超羣麵包西餅 (本德大廈)

营业中

休息中

上次經過見佢個菠蘿包賣晒今朝見到仲有就買咗朱古力味嚟試下另外仲有抹茶味，$12 唔算貴 覺得朱古力餡好多，麻糬可以再多啲 ，菠蘿皮唔夠脆 焗返熱應該會好食好多🌟CP值:🌟🌟🌟👩🏻回頭指數：👩🏻👩🏻👩🏻📸打卡比分：📸📸📸

超群餅店(銅鑼灣)超群餅店(銅鑼灣)(3.5/5分)牛油皮蛋撻+葡撻話說不嬲都好鍾意食牛油皮蛋撻，食咗幾次超群餅店既牛油皮蛋撻都覺得唔錯，印象中比較突出厚身啲嘅牛油皮 蛋唔會太甜反而酥皮葡撻就相對會比較甜啲

今日剛在波斯富街分店買左芳叔蛋撻一打，很差，把蛋撻入定紙合，客人無得查看質素，果然攊到回家一看，蛋撻又燶又老，同埋啲蛋漿起哂泡，見到都唔開胃，好唔得好失望！今次係最差嘅一次！呢間分店買過四五次，初初一兩次好好的，太子嗰間都好靚，家人大讃，但上次光顧，已經質素下降不少，好多件蛋撻都燶咗，怎料改有最差，只有更差，今次仲要老到死，起哂泡，入哂合令客人無得睇，實有欺騙客人之嫌，經過今次，真係唔敢再買佢哋嗰啲芳叔蛋撻！

以前係中環工作，但都只係耐唔耐會食佢個好出名既「流心奶黃包」，有日要係銅鑼灣返工，貪方便睇到間-超群- 咁就份左去買份早餐，朝朝都要飲杯咖啡先醒神，所以叫咗份早餐「粢飯 加凍咖啡」一共$28 ，杯凍咖啡我覺得幾好飲，個奶同啡比例啱啱好，最好係佢杯凍咖啡，係冇冰嘅，溝好晒放喺冰櫃拎出黎，好似太興杯冰鎮奶茶咁，唔錯，但可惜佢個粢飯應該係我食過最難食既粢飯，D 糯米唔實，一咬就散晒，而且入邊啲料，都係鬆開晒，而且啲糯米無乜口感，依個係失望既。

超羣麵包西餅 (銅鑼灣)成日經過都冇機會入去幫襯一次🙈今日終於有機會啦，好多人喺入邊啊🥸開頭以為佢哋買啲麵包好貴，入到去睇原來價錢非常合理同我屋企樓下差不多，所以都係決定喺度買番啲麵包喺屋企做早餐先😋買咗一個肉鬆條嘅麵包，揀咗一個吉士麵包🥯🥖肉鬆條麵包麵包非常鬆軟，肉鬆餡又夠多，非常好食😋🥯吉士麵包其實都比較甜，小朋友就係最鍾意食呢啲咁甜嘅麵包😅📍銅鑼灣波斯富街21-27號本德大廈地下D號舖

話說一路都好鍾意食超群麵包，但係香港好似唔係剩低好多間平時去開中環就一定會去買，但係嗰個位都唔係好就腳今日去咗銅鑼灣，竟然見到超群餅店喺銅鑼灣一期對面開咗間新分店，位置非常之方便，一定要入去買嘢食啦不過銅鑼灣分店明顯選擇比起中環分店少好多，好多都係已經焗好咗嘅麵包，諗咗好耐最後都係買咗佢嘅招牌黃金蛋糕<黃金蛋糕$23>$23一大舊蛋糕，價錢相當合理蛋糕嘅質感非常之軟熟，濕潤唔會乾身，仲有香噴噴嘅蛋香味食落都食到雞蛋嘅味道，味道偏清淡，算係健康之選