走過十萬八千里找到你

营业中

休息中

情人節當日去食，環境ok,情人節套餐又唔算貴。野食都ok，Cafe來講，算係相當唔錯。不過可能人多，上菜有一點點慢，但同店員講完，都好快跟進。位同位之間有啲窄，人多是會有啲嘈。

伏到核爆!!!!!!!!!!如果你鍾意同曱甴木蝨一齊同枱食飯嘅話，親親大自然，絕對推薦你哋呢間餐廳。個男職員走去同我朋友講，一隻曱甴啫，使乜咁驚啊。再有先嚟同我講啦。其實半隻已經可以call食環??叫左五成熟嘅牛扒，嚟咗個十成熟。真係well-done! 個男職員會問你，咁依家係咪好難食？你咁夠薑問我，我就答你真係好難食。仲要漏單，漏5樣漏2樣，食左個半鐘，谷鬼氣。想挑戰EQ同腸胃嘅你就嚟啦。。。。

今日同朋友去咗旺角一間幾有格調嘅Cafe，裝修走簡約工業風，燈光柔和得嚟幾有情調，坐低即刻覺得成個人放鬆晒。 主菜叫咗「北海道帆立貝海膽醬扁意粉」，帆立貝煎得恰到好處，表面微焦，內裡保持鮮嫩。海膽醬汁濃厚得嚟帶啲甜味，同扁意粉好夾，每一啖都食到海洋嘅鮮味，水準唔錯。 甜品揀咗「抹茶紅豆自家窩夫配抹茶雪糕」，窩夫外脆內軟，紅豆唔會太甜，同微苦嘅抹茶味平衡得幾好。抹茶雪糕茶味濃郁，慢慢溶化時撈埋窩夫食，味道層次豐富，作為收尾幾滿足。 飲品方面，我嗌咗「玫瑰果洛神花茶」，酸甜清爽，朋友飲「桂圓紅棗茶」話幾潤喉。跟餐嘅餐湯同多士都幾有心思，湯夠creamy，多士香脆，簡單但做得仔細。 整體嚟講，呢間Cafe食物質素對得住價錢，環境又舒服，唔會太嘈，適合慢慢食吓野、傾吓計。

今日去咗旺角一間好隱世嘅Cafe，裝修好精緻，啲燈光暗暗哋但又好warm，坐低即刻覺得自己成個文青咁，勁有feel～ 首先試咗個「忌廉龍蝦汁甲羅燒貓耳粉」，個名已經贏晒！上枱嗰陣聞到陣龍蝦味超香濃，啲貓耳粉煮得啱啱好，咬落去有啲煙韌，掛滿晒忌廉龍蝦汁，每一啖都鮮味爆棚！甜品嗌咗「抹茶紅豆自家窩夫配抹茶雪糕」，窩夫外脆內軟，仲有啲紅豆粒粒係中間，甜甜哋同抹茶嘅微苦balance得啱啱好～最正係個抹茶雪糕，茶味好出又唔會太甜，溶咗少少撈埋窩夫食，真係想encore多份啊！飲品方面，我嗌左提子梳打水～仲有跟餐嘅餐湯同多士，個湯creamy得嚟唔膩，多士烘到脆卜卜，蘸湯食簡直絕配✨

鄰近油麻地地鐵站, 我食過唔止一次, 呢度好岩同朋友仔慶祝生, 餐廳掛滿不同種類、顏色的乾花，滿室花香，全間餐廳都是「打卡位」, 環境舒適, 一路享受著美食, 整體氣氛好舒服, 好chill, 好浪漫, 重點性價比極高. 套餐包主食+是日餐湯餐湯用上貓肉球的杯子裝著, 特別可愛,忌廉南瓜湯, 軟滑creamy同勁濃郁,再配上香脆的蒜蓉多士, 多士配湯, 果然絕配主菜北海道帆立貝海膽醬扁意粉 $178.0扁意粉軟硬適中, 又有咬口, 北海道帆立貝呈圓扇形，肉質厚實，而裙邊會呈波浪，口感滑身鮮甜, 配上海膽醬,既鮮味又濃稠, 十分掛汁, 扁意粉面放上木魚絲, 好像一位少女在跳舞, 扁意粉吸收曬所有材料嘅精華，真係好食到停唔到口三文魚子龍蝦汁意大利飯 $178.0飯粒軟硬適中，帶子肥厚鮮甜, 配上炙烤蟹柳, 配上龍蝦汁, 味道更濃郁惹味,既濃稠及十分掛汁, 同時加入三文魚籽,把味更加提鮮, 意粉吸收曬所有材料嘅精華，簡直色香味俱全, 層次分明, 值得推介宇治抹茶紅豆自家窩夫配抹茶雪糕 $88.0三層高的WAFFLE, 超大份, WAFFLE 蛋香味濃, 配上大大粒的紅豆, 豆味濃, 再

