賀喜 (美孚新邨) (已結業)

豆豆和比比知道美孚最近開了一日新的賀喜日夲餐廳，我們都是日夲迷，尤其是對壽司及定食，都瘋狂愛上，所以我們三位都訂了七時入坐!待應小姐招呼我們坐在窗口旁的位置，我們三人要了一個賀喜精選二人套餐再加一個築地海鲜鍋，一起品嘗!首先二人套餐來了一個蟹子沙律，真的很新鮮，胃口大開!北海道精選四点什錦壽司分別是甜蝦，三文魚,油甘魚及活赤貝，三文魚十分厚, 魚鮨的分量很足，口感一絕!活赤貝色澤新鮮，也很鲜甜!什錦壽司有三文魚，八爪魚，帶子,池王加上燒鰻魚，帶子是我的至愛，又厚又滑，真的很有口感，池王也很鮮味!鹽燒三文魚鲛真的燒得很香口，也很入味!韓式炸雞熱辣辣，又脆口!迷你牛肉烏冬用上安格斯牛，牛的肉汁加上烏冬很滑，做得很地道! 飯後果是火龍果加士多卑利，真的很新鮮!值得一提是築地海鮮鍋,用上巨型的大海蝦，有手掌般長，還有蟹柳，生蠔，金針菇及大白菜，湯地鮮甜!食材新鮮，真的性價比高的日式餐廳!'

完左一個禮拜既辛勞, Happy Friday 都想食餐好d~原本諗住去食新開既韓國菜，不過去到門口覺得唔太抵食，反而比附近既賀喜吸引左～o係門口睇餐牌一人set 大約$100 左右，另外仲有二人set 同四人set，價錢都算合理，一於試下。賀喜唔算好大，不過座位安排又唔算好迫，都算坐得舒服。我地叫左個賀喜精選二人套餐(($388)，有沙律，刺身，壽司，炸雞，燒三文魚鮫，烏冬，生果同野飲，都幾多野食。大約五分鐘左右，蟹子沙律就到喇，D 蟹柳絲同青瓜都刨得好幼，幾開胃之後上既係剌身拼盆，有三文魚，章紅魚，甜蝦，赤貝，都係好新鮮既，特別係三文魚，厚切令人好滿足；不過章紅魚有少少腥味。跟住就到壽司喇，有兩件鰻魚壽司，一件三文魚壽司，一件帶子壽司，一件海膽壽司同一件吞拿魚壽司。海膽壽司唔錯，無腥味又新鮮。不過得一件唔夠分再黎就係炸雞，肉質都嫩，個人而言咸左少少。之後就係三文魚鮫，上台時岩岩燒起熱辣辣，幾好味　　食到呢度已經好飽，點知原來仲有個烏冬同水果　個烏冬竟然都唔錯喎，烏冬幾好咬口，唔太林又唔太熟，煮得岩岩好；D 牛肉就不過不失，雖然好飽但我都成碗食哂。最後上埋生果，真係好飽好滿足。總括而

星期天，六點，第一枱客。不想動腦筋，就二人套餐吧。全餐六道菜，味道各有千秋，用料則可評為中上。 蟹子沙律味道清新，是一道不錯的開胃前菜。 三文魚刺身超厚切，肥美得沒話可說。油甘魚刺身勁大片，甘甜得回味無窮。赤具亦爽脆。甜蝦則中規中矩。 壽司乏善足陳，合格之作而已。 燒魚餃充滿膠質，黏在骨邊的肉滑溜溜的，嘬進咀裏，美味非常。 韓式炸雞沒半點韓風，應改名為炸雞件配沙律。 扁身烏冬甚有咬口，小小一碗，正好填滿胃部剩下的空隙。

