超男

多謝朋友帶我來佐敦恆豐中心試Ramen Champion.揀咗裡面的"超男"招牌的豬骨濃湯半熟蛋拉麵! 鐘意它滷蛋好入味, 係溏心, 而且豬骨湯也濃郁! ! 拉麵係較粗好彈牙(有d似烏冬), 它份量相當大, 這芽菜山... 芽菜多到O_O太誇張，只能 挑戰極限打大佬@@朋友揀咗辣味豬骨濃湯拉麵，辣味冇咗熟蛋，另加要收$10不過超男Bario好似正準備關門大吉，想吃就快GO吧!!!…查看更多

拉麵的旋風在香港不斷的愈演愈烈，在大街小巷越開越多！其中Ramen Champion就看中了這一點，以拉麵競技場模式，於同一餐廳內引進了多家拉麵店。幾間拉麵店各自經營，以業績及食客意見作比較；更會汰弱留強注入新血，藉以提升拉麵質素。進入Ramen Champion後，會先獲發電子幣，憑幣再到各店點餐。鋪內十分熱鬧！因為各店的店員，甚至主理的日本師傅都會落力以半咸淡的廣東話推銷，場面搞笑！超男賣的，是來自北海道「二郎系」的拉麵：豬骨湯底以偏油膩見稱，份量大至出現小山丘，是男人的浪漫！果然，拉麵來的時候份量果然大得嚇人一跳！喝了一口豬骨湯，味道不算香濃，但湯中微帶油脂粒，做到了「二郎系」拉麵的感覺。叉燒也略為偏肥而滑身，口感可以，拉麵麵身較粗；拉麵中亦有加入大量芽菜和洋蔥平衡膩感。總體而言味道可以。…查看更多

在佐敦恒豐中心無意間發現了一條拉麵街，內有八九間拉麵店。行了一圈，在煩腦揀選那間拉麵店的時候，有一帶日本口音的師傅熱情推介自家拉麵，就是這原因試了他的人氣No.1選擇「豬骨濃湯半生熟蛋拉麵」。拉麵店眾多，勝負有時就是這麼簡單！一口呷下豬骨濃湯，味道確是濃郁，鹹香中帶有豬骨甜味。叉燒有三四片，口感腍身，食味不俗。半生熟蛋貨真價實，咬下溏心溢出，蛋香四溢。拉麵富咬口，不俗。於湯中加入少許生蒜及辣椒粉調味，口味更重更惹味。…查看更多

星期5晚的晚餐*突然心血來潮想食拉麵，只因星期日去左銅鑼灣試 拉麵Jo! 又勾起食拉麵條癮~ 之前已經試過 豚王，舞心，梅光軒，Rasupermen，金龍，仲有megabox ge 其中2間。。。 今次試 超男！男朋友仔試 無雙！ 其實材料都大同小異，好吃與否 要睇師傅既功架 好快就有得食喇 第一啖就試下啲湯，又吾算超濃味，吾錯！好香！再試隻糖心蛋 like 爆！試過咁多間，覺得最好食係舞心既，但係今日一試 超男，果然係我杯茶呀！ 超糖心，岩岩好！麵都好有咬口，叉燒吾太肥，軟軟地！男朋友仔 都覺得我呢碗好食啲呀！* 超男 營業到3月尾。。。好可惜 :( 遲下搬去新加坡了！要再去食多次先得！…查看更多

誤打誤撞之下去到恆豐下面既拉麵競技場(?!)search一search openrice見到超男係最好食既男朋友就揀左叉燒連溏心蛋拉麵($109)而我自己就叫左第二間既拉麵在此不詳評見到超男寫住話三月底會將業務搬去新加坡好可惜 上到黎 呷一啖湯頭驚豔完全係surprise 可能我地無帶住咩期望入去食係大阪試暈哂最岩名既神座、一蘭、金龍既我地都覺得呢間完全係日本水準重口味 絕對唔淡偏重咸味 浸味係超濃郁味道、質感實在太驚人試埋佢d叉燒半肥瘦 肉挑選得岩岩好亦比起其他拉麵相對大塊隻溏心蛋不得不提無影到隻蛋 但咬落去 係正宗溏心蛋食過先覺得佢不負溏心之名裡面係最最最最“正確“既口感講下麵質係粗身既“好煙un“麵身係可以食到“sher sher“聲或者啜到既麵配搭埋我以上講既元素呢碗麵簡直係神作好可惜我唔係買依碗 haha呢間係真係唔洗去排一兩粒鐘隊既拉麵店而確確實實有一蘭既水平而且本月底便結業多幾分唏噓希望大家可以係佢走之前試下呢碗神作…查看更多

