越北牛肉粉

营业中

休息中

見到佢嘅咖啡豬軟骨好似幾特別，就試吓 。豬軟骨係腍嘅，有一般豬軟骨嘅味道但係有啲咖啡嘅苦，見到豬軟骨面上有咖啡粉，我已經撥開咗啲蛋糕有明顯嘅苦味，唔係難食嘅，但係個人嚟講覺得味道有啲奇怪，一次就夠。食飯嘅期間見到有大、中、小嘅烏蠅喺我飯嘅附近飛來飛去，所以快快食完就走，杯嘢飲咗一啖就走咗啦，見到啲烏蠅喺啲甜酸醬、魚露個樽口停留，有啲恐怖。慶幸食完冇肚痛 。🙏🏿

[✨荃灣越北牛肉粉•有水準高CP值越南菜]#荃灣 #越北牛肉粉🔸順化香茅牛肉撈檬 $72清涼又開胃嘅撈檬最岩炎炎夏日食，份量好足，牛肉醃得幾好，檬粉爽口，仲有脆脆嘅花生粒點綴，唔錯🥰🔸越式烤豬頸肉(半份) 跟餐 +$28豬頸肉微微烤過，外皮香脆肥瘦適中，小食黎講份量幾okay😊💞🔸越北生牛肉湯粉 $68湯底清清地，有淡淡香料味；牛肉薄切大大塊，河粉熟度亦岩岩好👍💯🔸清沅蒸粉包(2件) 跟餐 +$25粉皮皮薄煙韌，餡料好飽滿，主要有洋蔥、豬肉等等，口感幾好😍🔸凍檸檬茶 跟餐 +$3正常水準，夠凍夠解渴————————♡♡♡♡♡♡————————✨總結價錢相宜，座位舒服，食物水準同份量都好穩定在線，平民越南餐廳之選👍📍越北牛肉粉🏠荃灣大河道98號如心廣場二期2樓216號舖#jmhkfoodie #hkfoodie #hkeat #hkeats #hkfood #hkig #hkgirl #food #hongkongfood #hongkongfoodie #852food #香港美食 #香港食評 #香港餐廳 #為食港女 #荃灣 #荃灣美食 #荃灣好去處 #荃灣餐廳 #越北牛肉粉 #越北

晚飯時間，上菜時間都算快，坐位唔算多，但都唔使點等位。順化香茅豬扒配米飯 + 半份豬頸肉 $100賣相唔錯，豬扒夠大塊，香茅味出，肉質唔會過淋，淋得黎有咬口，飯面灑上炸蒜片，好香脆，另附上蛋餅一塊，有紅蘿蔔、木耳、粉絲等配料，胡椒味重，口感厚實。豬頸肉夠入味，燒得香脆，肉質爽口香茅牛肉配米飯 $72 + 三色鹹檸七 $8牛肉份量都唔少，牛肉夠入味，香茅味再帶少少甜味，夠淋，一D都唔會鞋。青檸味七喜加檸檬同咸檸檬，檸香味十足，好飲又消膩河內芝心蝦多士 $58蝦肉比例少，加入芝士完全唔夾，麵包面灑上大量芝麻，雖然好脆，但非常油膩，食完成口油

呢間越南餐廳已經喺荃灣開咗好耐，就喺千色匯一樓，一上電梯就到啦。好肚餓，求其叫咗一碗生牛肉湯粉呢碗粉賣相唔錯嘅，味道都好夠，有啲味精味，牛肉份量可以，下午茶嚟講，係夠食既，不過啲牛肉稍為韌咗啲，咁啱我食呢碗每一塊有筋，唔建議冇牙嘅人食啦。另外，價錢相宜，一碗粉，份量足夠，仲送一杯熱飲，都係講緊$53。下次試吓其他餸

平民既越南餐廳........鋪面唔算好大.........但內裡乾淨座位舒服.......試下荃灣大河道98號如心廣場2期2樓216號舖的越北牛肉粉......越北生牛肉湯粉順化湯檬兩碗D湯都好濃...........生牛肉嘅份量都幾多.........生牛肉河粉河粉熟度剛剛好............套餐跟埋一個小食加飲品......晚餐唻講都算合理........生牛肉湯粉.......落單嗰陣可以揀走蔥、走芽菜、走蒜、甚至走金不換..........幾貼心...........馬拉戔炒通菜係必叫小食...........份量多唔再講.......炒得有鑊氣而通菜都爽口.......味道香濃.......入味.....酸辣無骨鳯爪也酸酸辣辣......惹味!!大熱天時.....唔想食飯.......又唔想熱湯就食撈檬.........!