以乾花束💐和壁畫作為主題的浪漫樓上Cafe，無論那個角度食物和環境都很出片。晚餐套餐有餐湯和☕牛角包🥐。是日餐湯是南瓜忌廉湯，很大杯。牛角包圓滾滾，酥脆而不油。🍝和風醬燒牛肉扁意粉令人眼前一亮的口味😳😳😳和風醬應該是日本醬油混合燒汁，配搭牛肉和木魚片真有點在吃丼飯的錯覺。扁意粉幼身，掛上更多和風醬汁。🦞🍛三文魚籽龍蝦汁意大利飯比貓太太想像的豐富太多，本來腦補是蟹籽😂太多餐廳會魚目混珠，但竟是大大粒晶瑩發亮的真三文魚籽，非常配搭龍蝦汁和雜菇煮成的意大利飯。🍵🧇宇治抹茶紅豆窩夫配抹茶雪糕抹茶愛好者必點，窩夫屬脆口乾身。美中不足是雪糕只得一球，真想追加呢😋

服務一般，有曱甴。要乜冇乜尋日book左枱3個人 晚上8:30去到佢俾一張細枱我，我以為有好多人訂位就冇理會一坐低已經有超過6樣材料都冇，選擇不多而甜品5款入面有4款都冇！連野飲都可以有啲材料冇…叫左野食。等等下其間隻腳一直好痕俾野咬，然後枱上面有隻曱甴🪳！我要開到聲要求換枱佢先換枱俾我，no sorry ,沒有任何理會and自己搬水搬餐具。ok fine 然後啲野食逐樣上，個湯同包要等30mins先出到兩個，仲有一份要等多30mins再食食下途中，竟然又有隻曱甴係我隻腳到行緊，我嚇到大叫有曱甴！但啲職員有反應，坐係到笑！野食慢但埋單快！呢間野真係冇下次，野食都只係一般。

位於旺角嘅走過十萬八千里，每次入到去，就被佢獨特嘅裝潢吸引，天花板上佈滿咗乾花，營造出一種浪漫而夢幻嘅氛圍，而且食物全部擺盤精緻，非常適合打卡☺️帆立貝蟹肉龍蝦汁意大利粉意大利粉煮得岩岩好，配上鮮甜嘅帆立貝同蟹肉，再加上濃郁嘅龍蝦汁，整體味道層次分明，而且麵條索曬汁，入口非常惹味☺️冬陰功椰香虎蝦海鮮意大利飯濃郁嘅冬陰功味道配合椰漿嘅意大利飯，充滿多國風情🤤虎蝦鮮嫩，米飯軟硬度岩岩好，而且味道酸酸辣辣，真係好開胃🥰另外加錢轉套餐，包一碗湯及餐包，我同朋友一人揀左一款湯☺️我揀左南瓜，鍾意creamy嘅口感🎃朋友揀咗洋蔥黑松露湯，飲落較香濃；餐包今次係鬆軟嘅牛角包🤤最後，唔可以唔提佢哋嘅忌廉草莓窩夫，外脆內軟，搭配新鮮草莓同忌廉，甜而不膩👍最重要係擺盤超靚😍另外點左Mocha、焙茶Latte，好可愛嘅拉花☺️咖啡入口香濃，茶香撲鼻，令人心情愉快🥰📍 走過十萬八千里找到你 (旺角)旺角彌敦道575號Ladder Dundas 10樓#走過十萬八千里找到你 #somedayoneday #打卡餐廳 #人氣推介 #花海餐廳 #慶祝一流 #旺角美食 #彌敦道美食

來到旺角想食得開心打卡靚靚，就要來呢間佈愛情氣象的花花🌹🌸💐餐廳🍴———走過十萬八千里找到你🍴😎呢度環境真系好靚好有心思，無論坐邊個位打卡都係甘靚靚😎食物以西式為主，有飯有麵：我就點左日本🇯🇵廣島蠔🦪義大利🇮🇹飯 $158 有賣相夠精緻飲品有好多選擇，今次想試試特別飲品：紅寶石巧克力草莓🍓鮮奶 $68 擺盤都係講究精緻，真有心思😎最後吾少得點甜品，窩夫🧇係呢度招牌，必食之選，我點左香草🌿草莓🍓自家窩夫🧇配雲尼拿雪糕 $88 吾會太甜味道剛剛好👍