原本同男友講好咗去柯士甸小路食韓國野, 但經過恆豐中心見到Ramen Champion, 怕排隊搵食嘅我地, 見到唔洗等位, 就立即轉軚食拉麵啦。入面就好似food court咁, 有六間唔同特色嘅日本拉麵。由於我哋到達時未到七點, 所以食堂內仲有好多位。入場時有2位工作人員比咗一人一張卡我哋, 係用嚟點餐同付款嘅。行咗一個圈, 最終我簡定咗バリ男的主打拉麵, 點餐時日本師傅仲晌廚房走出嚟, 舉起大姆指笑住對我講: 日本人真係好熱情! 如果我哋香港人可以少d板起塊面, 多多學習各地好嘅待客態度, 相信社會氣氛必定會更和諧 =)叫完嘢食, 比張卡店員DO一DO, 然後佢就比咗個BB機我, 當部機一晌就可以去領食啦~!等咗大約10分鐘左右, 终有得食啦~! 領食處側邊擺放咗D調味料, 自助形式, 好方便。我嘅拉麵係東京豬骨湯底, 湯最上層係透明嘅油脂, 湯底以豬筒骨熬 12 小時以上, 所以好香濃, 同往日晌新宿歌舞妓町食到的一間拉麵店嘅湯底好相似~!  加上D生蒜、辣粉, 好惹味!! 超男嘅拉麵比較粗身, 有咬口, 唔會怕因為浸得太浸而變淋。加上大量芽菜一齊食, 更加爽口呢!另外, 义燒肥瘦均稱, 一D都唔乾, 唔會怕痴牙! 味道方而比較淡, 但同濃厚湯底一凹一凸配合起嚟就好夾啦! 不得不提個原隻流心蛋, 滷得非常入味! 蛋黃熟度係剛剛好, 唔會一咬落去就流到周圍都係。讚!!------------------------------順帶一提, 男友叫咗南青山拉麵, 晌哩度就唔多講評語。但個人就較欣賞超男嘅湯底同蛋。 …查看更多

食過幾次, 亦試過隔離幾間.佢嘅湯底好味唔太鹹, 不過唔算好特別. 其實偏油咗啲, 雖然知道正宗嘅係咁.好多牙菜 (澄番均, 感覺好似健康啲咁 ) !麵嘅口感啱啱好. 叉燒好食過隔離嗰幾間, 夠冧, 肥瘦分布好. 糖心蛋不過不失.…查看更多

RAMEN CHAMPION都係朋友介紹下先知平時我成日係佐敦尖沙咀出入都唔知有呢間店位於恆豐中心地庫,平時少去當日人較少可以聽每一間拉面店的員工推介超男的員工好熱情亦帶有日文口音所以決定一試我男人就試了另一間無雙超男的拉面比平時香港吃到的拉面偏硬一點溏心蛋很好食是原隻沒有切湯底很濃是黑蒜豬骨湯底對我呢種"重口味人士"岩晒芽菜也超多整個碗撈一撈發現都有的芽菜蹤影要是面身可再軟一點就很好…查看更多

老公去佐敦買野,佢話啲fd 講 RAMEN CHAMPION 有新鋪去到, 見到有兩間, 但老公仍然情歸呢間個麵依然好彈牙, 我上次去食, 係偏硬身,唔知係咪有人俾意見佢, 現在無咁硬我好鍾意佢啲芽菜,我偷咗老公啲嚟吔個湯好正, 加埋啲辣粉, 一流!!! …查看更多