今日媽媽又黎搵我食LUNCH, 得悉呢附近開左間日本野, 就去試下啦. 佢個位置係荔枝角公園對面, 去既時間都要搵搵架....入到去, 地方算寬敞, 我地被排坐落地玻璃旁, 後面就係吧枱, 坐得舒服. SET MENU 選擇唔算多, 不過都揀到我想食既野, 而且價錢商宜媽媽叫左個秘製滑蛋牛肉定食, 隨餐附送芒果蟹籽沙津, 賣相新鮮, 味道都調得好, 芒果夠JUICY鮮甜, 好味!秘製滑蛋牛肉定食: 賣相唔錯呀, 呢個飯做到一貫水準, 牛肉亦都新鮮, 加埋佢個日式豉油+蛋汁, 味道幾好. 另外隨餐附送一個日式燉蛋, 夠哂滑, 溫度夠, 個飯食都最後先食呢個都仲好熱, 唔錯.我就叫左個安格斯牛肉鍋定食, 份量足, 而且牛肉都算鮮味, 不過我就覺得偏鹹, 都係媽媽0個個好食D. 埋單每人$70, 無收加一, REASONABLE啦.

裝修不錯, 有BAR枱, 同師傅互動而旁邊放冰箱, 上面放有北寄貝及立魚, 賣相幾新鮮!今晚天氣轉左, 點左個A餐, 有牛肉煱, 暖笠笠!!先黎壽司先!三文魚壽司, 三文魚肥美, 淡淡鹹香中吃出魚鮮味吞拿魚壽司, 吞拿魚油份高，吃起來有「入口即溶」的感覺甜蝦壽司, 甜蝦夠長身, 而且仲打孖上 甜蝦口感軟嫩獨特，肉質帶著淡淡的甜味日式牛肉煱終於黎啦!!牛肉火鍋使用平底的鐵鍋, 牛肉為主料，與涮肉同樣配以白菜、蘑菇、以及豆腐、金菇及日式魚蛋覺得有質感, 切的稍微厚點，減少了肥肉。湯汁鮮甜，不但提升肉味，而更滲透到，蔬菜同豆腐內, 味道可以說係無可挑剔半熟蛋表現的還不錯，蛋黃緩緩流出, 蛋白的口感細緻，半熟的蛋黃也挺順滑入味！牛肉沾肉這蛋黃, 滑嫩可口!!飯味道極佳，形質俱備，潔白晶瑩、粘而不膩, 沾上湯汁或蛋黃一齊食, 味道簡直配合得天衣無縫,令人回味不已!!日式芝士蛋糕, 既綿密濕潤又香濃鬆軟, 酸與甜在口腔之間徘徊, 口感複雜!

是晚媽媽沒煮飯~剛好這間初三會開就來吃了4個人共叫了4個餐刺身+關東煮沖繩豚肉泡菜鍋+刺身叉燒烏冬+卷物豚肉石鍋飯+芒果沙律跟餐的關東煮味道普普(沒拍照)石頭飯有配芒果沙律~超好吃!!不過顧著吃又沒拍照了4個餐~結帳也才$541~好抵食!

位於美孚新邨，係一間隱居高質性價比高，材料新鮮足料，窩心的一間餐廳。 日本吞拿魚腩(toro)壽司，大大塊又厚又新鮮既Toro，超好味，入口即溶，呢個價錢食到呢個質素，真係抵食！ 加拿大海膽壽司， 海膽分量多又新鮮超鮮甜。 總括而言，壽司上材料係比飯多好多。 鵝肝雞翼，釀左醃製的鵝肝在雞翼入面， 好肥美。 御膳a餐，關東牛肉鍋，牛肉應該是高級貨，肉脂比例平均，口感超好。 海膽黃金卷，都不差，賣相一流，店主都不吝嗇，海膽份量都多，整個壽司配搭都好好！

