賀天

营业中

休息中

間中會去將軍澳海邊行下環境舒服 景色又靚發現附近有間高質日式餐廳✨賀天✨當日壽司仲有買一送一 性價比高餐廳內有魚缸 龍蝦保證新鮮 🦞 伊勢龍蝦併三色刺身伊勢龍蝦肉質超彈牙 味道鮮甜三色刺身，有三文魚、油甘魚厚切 味道新鮮鮮甜🍱 三文海膽四色丼非常豐盛嘅丼飯三文魚厚切 有大量三文魚子仲有非常鮮味嘅海膽 份量都幾多套餐有沙律同麵豉湯🦐雜錦天婦羅有炸蝦、南瓜、冬菇、青椒炸粉非常薄 又香口🍣壽司有一送一 性價比高✨大拖羅肉質肥美 味道鮮味✨北海道右口魚 充滿油脂香味最後仲有甜品為呢一餐完美作結 🫶🏻

這家將軍澳的日式餐廳性價比高，有榻榻米包廂，有寵物友善的露台位，當晚見到不少狗主幫襯。餐廳環境寬敞，很適合跟朋友邊食邊傾。① 日本和風特四色牛肉 $268四色牛肉有和牛，牛小排，安格斯以及牛舌各四塊，跟埋麵豉湯，沙律以及白飯，這個份量絕對可以二人分享！四種牛肉不同口感，當中我最愛燒和牛！高質！② 日本帆立貝海膽盛盒 $238真的很豐盛！毫不吝嗇的海膽，帆立貝，三文魚子，以及蟹肉和玉子燒！除左鮮味，值得一提玉子燒，跟平時吃的不一樣，賣相及口感都像雞蛋糕，有趣～③ 白色海之戀 $98雖然有點似盛盒，但見每日限定又抵食就點了。海膽，帆立貝加牡丹蝦，中間再加牛油果蓉，又幾夾。④ 黃金松葉蟹肉壽司 $32⑤ 火焰北海道右口魚邊壽司 $38⑥ 蒲燒白鱔 $68⑦ 牛舌 $58餐廳逢星期一三五做壽司買一送一，星期二四六則是串燒買一送一，真係超級抵！！而且絕無揸流攤！個蒲燒白鱔是必食之選，皮脆肉爽！我後悔無Encore同叫多幾串其他串燒….最後要讚一下餐廳職員好主動友善，我跟朋友聊天慢慢燒個牛肉，熄左火要勞煩職員替換，之後佢地見到又熄左主動幫我地換，仲叫我地慢慢食～What a wonderful n

Blingbling美食推介✨📍將軍澳🍣 賀天✨ 將軍澳高質毛孩友善日本餐廳🐶🐱💠💠💠💠💠💠💠💠好少黎將軍澳，今日約左朋友特燈揀左呢間係海天晉滙既日本餐廳🧡 餐廳環境好舒服，好濶落，而且仲有好多包廂~ 食物好新鮮，staff都非常友善！我同朋友都好滿意啊☺💠 豐州時令刺身七點 $568豐州時令刺身七點有Toro, 三文魚，油甘魚，赤貝，蝦🥰刺身全部選用最新鮮嘅時令魚生，每一件都切得厚薄適中，口感鮮甜又彈牙😍😍無論係吞拿魚、三文魚定係油甘魚，都一樣咁好味😋💠 牛舌串燒 $58牛舌切得厚薄適中，燒得外層微焦香脆，內裡依然保持嫩滑多汁😋 簡單用鹽同黑椒調味，已經帶出牛舌嘅濃郁肉香，食落去彈牙又有嚼勁🧡💠 蒲燒白鱔串燒 $68蒲燒白鱔串燒真係不得了，燒得香口又juicy😋醬汁甜甜地好入味！食落口感嫩滑，配上炭火香氣，好好味☺☺💠 鮑魚天婦羅 $128鮑魚天婦羅炸得金黃酥脆，外面脆卜卜，裡面鮑魚鮮嫩彈牙！☺ 而且鮑魚好新鮮！🧡配上天婦羅汁一浸，帶出鮑魚既鮮味😋💠 日本青椒仔串燒 $38日本青椒仔串燒清新又爽口！青椒仔細細粒，燒得外皮微微焦香，咬落去爽脆多汁，帶住淡淡嘅甜味同炭火香氣‼簡單用鹽調味

