超級自助壽司店

营业中

休息中

從來未食過咁難食嘅壽司同刺身！啲拖羅條根差不多1cm闊，大型平平壽司店都好食過佢！全部壽司個樣都好唔新鮮，得個帶子叫做有少少甜味！個魚湯得豆腐同菜，完全見唔到有魚，毫無味道可言！價錢亦都一啲都唔平，真係只此一次下不為例！以後唔使旨意我再幫襯！啲阿姐仲不停推銷，每次落塵單都叫你食呢樣食個樣！一個帶子刺身，一個吞拿魚拼盤再加個豆腐湯已經四百幾蚊

幫櫬過好多次，坦白講隔離爭鮮好食好多，不過佢開得早 ， 一朝早幫公司趕去買3文魚刺身 1.5lbs $282 ,其實預左佢d 3文魚"un",所以叫佢講明切薄d , 佢仲答好，結果.........厚過我手指公塊手指甲，我同個老闆娘講，佢問我：係咁架喇，我地呢d叫厚切三文魚。但明明平時幫襯佢刺身拼盤d刺身簿過紙。

叫食海鮮生蠔先係上等人？岩岩去食完 我係度揀野。因為下星期去日本留返個肚唔食海鮮。咁我同我老公商量食咩 個侍應又係咁sell食398.298 蠔plan. 但我唔想食海鮮,咁我叫在定食。炸蠔同壽司聽到隔離有對夫婦同個仔 個男人係識老闆既 應該係有冷藏野生意來往,係隔離講<無錢又黎食，要食好野先黎食嫁啦 黎到唔通食垃圾咩>跟住佢老婆叫佢唔好講. 但係我無擺上心。。。之後一路食野冷氣機一路滴水滴到我老公碟野度,本身已經係隔離因滴水先調過黎,又滴水係我老公頭髮上. 個待應係正我地隔離都扮聽唔到。果真同之前d人留既劣評一樣。唔係想小事化大,如果係你地都會(文)憎,我老公吹我急急腳走 真係食完成肚氣。仲有我想講唔係個個人一定要入黎食生蠔個d既. 平心静氣講食物係ok既 唔係我都唔會返黎食,我上一次係因為被sell食在千蚊野. 但係我係願意既 因為個次我都想食。但唔係次次黎都要食海鮮先係正常先係好客，提醒大家想去食帶定雨嬲同銀包。總之聽老公講又唔係食生蠔個d仲乜去個間。近近地係返觀塘食好過. 出門口比佢鬧到死。又要受氣. 我知佢地唔休無生意。唔會因為我一個差評而無人去，當我發洩好過

未開爭鮮前以前常去食，堂食生又平又好食！今日下午食太多，所以晚上選擇食個手卷，三文魚蟹子手卷，外賣只售12，回家即食，三文魚細片左，但依然新鮮好味，蟹子卜卜脆，夠飯大大夠，食完飽晒

不如改名做超級難食自虐壽司店啦：1. 門口兩塊“膠”簾阻住晒2. 壽司舊飯一夾就散，跌落兜豉油度都唔知點食2. d蝦又腥又臭，我朋友翟生食完話好似吞咗某d白色液體咁3. 如果將魚生份量比喻為港女身材，翟生話d魚生細過港女5. 翟生話鰻魚d骨多過壽司d飯粒6. 啱啱食完就趕我地調位7. 翟生話隔籬間爭鮮都好食過佢隔籬真係有間爭鮮，左邊超級，右邊爭鮮，向左走向右走，揀左邊係人生最錯誤嘅選擇d壽司鬆泡泡一夾就散，失敗中嘅失敗

