貓麵 (已結業)

最近我去咗貓麵食意粉，試咗佢哋的黑松露帶子炒意粉，整體感覺有啲複雜。首先，味道方面都幾ok，黑松露嘅香味配上帶子都幾好不過，份量真係小得驚人，$53蚊只係一碗，食三口就冇啦，真係有啲失望。可能我選錯咗菜，因為聽人講佢哋的招牌撈麵好受歡迎，可能下次我應該試吓呢個。…查看更多

1-6-2025（Sun）晏晝，同老公特登去葵涌廣場，為嘅係前一日，喺蕉積妹（https://www.openrice.com/zh/hongkong/r-%E8%95%89%E7%A9%8D%E5%A6%B9-%E6%B7%B1%E6%B0%B4%E5%9F%97-%E5%A4%9A%E5%9C%8B%E8%8F%9C-%E7%94%9C%E5%93%81-%E7%B3%96%E6%B0%B4-r899238）食完嘢，憑收據3日內，喺葵涌廣場嘅LEMMIE（https://www.openrice.com/zh/hongkong/r-lemmie-lemon-tea-%E8%91%B5%E8%8A%B3-%E6%B8%AF%E5%BC%8F-%E6%9E%9C%E6%B1%81-r820919），就可以$20.00換購一杯鴨屎香檸檬茶或苿莉檸檬茶；或喺NUTTEA，可享$5.00折扣優惠，但首先嚟醫肚先，我提議嚟呢間，搵到後，就睇menu，研究咗一陣子，至理解到佢嘅玩法，由於天氣熱，唔想食熱嘢，咁我就揀$20.00嘅粉皮，我問係咪凍？老闆娘都寸寸地答只有凍。我答我就係驚熱。我就繼續講，要柚子汁，餸就要各$10.00嘅唔辣雞軟骨同海蜇。老闆娘答冇雞軟骨， 咁我就即改要螺肉，再要埋帶子邊。老闆娘就一路執就一路問我要唔要蒜蓉？我答要。要唔要青瓜絲？我都答要。然後整好晒就盛惠$50.00。佢問我係咪堂食？我答係。佢就畀一對筷子我，我都唔問佢攞多對，因為都唔係好大兜同埋環保。我哋開動啦，所有嘢嘅口感都正常，最重要係味道撈得唔錯，柚子汁一啲都唔澀，蒜蓉落得唔多但仍感覺到佢嘅存在，而佢酸中帶甜，好清新，好啱熱㷫㷫嘅夏天食，真係好好味，不過海蜇同帶子邊唔多。服務：老闆娘只係答嘢食係凍嗰時寸寸地，之後都冇乜問題，可能只係佢毫爽嘅真性情。2.8分抵食係2.7分，衛生係2.5分。…查看更多

#好食但真係要等好耐味道幾好食又大碗！但上次去到排隊，人龍都幾長，但係店員冇熄到外賣平台，所以一路接現場單嘅同時又做外賣單，但成間舖得一個整🤣仲要啲外賣單每次都三至四碗。同埋因為如果外賣平台超時好麻煩，所以店員不停做外賣單先做現場order。最後派咗一個鐘先食到。。。。。。如果下次想食會嗌外賣自取🫡#私心推薦麻醬加辣味配料！咁樣食就唔會好辣，因為一定要有少少辣先好食。#總結整體嚟講貓麵嘅味道真係唔錯，但等得耐就真係需要心理準備。…查看更多

由於對menu唔清楚所以想問問題，之後個位姨姨態度極惡劣問我地問咩，其實唔明點解態度可以咁差，所以最後冇買到，如果大家想受氣就買啦 ，完全唔理解正常問個問題要比人咁黑口黑面…查看更多

買咗個撈麵，諗住同朋友share食，佢淨係俾一支叉，問佢攞多一支叉，佢鬧我地話咁樣會令佢蝕，要我地加錢先肯俾。份量雖多，但食物質素惡劣，唔會再幫襯。大家可以唔洗幫襯。…查看更多

記得第一次食係好驚喜！份量又多又足料！真心係又平又靚又正！💯不過食多幾次之後質素就開始差咗：（份量越來越少，但呢間貓麵次次去依然好多人食，去到見到好多人排隊，阿姐仲話叫我哋睇到Number 先再返去，看上去都要排成半個鐘，就少咗幫襯！🙏🏻不過整體嚟講，面嘅質地彈牙，青瓜絲新鮮爽口，雞絲雞腎雞軟骨都係我的至愛！調味都好食！亦飽肚，只係冇第一次食咁驚豔到我！好多人話老闆娘態度好差，但我覺得可能係因為多人，所以比較急，只要你諗定食咩，佢都唔會點差～😌…查看更多

以前一去葵廣必買，好耐無去，點知差到極點排隊無以前咁多，得個一兩個以為好彩未開始多人，排梗時見前兩個女仔係咁比佢話，心諗咩事又會咁差態度，但因為中途睇唔知之前發生咩事，所以都無太在意，睇好自己想食既野，免得比人話就算頂，一到自己，我已經跟佢問既答，自問以為都有買開（仲有2個人睇店既時候）都知大概係點，依家得返個惡婆，真係差太遠，麵碎，又少（得以前四分一）真係少得過份，餸更加無得同以前比，我以為自己無加餸，可能加得三個餸個女人覺得太少，仲要話咁樣叫蝕錢比我，我心諗三餸一麵，你仲要得個少少，真心係以前四分一，都未必有三分一，我都廢事同佢講野，辣又話要加錢？？o 左，以前都無話加辣要錢，無計咪唔加，佢咁既態度，d 辣又唔係特別好食，最重要唔想再比多一分錢比佢，盒既一半都無，收人$4x 唔會再有下次😡😡😡😡😡😡😡😡從無寫過食評，依間真係忍唔住都打一打😡😡😡…查看更多