這家餐廳給人的感覺很舒適，淺木色主調，加上有榻榻米，還有海景，整體不錯。餐廳每天都有優惠，我覺得頗吸引。星期二、四、六串燒買一送一，抵食！星期一、三、五、日壽司買一送一。⭐️伊勢龍蝦拼法式羊架伊勢龍蝦肉質鮮甜彈牙，燒得恰到好處，保留咗海鮮嘅原汁原味，龍蝦頭仲有少少膏，好香！ 法式羊架五成熟，內裡嫩滑多汁，羊味濃郁但唔會太羶，搭配少許香草調味，口感豐富。 套餐還有沙律、麵豉湯：日本麻醬沙律清新開胃，麵豉湯用料足，有海帶、蜆肉同豆腐，味道鮮甜。⭐️豐洲刺身定食大拖羅油脂豐富，入口即化；三文魚鮮甜肥美；蝦肉爽口；八爪魚同帶子都夠新鮮，整體質素高。 迷你鰻魚炒飯飯粒分明，雖然係迷你版但份量都夠飽肚。 套餐加配四色壽司性價比高，壽司飯醋味適中，魚生新鮮。 三色刺身也是加配，簡單但質素唔錯，適合想輕食嘅朋友。 軟殼蟹卷外脆內軟，軟殼蟹炸得香脆，搭配青瓜同蟹籽，口感豐富。 ⭐️日本帆立貝味噌帆立貝買一送一，入口鮮甜，味噌調味恰到好處。

豐洲刺身定食啲刺身勁厚切，又唔同款式，今日魚好有日本食既鮮味，勁多三文魚，還有至愛帶子同八爪魚🐙將會有沙律麵豉湯仲有一個炒飯～性價比高三文魚海膽四色丼三文魚🍣好厚，啖啖肉嘅感覺，海膽好鮮有海水味，份量都好多！非常足料，仲有啲已經拆咗嘅蟹肉，配上三文魚籽食，鮮味又再提升一個層次！叫套餐有得幾十蚊追加三色刺身，或者追加 四色壽司🍣真係唔怕唔夠喉～逢星期一三五日，竟然有壽司買一送一優惠！三文魚壽司，三文魚腩壽司，日本帶子壽司，全部都刺身多過飯，非常足料買一送一要一件佢會嚟兩件，非常之抵食！柚子燒日本黑豚肉嘩豬肉有滿滿的柚子味好清新，食串燒都唔覺得油膩！好fresh !巨峰乳酸雪糕特飲乳酸菌味道雪糕好似益力多雪糕咁嘅味道好清新開胃！巨峰特飲好有氣，但係唔會太甜非常好！🍱賀天 (將軍澳)📍將軍澳唐俊街28號海天晉滙1樓104-105號舖

每次經過都覺得呢間日本餐廳好靚，星期二晚終於嚟咗幫襯，餐廳環境好chill, 仲有榻榻米房間，另外亦有好舒服嘅室外座位，好適合帶寵物嘅顧客🐱🐶日本帆立貝海膽盛合丼 $238見到依個期間限定嘅餐牌，有帆立貝，三文魚子，海膽，份量超多，帆立貝有8大件，好鮮甜，海膽亦好新鮮，真係好抵😍安格斯牛扒定食 $228我哋要咗五成熟，生熟度剛好，好嫩，嚟到已經預先切開，一口一件，好正😋另外跟餐追加咗四色壽司$48同三色刺身 $58，好新鮮，亦可以按自己口味要求唔食某啲海鮮，服務一流👍日式辣清酒東風螺 $88份量好多，辣得好刺激，雖然辣但亦都有螺嘅鮮甜味。逢星期二四六，串燒買一送一，牛舌 $58，蒲燒白鱔 $68，牛舌好厚，口感一流，好香🤤 白鱔脆皮，肥美充滿油香，非常有驚喜🤩仁井田自然酒純米原酒 300ml $198米味十足，甜度適中，不經不覺就飲晒一枝😂餐牌仲有其他好優惠嘅菜式，下次要帶埋屋企人嚟食🥰評分：最高為5分治癒度：👩‍⚕️👩‍⚕️👩‍⚕️👩‍⚕️👩‍⚕️抵食度：💉💉💉💉💉翻兜指數：🩺🩺🩺🩺🩺賀天將軍澳唐俊街28號海天晉滙1樓104-105號舖📍將軍澳港鐵站A2出口9分鐘路程