聽個名都知浪漫 OpenRice book咗位 店員安排咗兩個人坐四人枱 環境舒適 方便兩個人傾偈 餐廳滿佈乾花做背景 打卡一流📸黑松露薯條 68份量一般 薯條香脆可口 明太子岩燒蟹棒貓耳朵 148好濃忌廉明太子味道 蟹棒亦都好大條 三文魚子嘅鹹香配上小帶子嘅鮮味 口感豐富 貓耳朵軟腍腍 好食😋北海道帆立貝海膽醬扁意粉 178兩粒燒過嘅帆立貝好大粒 有菇加埋小帶子 海膽醬唔好話好濃 岩岩好 扁意粉又有口感 軟硬適中之如又掛汁 值得一試🤩跟餐加$55包餐湯 餐包 飲品餐湯係甘筍湯🥣好濃好creamy 有驚喜餐包係蒜蓉包🥖香脆 少硬桂圓紅棗茶☕️足料 甜度適中士多啤梨白茶🫖好多士多啤梨籽餐飲奉上兩束藍色小花💐💐打卡一流

💐旺角乾花世界Cafe💐係彌敦道575號大廈㩒10樓，一出lift就會帶你進入乾花世界～環境有氣氛，但得好少位，好彩一早係OpenRice嗰到book咗位，因為佢冇限時，所以啲位俾人訂哂就唔會接受walk-in了 。坐低，叫完野食，服務員就會過嚟你張枱幫你點著個香氛爉燭，一路同朋友傾住計，一路聞到香氛飄過嚟嘅香味，好relax😊呢間舖嘅食物我覺得很足量，所以我哋散叫咗一個主菜+$55跟餐，有一杯$60以下飲品同餐湯（可以揀忌廉粟米湯或南瓜湯）。另外，叫咗一個小食拼盤同甜品。個南瓜湯係直接用南瓜加cream打成，所以係真材實料，口感好厚，味道非常濃郁。附上脆脆嘅蒜蓉包好好食，整塊都好夠蒜蓉味😋每叫一杯飲品，都會有扎細乾花附送，貼合番間舖以乾花為主。主菜嘅忌廉龍蝦汁甲羅燒貓耳朵，龍蝦汁完全包住每一粒嘅貓耳朵。甲羅燒有啲驚喜，用蟹蓋盛住焗芝士包住滿滿嘅蟹膏，蟹膏唔腥👍小食拼盤入面最好食係蜜糖單骨雞翼同脆炸芝士圈，蜜糖嘅甜度啱啱好，會令你有啲食唔停口嘅感覺，芝士圈炸得好通透，佢嘅芝士唔會令到你好滯 。甜品窩夫擺盤好靚，但窩夫製作過程可能加入太多梳打粉，味道有少少苦。Joyfoodstop心動值

🌸《氣質精緻女生必訪！隱藏旺角的仙氣花海西餐廳》🌸 「媽咪，驗完耳不如去食個靚午餐？」 在旺角鬧市中，竟然發現一處自帶仙氣filter的祕密花園✨《走過十萬八千里找到你》。 【是日餐湯】 用上🐱貓貓造型杯子，盛載著綿密如絲的🎃忌廉南瓜湯，再配上香脆可口🧄蒜蓉包，現烤脆度💯！ 【主菜】 「🍝 北海道帆立貝海膽醬意粉」 新鮮帆立貝煎得金黃微焦🔥，特調海膽醬濃郁得來不膩口，而且蒜味爆登💥！ 「🍚 三文魚籽龍蝦汁意大利飯」 兩隻大蝦🦐加上爆破感十足的三文魚籽，龍蝦醬汁燉出creamy又帶嚼勁的risotto～ 【飲品】 「🌹玫瑰果洛神花茶」，酸酸甜甜，份外開胃🍵。 「⚫限量手工黑芝麻」，攪拌時香氣大爆發💨～ 飲品旁邊還放了精美小花束💐【甜品】 「🍵宇治抹茶紅豆窩夫」，外脆內軟，搭配抹茶雪糕🍦，苦甜平衡得剛剛好～現點現烤⏳，製作需時，記得早點下單哦！😉 > 🌸 小彩蛋：離場時，店員還把那精美小花束💐送給我的媽媽。 #旺角仙境 #手機食先症候群 #母女約會聖地 #花藝咖啡廳 #高CP值打卡餐

