貴州牛花溪牛肉米線包包 (已結業)

平常同朋友喜愛周圍試食上海菜，見到哩間新開的餐館就過來一試餐館裝修普通，門口是不起眼，但杏好我們都是進入去一試😋😋入去後老闆很熱情地招呼我們還熱心推薦我們招牌菜🤣🤣🤣問左先知，原來老闆是貴州人，但也會做其他菜，所以這間店有上海菜食，所以他是會做什麼就買什麼🤣🤣🤣🤣🤣但我同朋友覺得最難得，這些菜式難得保留左地道菜式的味道，無為左就香港人的口味就同化，希望可以一路保留下去😆他們的豆漿味道可以，不會太甜，可以一試

今日行過旺角，見到有一間新開嘅餐廳，買嘅係貴州牛肉米線，見到幾特別，所以入去試吓。店入邊嘅裝修好簡單，聽店員講開張都都唔到一個月嘅時間。貴州牛肉米線湯底好清，可以按自己鍾意嘅拿到加長辣椒粉。清湯睇嚟冇乜特別，但係飲落有好濃嘅胡椒味。而貴州牛肉，就同普通嘅牛腩冇分別，係淋嘅！不過就比較碎。米線都算彈牙！而我就揀咗水餃，一半韭菜豬肉，一半菜肉。水餃好多汁，一咬落去湯汁都吱出黎，加左少少醋吊下味，已經好好味。酸菜包酸菜加上少少辣椒加上肉碎打成，所以好惹味。包嘅餡料都好多，成個包都好滿滿，同出面買嘅有啲唔同。另外仲有南瓜包，醬牛肉包等等，如果朝早有一個食就好啦。價錢都算係幾合理，而且下午茶時間，粉麵仲有九折嘅優惠。

與朋友閒逛旺角，突然想起朋友推介的新店，去嘗一下一開始，我們叫了必食小食，小籠包味道好好，皮薄有肉汁，價錢合理另一個小食係黃金皮蛋，呢個好有特色，我和朋友也是第一次食黃色的皮蛋，口感與平時黑色皮蛋不同，下次都會再食!!小食之後係三色餃子，及牛肉米線。餃子是沒有添加色素，吃得出的健康感覺。另外，牛肉米線與平時食的也不同，牛肉很軟身，湯也很香。這間店每枱會送一碟小辣椒，佐麵食都OK嘅 (小妹唔係好食得辣!!試一下就夠了)今晚晚餐非常豐富，喜歡辛辣朋友可以試一下貴州的味道!!

見新開諗住試下會唔會中伏，但竟然食到家既感覺，因為都好家庭式打理，全部都上咗年紀既婆婆，伯伯，廣東話唔咸唔淡，雖然有漏落單，但我都有點唔好意思要老人家服侍 唔知咩花溪牛肉所以叫咗花溪牛肉河，黎到覺得賣相無咩特別，但有d牛肉切片有d切粒又幾得意，清湯底清清地都ok，牛肉好特別好似同平時食清湯腩唔同，可能係貴州特色但好淋味道好似幾新鮮。 小籠包原本漏單，但廚房伯伯話即刻整翻俾我，又好快唔洗10分鐘蒸好，又講幾次唔好意思，$30/4粒小籠包唔敢要求皮簿函靚，但價錢+服務+環境+誠意=值得推介今時今日$154 兩個人近旺角女人街入口，位置一流勝在快靚正鍋貼同金沙骨飯唔記得影相，但味道係ok，旺角又多一個選擇

上星期成家人想去女人街行下食下嘢，見到好熱鬧就望下，睇下有咩好嘢！見到新開張咪行入去試下囉！坐座不多，地方環境用具都好潔淨及齊全，招呼都好熱情，見到好多同老闆好好傾嘅客人，應該做街坊生意多！食物價錢都算平，但飲品價就高左D！值得一讚就係D飽，大大個， 餡料十足，重點D包皮絶不黏手，唔會搞到污糟邋遢，仲好鬆化，尤其菜肉包、南瓜包和酸菜包，味道真係正宗家鄉味！阿媽叫左小籠包試試多汁皮簿，不過就要早D叫，即叫即做等得耐左D！ 鍋貼煎到金黃色好吸引 ， 食嘅時候小心燙親個咀，好味道 同埋菜肉水餃都ok，粒粒好大粒。老豆叫左招牌牛肉牛展米線，講真……D牛真係出乎意料，未食放係枱影相就已經聞到勁濃牛肉香味！D皮蛋都要試下，雖然賣相差D，但D皮蛋真係唔同香港嗰D，老闆話直接係貴州入貨，我覺得再辣D仲好！仲要其他D嘢未食，下次可以再試，大家有興趣建議要試下D包點，個師父係貴州人，亦都係做左幾十年，名店出身，好軟熟！正呀……