貢茶 (屯門時代廣場南翼)

大熱天時都唔適合露天活動，但又唔想屈係屋企，所以去咗屯門市廣場行街街，貪佢冷氣夠強勁😁，行咗一陣口渴想買嘢飲，就諗起附近有間貢茶，買咗一杯葡萄柚蘆薈大杯裝(正常冰微糖30%)，但唔知咩原因，我覺得微糖都係好甜，我諗再減半甜就差唔多，至於葡萄柚味和蘆薈肉都正常沒問題。另外，收銀前方有個紅色既二維，掃描做完問卷可免費加珍珠。至於服務方面，我覺得仲有改善既空間，雖然我只係買廿十幾蚊嘢，唔會要求有咩特別優質既服務態度，但最最最基本的都應該有吧！…查看更多

有誰不愛廢水?我真係有半年或者九個月時間冇飲過一滴廢水？但係以我以前嘅經驗貢茶嘅質素真係好難估計，唔同地區唔同沖野飲嘅小朋友都有一個好大嘅分別，嗰日買完野好口渴嘅時候就想買一杯懷念下以前打工嘅日子，好攰嘅時候就會想買杯廢水放鬆吓自己情緒😂好似啲男人要出去食支煙一樣😂由於我唔鍾意飲奶茶，但係又好鍾意食珍珠，所以我就叫咗杯手工咖啡微甜加珍珠，飲第一啖嘩咗出嚟，真心好好味，佢嘅味道係有啲似一隻好出名嘅拖肥糖，珍珠亦都煮得好好呀，煙靭彈牙帶少少甜，成杯我自己一個人飲晒，覺得好滿足❤️但係收錢嘅妹妹真係個咀臉同態度食左便便一樣，唔該有少少禮貌丫！…查看更多

貢茶喺香港都有一定嘅地位，屯門市廣場呢一間分店都開咗好一段時間，今日路過飲咗杯奶蓋珍珠奶茶加大，好想反映下，明明叫咗少冰，成杯奶茶勁多冰，收銀姐姐態度都麻麻，我嚟過幾次，同一位姐姐都好似冇水洗面咁，其他分店相對來講都唔會有同樣嘅情況😤真係要改善下！…查看更多

貢茶係好飲 但係態度真係好差今日又去買 又畀人用好差嘅態度對待(我真係覺得自己好犯賤🙄)其實有咩事令到佢哋態度咁差啫? 黑口黑面 講嘢冇尾音 遇到呢啲人真係令到自己心情好差我想飲杯貢茶 係因為我想令自己開心啲 點知去買貢茶嘅過程 係令我比本身更加唔開心 啲態度真係離曬譜但係真係冇人管理佢哋㗎喎(亦都投訴無門) 係連少少基本禮貌都冇 欠咗佢咁！…查看更多

寫左指定時間拎 店員都唔睇 一接到單就整好放係度 等拎都過左40分鐘 見到就已經冰熔曬 濕曬咁我寫拎貨時間係為乜問店員係咪一早整好 放左大半個鐘店員先隨便睇一眼 哦 同事冇留意做為消費者 你既失誤 就要我承擔 冇話重新整個或者其他解決方法下次都係唔好上網落單…查看更多

我去過幾間貢茶分店 啲員工的態度都係好差 我唔知你哋公司出現咗啲咩問題 咁啱去過幾間嘅態度都咁差 係咪公司規矩嚟? 態度唔差 面口唔黑 入唔到職? 態度簡直係惡劣 嘔心 收數面口都會好啲囉 或者叫啲員工轉去做收數:):):)…查看更多

近排唔知點解想轉轉口味，就買咗奶蓋芋香奶茶嚟飲。貢茶尼到一杯都要賣30蚊，所以價格上雖然比較其他出名嘅過江龍，但都唔算平價。特別想講下外觀方面，佢係上而一層白色，下面一層淺紫色，睇落都幾靚。但係我覺得個紅色蓋真係好大殺風景，轉返黑色會好啲。味道方面，奶蓋濃郁，咸味適中，好飲😋。芋香奶芋就較一盤，入面無好多芋泥，仲搞得太碎，撈勻咗就咬唔到一粒粒芋頭嘅口感，只會飲到較沙狀嘅芋泥。不過，佢勝在芋香味出聚，建議少甜較佳。如果鍾意多芋泥同食到粒粒芋頭嘅感覺，就唔建議係到買。…查看更多

