影片
以上资料只供参考，请与餐厅确认详情
妈妈嘅嘅丧礼。之后，就再晌附近揾食，上网揾揾，赫然发现「贵缘小锅米线」，多年前曾光顾过佢哋嘅红磡店，原来静悄悄搬咗嚟大角咀，咁摘日不如撞日啦。对比红磡旧店，呢度大好多，又新净好好，加上有唔少卡位，自然坐得更舒服。虽然都成8点过后非开饭高峰时段，但依然客来客往，枕住都有8、9乘坐满。嚟得呢类铺头食嘢，相信好多人都知点嗌嘢，以二维码落单都好方便：选汤底（$30-$35），选面底，选辣度，再选特别要求 / 自由喜好，再拣𩠌（分4个价位：$9、$10、$11、$12）。此外，仲有两款新品：酒煮醉香同金汤系列，仲有就喺店家提供劲多特色小食，大部份都喺廿零、三十蚊有交易，并有豆浆、绿茶、汽水……等供应。仲有佢哋嘅服务好人性化，讲到明你扫二维码落单搞唔掂，可以叫店员手写落单，又可以向店员借手机架方便睇片，就连叉电服务都提供埋，真喺今时今日嘅服务，佢哋已经走多几步，而啲店员亦好友善，好好礼貌。酒香醉鸡翼 $39之前就试过佢哋嘅蒜香酱油鸡翼同榨菜猪肚丝，今次见到呢一款新品，当然要试一试啦，鸡翼送到上嚟已经闻到少少酒香，入口确喺渗出阵阵酒香，有一份醇厚感，不过，肉质就无预期之中咁嫩滑，但整体味道确喺唔错。元祖金酸鱼片浓汤米线 + 秘制腩肉 $81老友本身都几钟意食酸菜鱼嘅，所以，一眼就相中呢一款米线，再加一份秘制腩肉，成碗米线真喺劲大碗。单睇外观就知道，鱼片同腩肉绝对俾得慷慨，本身有包埋芽菜、韭菜，而底下嘅米线真喺好似食极都有咁。虽然我哋各有各叫，但都会试少少对方嘅𩠌料，啲鱼片果然超滑溜，又有鱼鲜味，而啲腩炆炆得入味，微微辣有啲刺激感，咬落非常之松化，老友就话佢个汤底好鲜甜，又有一份酸香嘅感觉。特浓新鲜蕃茄汤配米线 + 鱼肉春卷、生根 $56小弟不嗜辣，特浓新鲜蕃茄汤底啱我多啲，而拣呢个汤底，本身已包咗鲜蕃茄、韭菜、芽菜、葱，只拣鱼肉春卷同生根已经觉得好够食，同样大大碗到不得了。先饮啖汤，的确，蕃茄味真喺劲浓郁，酸香鲜活，加埋有啲蕃茄咬吓，越食越醒胃，最后差啲饮晒成碗汤！鱼肉春卷食得出唔喺啲平价货，软滑有弹性，而鱼鲜味十足，啲生根吸满晒蕃茄汤，又变得零舍不同，而米线好滑漏，质感又唔会过腍。黑芝麻豆浆 $10、蜂蜜雪梨茶 $8饮品虽然喺要散点，但唔会开天杀价，跟你出面超市、七仔买嘅差唔多，出面有啲餐厅一罐汽水都收你廿蚊都敢死。老友嘅蜂蜜雪梨茶就唔讲喇，而我所拣嘅豆浆豆味够浓，甜度啱啱好，又渗出淡淡芝麻味。再嚟到「贵缘」，啲嘢食都无令人失望，既大碗，份量足，又好味，无hea做，怪唔之得咁晏都仲咁多人帮衬。
继续阅读