旺角一間少女打卡cafe走過十萬八千里找到你, 環境舒適，裝修別具特色，佈置充滿了色彩繽紛的乾花🌺，天花上垂掛著各式各樣的乾花🌸，營造出溫馨浪漫的夢幻氛圍+$55跟餐(包是日餐湯🥣、餐包🥖、$60以下飲品🥤)餐湯為香濃粟米湯🌽🥣，配以自家製蒜蓉包🥖粟米湯以特色杯盛載，質感幼滑，甜度適中，散發著濃郁的粟米香氣，面層點綴香草，暖胃又暖心🥰三文魚籽龍蝦汁意大利飯 🦞🍚 $178賣相精緻，烤大蝦鮮香多肉，龍蝦汁濃郁，米飯吸收醬汁精華，配上鮮明爆汁的三文魚籽及爽脆瓜類，沙律菜增添色彩😛北海道帆立貝海膽醬扁意粉🍝 $178味道鮮甜、鹹香且濃郁，帶有嫩滑扇貝與海膽的海洋風味，搭配軟滑扁意粉，口感豐富平衡😋玫瑰花香鮮奶咖啡☕️ $60 一朵嬌豔的花朵點綴在飲品旁，清新脫俗，營造出浪漫的少女氛圍，淡淡玫瑰香氣，柔滑鮮奶，醇厚咖啡玫瑰果洛神花茶🍵 $52以玫瑰果和洛神花精心熬製的花茶，酸甜滋味平衡，清香怡人，是暖身又解渴的絕佳選擇😚，飲品旁的花朵裝飾更添少女風情宇治抹茶紅豆自家窩夫配抹茶雪糕 🧇🍦$88有抹茶的清新，又有紅豆和雪糕的甜美，與熱乎乎酥軟的窩夫搭配，會有冷熱交融的層次感😙🎇走過十萬八千里找到你🎈

今日黎到呢間打卡既花花餐廳好多乾花係頭頂成個氛圍都好chill好浪漫南瓜餐湯配蒜蓉包🎃南瓜湯好夠creamy 好香南瓜味蒜蓉包都焗得好脆口🥖三文魚子龍蝦汁意大利飯🦐個意大利飯除左三文魚子之外仲有青口同大蝦！唔好俾佢個名呃左青口同大蝦熟度岩岩好三文魚子鹹鹹香香撈埋意大利飯一齊食都好有驚喜龍蝦汁煮既意大利飯加埋三文魚子的魚油香味好滿足好有口感😝忌廉龍蝦汁甲羅燒貓耳朵🦞好耐冇食過貓耳朵難得見到就叫黎食下貓耳朵煮得入味再𢳂啲甲羅燒蟹膏一齊食🦀一啖食到曬龍蝦汁、小帶子、貓耳朵同蟹膏好滿足好creamy!草莓自家窩夫 配 雲呢拿雪糕呢個甜品叫得無錯😋上到碟擺盤已經覺得好靚🤩好打卡able🙂‍↕️窩夫又做到外脆內軟滿足到個甜品胃最後叫左兩杯飲品🍻柚香菠蘿檸檬梳打🍍🍋酸酸甜甜好清新醒神焙茶latte有淡淡既焙茶味融入左牛奶當中甜而不膩整體餐廳比到一種好寫意既享受我地想靚靚地坐底傾下計 坐一個夜晚呢度係個唔錯既選擇！

嗌咗個二人餐+單嗌咗個 法式春雞配燒烤醬，軟殼蟹意大利飯不錯，當時餐廳冇曬羅勒醬轉左做龍蝦汁，飯粒冇過淋，調味都不錯，軟殼蟹放咗一陣，但係都脆嘅。燒雞抵讚，好滑幾入味。不過肉眼扒真係搞唔掂。嗌咗五成熟，出到黎應該有七成但煎得唔香都冇牛扒應有嘅crust。食得出佢冇點調味，牛味不足，而且好韌…同埋塊塊扒真係好薄…$298得一寸真係幾令人失望。黑椒汁同中學飯堂差唔多，過鹹不特指仲feel到好重味精味，感覺有啲多餘。嘢飲我地叫左白桃紅茶 同 特濃朱古力。朱古力值得一讚嘅係佢真係有朱古力喺入面，唔係開粉沖嘅。但係個茶真係好甜…強烈建議半糖最後甜品係朱古力軟心蛋糕，味道幾好唔過甜，有whipped cream同貌似義大利雪糕伴碟，味道平衡，總算為呢餐飯作一個總結。