是日與朋友想吃日本菜, 於是走進美夫看看。還記得上星期到九華徑燒烤, 途經走過一間日本料理好像不錯, 於是便選擇了美夫這家日本料理。店舖其實不太大, 好處是不像連鎖日本料理店的千篇一律。店員介紹說當天有池魚原條刺身, 而且他們的刺身是每兩天便新鮮空運到港, 實在吸引。平時不太愛吃池魚的我, 朋友也大力推薦下,於是便試試。活北寄貝刺身 $180雖然只有幾件刺身, 但北寄貝是前所未有的鮮甜, 跟貝殼類海產不相百仲! 完全不用點醬油!池魚刺身$128老實說我期望不大, 但整個刺身的賣相很精美, 師父非常努力的裝飾。試試這個池魚刺身, 味道跟平時完全不同,魚味十足, 完全是想像之外。池魚汁有點薑味, 能帶起魚味, 但我個人比較喜歡魚的自然鮮味!食畢刺身, 店員還會把骨另行炸起, 超抵食呢！鯛魚湯手打烏東 $88烏東簡直是感動。魚湯自家餚製, 魚鮮味十足, 稻庭手打烏東, 扁身而柔滑, 溫柔地滑進你的咽喉,口感幼滑。還早前有一家非常出名的連鎖烏東店進駐香港, 我在日本試過超讚。但來到香港因為選材錯誤讓烏東非常普通。今次終於能品嘗久違了高質烏東!三文魚海膽炒飯 $128很有興趣試試海膽炒飯跟塔門的

很少在美孚吃東西，今天在這區探朋友後，便在這裏搵食。朋友說這店頗受歡迎，便內進一試。由於我們一早便入內，故不用等位，但坐下後，發覺人流不斷，真的幾多人幫趁。好想吃生蠔，所以叫了幾隻法國生蠔。生蠔很肥美，脹卜卜的，看見都流口水，侍應建議甚麼也不加，可以試試生蠔的原味。不加任何東西的生蠔，更加能突出生蠔的鮮味。把生蠔放進口中，口腔內充滿海水的鹹味、生蠔的鮮甜味，滿足得不得了！我們還叫了加拿大海膽，賣相好，味道也好。吃法是用紫菜包着青瓜及海膽，既吃到海膽的鮮、又有青瓜的爽、紫菜的脆，絕配！在日本料理吃東西，少不了會吃炸豆腐。滑不留口的豆腐，多吃又不怕胖，是我喜愛的食物之一，所以每次都會吃。一入口便能感受到豆腐的香、軟、滑。平日不愛吃南瓜的我，只愛吃日本南瓜天婦羅。在天婦羅的脆漿下，包着香甜的日本南瓜，吃時既有天婦羅的脆，又有南瓜的甜香，一樂也。

黎到美孚睇樓，順便食埋晚飯先返屋企，左揀右揀，最後決定食日本野。叫賀喜嘅小店，似乎新開不久？所有野都好新淨。晚市定食餐有數十款，點了御膳B同J，好，等食了。第一個餐嘅刺身三點，是晚有三文魚，吞拿魚，同大蝦，厚切新鮮，正。另一個餐跟賀喜招牌卷，係鰻魚反卷，內面夾左牛油果、甜蛋等，口感豐富，不錯吃。安格斯牛柳粒石窩飯，上枱時好香呀，咋咋聲好吸引！等一陣加入醬汁撈撈撈，飯焦正呀，調味不錯，滿滿一碗好飽呀。跟餐嘅麵豉湯，下面嘅係石窩飯嘅醬汁。另一個餐要了豚肉泡菜鍋，一個鐵鍋放得滿滿的，豚肉很多，仲有菇，娃娃菜，翠玉瓜，紅蘿蔔，豆腐等，湯底清甜無乜油，感覺好健康，有菜有肉呀。跟鍋嘅白飯，好大碗。點餐仲有甜品，是晚係蕨餅，軟腍但又有點煙韌咁，好香芝麻，甜度適中好味喎。問過店員，如果要外賣，要27蚊4粒。埋單～一人一個餐實在太飽了，好多飯，好大份量！