大家好:)小女子平常最愛飲奶香綠茶 如果做得好飲會比珍珠奶茶仲正但係試過多次係屯門市中心買呢杯野飲，佢一時比大杯 一時比細杯每次收既價錢係一樣($19)每日再買過點知佢又比細杯我我問：呢個係咪大杯佢話：係啊我指住大杯個個佢話：個個係有料既飲品大杯我立即o左咀 無出聲就走左唔通為左個幾蚊同佢嘈咩PS. Po上來係想話比大家知要小心最好唔好買大杯 或者買之前事先問清楚係咩杯先買因為佢地真係會時大時細架我就暫時唔再買貢茶啦 就算會都係永遠買細杯 起馬唔洗煩買杯野飲都要咁 :(…查看更多

中秋節, 食完飯就梗係出街賞月㗎喇, 都行咗一段時間,有啲攰,同口渴, 亦都冇理由去便利店買支汽水飲咁求其, 又見時間尚早, 商場都未關門, 就去貢茶買嘢飲.其實都預咗好多人排隊, 果不其然,真係好多人等緊, 心諗大劑喇, 又唔知要等到幾時, 但職員出乎意料地手腳快, 長長嘅隊其實都好快處理完,只不過係人客太多.今次我叫咗個 "焦糖奶茶大杯裝", 亦都以為師傅沖杯飲品要好耐時間, 因為有太多人吖嘛, 最後加埋只係等到5分鐘左右, 效率好高 杯飲品不過不失, 唔會太甜亦都唔會太淡, 而且冰粒嘅份量都啱啱好, 唔會融冰後搞到杯嘢飲淡曬, 可能佢哋沖慣曬,係熟手技工. 但效率快呢一點的確要讚.…查看更多

台灣飲料店越來越多，特別是炎炎夏季，人人拿杯凍飲，可以消暑解渴降溫嗎？吃飽午餐後，快要返公司啦！突然想來杯珍珠奶茶屯門時代廣場 「 貢茶」$19 細杯 要求 微甜、少冰先搖搖，喝喝咬咬珍珠嘩！這次是彈牙個人鐘意這種奶茶味道適中喲！不錯👍下次見，bye …查看更多

用openrice手機落order一向都有袋提供返，但佢偏偏就要顧客另+$0.5去買睇袋:(:(:(:(:(:(:(:(:(:(:(:(:(糖度好唔穩定，一直飲開少糖，愈飲愈甜，就叫半糖，點知半糖仲甜啊希望店員有固定落糖準則就好了值得一讚係奶蓋好飲左，以前好稀好水，依家拍得住出名嘅茶飲，下次都會叫返奶蓋，珍珠都煮得啱啱好，唔會太硬用MasterCard喺openrice手機落order，$40就減$15，好抵飲，平均$13就買到一杯👍🏻👍🏻👍🏻👍🏻…查看更多

平時都係飲開珍珠奶茶，見佢有個黑糖latte，好似都唔錯就叫黎試下。叫左微糖，點知原來都係好甜，粒珍珠太甜，真係唔係我杯茶。下次都係叫返珍珠奶茶算，太甜受不了。…查看更多

屯門市中心一帶較少台式飲品店，貢茶算是其中一個選擇。有別於大路的珍珠奶茶，今次我點了 🍌 香蕉奶茶（少糖少冰加珍珠），茶味不算突出，不過香蕉味頗重，甚有 🇰🇷韓國香蕉牛奶的感覺， 🥛奶味也算濃，加上珍珠後有了嚼勁。不過珍珠質素一般，且整過偏甜，怕肥的女士可能要選擇半糖了。…查看更多

今日入屯門有活動啊，其實就係promote下d product咁，同事買左貢茶既香芋奶茶比我地，話係慰勞下我地咁wo。呢杯香芋奶茶係好靚既粉紫色，本來仲有d驚係咪色素黎，但入落係好香紫薯味，好飲。…查看更多

每次去飲貢茶，買嘅唔係珍珠奶茶，而係仙草奶凍。通常都會叫少甜小冰，奶茶唔會太淡，而d仙草都幾多，幾有口感，好似jelly咁。不過好多時好多人，所以就要等好耐，不過整體可接受。…查看更多