影片
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
时不时会嚟呢间越南嘢食晚餐，地点方便，坐得舒服，性价比唔错，食物质素稳定~🔘法式牛柳粒配红饭 $85牛柳粒口感软嫩，黑椒味突出，份量都几多，钟意佢多洋葱，仲有蛋饼，蕃茄饭酸酸地几开胃~🔘越北三宝汤檬粉 $79呢个系经常会点嘅餐，贪佢够晒多𩠌，女仔细食嘅话可能会食唔晒，有扎肉、鸡翼同香茅猪扒，调味同埋口感都啱心水，个汤底都清甜，整体好味抵食~🔘冻咸桔水🔘椰汁冰咖啡加$8有特饮，椰汁冰咖啡好饮，可以试吓~
继续阅读
同事约我去位于荃湾大河道98号如心广场二期2楼216号舖的<越北牛肉粉>食经济下午茶餐，环境舒适，富有越国风情。我哋点咗：🥢香茅猪扒捞檬$58：香茅猪扒煎得外脆肉嫩，美味可口。🥢越式烧猪颈肉配米饭 $62：外脆内嫩的猪颈肉，肉味鲜甜，拌有蛋饼，好味又好食。🥢香茅牛肉配米饭 $56：牛味香浓的香茅牛肉片，美味可口，送饭一流。🥢蒸粉包（两件）$25：粉皮烟韧，馅料丰富又饱满，好好味。🥢岘港 炸虾饼（半份）$28：香脆可口。🥢椰汁红豆冰 $8（ 跟餐）：最啱天气咁热的时候，椰汁香浓，又食到粒粒红豆。🥢热咸桔水（ 跟餐）： 润喉好饮。
继续阅读
之前经过荃新千色店几次都想试，今次终于成功赶喺下午六点前落到order，仲嗌到抵食嘅下午茶餐👅👅嗌咗碗【越北火车头汤河粉】加【热奶茶】，落单两至三分钟后就即刻有得食，上餐速度好快手！虽然系下午茶餐，但个份量一啲都冇揸流摊㗎~ 有几块生牛肉、牛腩片3块、同埋牛肉丸3粒！对于比较细食嘅女士，或者早瞓嘅人士，绝对可以用相对较抵嘅价钱当埋晚餐👀 青柠仔同辣椒仔会另外分开上，我两样都有加埋落去，更加惹味😋
继续阅读
[✨荃湾越北牛肉粉 ]#荃湾 #越北牛肉粉🔸西贡咖哩牛腩 配 米饭 追加小食 清沅蒸粉包 $100牛腩炖煮得好软嫩入味，搭配香浓辣度适中嘅咖哩汁，容易入口，配埋白饭一齐食真系停唔到口！小食蒸粉包皮薄烟韧，馅料饱满，口感好正😍🔸顺化香茅牛肉捞檬 追加小食 马拉盏生菜 $94香茅牛肉带有浓郁嘅香茅&香料味道，分量仲要好多；捞檬有各种配料好似腌萝卜、生菜青瓜丝、花生碎等等，材料口感都好丰富，淋上特制鱼露酱汁就更加好食开胃，唔错！马拉盏生菜好爽脆，咸香同微辣完美融合，好下饭！🔸冻柠水 跟餐+$3————————♡♡♡♡♡♡————————✨总结每次想食越南野都会谂起呢度，味道好之余价格亦合理，CP值好高嘅越南菜餐厅！📍越北牛肉粉🏠荃湾大河道98号如心广场二期2楼216号舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食评 #香港餐厅 #为食港女 #荃湾 #荃湾美食 #荃湾好去处 #荃湾餐厅 #越北牛肉粉 #越北 #越南菜 #如心广场
继续阅读
顺化香茅牛肉捞檬首先个捞檬嚟到嘅时候真系好大碟 而且啲牛肉都好多 除咗份量大之外 味道都好足够 啲牛肉都好重味 再加埋啲碌冧 真系好好食！香茅鸡扒汤檬块鸡扒真系好高质 好大块之余 仲要好嫩滑 六十几蚊嚟讲真系好抵食 而且个汤檬个汤底都好好味马拉盏炒通菜呢个系加$22加配嘅 $22嚟讲 真系好抵 仲炒得好有镬气添 而且食吓啲菜 感觉都健康啲最后嘢饮方面我哋就加钱叫咗两杯特饮分别系水晶芒果沙冰同椰汁红豆冰 呢度嘅椰汁红豆冰系沙冰嚟嘅 而且椰味好重 非常推介😋
继续阅读