超羣麵包西餅 (本德大廈)

营业中

休息中

這次的甜品選擇讓我感到非常滿意，菠蘿包和芳叔蛋撻都是經典之選。首先，菠蘿包的外皮金黃酥脆，咬下去時能感受到鬆軟的內餡，香甜的菠蘿醬與柔軟的麵包相互融合，令人陶醉。特別是剛出爐的時候，散發著誘人的香氣，讓人忍不住多吃幾口。接下來是芳叔蛋撻，外殼薄脆，內餡則是滑順的蛋奶香，味道濃郁卻不過於甜膩。每一口都能感受到新鮮的蛋香，搭配松脆的外殼，口感層次分明，讓人回味無窮。這兩款甜品的搭配絕對是完美的選擇，既有菠蘿包的酥脆，又有蛋撻的絲滑，讓人感受到不同的口感享受。整體來說，這次的甜品體驗不僅滿足了我的味蕾，也讓人感受到香港的地道風味，值得推薦給每一位甜品愛好者！

吃过单位附近的几家面包店，这家目前排NO1，物美价廉，选项很多，主打各种有料的面包，一次尝试两样，感觉能连吃一个月以上，口味很不错，值得一试，尤其是刚出炉的风味更加。价格也不算贵，挺不错。

所有包的賣相，其實不太吸引，一個吞拿魚包$10.50價錢可接受，好奇心下買左一個食。首先包質有點乾，有點空氣包感都算，吞拿魚餡勁腥味，乾淨淨的吞拿魚配幾粒粟米，食左一半要送往垃圾桶了，實在難接受，個口好腥好腥。想不到點解可以有這樣的出品。

職員態度極差！店裏面有3個職員，3個職員同時夾攻一個客人。唔係有心處理件事情，而係要怪罪客人。我唔係需要有好好嘅服務態度，但比3個怪罪真係一個極差嘅處理方式，極難嘅體驗！真心建議，如果想係宜家嘅市道繼續生存，就培訓下職員。野食已經唔係特別好食，連體驗都唔劣，真係無需要再幫襯。

每次買奶茶都好流瀉，已經算，今次帶埋壼去，仲要俾服務員跌埋我個蓋，仲要話返我轉頭接得唔好。唔洗以後有幫襯！話說今朝打算帶埋個暖壼去買奶茶, 順便買燒賣, 入到店有一位收銀在食包中, 也無所謂, 人之常情, 另一個服務員聽到我話要奶茶, 用手勢示意將個杯俾佢, 我一手電話八達通, 一手就係攞住個半開既壼, 我就開聲麻煩佢幫我攞住個壼, 我就接住個蓋, 佢一手就將我個壼攞走, 我都未接得住個蓋就跌了, 我起初都好聲氣話: 等我攞實先嘛......個女服務員就當著店多人係度就話, 係你叫我攞住個壼既....我咪攞住囉! 佢仲要攞住我個壼轉背沖緊既時候, 仲要係度寧晒頭, 我就決定唔要, 我問佢, 你咁唔想整我唔要喇! 其實你做服務員, 仲要一句歉意都無, 講一句善意既說話都唔得! 本人是一個以和為貴既人, 但呢啲態度真係好令人氣憤!

:咁岩經開銅鑼灣，就嚟呢間好有歷史既餅店諗住買個早餐第二朝返公司食🙆🏻‍♀️本身諗住試下蛋撻但真係食得太飽就唔試啦🤣 ✨貝果 $12/件雖然就係普通冇餡嘅一個包🤣不過整返熱嚟食，又真係做到外脆內軟個效果🙆🏻‍♀️呢個配咖啡都唔錯✅有時有啲麵包店都有得賣bagel 不過有啲會做到好硬 無咁soft😎佢仲有好多唔同嘅麵包賣，除咗舊式都有好多新式既 竟然仲有巴斯克蛋糕賣💟💟如果真係經開銅鑼灣可以買個做早餐😆

路過見到muffin買一送一，咁岩又諗緊聽朝早餐，咁就二話不說入去買。$16.9一個，得兩隻味揀，咁梗係各一啦。賣相唔掂，諗住味道同口感可以搭救。第二朝叮返暖食，口感好黏，咬幾啖就吸哂我啲口水，飲啖咖啡再吞都爭啲哽死咁🙄唔鬆嘅鬆餅，好似食緊一舊膠咁。

超羣餅店一向都好出名蛋撻，突然之間超想食蛋撻，要買返幾個同朋友一齊開心share～芳叔蛋撻(1個)💰HK$9好重蛋香味，牛油皮好酥脆！買果陣嘅溫度係暖暖地，如果溫度再熱啲，會更美吃～牛乳撻(1個)💰HK$11同樣都係牛油皮，中間嘅牛乳質地嫩滑～

