超級自助壽司店

营业中

休息中

呢間野好多人黎食，主要都係做街坊生意。所以價錢都唔會話好貴。當然也有貴價野食。見有好多刺身種類都話日本直送，所以價錢會貴d,同好多款既種類出面都好少食到！ 都幾特別！我就叫左板海膽食！佢有分兩隻。我揀左韓國。侇會附上埋d紫菜同白飯俾你包住食！多個食法！😃😃都唔錯。海膽個海水味都幾重。幾鮮！仲叫左個海鮮湯烏冬！！個湯底好味，應該係豬骨湯底，令到烏冬好入味！佢啲海鮮都幾多！又有蠔又有帶子，又有蝦青口。都幾扺食！！另外再叫左三文魚刺身！都好肥美，好新鮮！！😍再叫左d壽司食，個d就反而普普通通啦。但價錢唔貴，呢個質素都已經好好了！🙄 下次可以再試其他野，我見都有好多野食 😄

淘大一帶食肆繁多，價位集中於低至中價之間。男朋友常說這兒性價比非常高，今夜終有緣一試。店鋪面績不大，踏進門的右側是一個大雪柜，放著形形式式的壽司及海產，加上有點歲月痕跡的木枱，跟日本的漁市場有點類似。來到「漁市場」，當然要親自挑選海鮮作刺身。首入眼簾的是一尾喜知次，標著＄６８０／條，但見到其魚肚已浸出啡色血水，還是作罷；改選了半尾＄２９０的鸚鯉（青衣魚），再挑了只＄９９野生小龍蝦，另加＄９８製作刺身船。等了廿分鐘刺身主角來了，一字記之曰：「豐」！鸚鯉魚味濃但不算爽身，跟醋很配。龍蝦仔非常鮮甜爽口，超值！三文魚腩很肥尾，但吃上２－３片已膩。原個赤貝亦爽甜得很，加上甜蝦、帆立貝、劍魚腩等，真的很划算！至於壽司因為米飯不是正宗日本米，質數和爭鮮相若，可以不吃。串燒火侯控制亦不甚了了，也可撇徐。最後來了個鯛魚野菜鍋，湯頭明顯用了大量魚骨，絕對是吃畢大量生冷食物後的暖胃必選。

門面簡樸，不具吸引力。不過店內的自助壽司外賣選擇蠻多的。雖然店名叫自助壽司，還是有堂食服務 --- 除壽司身外，還有拉麵，炒飯，天婦羅等小食的。這家店還蠻會用盡空間，雖坐席不太多，但還有一點擠逼感。 店內人來人往，所以有點水泄不通，也覺得有點嘈，如果是想朋友靜靜的聊聊天，這家店應該不算好選擇。這次友人請客，點了很多刺身和壽司。 說真的，還蠻有驚喜的！刺身和蠔都是新鮮運到，即選即開即食。刺身味道鮮甜，而且師父刀功不錯，魚生片厚度適中。刺身拼盤裝飾也看出花了不少心機的。整體感覺也不會比連鎖店板X和元X遜色的。生蠔選擇也蠻多-- 日本岩蠔，巴西蠔，法國蠔等⋯ 個人最愛日本岩蠔，又大隻又肥美，再配上幾滴檸檬汁，鮮味更出！堂食壽司和手卷都可即叫即做，所以壽司飯還是暖暖的，飯身也不會過硬，確保是新鮮的。魚生片也很大片，材料蠻足的嘛！這家店其實蠻受附近街坊歡迎的，其實新鮮的日本料理本來就沒有親民價， 但壽司和刺身拼盤等價位還是稍為比連鎖店的便宜一點，新鮮程度也絕不比連鎖店的差。當然，進食環境就不如連鎖店舒服，但卻就多了一份地道感。整體評分 （最高10分）環境： 6 衛生： 6.5 味道： 8.5賣相

我算是這裡的粉絲吧。但之前都好像沒有為這裡寫幾個字。今天午膳吃過一個性價比較差的日式料理，晚上要調節一下，所以來到公司附近這性價比高高的平民食堂。今天看中的就這麼一條“三刀”超新鮮$88 +配師傅刺身，用完刺身老闆還為我們*鹽燒了三刀的魚頭魚身尾*。最後職員還大大推薦100蚊3隻的*石恆貝*，說是當造季節，果然白肉超級鮮甜另外還吃了生蠔，但我卻都忘記拍照了另外點了些即造壽司，是12蚊兩件的高質平民飯糰。而其他方面，今天的上菜速度有點慢，不過食好東西，我們不怕等而這裡的座位一向稍逼的，不過椅子還是挺舒服。服務態度就是街坊感覺咯，不要一進去就把自己當作高高在上的客人。