呢間之前喺沙田都食過, 分店算多! 行過有時都會見到。今日見未夠六點就食佢個下午茶, 叫咗扎肉雞絲檬粉加杯凍飲$55, 如果特飲就要再加多$5, 雖然價錢唔係超級平，但係以荃灣西區算是不錯。如果晚餐套餐會包多一個小食, 價錢貴啲，但係都OK。其實略嫌佢湯底太清淡，配料都做足傳統有青紅椒青檸香葉少許芽菜同埋一啲蔥𢇁。佢啲粉太容易散， 個粉質地太淋, 感覺上係佢嘅粉問題而唔係煮得耐嘅問題。扎肉OK因為有黑胡椒，都夠味!但係個雞絲就有啲粗嚡。整體上都係OK, 唔係難食, 可以接受, 如果星期六日想食下午茶都會再試。

老公點了雞絲扎肉湯粉，食食吓，一大隻曱甴浮出嚟。我原本都食緊湯粉，店員話轉返白飯俾我哋，望住隻曱甴，真係冇晒胃口食。叫佢收返啲餐，店員取消咗食物同小食嘅錢，要計返飲品嘅錢。不過真係冇晒胃口食嘢。

🔸峴港 蝦餅春捲撈檬   $62 Prawn Cakes and spring rolls with cold Vermicelli炸春卷一大條切咗成兩段， 食落好鬆脆，另外有 一大嚿炸蝦餅 切成幾片，两款炸物都係越南小菜十分香口嘅小食😚撈檬嘅配菜有好多生菜絲、青瓜絲、花生碎，碗底就係一大堆檬粉，份量好足。跟餐另加$25 蒸粉包 兩件粉包蒸得好晶瑩，睇到就想食，個粉包size都唔細，一啖咬唔曬，裏面啲肉餡係好惹味嘅豬肉粒，最好就係配上啲碌淋汁一齊食，加埋落上面嗰撈檬落多啲酸酸甜甜嘅淋汁一齊食，好夾。跟餐＋$8  黑糖薑棗茶  呢個係一個 黑糖 玫瑰花茶， 除咗玫瑰花之外仲加咗薑、枸杞同埋 紅棗片，可算真材實料， 黑糖唔係落咗好多，所以整杯飲品只係微微甜，小小薑辣味，好濃花香。味道：8/10性價比：7/10🔸越北 三寶湯河粉  $68 香茅豬扒、香茅雞翼、扎肉湯河粉係牛骨清湯底， 味道唔係太濃，河粉就比較清淡，炸豬扒甜甜哋好有香茅味，炸雞翼都能做到外脆內嫩，扎肉都惹味，三寶係另外分碟上。豬頸肉半份 $30 （跟餐另加） 有6片 燒豬頸肉， 鋪咗啲蔥油 同炸蒜粒， 用薄荷葉同 酸蘿蔔絲伴碟

午餐：越式慢煮豬手飯（$66）豬手份量適中，有皮有肉無骨唔多肥膏，肉質夠腍，味道不錯唔會太鹹，點酸辣醬汁可以中和肥膩感。包熱飲，鹹桔水夠濃味唔稀。不收加一服務費。

我今日去荃灣辦事，順道約同好友去位於荃灣大河道98號如心廣場2期2樓216號舖的越北牛肉粉食午餐，環境舒適開揚，坐得舒服。我點左個順化香茅牛肉撈檬$58，好友點左個三寶（香茅豬扒、香茅雞翼及扎肉）飯$68，另外追加小食峴港炸蝦餅2份$64，餐飲係熱鹹桔水（跟餐），及凍椰汁紅豆冰$8（跟餐）。順化香茅牛肉十分香口，牛肉味濃又有咬口；三寶飯的三樣餸都是我的至愛，豬扒香脆可口，雞翼的雞肉嫩滑，皮脆好味，扎肉好食；蝦餅好味道，有咬囗又好食；鹹桔水潤喉，椰汁紅豆冰好味！

