味非常入味，會想一食再食。鳳爪非常之爽口鮮味。再加埋蘿蔔絲同紅蘿蔔絲，食完鳳爪之後冇咁膩。再後來一杯熱咸吉水 （跟午餐送），幫忙消濟解渴。

禁堂前最後一餐，唔知大家食左咩做晚餐，我就同謙謙近近地係如心廣場食越北食完去 Donki 買d野就返屋企了。⚛ 越式三寶撈檬 ～ 香茅豬扒， 香茅雞翼和扎肉，一座低明明係謙謙叫呢個來到仲即刻倒魚露的，點知比我個海南雞飯吸引左😛，焗住要同我交換食， 好彩我都好鍾意食加左魚露酸酸甜甜的撈檬，豬扒雞翼好惹味。⚛ 無骨海南雞配油飯 ～ 無骨又滑溜的海南雞， 沾一沾黑醬油，放一點點辣和薑蓉，一野放入口滋味無窮，再食返一口油飯好滿足。⚛ 越式豬頸肉 ～ 薄切但大大件夠爽口。⚛ 會安蓮藕蝦餅 ～ 幾特別兩片厚的蓮藕中間夾住蝦餅再炸，多重口感由脆到爽口再到中間的彈牙，我幾鍾意呢個小食。🍹 鮮椰青 ～ 夠冰凍青甜，幫我解油膩。🍹 椰汁三色冰 ～ 謙謙之選

呢間全日唔使加一，仲要公眾假期都有Tea Menu，每人唔使$100但覺得超多嘢食，感覺冇因為係下午茶餐而份量少咗，值得一讚!! 🔘香茅雞扒金邊粉 $50 🔘炸蝦餅 +28🔘滴漏咖啡 +12雞扒好大塊而且肉質幾滑，雞皮燒得幾脆，個湯都幾好味清甜有好多蔥!! 蝦餅彈牙，食到有魚肉同蝦肉喺入面!!見滴漏咖啡幾特別試吓，杯底係煉奶，咖啡味道濃厚偏苦冇酸味，對我來講有少少太甜，但咖啡味都唔錯!! 🔘三寶撈檬 $60🔘蝦頭膏通菜 +$22🔘椰青 +$22呢個餐有好多餸，有香茅豬扒、雞翼同埋扎肉，撈檬配料有青瓜絲、蘿蔔絲、生菜絲、花生碎等等，口感好豐富，扎肉幾特別食到有軟骨喺裏面!!估唔到通菜份量咁多，係比平時切短左嘅通菜，方便放入口，通菜爽口但有少少油!! 椰青好大個清甜，亦可以食到好多椰子肉，如果佢用粗飲管可能會更好!! Tea真係幾抵食，都坐得舒服，服務都唔錯，絕對會再幫襯!!