家住美孚既朋友告知，樓下有間新開業既日本䬸廳，就約同我一起去試試。餐廳面積不算大，只有三十多個座位，格調有別於一般居酒屋，不過面積細細，都有齊酒櫃及小Bar枱、雪櫃。晚餐有多款精選御膳，唔想傷腦筋，所以叫了一份二人套餐。 先來兩份蟹籽沙律，沙律份量夠，手工幼細，汁醬唔會太酸，帶出蟹籽鮮味。 再來北海道什錦刺身，造型漂亮，像跳躍中既甜蝦，花樣擺設既赤貝，三文魚及章紅魚，甜蝦鮮美，赤貝口感有咬勁，沒有腥味，兩款刺身用料新鮮，柔嫰鮮美。 接下來既什錦壽司加招牌卷兩件，用上四款時令刺身，厨師話是日油甘魚冇貨，所以用上池魚，都一樣鮮美，惟夀司飯的醋味略淡，兩件招牌卷尤其精彩，用上有火炙効果既鰻魚，捲上內藏玉子，牛油果，蟹柳，加一層紫菜，蟹籽，手工出奇地札實，咬上一口也沒散下來。 可能時間尚早，不是太肚餓，我倆巳吃得半飽，再上鹽燒三文魚鮫，三文魚處理得嫰滑冇腥味，沾上少許醬油巳經好味。 韓式炸雞件，色澤金黃，雞肉吾鞋，但脆囗度稍欠及味道略淡，還附上少份沙律，中和肥膩感覺，迷你清湯牛肉烏冬，配料十足，湯底清甜，烏冬滑口度夠，只是牛肉有點兒過熟，最後上埋精美生果，幾乎飽到吃不

為慶祝同事升職，lunch特登黎到美乎試這間日本菜，這裡日本菜的價錢遠比茘枝角區合理，餐廳室內裝修modern小了幾分和風味道，個人不太喜歡藍色射燈感覺好像冷冰冰的，但座位尚算寬敞坐得舒服。午市主打定食，有成十幾款選擇，種類都算多。每一個set都包茶碗蒸、蟹籽沙律。我選了賀喜招牌海鮮拉麵$72份量十足，有大大碗拉麵，兩個加洲卷、蟹籽沙律和茶碗蒸加洲卷好大件，飯做得很軟熟，一啖放入口好juicy，沒有乾喉的感覺。蟹籽沙律大大份，起碼有半個芒果和牛油果，芒果好甜而牛油果質感亦很細滑，連同切到好幼細的青瓜絲和蟹柳絲一齊食，層次豐富，味道清新茶碗蒸上枱時是熱辣辣，蒸蛋入口非常細滑，好像慕絲的質感，內裡竟然有好多餡料，好有誠意，更有大大粒雞肉、蟹柳和冬菇，難怪味道這麼鮮甜有層次。味噌湯正常麵豉味，都算香濃。海鮮拉麵用料十足果然放了很多海鮮，有帶子、蠔、魷魚和蟹柳，還有很多栗米和昆布，湯頭入口鮮甜細滑，一D都唔油膩，很順喉，帶子好彈牙鮮味十足，而拉麵口感稍為林身了小小，整體這是一碗真材實料的海鮮拉麵。而同事就選了東京時令魚生三色丼定食$88賣相已十分吸引，一大碗丼飯，面層放滿甜蝦、池魚、赤貝，鮮艷

