超人雞煲烤魚 (已結業)

款色比較多，見到仲有倉魚，$36一個倉魚飯，呢個價錢好抵食。而且好多人排隊，啲餸都添得好快，好新鮮。炒菜都有驚喜，爽脆唔會太淋，都冇變黃。味精唔會太重，似食屋企餸，蕃落炒蛋同一字骨必食。

33蚊兩餸飯平就平啦，但孤寒到死，食涼瓜斑腩，手指尾咁大嘅班楠你，椒鹽豬扒切到碎到唔碎，員工求求其其應完你就算，冇下次。整體而言，食物選擇種類唔多，同埋refill 速度好慢。

同朋友行過見到呢間門口招牌有賣烤魚，好似幾抵食咁，於是入去諗住試下新野。上菜見到條魚都好大條，擺盤幾靚，而且條魚開左邊攤開埋，唔洗自己翻，好方便夾。佢有兩種魚揀，我地揀左$268既鱸魚。啲魚好滑唔會老，同埋都冇咩細骨，汁既味道都香好好味，如果魚肉再入味啲就一流。不過浸耐左之後，啲魚肉索曬啲汁都好正。比想像中有驚喜！旁邊仲有啲豆卜，芽菜同萵荀，豆卜浸到入曬味好食！值得一試。環境方面一啲都唔逼，仲有兩層可以揀黎坐。另外見佢門口都有賣兩餸飯，好似都好抵食，款式好多，有蝦又有魚，個樣仲靚靚仔仔咁，下次經過再試食一下！