一向都好鐘意食日本和風料理，今日就同朋友去咗將軍澳的賀天，真係食得好滿足！🍽️ 日本和風特色四色牛肉 $268呢個係我最期待既燒肉，一共有4款牛肉：日本和牛、牛舌芯、西冷、牛小排。一入口係滿滿既油脂同肉質鮮嫩，搭配日本麻醬沙律，非常高質！再加上一碗熱呼呼的蜆肉味噌湯和白飯，簡直是完美的組合。🍽️日本帆立貝海膽盛盒$238呢個丼飯真係好奢華！帆立貝鮮甜，海膽的味道濃郁，搭配漬物和味噌汁，讓整個餐點更添風味！🍽️油甘魚刺身$118🍽️三文魚腩刺身$98🍽️ 原條池魚刺身$168三款刺身都非常新鮮，口感滑順，特別是當日飛機運到的原條池魚刺身，好難得可以咁實惠既價錢食到飛機貨，仲要勁鮮甜🤩🍽️ 日本九州手羽（兩本）$58🍽️ 蒲燒白鱔$68因為今天是星期二，正好遇到串燒買一送一，我就加點咗兩款串燒，雞翼燒得外脆內嫩，醬汁入味。白鱔的肉質鮮美，搭配特製的醬汁，又係另一高質之選👍🏻下次再來可以試試佢哋的壽司買一送一，肯定都係會食咁滿足🥰

今晚黎到一間位於將軍澳南嘅日本餐廳賀天。咁岩星期一三五有壽司買一送一，好抵食！👍壽司方面叫咗火炙三文魚壽司，三文魚肉燒得啱啱好，口感滑溜，配埋wasabi 同豉油無得輸，真係一啖接一啖咁食！另外，三文魚腩壽司同右口魚邊壽司都係無揀錯，非常新鮮，魚腩肥美，右口魚邊質感一流。❤️佢哋嘅安格斯壽喜燒唰唰鍋又係有優惠喎😍$168 有勁多樣野食，安格斯牛肉質夠鮮嫩，份量仲好多🫶，加上大量配菜。仲叫有松葉蟹茶碗蒸，蟹肉鮮甜，茶碗蒸滑溜得黎仲有啲海水味黃金日本帶子海膽燒就更加係一絕，帶子烤得幾好，芝士味道勁濃郁，下飯真係一流呀😋另外，西京銀鱈魚又係我最愛，燒得又香又嫩，配埋沙律醬真係perfect match~! 朴葉鰻魚飯就更加係無得輸，第一次食有朴葉係底嘅鰻魚飯，係幾別有一番風味嘅，而鰻魚肉質厚實👍 最後，叫左杯蜜桃汽水，清新解膩😍原來佢地星期二四就係做串燒買一送一優惠，下次要再食串燒先得！😃

