貴州牛花溪牛肉米線包包 (已結業)

今日行過旺角，見到有一間新開嘅餐廳，買嘅係貴州牛肉米線，見到幾特別，所以入去試吓。店入邊嘅裝修好簡單，聽店員講開張都都唔到一個月嘅時間。貴州牛肉米線湯底好清，可以按自己鍾意嘅拿到加長辣椒粉。清湯睇嚟冇乜特別，但係飲落有好濃嘅胡椒味。而貴州牛肉，就同普通嘅牛腩冇分別，係淋嘅！不過就比較碎。米線都算彈牙！而我就揀咗水餃，一半韭菜豬肉，一半菜肉。水餃好多汁，一咬落去湯汁都吱出黎，加左少少醋吊下味，已經好好味。酸菜包酸菜加上少少辣椒加上肉碎打成，所以好惹味。包嘅餡料都好多，成個包都好滿滿，同出面買嘅有啲唔同。另外仲有南瓜包，醬牛肉包等等，如果朝早有一個食就好啦。價錢都算係幾合理，而且下午茶時間，粉麵仲有九折嘅優惠。