嘗試新餐廳往往令人期待，不過有時需要一點運氣。是日來到美孚，想試一試新店賀喜，雖然說是日本餐廳，但裝潢沒有走燈火通明的居酒屋風格，反而比較像有情調的酒吧。我們來到已經是19:30，當時入座率接近一半。被安排坐在靠牆角落，藍色的燈光射下來，令人有置身於雪櫃的錯覺。吧檯位置旁邊擺了個時令食材的冷櫃，水滴不斷滴下來，似乎新店還有些地方需要修理。先點了四款壽司，包括玉子、帶子、甜蝦和三文魚腩。賣相本來不差，不過細看之下，玉子壽司質感乾硬，紫菜圍帶太短，根本沒法圈住壽司本身，結果一夾便散開來。另外，壽司飯的醋味很淡，跟一般的明顯有差。帶子質感不錯，算是四款當中比較正常的一道。甜蝦的size的想像中大得誇張，小小一件飯團，卻搭配兩隻大蝦，師傅似乎未有考慮蝦頭的重量，加上紫菜重覆玉子壽司的問題，結果一夾變得七零八落。壽司通常都是整件放入口，如果店方預先去掉蝦尾殼還好，這個留頭留尾的做法，還是相對比較適合用作刺身。最後一件三文魚腩，入口魚脂香味豐盈，算是稍稍平衡心裡的失望。魚腩一邊被切成細段，但因為飯團的孤度不足以撐起上面的魚腩，結果黏在一起，沒有看頭。如果換作是鮮貝類的話，因為肌肉有彈性會收縮，切邊

香港人一向「新屎坑」，一有新店就好易一窩蜂去排，小弟就好怕排隊，因為香港大把好嘢食，唔會話食唔到依間就有咩損失，排隊真喺嘥時間。九月中尾先開張嘅「賀喜」，新開當然好多人，就好似隔幾個鋪位嘅「韓盛朗」，一樣開檔初期門口企滿人，依家去已經無咁犀利。所以，趁星期日午市過嚟睇睇，人唔多，兼且市午流轉快，只隔幾張籌，等無耐就有枱 。餐廳環境裝修較摩登，比同幾間日本餐廳都缺少一份和風味，若非見到個刺身雪櫃，真喺同間西餐廳無乜分別，枱櫈亦排得非常密，不過，美孚區嘅食肆，差不多間間如是！午市主要做定食，不過，亦可以散叫。單頁餐牌，A-J共10款選擇，一眼睇晒，以日本餐廳而言，定價就屬中等，午市定食都喺$52-$85，另收加一服務費。所有定食都包一客茶碗蒸及味噌汁，此外，加錢可配咖啡或罐裝汽水。 茶碗蒸 上枱時熱辣辣，入口蒸蛋非常滑溜，內裡更有蟹柳、冬菇及嗚門卷，相當不俗。 味噌汁 麵豉味幾香濃，湯內更加入昆布，令其味道帶點海洋嘅味道。 C. 時令櫻花丼定食 $62 拎上手就知份量十足，一大碗丼飯，飯面放滿北海甜蝦、油甘、吞拿、三文、蟹籽、八爪魚，以及青瓜粒，刺身鮮甜新鮮，絕無欺場，

賀喜有別於美孚其他日本餐廳 (例如友樂亭和八佰屋)，不走居酒屋路線。收到信箱內的傳單，看到有一張"免費三文魚刺身一客"的 coupon，新屎坑的我於是在星期日帶爸媽去試。沒有這張 coupon，我很難說服他們去試，他們常說吃日本菜不值，尤其是在美孚區 (典型街坊心理?)。少競爭之地，沒有 price war 是正常不過。星期日(9月20日)是賀喜開張的第三天，6.50pm 已到達餐廳，比平時晚飯的時間早。一如所料，門外已有人在等位。怎料，一等就是一小時。 等候的一小時以來，門外聚集的人其實只是十餘個，最令人不滿的是店內有空位但被hold 起給訂座的人，曾有6個座位空置達40分鐘。店內有40個座位，在等候的過程中，訂座者佔了10個。7.15pm 時，我上前問職員為什麼不能先坐在空置的3個位 (見下圖)，職員說餐廳不接受搭枱，和那3人點的菜較多，單丁那座位的枱面都給佔據了。我說我不介意搭枱，連身邊在等位的人都在抱不平，說「又不是私隱度高的高級餐廳，位又不多，不可搭枱是什麼道理？再者，位不多就不要接受訂座吧！」最後，這空置的3個位，連同後來客人都離座的3個位，是hold 起給訂了座的5人；