貴州遵義黔營羊肉粉 (興旺大廈)

营业中

休息中

堂食食完700幾蚊，外賣2份野返去！一份羊雜，一份羊肉葱花卷$42用封口鐵盒裝，睇唔到入面係乜山長水遠返到屋企先發現俾左個$25豆沙慈巴！我真係好L憎人俾錯野！你俾錯牛或豬肉卷我都算，叫差唔多！DLLM!!甜品黎㗎呢個！爭咁遠點食啊？員工唔識或記唔住d外賣就唔好用封口鐵盒啦！！用返透明膠盒啦！起碼你又俾錯外賣客人都即刻知道可以換返啊！俾到d野錯唒！返到屋企先知份野完全食唔L到！堂食果時又係將我份羊肉葱花卷俾左隔離枱！點啊？！外賣又俾其他野我！就係唔俾我食羊肉葱花卷！

呢間羊肉粉店真係做得既出色，估唔到出品咁好，唔怪得平時咁多人排隊！疫情關係我都係叫左外賣，估唔到用作易拉罐方式黎裝羊肉同埋粉，所以翻到屋企之後都仲係熱辣辣咁好食。羊肉切得好薄，而且份量都幾多，推薦！

天氣時凍時熱，突然間想食羊肉粉暖胃，決定這店試一試，這裡可以用QR code 點餐，我們點了羊雜麵、紅油拌羊肉粉、銀菊露一枝！我們覺得羊肉不太羶味，我可以接受～整體味道還可以啦～不過份量就比較細份～如果一個大男人一定唔夠飽！店舖地方也挺大坐得舒服，服務還可以啦！

黔營羊肉粉@元朗 最近因為疫情食多左外賣，朋友介紹左一間係元朗幾受歡迎既羊肉粉比我，係香港羊肉粉專門店都真係比較少見，決定一於去試下🤣我地叫左招牌菜羊肉粉($47)，估唔到佢地既外賣包裝都幾有心思，用左罐頭形式分別密封羊肉湯同埋麵，除左麵底可以保持乾爽，仲達到保溫效果，更重要既係D湯係一滴都唔會漏🤩！呢個設計真係非常之好！羊肉份量都幾多，都有6-7塊，而且切得幾好，薄薄地之如仲好嫩，最重要係冇羊騷味！唔鍾意羊騷味既朋友不妨一試😁佢地既麵都煮得幾好，即使係外賣都唔會淋左🤣最後講講湯底，食得出真係用左羊骨或者羊肉去煲，好清甜，同樣冇羊騷味， 亦唔會覺得好油膩，鍾意羊既朋友記得要飲埋佢🥰

元朗岀名多好野食～今日星期日落到元朗，緊係唔小得搵下正野食啦🤤. 今次去左食羊肉粉🐏係香港，羊肉粉專門店真係比較少見。呢度除左最普通既羊肉片、羊腩、羊雜之外...呢度仲有比較重口味既部份可以食得到，例如：羊眼、羊腦、羊睾丸、羊鞭湯…羊羊重度愛好者既朋友相信呢度就至岩你啦！😏一場黎到，當然唔少得叫返一碗羊肉麵（$49）食下啦。先飲一口湯底，用上大量羊骨藥材淆製，濃而不騷、清爽甘甜、不油膩。咬一啖麵，麵質頗滑但略為煮久了一點，我比較中意帶小小咬口既麵質😛。 再食一啖羊肉，羊肉份量都唔少，有6-7大片，羊肉切成薄薄的一片片，嫩而不柴，而且無羊騷味～怕羊騷味嘅朋友可以放心一試。🤟唔怕辣既朋友可以加埋生蒜一齊食，別有一番風味。除咗羊肉粉之外，另外仲叫咗牛肉串（$12）同羊肉串（$12），火候恰到好處，表面燒到香脆，內裡依然鮮嫩，再灑上孜然粉和辣椒粉，香氣四溢，羊肉與羊肉之間有一塊油脂，食起黎亦特別滑嫰。好食！對比起羊肉粉&串燒，羊肉肉夾饃（$35一個）就比較普通了一點。包身略烤過係幾香口既，但同時都比較乾。羊肉炒得唔夠香，而且太多油啦，所以食完都覺得有啲漏呀😣