呀姐態度極差都算。加辣—小辣 加1蚊！要餐具 （木筷子）加1蚊！！都冇問題。成個麵，得嗰兩條，係兩條雞絲同一大塊雞皮 真係成塊雞皮！夠膽收32蚊！！ 講返個味，係普通到極點嘅撈撈。憑咩咁多人吹奏呢間「貓麵」！…查看更多

🌟貓麵黑松露帶子炒意粉💰53貓麵好多人排隊，不過都值得嘅，好食👍👍👍意粉好爽口，一碗滿晒，食完都飽左大半，帶子都有好多粒，黑松露撈埋啲意粉好開胃。缺點係：店員服務態度麻麻地，冇乜耐性。總括：食物係可以嘅，係服務態度有耐改變。…查看更多

落單時同個客講，我問你咩你就答咩，唔問你就唔好出聲，一開始就問咩麵底（答中無比人鬧），問咩醬（答中無事），問有冇餸係辣（佢有分邊啲餸辣邊啲唔辣，我想食嘅餸都係唔辣個啲所以答冇），然後點完佢問我要唔要蒜我話少蒜，然後想開口同佢講加辣，佢見個啲冷麵有痴住剪走緊時，佢叫我唔好嘈（🥲），佢話會換啲麵比我，然後確認好要咩餸後，佢就開始撈，我米同佢單聲要加辣，就開始比佢鬧，問候我係咪有問題，係咪想比人鬧，頭先問你有冇辣你又話無，而家又加辣，鬧完仲同排我後尾個客笑笑口話個腦有問題想博鬧，最尾比錢時聽唔清楚，問多句又比人反白眼加壓制怒火既聲線話$39！自問去葵廣咁耐都忍佢，每次去都買，平時都慣哂佢份人講嘢係小小揶揄同小小鬧人，但今次為咗一句加辣鬧到全條巷都望住我，以後都會唔幫襯了……查看更多

見有舊芝士响度，想叫意粉，見到黏咗張紙仔寫住「繁忙時間 意粉暫停」，有禮貌地問邊個時段會恢復供應，以為避開早、晚市，老闆娘反晒白眼咁講，我哋唔繁忙，我就執笠啦。無言。走人。…查看更多

撈麵嗰位阿嬸又串又惡，落單嗰陣叫人唔好岀聲，一路反白眼一路叫你講嘢你先好講野，乜野態度😅😅我都係講我要食咩啫。。。講野又大大聲，你就算係老板都唔洗咁惡吖，咁唔想整就執左佢啦。食物嗰方面真係勁普通，其實唔洗特登去食，同其他舖頭賣嘅咪又係一樣。環境衛生就更加唔洗講啦，煮野食嗰啲全部都冇戴手套又冇洗手。完全唔明白點解仲未執笠，態度極差，冇錯，係極度差，連茶記姐姐都有禮貌過佢一百萬倍，冇誇張，大家可以去觀察下，記住唔好幫襯，除非想受氣…查看更多

葵廣有好多好食嘅小店，好多人推介呢間位於葵廣2樓嘅貓麵😺試完個人覺得好一般，價錢亦唔特別平，完全唔明點解會有咁多人推介🤷🏻‍♀️得一位哥哥仔負責夾餸撈麵，哥哥仔講野勁快，鬼食泥咁，完全聽唔到講緊咩🫥 啲餸用膠兜裝住，有啲係凍櫃，有啲就咁係櫃面🥙 📌叫咗2個餸: 粉皮、豬耳、雞絲 (麻辣汁) $36份量方面真心少，得半碗咁上下😮 唔知係咪粉皮就黎賣哂所以份量咁少，同埋勁碎😖豬耳，雞絲份量都唔多😣至於調味，就係一般四川麻辣味，無咩特別。總括黎講唔難食，但好普通，試一次就夠，葵廣有好多其他選擇🤗🌟推介指數：😈😈😈（5😈為滿分）…查看更多

撈麵嗰邊難食🤮，薯粉又夾生，服務態度又差到爆，超級冇耐性講野又快，仲有俾嗰x樣你，好似殺父仇人咁，又唔係好好食，都唔知點解咁鬼多人排隊🙄但見意粉嗰邊唔錯，都幾用心整…查看更多

呢間我之前嚟親葵廣都冇食過畢竟😂有食開想食嘅野但係食落有驚喜😲行過聞到好香👃🏼吖原來都唔錯佢個冷麵😮其實幾好食有啲彈性又冇話好硬啲口水雞真係夠辣香麻🐔然後又夠嫩又唔韌舒舒服服廿幾蚊咁又飽左🤑輕鬆🤓肥仔指數：🐒🐒🐒🐒/5🐒滿分#foodiehk #food #美食 #美食家 #肥仔覓食 #食物 #hongkong #hk #hkig #Instagram #食家 #食評 #香港 #香港人 #hker #hkfoodie #delicious #foodblogger #葵涌廣場 #葵廣 #黃店 #黃色經濟圈 #口水雞 #冷麵 #salivachicken #貓麵 #coldnoodles #chill #性價比高 #抵食…查看更多