👧🏻😋👅🍽✨將軍澳人不可不食😳-🇯🇵 初夏祭日日大優惠!! 逢星期一三五日壽司買一送一, 二四六串燒買一送一!! 地方闊落舒適, 朋友家庭聚會首選🇯🇵 另有抵食二/四人餐, 由前菜到刺身壽司熟食水果, 食材新鮮冇得彈, 將軍澳人食堂 ❤️-▪️千葉二人前 $528🥭 芒果蟹子沙律: 芒果夠甜, 蟹子沙律好清爽🎣廚師精選四色刺身: 爽甜活赤貝, 鮮滑甜蝦, 肥美油甘魚, 厚切三文魚🍣 時令雜錦壽司併賀天招牌卷兩本: 雖然係套餐入面雜錦壽司但每件都超高質非雞肋, 拖羅入口即溶不得了🐑法式羊架: 叫五成熟厚身而爆肉汁, 以少許黑椒調味唔膻好鮮甜🍤 雜錦天婦羅: 炸得透又唔油膩, 特別鍾意甜到漏既南瓜!🍜 迷你安格斯牛肉烏冬: 迷你都好算好大碗, 牛肉上枱時仲係粉紅色, 用熱湯浸熟好軟滑🍈 精美水果: 蜜瓜又腍又甜又多汁!▫️壽司 (買一送一)🐠 東京鰝鰺魚壽司 $42 即係我地平時食開既深海池魚, 魚油甘香又嫩滑, 上面綠色粒漬物酸酸地平衡油脂🐟 火焰北海道右口魚邊壽司 $38 右口魚比常見左口魚又滑, 買一送一時試試呢款稀有魚好滿足☺️▪️三文海膽四色丼 $268🍱 三文魚勁厚身口感柔滑, 油

第一次去到賀天食晚飯原來呢度都好抵食！逢星期一三五有壽司同清酒一送一！晚市套餐價錢唔貴仲可以加配刺身/壽司想食豪啲都唔怕肉赤！和風特色四色牛肉牛肉有四款不同部位分別有日本和牛、牛舌芯、西冷同牛小排每款都有四件份量足👍油花分佈得啱啱好燒起來香氣好濃入口即化肉汁好豐富我特別鍾意佢哋嘅厚切牛舌芯竟然自己燒都好好味慢慢燒到外層微脆裡面仲好嫩點少少海鹽正！另外牛小排我用左快炒形式同樣鮮嫩味濃跟餐我揀左四色壽司魚料新鮮味道可以安格斯壽喜燒涮涮窩男朋友嘅涮涮窩額外加配$98 300G牛小排佢話完全實現到佢嘅牛肉自由牛魔王都大滿足！一上枱見到啲安格斯牛油花分佈靚到似幅畫壽喜燒湯底甜鹹得宜浸一浸啲牛肉再蘸生蛋黃點綴滑嫩到飛起食一啖就覺得人生無憾！仲有配菜蔬菜同葛絲吸晒湯汁鮮甜到爆賀天嘅環境幾舒服枱同枱之間有啲空間唔會覺得太逼店員態度都幾好頻頻加茶收碟仲會提醒你唔好燒太耐服務幾貼心

賀天依家做緊壽司買一送一優惠，所以就吸引咗我同我朋友去食呢間環境舒服，闊落，而且🐶animal friendly侍應服務好細心，會考慮到你先食凍食，再上熱食唔會趕你走，慢慢俾你坐特別推介💁🏻‍♀️火焰北海道左口魚邊壽司 金目鯛壽司日本帆本海膽盛丼overall 魚生都算鮮味 魚子脆口魚生厚薄適中魚有甘香魚油味和風特色四色牛肉食完凍食，好適合再食燒肉四款牛肉質軟身，食嘅時候濃厚牛肉味慢慢漫延成個口腔。

之前和住將軍澳的爸媽到過“賀天”晚飯，感覺質素不俗。今晚再訪，依然能保持一定水準。餐廳設吧枱、廂房，室內及户外座位，裝修簡約。🦞🐏🥩伊勢龍蝦拼羊架～波士頓和澳洲龍蝦在坊間屢見不鮮，被譽為日本珍品級的「伊勢龍蝦」卻不是經常吃到。這款龍蝦肉肉質嫰滑，白而通透。蝦羔香甜軟滑，令人齒頰留香。🍱日本帆立貝海膽盛盒丼～海膽甘甜味美，帆立貝亦十分新鮮。🐟油甘魚刺身～厚切鮮味。🍡日本秋葵～燒的火候剛剛好，恰到好處。🦪🍲日本廣島蠔鍋物～廣島蠔肥美，津白、金菇，冬菇及日本冬粉份量足而鮮甜。