今日路經上址，本來想去附近買碗魚蛋粉，見到呢間門面光身、樓底頗高既食店，作為一個羊控，即刻比佢個店名吸引左。睇下Openrice啲相同食評，好似唔錯喎，買左碗羊腩粉外賣。見之前有食評講佢地用個罐頭型紙碗裝湯粉，今日我買既時候已經轉左用類似譚仔果種外賣碗，中間有個膠兜分隔啲粉同湯。羊腩浸係湯入面，份量唔算多，淋身、好香羊肉味帶少少膻（羊唔膻就唔食羊啦）佢個粉似係米線咁，比平時食既粗啲啲，好滑好易咬開，唔會太淋身但唔係好彈牙果種，我其實鍾意呢種多過平時啲米線。湯頭好有羊味，應該係用羊骨餚製，味道鮮甜飲左好多都唔覺頸渴。我點左小辣，但佢既辣係普通辣椒油，如果想飲多啲湯，辣另上會較好。下次要試下堂食，想試下羊夾饃

又去元朗覓食。今日嚟到一間專門食羊肉粉嘅貴州粉麵店。呢間店幾乎所有羊嘅刁鑽部位都有得賣，包括睪丸、鞭、腦、腰，甚至眼都有！但羊眼太可怕了，我就叫咗羊睪丸同羊鞭粉試下。羊睪丸切開一片片的，就咁睇真係睇唔出係睪丸，而係好似切咗片嘅雞腎咁嘅形狀。食落好腍，唔似食緊肉，因為冇乜肉嘅纖維感，係食到個椗嘅位就爽爽地。至於羊鞭，食落就好似牛孖筋咁，腍滑之中又充滿彈性同膠質，好似好多骨膠原咁，但就冇牛孖筋咁粘口。可能由於呢間店太專業，羊睪丸同羊鞭都處理得好好，一啲異味或者羶味都冇。我諗對於一啲唔敢食羊或者生殖內臟嘅人士，只要唔知呢啲係咩嚟，佢哋都會接受到，仲會覺得好好味。呢度嘅粉，其實係好腍滑嘅米線。而啲湯，可能係用羊肉或者羊骨煲嘅，超甜超好飲，完全飲唔出有味精，所以嚟食粉記得飲哂佢，唔好嘥！仲有，如果想食得地道啲，呢度每枱都有生蒜瓣提供。北方人鍾意一口生蒜一口粉麵咁食，食一啖好辣嘅生蒜 ，再啜一箸麵，未試過就試下，好爽架！仲有仲有，想鍾意食辣嘅朋友可以落單時加辣。想試少少辣又唔敢食太辣嘅朋友可以叫辣另上，咁就會用隻碟仔裝啲辣油畀你。據伙計講，呢度嘅辣椒油係店家自己炒，冇味精、冇防腐劑或添加劑，保證新

舖頭主打食羊同貴州地方美食,羊肉粉既湯底係由羊骨熬制,但個人覺得較淡,而店舖建議要加辣椒油一齊食,嗜辣既我岩哂,而除左麵食之後仲試過呢度既牛排,炸得有D乾,而且份量好少,唔太抵食

呢間鋪頭主打食羊肉，平時都見有唔小人入去幫襯，今日叫左個羊肉串，土豆絲同羊鞭麵。羊肉串肉質鮮味，唔算太騷，愈食愈上引。土豆絲份量合理，辣辣地，好開胃。羊鞭麵就唔係太多地方食到，食入口爽爽地，好得意。食完當然要配番個王老吉啦！

