影片
是晚我同阿K继续搜寻日本美食之旅。为咗迁就响铜锣湾时代广场睇戏嘅缘故，我地去咗附近嘅登龙街寻找美食。嚟到呢间居食屋门前，被盛意拳拳嘅侍应打动，咁就行咗入去。内里人唔多，中间有一部好大嘅电视，应该系早前为迎接世界杯而设。餐\牌所列菜式唔多，要问侍应先可以发掘到啲好嘢。我地嗌咗个冻稻庭乌东、寿司拼盘(包括三文鱼、甜虾、墨鱼、海胆、吞拿鱼同剑鱼)和“chi”鱼刺身。据侍应话，刺身用料系由日本新鲜空运到港嘅，以我对鱼嘅有限知识，我之前未见过呢款鱼，加上入口真系有股鲜甜味，相信侍应所讲不假。用埋鱼骨煲汤，鱼骨嘅甜味都入咗落汤度，可惜佢\地放咗味精，画蛇添足，搅到我又皮肤敏感。寿司都唔错，用料也新鲜，饭亦猜得够结实，但又唔会过硬。冻乌东面质够爽、够韧，系合格有余之作。用膳后仲奉上绿茶雪糕，也算得上完满。埋单三百一十蚊，食日本菜嚟讲算公道。其实在居酒屋原本系应该食熟物，下次再去嘅时候会试吓。
继续阅读