超級壽司响牛頭角都已經好多年啦 我間中都會專登過去食下，食材新鮮，款式多，最梗要係平民價 同一般迴轉壽司店質數真係完全無得比一入門口已經有個凍櫃俾你自助選購可以外賣又可以堂食今次同老公過去食下輕便下午茶老公叫左個什錦壽司飯 係咪睇見都食指大動呢！ 每件刺身都充滿油光，超新鮮無雪味，真係件件都有魚味㗎😂我就叫左個拖羅壽司飯 肉色係咪好靚呢！因為師傅係即叫即剁，絕對係剁到有聲有色連响個位都聽到😂 又瘀又黑嘅死肉色絕對唔會响依度出現🙅🏻 完全係聲色味具全 超推介跟住再响凍櫃揀返板海膽一齊食，堂食店員會拎入廚房叫師傅跟飯一set出，就咁食又得，包住食又得，我自己就鍾意跟小小飯，咁先帶得出海膽嘅甘香

其實我一直唔明解呢間壽司冇乜裝修，又逼人，但都成日人山人海。以前冇爭鮮呢就話想食壽司過嚟呢度買外賣返屋企食，依家隔離有爭鮮理應搶左唔少生意，但係都仲係好鬼多人。兩個人今日七點鐘落到黎得返一張枱剛剛唔使等位，其實本身想食壽司不過叫咗個吞拿魚鮮果沙律就唔想再食咁多凍嘢啦，叫咗個鰻魚烏冬麵，朋友仔就叫咗個豬軟骨拉麵，見到個價錢都唔平。鰻魚烏冬麵就分開上嘅，鰻魚好林都有半條，個湯烏冬面呢烏冬面就普通唔多煙韌，湯底好奶冇乜豬骨味，要落七味粉。豬軟骨拉麵個湯底都係冇乜味，拉麵都係普通野，配料唔多囉🙄豬完軟骨冇汁舊骨唔夠軟。吞拿魚鮮果沙律最遲先上菜，吞拿魚就好多但係鮮果就唔多夠，粟米粒都係急凍食物嘅通病太粉唔爽。仲細細碟。我喺個凍櫃隔離見到廚工師傅拎咗啲郁郁下嘅蟹仔出嚟，唔知可以點整。有幾多海鮮攤晒喺度，不過今日都係唔食，因為唔餓。買單唔使200，熱食質素就普通，不過其實都幾貴。可能刺身會好啲。

壽司尚可，中規中矩。 叫咗個生蠔套餐， 睇到好飽滿，都幾大隻。 食慣蠔，已經唔落茄汁辣椒仔，只會加幾少少檸檬汁。 食落口，全部都冇咩蠔味，唔新鮮……甚至只覺有檸檬汁味。。奉勸各位都係正正經經食壽司吧！

南非$138，6隻蠔，看似幾抵食，都新鮮，但一啲味都冇。壽司店，啲飯梗係最重要啦！ 但係呢間野啲飯真係好難食，啲口感好差，一啲壽司醋味都冇，自己係屋企整的兒戲壽司飯都好過佢。整體黎講，超唔值！！！唔會有下次。

每次行經都想同老婆入去試一試，今晚經過無咩人便走入去，誰知唔試由自可，一試就把幾火，魚生唔生鲜，手卷紫菜又唔脆，以佢收咁貴價錢，食物質素比某某迴轉壽司店還要差勁，只此一次。

今日同朋友點左一碗魚生飯 雖然係一人份量 但係份量都偏多! 而且刺身新鮮 值得一試!另外 特別推介安格斯牛柳同串燒鷄腎 即叫即燒 口感同平時放題所食既完全唔同!!呢間絕對係中價壽司之選 一定會再幫襯

今日中午同女友去左食lunch,女友叫左個拉麵，而我就叫左個魚生飯，因為肚餓，所以諗住魚生飯會好快到。大約等左7-8分鐘，女友所叫嘅拉麵已到，咁唯有大家食住先啦。之後再多等5-6分鐘，我所叫嘅魚生飯仍然未到，但我竟然見到隔離比我遲入坐嘅一男一女，佢地所點嘅魚生飯已經到左，之後我即刻問女侍應，點解人地遲過我入嚟竟然食先呢？妳地係唔係漏左落單呀？如果真係無落單，幫我取消佢啦！女侍應聽完入廚房後出返嚟，非常無禮貌同我講，咁你係唔係取消呀?我心諗，嘩，咩嘢事呀？妳無落單仲咁嘅態度，道歉都無一句，之後我答佢話，緊係啦，我女友都已經食完啦，而且唔明點解隔離檯個魚生飯可以食先過我囉，之後女侍應好不屑咁由我張檯大叫到去同女收銀講話，xx檯取消魚生飯，就走左去。到最後埋單，去到女收銀收錢時都係，佢全情黑面，我最唔明點解全鋪無職員覺得係佢地疏忽，以引致今次事件，最好笑連一聲唔好意思都無講，今時今日嘅食市可以以咁嘅態度對食客，我相信都好難搵到第二間!