餅店：超羣麵包西餅地點：銅鑼灣波斯富街巴斯克芝士撻抹茶味 $13個巴斯克芝士撻簡單用一個膠袋裝住，我將個撻放係個膠盒方便食用。抹茶味比原味巴斯克芝士撻貴$1，即買即食都已經凍嗮。抹茶芝士味都可以，巴斯克味就無乜，完全無燒焦味道。撻底好似曲奇底，厚身，都算脆，餡料豐富，呢個價錢都算係咁。不過我覺得今日我另外叫個個牛乳撻比巴斯克芝士撻抹茶味更好食，可能因爲係暖暖地！有d失望......下次都係等出爐先買。

好耐無食巴斯克蛋糕，難得經過超羣，本身諗住買幾個天下第一包，點知無曬貨望下個麵包櫃，得番唔系好多的庫存，最後簡左綠茶巴斯克一試抺茶巴斯克芝士蛋糕$35$35一個幾抵食，比起而家社交平台網店售價平太多了質感幾soft ，芝士味濃厚，抹茶淡淡地幾清香

➲ 銅鑼灣 超羣麵包西餅➳ 抹茶吉士麻糬脆皮夾心菠蘿包 ⁽¹/¹⁰⁾抹茶吉士好重香精味，完全無抹茶味，鬼口水麻糬質感，菠蘿皮一買返嚟已經淋晒，Gimmick。➳ 天下第一包 ⁽⁷/¹⁰⁾返熱來食，雖然無咗流心，但係奶黃餡好好食，有流沙感，不愧係個個來都會買一個走。⤵ 超羣麵包西餅銅鑼灣波斯富街21-27號本德大廈地下D號舖

巴斯克芝士蛋糕 $32原來超羣都有巴斯克芝士蛋糕，見到好似有幾個芝士蛋糕剛剛出爐（時間係星期六大概12點半），就買個試試，拎上手係微微暖。返到屋企都仲係暖，即刻食。原來芝士蛋糕係超級軟心，可以用匙羮畢黎食，非常滑溜，不過就唔係厚身個d。芝士蛋糕面頭夠燶，味道好香。兩個人分黎食剛剛好。呢個價錢都ok。加$3仲有抹茶同朱古力口味巴斯克芝士蛋糕，下次可以試試。芝士蛋糕用膠盒裝好，然後仲有一個紙袋，乾净衛生。

上星期試過呢度既巴斯克芝士撻，覺得好好食，今日經過試試其他口味先。居然有呢個優惠，$34可任選四款口味撻，抵食呀！四個撻都有膠兜裝住拎走。牛乳撻牛乳撻大大件，撻餡飽滿，係白色，味道係濃濃牛奶味，又滑又夠香甜，正！撻底好鬆化，牛油味香。都試左椰撻，個撻漲卜卜，椰絲好豐富，味道好香，撻底都唔錯。另外兩款口味有葡撻同蛋撻。可惜今日買既時候撻唔夠熱，牛乳撻差唔多係室溫。返到屋企整熱個牛乳撻之後食物更香，不過凍食都唔算差太遠！

餅店：超羣麵包西餅地點：銅鑼灣波斯富街心思思想食甜品，去左超羣麵包西餅買左個巴斯克芝士撻，有好多其他口味。巴斯克芝士撻 $12個巴斯克芝士撻簡單用一個膠袋裝住，返到屋企仲暖。中間蛋漿同芝士漿又多又滑溜，芝士味道都唔錯，不過絕對唔係巴斯克，完全無燒焦味道。個撻底好似曲奇底，不過唔夠脆口，好彩都夠鬆化。呢個價錢都抵食呀，都好大個。下次可以試試其他口味。平日大概5、6點都有暖撻賣，唔知平時出爐時間係點。

🍴店舖：超羣麵包西餅 (本德大廈)📍地址：銅鑼灣波斯富街21-27號本德大廈地下D號舖好多年冇幫襯過超羣餅店，以前出名好食，今日同阿女行過，見到蛋糕仔好吸引，佢攞起話要食，所以買咗十八蚊一盒老實講真係唔好食😅好甜同埋好碎，一咬就散太乾，唔怪得知越嚟越多分店結業，可能我已經係夜晚七點，所以已經冇無咩麵包買見到海報上面有好多新奇嘅麵包，但口味感覺都好似未咁易接受，有啲獨特口味嘅菠蘿包我覺得保留返以前傳統嘅西餅會比較好