貴族甜品 (元州街)

营业中

休息中

同家人去食個甜品，坐低後示意女服務員落單，她在清潔旁邊的桌子，毫無反應，再對她說唔該想嗌野食，她只望著清潔中的桌子比反應：＂想食咩呀？＂跟住自己聽錯以為要4個甜品，但我們共3人。芋圓芝麻湯圓椰皇豆腐花$38我點左熱既，味道唔錯，但盛載糖水既器皿椰子殼感覺在不斷循環再用，感覺有點嘔心。芒果布甸 $15橙色色素偏多，感覺比茶樓還差👎芒果水晶粉$40芒果太酸，但現時係盛產季節都咁酸👎結論：唔會再去。

12-5-2013（日）是日晚上，與老朋友在中環吃過晚飯後，之後一個人又來到深水埗一帶拍攝街景，並來到 貴族甜品 吃甜品。貴族甜品的總店是位於大角咀埃華街，今年年初我在那裏吃過宇治金時，覺得蠻不錯呢！是日晩上拍照時路經元州街，便想試試深水埗店的素質又如何！是次我點了一個名叫 清湖映月 的甜品，根據餐牌上所說，它實際有芒果、芒果雪糕、紅豆、椰纖果及紫米露。吃下一口， 芒果味過份腍身，味道還帶點怪怪的，也很酸呢；內有紫米、紅豆，份量也很多，但質地較硬身，沒有爽腍感；令我感到奇怪的是， 全碗也是下煉奶的，並完全沒稀色過，非常杰身 ，很肥膩。我不能吃下全碗，因吃了半碗已覺很鉋肚！唯一可取的只有那球芒果雪糕，夠冰凍及香甜，就別無其他了！噢〜 有點失望！

這店開業不算太久，令深水埗又多一間甜品店加入戰團!!!晚上有時人挺多的，呢次就下午黎，放學時候都几多學生係度食野吹水! !選了宇治今時，因menu賣相十分吸引，也便宜，才$30!!上桌時真如圖一樣，裝得滿滿的，抹茶刨冰清甜，紅豆肥大飽滿，粉圓很Q很軟糯，綠茶雪糕也奶香茶味平衡得宜，真是大件夾抵食，下次再試其他野!!!

尋日心絲絲想去食甜品 咁岩係深水埗行街行到呢間甜品店~門面就已經好貴族feel 入面既氣氛都好high class(初初都有d擔心價錢- -但原來d甜品都幾多款式 而且算便宜!我就揀左一款我未食過既宇治金時 (其實好多都未食過- -賣相同menu上原全一樣咁吸引! 第一時間就餵飽部相機先~綠茶同紅豆簡直係perfect match而且唔會好甜 雪糕都好滑無碎冰小丸子都夠(淋) (話說本人試過食一d未叮熟既 硬到......同行既就揀左一款感覺清新既士多啤梨刨冰(?)賣相都好靚好濃咖啡味既果凍本人就好LIKE~但朋友就話苦不過爆爆珠真係好正 酸酸地甜甜地士多啤梨都好新鮮總括而言 環境衛生 服務 味道 賣相 價錢都一流!!!下次一定會再黎試~~~

名門與貴族，總給予人們高高在上，和高不可攀的感覺。可是當在下還記得有一天，於大角嘴開餐後在貴族吃過甜品後，就覺得頓時變得親民了很多。當在下知悉貴族在深水埗開了分店，心想也可以試試新店的甜品，於是擇日就去，既然擇日就不如今晚下班後就去吧！進入了貴族甜品，頓時感覺到與大角嘴總店有點分別，就是深水埗店比大角嘴店來得更有貴族的氣氣，全店子以白色為主色，配襯著以歐洲貴族人物的壁畫，以及以宮廷式的掛鐘，而座位也是黑木紅色軟塾座位，加上黑色木枱，更能帶出了貴氣的氣氛。而廚房上的色彩繽紛的照片，也敦述了甜品的款式。而餐牌也是採用了黑色皮的餐牌，與總店一模一樣。然而當在下研究餐牌，基本上都是差不多，但是今次在下，不會點選芒果河粉撈和芒果黑馬王子這兩款甜品，而另點其他。清湖映月意念上，就像在湖湖上有月亮的影子，是多麼的詩情畫意，其實它是由芒果，紅豆，紫米露，芒果雪糕及椰纖果所造成的甜品。當中芒果雪糕和芒果肉相當甜美，尤其以芒果更甚，是新鮮芒果而非罐頭；而紫米露加上紅豆相對地變得較淡味，而椰汁中也加上了淡奶，令口感順滑；紅豆是粒粒分明，未見豆蓉。整個甜品有著兩種味道，上層是甜味十足，而下層則較淡味，是強弱的