同樣愛吃芽菜的同事向我推介了「超男」的「芽菜山」拉麵，於是午餐時間走去試試。「超男」是其中一間位於恆豐中心地庫拉麵專區的拉麵店，這兒有點像購物商場的食街，各拉麵店設在場內的外圍，中間位置則是客座，其中一檔是茶水檔，為客人提供免費綠茶和售賣其他飲品。每一名客人進場時都會獲發一張智能咭，用來記錄購買的食物飲品，用餐完畢後拿咭到收銀處結賬便可以了，相當方便。由於我目標明確，所以沒有仔細研究其他拉麵店的出品，直接往「超男」點了我要的「豬骨富士山半熟蛋拉麵」。點菜後，店員便給我一個像手提電話大小的裝置，叫我稍等一下，待它著紅燈和響起來時便可以再來取麵，這安排方便食客不用站著等，算體貼。「超男」有日本師傅助陣，頓時令我對其出品更有信心。當我拿起手電拍照時，師傅更擺出英明神武的姿勢和chok 樣呢，真鬼馬！我的拉麵上名符其實有一座「芽菜山」，只計芽菜大概有八厘米高，麵店還提供一個碗，內裡放有豉油讓食客用來拌芽菜吃。我把芽菜放進這個碗內，竟然可把它填滿，可想而知芽菜的份量實在多！看到拉麵的真身，才知原來是粗麵來的，麵身有咬口，很合我口味。豬骨湯的味道夠濃香，但喝後不會感到口渴，而且味道跟粗麵很配，用來送淡味的芽菜亦十分美味。碗內有三片厚厚的叉燒，脂肪不多，但肉質又滑又淋，滲出滷水的味道，相當好吃。滷水蛋亦煮得很入味，半熟的蛋黃晶瑩軟熟，是水準之作。我把整碗麵吃完，可是即使再努力，也只能吃掉一半的芽菜，下次或者要叫師傅把芽菜的份量減半，免得浪費呢。…查看更多

肚餓時總會想找個有份量的東西吃Bario看似很有份量豬骨拉麵：芽菜多到……唔怪得知呢個叫富士山拿出一大碗芽菜下還是芽菜……麵呢？芽菜好像有點生，食落有少少腥味麵條配搭芽菜食，感覺爽口，美中不足的還是腥味……溏心蛋很好食，好入味，可惜是原隻蛋上菜乍看之下以為是滷水蛋另外要用筷子把蛋一分為二有少許難度…查看更多

講咗咁耐, 呢日終於都同男友仔黎呢度一試!!!其實選擇唔算多, 只係有幾間, 但係我地都行咗好多好多轉先決定到, 哈哈~左揀右揀之後, 我揀咗……… 呢個……………… 『男人』鍾意食辣既我, 就係比呢個『男人』果碗紅當當既拉麵相吸引咗!!Order 咗一碗: Tonkotsu Spicy, 再加 $10 蚊雞要咗一隻流心蛋~跟住是但搵個位坐低, 就一邊傾計, 一邊等個 order key 著燈震震…“de~~ de~~ de~~” 燈仔一閃一閃, 可以去拎野食啦!!每間舖頭既旁邊, 仲有少量其他調味料自取, 比如: 蒜蓉、辣粉、魚粉…等等~充滿期待咁望實男友仔幫我去拎拉麵, 哇!! 好紅既湯底喎, 碗面係超滿滿一大堆既芽菜!!旁邊放住 2 片叉燒, 同埋一隻流心蛋…辣還辣, 但係湯底望上去, 就好似一層厚厚既油, 所以…扣分!!為咗試味, 括出去, 就試一啖湯... 嗯~ 辣味係有, 可惜湯底味道出奇地淡, 所以…扣分!!麵條, 質感同粗幼都同車仔麵果種 “油麵” 相似, 粗身但無咩咬口, 所以…扣分!!叉燒, 薄薄既 2 片, 肥瘦尚算平均, 油脂感唔錯, 肉質亦算鬆化, 一般啦!!流心蛋, 完完整整既一隻, 顏色顯示蛋係用醬油醃過, 可惜一剪開………失望!!!!! 根本蛋心已經近乎全熟狀態, 何來流心!? 而且, 蛋香味不足, 只食到醬油既味道, 所以…扣分!!!分量的確唔少, 食完超級飽肚, 可惜…食味同質數都失望而回~總結係, 我同男友仔都覺得, 不值回頭!!! …查看更多

今日同男朋友去食拉麵首先講下個拉麵先個人認為拉麵不夠彈，個麵身略粗，使口感食落去好似食緊烏冬，但係個味道係拉麵。而且拉麵質地有點硬。其實我會比較喜歡啲幼身小小嘅拉麵。湯底方面,豬骨湯底會滲出一陣清香既黑蒜味，味道令人感到喚然一新。但有一欠缺是太咸，當我吃完拉麵我需要不斷飲水，勁口乾。另一個感到讚嘆的是溏心蛋。味道非常出,同拉麵很合襯。裏面的蛋黃真係一流。很想食多幾個。叉燒方面,口感不錯,軟硬適中。我最擔心食到啲咬不開既叉燒。呢個又唔錯Bo!有另一個問題就係芽菜出奇地多。多到有點不知所措。整個碗都是芽茶。我想這個拉麵尚可接受，不過不會多吃，麵質我覺得可以改善。…查看更多