老公打完波,十一點先返黎,話好肚餓,不如出去食野,原本諗住揸車去官塘食,但見到平時食開果間執左,跟住問老公仲想食咩,佢話想食SUSHI,醒起淘大有間開到好夜,甘就揸過去,去到佢有兩間鋪,相連既,裝修就無乜架啦,好普通,好似D魚蛋粉檔甘,叫左一個鵝肝壽司拼盤,D食物唔算係好平,不過都幾多款,叫左一個豬軟骨拉麵,湯底係豬骨湯,味道都OK,唔算好淡,麵幾爽口,牛油果軟殼蟹卷,D飯好酸,又淋,軟殼蟹凍左,有D油益味甘,鵝肝SIZE都OK,如果查D鰻魚油係面會無甘乾,放沙律醬,感覺怪怪甘,本身係希靈魚籽,因為我同老公都唔好,所以問可唔可以轉芝士蟹籽,好彩都有得轉,不過呢到既芝士蟹籽,周出面食既味道唔係好同,呢到既士濃味好多,其他野除左都係飯又淋又酸之外,紫菜淋既,都正常味道既,不過食壽司,除左面果塊野重要之外,舊飯都好重要,如果舊飯唔OK,都會影響左成舊野既感覺,

比錢買難受既感覺，令到我不吐不快！！！原本七點三坐底叫個二人餐，諗住好似幾好咁可以誠下丫。點知，伏到無朋友！講真，我廿幾年人一直都係USB, 都無諗過自己會有出報告哩一日！佢個set 有Salad，鐵板廣島蠔，炒飯，清酒煮蜆，刺身同壽司。都知哩間野要等架喇，但無諗過最尾食到背脊骨落姐！六百蚊，二個人，都唔平丫下化？都唔緊要！一黎到個蜆我肯定佢無洗過，仲要有沙！我食個蜆既時候仲要見到隻蜆吐緊的水出黎，真係嘔嘔到心！話咁快，等多二個字到，佢黎左個刺身！落單前佢問我洗唔洗加多一百蚊要多半隻毛蟹，好彩，真係好彩，我無！因為跟餐個半隻毛蟹完全唔掂，我第一啖食落去既時候咩味都感受唔到，唯一感受到既就係隻蟹入邊仲有一舊冰。😪😪😪但坦白講，佢其他既刺身都算係咁上下。食完哩個course , 就到廣島蠔屎！我女朋友食左一啖就停左手，質素自己諗。之後就一直等呀等，等呀等，等到我頂唔順就問第一個waitress 我個salad 同個飯要等多幾耐。佢𥄫左我一眼就行開左，如事姐，我問多左三次！個三個waitress 既反應係完全一樣！！！都唔知係咪training 教佢地咁對的客！其間仲有一個waitress

好耐都未同媽咪同妹妹行淘大，今日去番我地以前成日去食既日本餐廳-超級自助壽司店！一入到去左手邊已經擺左個好吸引既大雪櫃，有好多唔同款式既外賣壽司揀，再過d仲吸引，有好多好新鮮既海鮮，即開帶子，大大隻牡丹蝦，生蠔同長腳蟹都有，見都幾多人買外賣番去，而我地就選擇堂食，餐廳用劃紙仔形式黎叫野食，我地3個人就叫左一碗牛肉飯，一盤刺身同壽司首先黎既係汁燒牛肉飯($70)，由於太肚餓所以唔記得影相，但碗飯係勁大碗，我地3個人都食唔哂，係牛肉再加日本既甜醬油同d菜炒埋一齊，雖然味道唔係好特別但都係好食既！牛肉份量就適中，而且加埋唔同既菜一齊炒開胃好多，但最後雖然係好飽但我地都食哂d菜同牛肉先放棄碗飯壽司:呢d就係我地劃紙仔叫既，每件既飯都係細細件，絕對無飯大過舊魚既情況，我覺得最好食係三文魚子同海膽，侍應都有提我地盡量食左d軍艦先因為怕d紫菜淋，三文魚子無腥味好鮮甜，而且粒粒都好飽滿，海膽好creamy，亦都好鮮甜，入口即溶，兩種食完都好滿足，而其他壽司亦都唔差竹夾魚刺身拼盤($218):個拼盤有竹夾魚，三文魚腩，油甘魚，馬刀貝，希靈魚同大甜蝦，第一次食竹夾魚，原來竹夾魚唔係點豉油而係點酸汁食，竹夾

朋友介紹呢度魚生好味, 放工約埋朋友黎試下環境似係做街坊客, 坐得舒服叫左加拿大海膽味道當然唔及日本海膽, 尚可 美國生蠔口感清淡,味道鮮甜  蝦蛄剌身第一次食, 味道有D似龍蝦 蝦蛄個頭可燒黎食, 有少少膏, 唔錯

