赤丸製麵所 (已結業)

有工作要到九龙湾一转，发现了一间叫赤丸制面所嘅食店，唔系太多人，便排队试一试。等左几分钟，便有位，系餐牌见到一个餐，包个乌冬、小食同饮品。两个人各点左一个餐，一个鸡扒蕃茄乌冬加吉列牛肉薯饼加汽水。另一个咖哩海鲜乌冬加章鱼烧加冻柚子蜜。上餐速度快，蕃茄汤几浓味，一个字:正! 至于咖哩汤有D刺激，冬天食会好D，但乌冬份量唔算多，小食就一般，整体都叫OK，可试。…查看更多

由于我得一个人入去食 所以侍应安排我坐吧枱位 座位窄加枱细 两边都有人 坐得吾太舒服 我心谂 可能太好味太多人黎食呢 然后我叫左个赤丸拉面 等左五分钟就上餐 都几快:) 其实个拉面几好食 啲面好有口感 系个汤底咸左啲 食到一半个口就好口干 吾知系咪落左好多味精 我想饮杯茶 点知得清水提供 好伤心 我食左$57.2 真心吾值 仲要加一 个面得一块豚肉 两粒带子(好鲜甜) 有啲粟米同咸菜 同埋一块紫菜 真系味x拉面都抵过佢…查看更多

今日行咗好耐都唔知食咩下午茶好，心思思又想试下我以前好中意食嘅稻庭冷乌冬。行到门口，见到人影都唔多只，心谂会唔会系两年间变成一个伏呢？不过都系入咗去，望住𠮶餐牌我呆咗！我知香港近年咩都加价，但系冇食一年姐，竟然赤丸啲价钱加咗成倍⋯绝对唔抵食！仲要一入到去，有位手掌咁大嘅蜻蜓系到周围飞，吓到我同其他客人差啲尖叫！但系𠮶疑似老板嘅男人都冇即刻叫啲侍应去捉走佢，佢只系话「蜻蜓尼姐」有一刻，真系想即刻走人唔食嫁！最后叫咗个下午茶，辣肉田园稻庭冷乌冬配巨蜂提子汁。佢用芝麻酱去配𠮶乌冬，我觉得有啲留，其实啲肉配乌冬已经好够味。佢话辣肉，但一啲辣味都食唔到，只系得咸味。成𠮶餐好似系炸酱面嘅乌冬版咁，啲青瓜蕃茄同成个味完全唔夹。不过巨峰提子汁味道唔错，唔太甜～…查看更多

好耐无黎过，记得上次最好食既系软壳蟹冷乌冬，所以今次再黎都有点到。不过都系上次比较好食，乌冬感觉细条左但普通，软壳蟹唔错，配沙律酱同蟹籽好match今次食点左set, 价钱同单点唔系差好远，而且有小食饮品，牛肉饼小食唔错，推介。上菜速度都算快另外点了咖哩海鲜乌冬，完全觉得自己食紧咖哩味既cup noodle...都系软壳蟹冷乌冬好食D, 值得一提既系咖哩海鲜乌冬入面既炸虾系无分开上，所以已经淋哂，可以改善下…查看更多

吾写食评都吾知依间赤丸系甘多间赤丸分店最高分哈哈...食物质素的确ok，但如果有lunch set 就仲好. 乌冬弹牙，蛋都算滑，但猪排就麻麻，肉质较实, 炸粉同猪排散开哂. 鸡肉质几好，个照烧汁都几惹味，不过汁吾够，下层嘅饭太干.…查看更多