影片
之前屋企人买过几好食，但上个礼拜已经听佢哋讲话唔会再买，话差咗好多。但今晚我唔记得咗我走咗去买，然后真系激到我一肚气！都已经八点几，仲有好多𩠌净，但𠮶两个姐姐仲悭住咁样俾啲𩠌你，好似乞儿咁。佢净系俾得𠮶少少我，我就笑笑口话「唔该姐姐可唔可以俾多少少菜我呀？」（都差唔多收舖啦其实）然后佢不停用乡下话闹我！我都忍佢，当唔识听听唔到！然后佢将我个饭盒摆咗喺Cashier,咁我就俾钱,比完钱都要放返个银包架，𠮶5秒都冇，个姐姐又闹我，叫我好快啲拎走佢！（完全系冇人排队，无阻住佢做生意！！）我都忍佢，我真系觉得自己好高EQ! 但系个心真系嬲到震！！返到去打开个饭盒，真系好似食猪潲一样！油笠笠，见到都唔开胃！！仲要有毛！！ 真系好呕心我成个饭盒掉咗佢！！！ 太唔开胃！！
继续阅读
平时路过见到好多排队，所以都好少去睇吓有咩食，今晚路过望到烧味双拼都只系$28 ，觉得几抵，所以排队试一试。门口有两条队，长𠮶条系买两𩠌饭，短𠮶条通常都系买烧味外卖。叫咗个叉烧烧肉饭，因为太多人，收钱个姐姐唔会理你想要肥叉定瘦叉，总之出乜你就食乜。个份量细过平时去街市食发泡胶盒嘅双拼饭，但反而个份量系啱啱好，仲有一条油菜，性价比几高！叉烧烧得唔错，个皮有啲焦香，咬落去仲有少少脆，烧肉就稍为太肥，全部都系肥膏咁滞，不过睇返个价钱，仲想点。
继续阅读
您可能会有兴趣的...