貢茶 (已結業)

新進台式飲品小店主打茶類飲品有分多冰,少冰,一般,無冰再細分,少甜,走甜,多甜等試左一杯最平既茶少甜走冰好大杯好抵飲起碼估計有600ML一杯不過呢個天氣最好唔好走冰因為好快溶晒就唔凍唔好飲

見佢新開，又無輕鬆飲咁多人排隊，於是就試下呢間。要了寒天晶球綠茶，少甜(80%) & 少冰。得了三分鐘就有得飲喇！個杯幾硬淨，唔錯。一d都唔甜，早知就唔叫少甜啦！反而味道帶苦，但好奇怪茶味其實唔夠濃，沒有茶香。至於寒天晶球乃奶白色扁圓形物體。份量奇多，食極都食唔晒。不過多都無用，因為又唔煙韌，又唔夠彈，仲要係完全無味！係就係平，十蚊咁大杯，不過味道認真麻麻。

今日剛剛經過旺角 一心想去輕鬆飲買杯招牌珍珠奶茶飲, 見到輕鬆飲隔離開左間新野--貢茶, 見舖面新淨, 就唸住試下, 冰: 正常 糖: 少甜(80%) 叫左杯珍珠奶茶 ($10) 舖頭有4個人,2個整野飲,我落單時只有4個人 張單係284號 心唸 應該好快 ,那知等左25分鐘先有,最大問題仲要完成沒奶味 沒奶味就算啦 吃到珍珠時 仲咬到一粒炭仔 都唔知呢間鋪為何要開係輕鬆飲隔離 寧可排輕鬆飲 都唔會去買貢茶 大熱天時搞到火火地

有日行過旺角本來想去輕鬆飲賣杯珍珠奶茶,點知見到隔離開左間台式新飲品店,睇落舖面裝修都幾靚,吸引我賣左杯半甜的珍珠奶茶第一啖入口己經覺好甜,又無奶味又無茶味,飲左一半冰開始溶化後奶味和茶味更完冇晒。又話過江龍,真係過江龍都不及地頭蟲

拎部電話去整要等1個鐘後先有得拎~~發現開左開新野~~1定要試下啦~~叫左最普通ge珍珠奶茶~~因為我覺得如果珍珠奶茶都ng好味~~其他野都好難有特破正常冰微糖(30%)~~~因為驚佢好似輕鬆飲甘過甜~~~$10個杯幾好渣~~都好大杯~~~飲落幾有茶味~~d珍珠幾好咬~~有口感~~我鐘意輕鬆飲 ge波霸係因為佢好咬~~呢間都wow~~仲好口感d tim~~~因為唔知奶蓋係咩所以無叫~~~等奶茶ge時候問老板~~~不過原來係一層好似雪糕ge奶泡~~~下次試下sin~~

一心行去幫趁肥姐, 半路中途, 係輕鬆飲前2間舖開左間新野--貢茶, 見舖面新淨, 又有少少口渴, 又好試新野, 冰: 正常 少冰 冇糖: 正常 (100%) 少甜(80%) 微(50%) xx(20%) 冇 (0%)order左仙草奶茶 ($12) 唔貴: 80% 糖 + 少冰門面就1個收錢, 1個交貨, 舖頭內3個人整野飲, 照計就人手好足夠, 但唔知點解, 都要等成1x分鐘, 如果客多就話姐, 事實係我個NO. 同最前果個都係爭5個No. , 得5個Order都要等咁耐, 唔係嗎, 收銀個個都好唔想做咁, 唔識招呼dee客, 淨係度同其他人齋talk好啦, 杯野終於到手啦, 個杯比輕鬆飲硬, 唔會軟淋淋, 幾好攞第一啖好甜呀, 開始後悔應該叫50%, 算, 既然買左, 點都要飲晒佢啦, 飲左1/3之後, 我發覺自己order80%係正確決定, 因為杯野已經一路一路冇味, 到後尾直情飲水咁真係要改善

受到食友Lemon Tea所托，固此破例為大家即時送上旺角區的"候選新寵兒"...於今天開張的貢茶，賣點除了是台灣的"過江龍"外，還加入了自己的原素 - 奶蓋。那麼何謂奶蓋呢﹖其物仿似Latte浮在面層的鮮打忌廉般，但不同之處是用上了奶漿和一點點獨家配方，從外表上看上去，比忌廉來的更濃，樣子也好像更香似的。在好奇心驅使之下，便要了招牌奶蓋飲品 - "奶蓋綠茶"來試。先論茶味，由始至終也是十分之香濃，即使杯內的冰塊也無損其味道。 另外，這個奶蓋的奶味濃郁，幼細且香滑如忌廉似的口感，把茶原來的澀味和粗糙口感也一併帶走。至於甜度，我要的是正常份量，輕重方面算是可以接受，但假如喜好輕一甜味的食友，最好還是選正常份量以下的為佳。跟在兩舖之隔的所謂抵飲小店相比起來，這店的份量和質素也優勝一點，加上較硬身的杯子，拿起來時不易打番。以後在旺角區內，又多了一所十幾元的飲品店了。