朋友推介這店的拉面好味同埋老字號,於是就試試吧~!除了拉面外,還有烏冬、飯、便當可以選,最出名應該是壽司和刺物,但胃唔大,都係想食個炒烏冬。汁燒豚肉炒烏冬($42),配料是3色椒,不太甜的燒汁味,烏冬"煙煙韌韌",無酸味,豚肉俾左好多塊,肥瘦均勻,味道都唔錯,如果烏冬再入味D就好了。炸三文魚拉面($42),三文魚炸得好香,感覺唔算重油味。拉面份量多,軟硬剛好,配料都好多。至於湯底,我覺得是豬骨湯底,但唔係新鮮熬果D啦,鹹左少少呢。跟餐送的蜂蜜綠茶好好飲,綠茶味清香,唔會過甜,蜂蜜味唔會太搶。呢間鋪好多款野食,價錢中上,可以屹立咁耐唔係無原因。最緊要佢唔係集團式,是有特色的小店。

天氣寒冷打完波要食番d熱野暖暖肚，去咗超級壽司，本來諗住食拉麵，但見太夜，都係揀一品煱，感覺無咁HEAVY。天氣寒冷，今晚放棄我最愛嘅刺身，揀咗個熱辣辣廣島蠔雜菌魚湯煱。 這個煱用上魚湯，好濃郁嘅魚湯 ，內有數隻廣島蠔，還有昆布、日本豆腐、雜菌和蔬菜。整體味道是不錯的，一向愛吃蠔的我.... 覺得鍋內那些蠔很"腥"，豆腐很嫰滑，最失望係一品鍋上台的賣相，真係好唔吸引 ⋯不過不知為何個湯有點油膩。最後係清晒⋯⋯一滴魚湯都唔好浪費

一個落雨嘅晚上,$98就可以食到滿滿一碗新鮮熱辣嘅鮑魚海鮮烏冬,真係好滿足🍻鮑魚鮮甜帶有牛油味,帶子有彈性口感,蜆肉肥美,比我想像中豐盛🍁多謝廚師,我會再嚟㗎👡

去開九龍灣都會幫襯嘅日本料理店，原來已經擴充咗，喺隔離間鋪開多咗好多位，動都唔駛等就有位～最好就係咁！嚟之前已諗好要食生蠔，見到兩個生蠔魚生套餐，但唔想食咁多生凍嘢，所以淨叫生蠔加其他熱食～我哋叫咗$138半打美國大生蠔，上枱時竟然有七隻，原來其中一隻係一大一小黏埋，所以畀埋我哋，好「均爭」呀！當然我哋都唔客氣，味道唔太鹹，好新鮮，以六隻計，每隻廿幾蚊，又大隻，好抵食！另外仲食咗活蝦什菜天婦羅，整碟菜色唔單止靚，而且蝦好彈牙添！值得一試！

晚上收工後，有點餓，但又不想太熱氣，所以來這里吃點東西。由於我地兩個人，點左少少野食。第一樣寿司全部都係散叫既，食材都好新鮮，所以全部都好好味!飯唔會太大舊，適中!第二樣係燒牛舌同雞軟骨我自己唔太鐘意厚身既牛舌! 但都好juicy,有牛舌既香味，都唔會太咸! 雞軟骨一般，燒得唔算香。第三樣燒三文魚頭 只可以講正常和食既水準，個人特色就冇咩啦，都唔會特別香，特別點。而且魚頭都係好細隻總括而言，這間算是不過不失的。但位就有點逼!而言服務都一般，佢落燒物既時候將碟hi埋我既寿司到😑😑😑😑兩人甘埋單要兩百幾!

初初係九龍灣搵食 見呢間幾多人幫襯諗住試下。一入去都冇咩野，想落單時又被安排調位都算。跟住即刻俾左個生蠔我地，我地話應該就冇叫到，叫佢check又話有落我心諗可能我叫錯左算，點知食食下話個生蠔吾係我地，做咩食左態度極差。焗住我地要俾多d錢。最後倒瀉野落我到，一句吾好意思就完，紙巾都吾俾你抹激死。硬食左3xx蚊。以後都吾會幫襯。