以前係深水埗食糖水，黎黎去去都係食松記，而家開左間貴族係附近，梗係試新野啦。 以前係馬安山都食過有間甜品鋪有原個椰子燉，所以今次唔係特別想試。本身係綠茶迷既我，黎到二話不說甘點宇治金小丸子軟硬適中，紅豆加上一球綠茶雪糕，有三重口感, 食到甜甜地再加一啖刨冰，味道剛剛好。大大碗都係$30，超值！！今次一行5人，其實甜品份量唔係細，但貪吃既朋友們共點左7個甜品，總數$216，。$45 心太軟，配兩球雪糕！！同等既價錢，比出而店多一球雪糕，仲要有綠茶味雪糕皮唔算做得太靚，但都唔係太厚，切開仍然有流心，但流心量仍有進步既空間。雪糕可以再雪硬啲，如果唔係就好似相中，淋左朱古力漿拎到上台就已經開始溶呢到除左可以滿足到綠茶迷外，亦有很多榴槤既選擇$38榴槤公主，以榴槤甜品黎講，$38好合理。當中食到啖啖榴槤容， 混上了焦糖布丁及奶凍。可能榴槤味太重，完全感受唔到焦糖味道，而奶凍更一度被誤會成 豆腐花@@仍欠奶味 $35天使之戀，芒果拿破崙是也。酥皮香脆，三層酥皮夾兩層芒果及忌廉，變相食第一層時無咩cream同芒果肉去送，有啲啲dry.但食到中間同底層有餡時，味道截然不同！$30星空，有西柚，龍眼

貴族甜品可算甜品界新貴，定價合理，水準不俗，花款眾多，大角咀店一直相當受歡迎，我也是常客之一，最愛燉奶產品，亦愛榴槤產品。可能近來吃得那些冰、糕、水果甜品太多，覺得厭倦，所以就吃回傳統一點的甜品。貴族的即撞木桶豆腐花，只要二十五元，以前在大角咀店吃過，不俗，這次在新店也試試。即撞就是要等，心急或者趕時間就吃別的吧！由準備到可以吃，大約十多分鐘，當時計響起，就可以吃了！滑！滑！滑！即撞就是強，絕對堪比甚至超過附近幾家豆品名店的滑，加上熱熱的溫度，質感絕對滿意，味道方面，這次吃的豆香比上次吃弱，豆味太淡，不加糖的話，味道太淡，略略令人失望，但仍屬吃得過的水準。個人估計大約兩碗左右份量，算下來，以現在甜品店的價格，很便宜了！

如果你係長沙環, 深水埗既, 元州街一多糖水店, 多野食一定知道. 今次同朋友食完正餐想搵地方再坐下CHAT下先返去, 結果決定左來食甜品.當日係星期日, 係糖水店星期六日都多人架啦, 松記, 三松哥D就一定長年多人架啦, 而且我地見到有間未食過內, 所以我地就去試食一次 - 貴族甜品雖說係無咁多人, 不過都要等好耐.....都仲未有位....咁門口原本有幾張台橩原本比人叫外賣同等外賣用既, 靚姐問肯唔肯張就下坐外面唔使等, 我地緊係二話不說, 坐!我地一人叫一樣, 我就比我朋友早左一步叫左個宇治金時. 我原本都想食架 =口=!! 咁我就叫左其他野, 我好耐無食過白涼粉啦, 就叫左個白雪公主....呢度既字治金時沒其他地方來得咁多重唔同既料, 但是佢既份量都算OK , 白玉, 紅豆溶夠, 綠茶雪糕夠大舊, 唔錯, 沙冰唔係只係純沙冰咁簡單, 佢地加左煉奶, 有一定程度既奶味, 食起來有濃郁既味道, 唔錯! 白玉就有D口感唔夠Q ...或者可能雪過度? 其他野係一般貨式, 只是數量上既配合做得幾好, 一口沙冰一口白玉 / 紅豆溶 / 雪糕, 剛剛好.呢度既食物名都幾怪相, 睇完我都覺得笑

深水埗區又有甜品店開張，這間「Noble貴族甜品」在大角咀有店的，現在於元州街開分店，深水埗區居民有福了。今天下午行入去時，以為沒有店員在此，原來呆呆坐著的少女就是店員，佢真係好呆囉，好似啱啱瞓醒咁。望多她一眼都嫌費事，我便自己坐下睇Menu。 甜品選擇頗多，以西式凍品為主，相信對女仕會幾吸引。我點了一款「傾城之戀」（Love of the City），中文名令我想起張愛玲的小說。英文名令我聯想起「Sex and The City」，都是感覺良好及浪漫的。這款「傾城之戀」就是香蕉粒、朱古力布甸和朱古力雪糕，賣相很美，布丁很香滑，雪糕也不錯，香蕉算幾新鮮，切得也幾仔細，上碟的佈置也見細心。價錢$26算合理，以後這裡吃甜品又多一個選擇，不過仍要忠告老闆和員工，你間店賣甜品架，唔該對客人多點得笑容，主動點招呼人啦。