因為這裡真的很近我工作的公司-w-碰巧朋友說了想試就相約在星期六再來這裡找拉麵吃。今次吃的是這家 想試的原因是因為之前沒吃過沾麵啊 :)所以想試試，最後點的是 - 「豬骨濃湯日式沾麵」麵的口感不錯  而且份量算多的。不過當然價錢也相對較高><試了一下那個辣醬覺得還好(不算辣)，就將辣醬混到整碗！！誰知原來是愈吃愈辣，就算加了附加的豬骨湯也是沒太大減到辣度Orz如果將整碗的麵條吃光就會在到碗底的這個字樣 …查看更多

忽然飯局沒有頭緒,正在苦惱晚飯地點時忽然閃起拉麵這詞彙,地點方便的佐敦拉麵戰場應該是不錯選擇,相信也不用如一蘭般排長龍吧?!平日晚上七時左右的恒豐中心地庫拉麵場果然不用排隊,入場前收到一張如發達通的結帳咭,這做法的確很方便,但會否有人會渾水摸魚不結帳離店呢??偌大如FOOD COURT的拉麵場雖不用排隊入場,但環顧一周場內已沒有單獨四人位置了,為免連中間大圓桌的相連位置也沒有,咱們快快的佔據其三,跟其他食客一同看到這白色圓形擺設吃拉麵好了。繞場一週看看誰家拉麵最合心意?七家(還是六家?!)拉麵店的店員皆熱烈招徠,氣氛的確熱鬧非常,自問對拉麵認識不多也沒有必吃店,每碗拉麵樣子看來也相若,反而拉麵有著一座高高芽菜山及名為超男的最近咱們座位,那就選這個男人吧,看看這位超男是否真的那麼超級?!還是吃至超超聲??!!以非常有禮又很有笑容女店員站場的超男,以地道廣東話溝通實在方便,點菜後接過有著店名的"傳呼機",正如其他店員所言的''BB COME BACK",場內果然BB聲此起彼落,終於看到自己的"CALL 機"BB聲的響起,我要離座覆CALL了。自己所點的豬骨濃湯半熟蛋拉麵($98),比其他拉麵多了一座小小芽菜山,相對好像多纖維一些,完全適合要多吃菜的我,生芽菜被熱湯浸熟後還保持爽口,還可以平衡豬骨湯的重油感覺哩。除了芽菜山搶眼外,豬骨湯同樣吸引著我的視線,只因那層油像保鮮膜般將湯麵蓋著,過橋拉麵乎??湯底有著點點脂肪碎,油脂比例的確蠻高,芽菜上的黑椒令油潤湯底多了一重黑椒香,加上有點淡淡如味噌的味道,湯底其實還算美味但實在有點過油,自己實在沒法將其喝光以表讚賞了。相對好友的兩碗拉麵,超男的拉麵相對較為粗身,沒有軟硬度選擇下我的麵條硬度偏高,有著很彈牙感覺也需要咀嚼時間多一點,結果咬得有點牙關發軟,但卻是自己喜歡的麵條韌度,只因太軟的一向不是我的茶,跟有點油潤的豬骨湯底同吃更覺滑溜。三片日式叉燒如五花肉薄切,肥瘦相間的肉質很柔軟,看似很肥但沒有油膩之感,只是味道不重的叉燒竟給我有點在吃煲湯豬肉錯覺哩。整碗拉麵我視這顆雞蛋為主菜,看似死實鹵水蛋外觀的半熟蛋會否令我失望呢?一咬之下發覺深色蛋白原來是柔軟細滑還有點點醬油甜味,中間橙色蛋黃像柔軟的固體,沒有流心卻像果凍般軟滑,除了蛋白外連蛋黃也入味,此半熟蛋也沒有令我失望唷。拉麵場內供應免費熱茶凍茶,感謝美人細心地選了清怡的凍茶幫我降溫,免費凍茶茶味非常輕柔,跟開水沒兩樣,吃完拉麵後來一杯總不會錯的。…查看更多