自從唔係屋企住之後，得到一個幾有趣的housemate🌝 終於我地得閒可以食到一個開年飯啦😂 但又決定唔到食咩🤔 佢就建議不如去佢平時食開既「飯堂」食飯😂收工返到去放低成身袋，之後搭過的士都係$30. 去到都好快入坐低左。一坐低就寫左好多野食，味噌湯、鵝肝壽司、三文魚腩、海膽、左口魚邊、煙肉荔枝串燒、金菇肥牛卷、黃金魷魚，重點：叫左一隻蟹🦀蟹肉鮮甜，而且食得出好新鮮，感看好似岩岩係海釣上黎咁😂大餐唔知食左幾錢，多謝朋友埋單👏🏻

已經很久沒吃了，夜晚十二時左右，見肚餓又沒選擇的時候，就決定進入店鋪，叫一個海鮮拉麵大辣，期待已久的食物終於來了（因為我好肚餓）來到時候看到面頭很多辣油（沒錯我是點大辣）開始吃，充滿著很重的辣椒油味道（平常吃公仔麵會落的普通椒油）我在想（七味粉會否好一點）拉麵湯底沒什麼味道，有齊基本海鮮材料，然後吃到了椰菜（紫菜可能更加好）味道完全不配，最後我看到有翠玉瓜，感覺真的很不搭，很難吃，可一不可再 結帳$75

好耐冇食日本嘢有啲掛住超級壽司嘅刺身，超級壽司能屹立多年多得一班食客撐場，令食材貨如輪轉，日日都有好嘢食，仲有其他日本餐廳冇嘅嘢食。火灸左口魚邊壽司飯有啲燒焦咗，左口魚邊鮮甜得嚟有咬口加拿大海膽壽司B睇個樣都知唔夠新鮮，可能擺耐咗，要食海膽都係叫整盒刺身好過壽司，有加拿大膽/馬糞膽同新鮮紫海膽刺身，跟埋飯同紫菜，會正好多！芥辣八爪魚壽司芥辣八爪魚同黃金魷魚都偏鹹，壽司飯醋味恰到好處，紫菜香脆藍鰭吞拿魚蓉壽司一般，見啲色水唔夠新鮮竹筴魚刺身拼盤，二百幾蚊有原條竹筴魚之餘，仲有三文魚、希靈魚、赤貝、牡丹蝦、黃金魷魚、油甘魚，咁抵去邊度搵牛油果軟殻蟹壽司牛油果唔夠熟，整體味道還可以廚師發板今晚有個新菜式叫《荒汁煮吞拿魚眼鍋》，你冇睇錯，係食手掌心咁大嘅魚眼！荒汁係用味醂加醬油煮，有家庭菜風味，有好多魚雲狀嘅魚肉，拌煮什菌、洋蔥、露筍、豆腐，咁有新意又好味，下次再嚟都要encore!

九龍灣呢間超級壽司, 店子小小, 但來頭唔細,因為入面好多款新鮮日本食材, 尤其生蠔, 開PARTY真係會係呢度買壽司呀 !星期日去開街, 當然會去呢間食我最中意既汁燒三文魚腩骨,而且想食真係要入去時問問職員有無 ! 因為我試過去到賣晒 !店內座位唔多, 而且係較迫, 但係滿枱食客, 就已經知道有一定的顧客。作為熟悉該店的顧客, 大家一食完都會快快離坐, 比其他顧客享用。最近換左餐牌 :當然都係叫左汁燒三文魚腩骨拉麵配凍綠茶蜂蜜 $45等左一陣就有啦 !!賣相好靚呀 ! 三文魚腩骨都有2-3大件 !三文魚腩骨...雖然名符其實有好多骨, 我中意先抽起晒所有長骨,再一啖啖咬落去。腩骨加埋燒汁好甜, 三文魚肉亦好美味 !麵身雖然唔係平時食開的日本拉麵, 但都煮得彈牙, 加埋個湯又唔咸 ! 所以整體評價都好高呀 !!