去咗大角咀 经开西九汇 见到呢间「贵缘小锅米线」，好耐冇见啲米线舖系小窝米线，小窝米线特别之处系「一锅一煮」，唔系大锅煮完捞汤𠮶种，每碗都系独立小锅煮，每到汤底同米线完美融合 叫咗佢哋嘅**青花椒麻浓汤**（中小辣）汤底好够味又唔会太咸，米线煮得刚刚好，挂汤能力100分!加咗鱼肉春卷同鱼腐，吸晒汤汁超正朋友嗌嘅 麻辣汤底米线 生菜 猪软骨 （中小辣）**猪软骨米线**，猪软骨煮到超淋，一咬就化，个汤底清得嚟又好鲜甜 小食- **大漠烤猪仔髀**（2件）外脆内嫩，孜然味好香，食完想encore 小食-**贵缘鸡丝火山**：鸡丝捞咗秘制酱汁，微辣开胃，捞米线食一流 食完米线 见到佢地新出左期间限定既「低糖手工糕点」分别叫左4款： **桂花红豆糕** 清甜唔腻，桂花香好突出 **椰汁斑斓千层糕** 斑斓味好香，口感烟韧 **黑芝麻糕** 芝麻味超浓，仲食到少少芝麻粒 **椰汁紫米糕** 紫米软糯，椰香十足 贵缘嘅小锅煮法真系好加分，汤同米线完美结合，食落特别入味！新出嘅低糖糕点都好有惊喜，健康得嚟又好味。
继续阅读
🥢 贵缘鸡丝火山这个冻盘鸡胸丝，加埋榨菜同辣椒Max埋一齐，酸酸辣辣的感觉，好清新！☺️-🥢 麻辣鲍片每次都会叫🤣食落甜甜地好好味！-🥢 家乡红油双拼双拼系笋丝拼魔芋条，冻冰冰好开胃😜-🥢 特浓新鲜蕃茄汤配米线叫左中小辣，辣度岩岩好，蕃茄汤底好新鲜，酸酸甜甜辣辣😝汤底本身有鲜蕃茄、韭菜、芽菜、葱，另外拣左鱼肉春卷同手打鱼腐🥰鱼腐好大粒，有d入口即溶既感觉😝-🥢 元祖金酸浓汤红薯粉如果有得加辣就仲正🤣拣左秘制腩肉同冬菇白，腩肉同冬菇都好入味，腩肉好淋身
继续阅读
我地喺大角咀一直食开一间米线男朋友有次经过西九汇 话开左间新米线琴晚终于去食左😋😋酸辣红薯粉加左冬菇 鲍片 猪大肠汤底仲可以拣澧度5分推荐系饮埋 7分较浓 但铺头推介我拣左7分🤣冬菇同鲍片都系米线铺少见既选择一于试下粒冬菇又厚肉 又入味😋😋男朋友就叫左个麻辣汤底多麻少辣 佢好满意萝白 猪肚 腩肉萝白都炆到好淋👍🏻蒜泥白肉系好薄身既豚肉片 更加吸味叫左碟油菜 份量正常饮品方面呢到无水吧系叫樽装饮品平时绿白色既椰子水就饮得多第一次饮蓝色无平时咁甜
继续阅读
☀️天气开始热噜🌈有阵时都唔想食饭🍚简简单单食碗米线都系一个唔错嘅选择呢🥳🍅特浓新鲜蕃茄汤米粉：蕃茄汤味道好浓郁🔥今次我专登叫左米粉🍜啲米粉索晒啲蕃茄汤好正呀✅𩠌就系可以自己拣😋我拣咗鱼肉春卷、爽口鱼片头、腐竹同埋生菜🥬佢个鱼片头真系好爽口🔥腐竹味道好香豆味👅有惊喜呀🥳🐣酒煮醉香鲜鸡汤米线：估唔到鸡件份量会咁多👍酒煮醉香嘅鸡味道好入味👅上面仲放咗几粒杞子添✅追加左手打鱼腐😋味道唔错💯🥗甜酸斋：甜酸斋系我平时加𩠌都会食嘅😍佢呢个甜酸斋入口已经食得出佢系新鲜做嘅✅甜酸味道适中☺️私心推介喔💯🥛黑芝麻豆浆/豆浆：豆浆系支装嘅❤️味道唔会好甜😍两个都好饮✅黑芝麻味道更加出色👍
继续阅读