超人冰室 (已結業)

changed to " 北京人家" (peking style food)of the same corporation---Maxim's

Good!

可能超人要回歸M78星雲老家，所以結業！

之前曾惠顧Hello Kitty 餐廳, 覺得食物不俗, 食物如o者喱, 魚片又有Hello Kitty 的模樣, 心想同屬美心的超人餐廳, 也不會太差。怎料入了超人餐廳, 才發覺除了門口的大超人公仔及餐廳內的裝修有超人的造型, 飲品紙杯有超人的公仔外, 食物本身連命名也與超人沾不上半點關係。餐牌上的食物, 基本與普通茶餐廳一樣。兩人分別點了孫師傅豬扒飯及淡咖喱雞絲意粉。不知這味孫師傅豬扒飯是否由大廚孫師傅操刀, 豬扒很鬆軟, 配燒汁味道很入味, 也不俗; 淡咖喱雞絲意粉就如其名, 較淡, 只屬O.K.但是超人Fans,就會很失望了!

新改革O既超人冰室的確唔同O左，坐得舒服，食物味道都大有改善，但餐牌食物款式少選擇，午餐都幾經濟，由廿幾蚊都四十幾蚊都有。海南雞飯味道算唔錯，但份量太少，同Hello Kitty比較，超人冰室會好一D，因為感覺上無咁呃錢，起碼物有所值！

　　話說「超人冰室」前身「超人餐廳」新張o既時候，小王子第一時候去睇睇，但睇完之後發現完全唔掂，只不過係一間多o左D 超人公仔o既快餐店(可參考小王子上一個食評)，但變o左冰室之後，可以話係另一番景象。　　首先，改善了以前自己等位的快餐店模式，改為門口等兼有人帶位。另外，由於價錢貴o左，所以少o左好多一家大細去，即係少o左好多細路走o黎走去，嘈喧巴閉(雖然仍有細路o係度玩，但情況可以接受)。　　食物方面都唔差，有人招待，唔駛自助。叫o左「新版五香肉丁炒一丁」$34 同「乾炒牛柳絲意粉」$4x，食物雖然普通，但味道幾好。所謂「新版五香肉丁」，只不過係一般五香肉丁，揀走肥膏部分﹐加入冬菇粒、荀粒同炒，有少少誤導成份，但炒得好惹味。「乾炒牛柳絲意粉」同乾炒牛河無乜分別，只不過河粉變意粉，牛肉變牛柳，味道可以，而且夠鑊氣。　　裝修過後環境唔差，都有好多形單隻影o既人叫碟o野，叫杯o野飲，就坐o係度睇報紙、睇書，都無人趕(果日係星期日，都唔少人)。但係價錢就稍貴，有D 唔值，可能平時D o野抵D。

之前沒有去過超人餐廳，見佢改名做冰室，咁就去睇睇，點知非常失望。星期日，晚上七點，入到去見到非常少客已經奇怪，見到個餐牌更加想走。款式不夠，而且平平無奇。於是叫了一個孫師傅豬扒飯，加豬頸肉一丁。豬扒飯d 豬扒唔入味，名上雪味很重，失敗。一丁重差，一d 味都冇，好似用水煮完就俾你食，真係放o左入口都想吐返出o黎。差勁差勁~~~~

其實黎之前對le間野既食物都冇咩期望架喇!黎係因為我鍾意ultraman!好可惜去到先知道原來間野係咁細..食物更加係比我想像中仲要差囉..仲有呀,個超人企係燒味前面..真係好冇feel呀..好失望!

Good service,good environment,quiet good taste.

service very good but area very small too busy

It's official name is Ultraman. Although in chinese, both Ultraman and Superman translate to the same name. They are very different. CTI's superman is kind of Salty Egg Superman. Ah! It is a good idea to open a salty egg superman restaurant too.

Same as the CTI's one ? ?

對快一直無期望，但兒甥仔玩得好開心，ok 喇!

梗係啦，都係美心集團，野食係與快無異，只不過砌超人怪獸圖案出黎逗細路開心姐！食物普通到唔普通，帶細路去睇下超人好喇，大人去唔好咁大期望呀！不過d 超人姐姐服務真係好唔錯！

我非常同意那裡的環境非常迫, 而且買o 野食條隊先衰, 亂七八糟,o 野食又唔係出得快, 又無牌仔之類o 既東西.. 都唔知邊份係自己. 食物質素方面, 石頭飯加勁酸意粉, 兼且唔熱. 總之搵笨啦!