今日同媽媽食荃灣的越北。lunch hour都滿座。跟她討論左一陣越北究竟係咪越南北部？入正題，食物方面我叫左一個79蚊的番茄🍅蟹膏蝦丸湯檬，媽媽就叫左春捲蝦餅檬粉($72)。小食我地叫左兩個：豬頸肉($30，有5-6片)同春捲兩件($20)小食豬頸肉好好味，都算厚切。為我們的頭盤打響頭炮！之後上菜的番茄🍅蟹膏蝦丸湯檬也很不錯，有蟹肉，蟹膏，番茄🍅，扎肉同蝦丸，好豐富。媽媽就話她的正正常常，我試左春捲，係好味的。但到我食完碗番茄檬，食她留比我的蝦餅果時已經凍了。 哈哈(∩_∩)

荃灣如心二期開左好耐一段時間，我居然未行過，順便搵埋今晚既晚餐，對越南既pho一直念念不忘，所以依晚就簡左 越北牛肉粉 做時日靚晚。套餐跟埋一個小食加飲品，價錢都唔係一百，晚餐唻講都算合理，我就簡左綜合牛肉湯河而同行叫左香茅雞扒配飯，眼闊肚窄仲叫左蒜蓉包，個人認為馬拉戔炒通菜係必叫小食，份量多唔再講，炒得有鑊氣而通菜都爽口，好味！另外主食既食扒，煎得金黃而不油，香口juicy，都幾出色，小餐廳都有依個水準確實唔錯！

先前食過兩次覺得味道都唔差，今晚再去點左個慢煮豬手飯$66同生牛肉牛肉丸湯粉$68。碗湯粉嚟到一望覺得好唔對路，得一片細得可憐嘅牛肉同3粒迷你牛肉丸，撩再兩撩都再無發現，我即刻問問職員A，呢個係咪正常份量嚟？佢望一望碗粉跟住就話「嗯，我問問幫你加番幾片牛」，無耐另一位職員B過嚟話「問咗廚房，話係得一片牛肉。」我反映餐牌張相同呢家上枱完全兩樣野，呃得好緊要下。職員B叫我唔好睇餐牌張相，唔好信，有咩就同公司投訴啦。諗番真係幾好笑望住個餐牌App落單，但叫我唔好信張相預左有落差，但未至於得「一」片啩，係$68碗喎！不過當時我真係笑唔出，咁我叫佢收番走啦，伏到咁無興食啦飽晒！

以往來荃灣西站都覺得沒有什麼好吃，沒有什麼好餐廳。今日朋友倦了，就在如心廣場吃飯，怎辦？我們選了越北，看來似是可以提供好吃的越南菜，來嘗嘗簡單一餐。我選了春卷蝦餅湯河粉，春卷雖然不是即炸的，但應該也是新鮮做的，香脆的外皮還存在熱油留下來的油炸香氣，應該是不油膩且香的味道，內涵不是甚麼海鮮，但素菜更令我感到春卷的香脆口感。炸蝦餅沒有香炸的熱度，有些冷卻了，蝦肉仍有很好的彈性，味道不錯。加上魚露和辣椒，太好吃了。至於河粉則是滑且嫩，配合各種湯料。這簡餐是不錯。

姐姐🧍‍♀️放假🏖️我去完Pharmacy Conference Day2返屋企去如心越北買外賣🥡，原本有六張$10 coupon，問咗收銀話有幾多張可一齊用，但收銀又話外賣🥡有88折，兩種唔可以共用，我問佢邊樣抵d，佢話一定係88折，佢話$10 coupon留返堂食。最後買咗兩碗生牛肉湯河（$63x2）同牛油🧈雞翼4件（$55），$3外賣盒🥡，再88折，先平得$22.1。見到張單先諗到好似用coupon抵d，不過俾咗錢就算。等咗10分鐘有外賣，拎到返屋企，生牛肉變咗熟牛肉，個湯頭好味😋，牛油🧈雞翼足料，大滿足😌