見fb有人介紹過呢間黔營，是日朋友入黎元朗就同佢黎試下，話晒我地兩個都鍾意食羊，應該會啱口味嘅。中午後黎到，店幾乎全滿，但又未去到等位。呢個舖位都好大間，幾高樓底好大空間感，但唔知係咪坐近廚房，個人覺得冷氣唔多夠。先點兩碗粉試試，飲品得汽水個類罐裝野唔多想飲，都係一陣出去飲珍珠奶茶啦，呵呵～枱面上有孜然粉，辣椒粉同生蒜，啲蒜係原粉連衣個種，朋友生嘟左幾粒真係好大陣蒜味呀…自己點左羊肉粉，小辣，望落幾正常嘅賣相。小辣一啲都唔辣，湯底都幾清淡，無乜味亦唔油。米線都幾爽，但份量偏少。羊肉幾鮮味，但得好少片又細塊，唔夠過引。朋友嘅羊腩粉，要左中辣，真係紅好多喎。羊腩好軟腍，層肥層瘦好食喎，可惜又係得好少。整體味道不過不失無驚喜，米線同羊肉都偏少一碗係唔飽嘅，ok啦，鍾意食羊嘅可以一試。

睇返其他人以往對此家店的食評，似乎與我的感覺有很大落差。經過此店外，已被店名吸引了，再看看食材相片及內部裝修，決定與太太入內一試，看看是否遵義的風味。來過羊雜粉，再叫了不少小吃，味道很懷念，因為已很久沒有返內地消費了（疫情關係），結果吃出了國內的情懷，遵義的羊肉粉口味。尊尊的羊製法，放入粉之食材，都是薄薄的，碎碎的，很有羊肉的膻味，好正！最後兩公婆吃到滿枱都是碟，$300下樓，有人認為好貴，我就覺得貴有貴食，平有平食，總之呢間我會扯大隊再嚟食，提起都口水流，好正嘅遵義羊肉！

2021年5月8日(六)豐盛的全羊宴晚餐羊腿棒$68預咗佢骨大，大腿肉沒有油脂的，冇諗過啲肉咁少，肉嘅份量同一件羊排差唔多，唔抵食，都係秘製羊排(2件)$65 最好味，同埋有油脂先至最正羊肉串$12 肉質較乾，羊腸串及羊肚串雖然每串只係$6，份量真係太少喇，浪費咗一支咁長嘅竹枝，膠杯裝住辣汁，沒有蓋的，返到屋企全部流晒出來，不明白為何外賣會這樣包裝，但係湯粉的設計非常之好。羊腩粉$52同上次堂食一樣美味，最令我大開眼界都係佢嘅外賣包裝，罐頭包裝第一次見，一滴湯都唔會漏出。

第一次叫，其實味道不錯，羊肉份量頗多。不過，都收了外賣盒錢，為甚麼唔用正常外賣盒？？用一個紙兜裝湯，冇得蓋實，淨係用膠袋打結，幸好回家時沒有倒瀉，否則架車有排洗另外，舖面地方大，人手得兩個，落單收銀煮食一腳踢，所以都要花時間等待。

少棘羊肉粉味道一般重香港味道，不似國內原味，粉有靱度比較硬少少，羊肉太少又太薄，以這價錢略嫌貴了些，座位都算闊落舒適，清潔度一般，看餐牌食物種類不算多選擇，而且整體感覺價錢都偏貴！

依間羊肉粉好癲😂差唔多所有羊既部位都可以係度搵到😂羊心、腸、羊睪丸、羊腦、連羊歡喜都有⋯我就食返普通既羊肉粉已經好滿足💓.牛肉粉🐮$47牛肉鮮甜👍🏻👍🏻建議一定要配粉（唔好揀麵）粉個質地好搞笑～好Q彈又好掛汁.羊肉粉🐑$47份量都算大碗，女仔一個人都夠食👍🏻我叫左小辣覺得辣左啲～但食落都幾過癮😂～羊肉好香好香～超濃既羊肉味但唔會好騷🤩正呀～.另外叫左啲麻辣串串 $5起有一串覺得可以唔洗叫😂因爲feel到臨叫先浸落啲辣汁度～變相唔夠入味（如果可以醃落啲就perfect啦🥲）.羊肉串&牛肉串 $12@1羊肉燒得好香～醃得好惹味～超香口😚.食羊之人千祈唔好錯過依間舖🤪下次想試下食羊雜粉💛