可以望住海景嘅日本餐廳，環境一流！🌊🍣 如果天氣無咁凍，可以坐喺度嘆住美食，望住個海景。佢哋嘅食材新鮮，款式又多，無論係刺身、壽司定係丼飯，都好有水準。伊勢龍蝦併三色刺身（追加四色壽司）🦞🍣龍蝦燒得啱啱好，勁Juicy💦！秘製醬汁搽上去，味道超惹味😋，真心推薦！三色刺身夠厚身，口感豐富，追加四色壽司，性價比高🤑。日本九洲手羽（兩本）買一送一 🍗燒得非常入味🤤，外皮香脆，肉質嫩滑。星期二仲有買一送一優惠，絕對超值😋，啱晒同朋友一齊分享。日本帆立貝海膽盛合丼 🍚蟹子🦀、海膽、帆立貝，鋪滿滿一層，視覺效果一流！入口鮮甜，味道豐富，食完好滿足🥰，絕對係海鮮控嘅首選。白色海之戀 🤍大條牡丹蝦🦐、帆立貝、海膽，每日限量供應，非常珍貴！食材新鮮，味道鮮甜，想食嘅話記得早啲去🏃‍♀️，唔好錯過。活赤貝刺身 🦪勁新鮮✨，非常大隻💪，口感爽脆，味道鮮甜，食得出食材嘅質素，值得一試。賀天 🍣📍唐俊街28號海天晉滙1樓104-105號舖____________________________________________________________

🥢🥢無敵海景+高質魚生=回訪率95% 🥢🥢⭐️北海道海膽一口杯飯$268 是晚MVP ‼️ 色澤金黃、顆粒飽滿，紫菜DIY，一啖放入口，鮮味係口中縈繞，掂呀！⭐️極尚賀天魚生丼$288 （連湯）魚生丼勁鮮甜！甜蝦、油甘魚、三文魚、吞拿魚中腹部位、八爪魚、三文魚子、赤貝、玉子燒，搭配紫蘇葉、山葵、蔥花絲，簡直無得輸（PS 套餐加$48可以四色壽司，有三文魚、吞拿魚、帶子、鯛魚，都係水準之作⭐️大間藍鰭吞拿魚丼$298 （連湯、沙律）大間呢個產地嘅吞拿魚出名口感軟綿，魚味亦更香濃，肥美嘅中腩食落果然入口即融，赤身就爽口少少，同樣鮮甜，呢個丼仲包埋吞拿魚蓉、魚籽、玉子燒，一次過滿足多個願望星期一、三、五、六 ：壽司買一送一星期二、四、六：串燒買一送一==============================Follow @nnthrive #筷筷和你搵好西=============================#賀天 #將軍澳 #將軍澳推介 #廚師發辦 #日式料理 #日式丼飯 #日式燒物 #刺身盛 #一品料理 #鍋物 #甜品#yahoofoodhk #foodshare #topcitybit

賀天 (將軍澳).將軍澳要食高質日本野，推介大家行入少少海天晉，景望住海皮又靚，食物質素又高.▪️七味雞軟骨▪️.配上沙律醬炸粉又唔會太厚，係佐酒嘅好小食雞軟骨又夠爽口脆身. ▪️牛油果炸蝦卷▪️.叫個卷物食下，呢兩樣配搭無得輸🫰🏻牛油果係面包住炸蝦，蟹柳😭. ▪️蒜燒廣島蠔▪️.大量嘅蒜調味好重，廣島蠔都好肥美.▪️朴葉活鰻魚飯▪️.由於好耐無食過鰻魚飯而叫，鰻魚份量一啲都唔少有幾片醃蘿蔔可以解膩.▪️安格斯壽喜燒涮涮鍋▪️.野菜拼盤再加上安格斯牛，價錢唔貴又好食，推薦嘅主食之一！.📌 賀天 (將軍澳)將軍澳唐俊街28號海天晉滙1樓104-105號舖.環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️