貓之茶房 (弼街)

营业中

休息中

下午兩時去到大部份貓貓都瞓咗，清醒嗰啲貓貓都係店員自己玩返，店員仲多過客人，無論去邊度玩貓都有人昅住自己，感覺不舒服。啲貓對於貓棒已經冇晒興趣，而且也不喜歡拍照，拍照牠們就擰歪面。叫咗兩份三文治，凍冰冰唔好食。自己家裏長期有養三隻貓，明白貓貓的習性，明白佢哋都好需要知道客人有冇對貓貓做不良行為，所以成日昅住啲客人，但我覺得既然嗰啲貓貓咁矜貴，就唔好拎出去俾人玩。按小時收費，玩咗半小時因為無聊就離開。

今天因為學校假期，便和女兒一起去貓貓cafe，我們一家一向喜歡動物，知道貓之茶屋是浪浪之家，也一直幫助浪浪尋家，覺得十分感動位置係太子弼街，始創斜對面，非常易搵！入到去店主首先會介紹你同貓貓玩嘅規矩，之後就換上紙拖鞋就可以入去。入面有一本介紹冊會介紹所有貓貓嘅資料，都可以買啲貓零食氹吓啲貓仔，入面環境好舒服，如果平日無野做比$118可以坐一整日，另外都有唔同既boardgame比你同朋友玩吓...我同女兒一日叫了一件蛋糕🍰，佢要朱古力蛋糕我就要藍莓芝士蛋糕，另外我叫了一杯桂花烏龍茶和白桃烏龍茶蛋糕口感非常好，而且收費亦都唔係貴，濃郁既芝士味同埋新鮮嘅藍莓相得益彰...朱古力都好濃厚，口感豐富，蛋糕餅底是脆脆，非常好吃食食吓女兒又和貓貓去玩，我就舒服咁坐吓，和貓貓一起度過了一個傭懶的下午

話說 👦🏻 一直想再養貓仔，奈何 👧🏽 皮膚敏感一直反覆發作，所以計畫一直未能如願！為左彌補做貓奴既心願，同習慣下到處都是貓毛的環境，於是搵左一間 🐈 𝑪𝒂𝒇𝒆位於旺角東站附近，又有大型玻璃窗同𝖫𝗈𝗀𝗈，易搵又方便，職員會講解一次場內規則，換好拖鞋進場玩貓貓 🥳 場地算大，職員會不時清潔碌走地上貓毛；不過枱與枱之間有啲擠擁，係座位同貓貓玩或者影相時，容易撞到或影到其他客人🙃𝑪𝒂𝒇𝒆有𝟤𝟢隻貓貓，有兩隻👑公主王子脾氣較大，避免摸摸 ❌ 場內貓貓都唔可以抱上身，但可以摸或逗貓棒玩樂。當日有𝟧-𝟨隻貓貓比較活躍 🫨 貓貓點點比較為食八卦，會跳上枱周圍聞搵野食；大部份既貓貓都休養生息，而 🐈‍⬛ 黑蚊蚊就由入座訓到離開，當中不停換𝖯𝗈𝗌𝖾繼續訓💤不過入黑之後貓群出動，果然係夜生活的朋友收費第一個鐘𝖧𝖪𝖣𝟧𝟪，之後每小時𝖧𝖪𝖣𝟥𝟪，飲品可以選擇自費購買，而且可以購買貓貓零食餵食🩵門口仲有除毛轆轆同消毒用品，十分貼心見到貓𝑪𝒂𝒇𝒆有領養貓貓，支持領養代替購買！

💰112（堂食)這家貓貓咖啡店，非常適合喜歡小動物的食客🙌🏻店內環境非常好，十分整潔，店員服務態度優良，很貼心，指示非常清晰❤️裡面的貓貓全部都很乖，梳理得很乾淨😍而且店裡絕對沒有異味，可以很放心進食😋這家咖啡店也別具意義，會把場內的精品和貓貓零食的部分收益，捐給慈善機構，希望幫助流浪貓貓🥹有興趣的食客更可以找店員查詢領養貓貓的詳情👍🏼這家貓貓咖啡店主要提供一些輕食，讓食客可以一邊享受，一邊跟可愛的貓貓玩耍和拍照☺️平日的收費是第一個小時$58，隨後按每小時收費$38計算，價格便宜，十分划算👍🏼藍莓芝士蛋糕 $18藍莓芝士蛋糕絕對是各咖啡廳的經典菜式之一🍰芝士味很濃郁很清新，蛋糕很軟滑🤤蛋糕的餅底也不會太硬，搭配著新鮮藍莓醬一起吃，口感飽滿，味道更豐富😋而且蛋糕完全不覺得膩，值得一試❤️雞蛋火腿三文治 $16餐廳小數比較飽肚的食物，份量很足👍🏼外表看起來跟普通三文治沒有分別，但其實麵包很鬆軟，烚蛋很香😋一點兒也不乾❤️燕麥奶Mocha $20燕麥味很香很濃😋比平常的咖啡味道更加特別，更有特色，而且甜度適中，適合一些不喜歡喝太濃的咖啡的食客👍🏼

沒有太大期待下反而好有驚喜既貓Cafe, 可能管理得好又新開，入面舒服干淨冇咩味，十幾隻唔同品種既貓個個都幾親近人類，有啲仲好仲意玩玩具，可以買零食俾佢地，但唔好餵俾減肥中既貓，任摸唔嬲。白色長毛好靚，但非常高冷，反而啡貓黑貓幾活躍，雜色貓想玩得黎行動力超低，太搞笑了。一個鐘$58，茶，咖啡，蛋糕都係幾蚊至十幾蚊，好抵玩，重點係多貓唔多人，introvert既天堂。朱古力松露蛋糕仲要幾好食，濃厚既朱古力味，唔會太甜，層次分明cream, sponge cake, 脆脆既幾重口感，究竟會為左個蛋糕定玩貓而再黎🤔💐💐💐💐💐💐💐💐💐💐💐💐💐💐💐💐💐📍貓之茶房 (弼街)🏠 旺角弼街60號1樓💐💐💐💐💐💐💐💐💐💐💐💐💐💐💐💐💐#hkfood #hkfoodblogger #hkfoodreview #hkig #hkfoodie #foodstagram #eatstagram #brunch #foodblog #getinmybelly #heresmyfood #foodporn #foodreview #foodhunt #travelhk #必食 #必食推介 #美食 #美食推薦#sus

入邊有大概12 至14隻貓，今日得兩隻清醒。全部瞓晒覺。當然瞓晒覺有冇騷擾佢哋啦。呢個都唔係重點，係有一個金頭髮，長髮及肩嘅女同事，都有見過佢喺尖沙咀舖頭出現過。今日，所有同貓互動嘅都窒住晒。入到去好似聽佢命令咁，貓貓俾我哋冇得好開心，佢就過來話唔好咁大力，我哋望住貓貓飲水，佢就話唔好騷擾貓貓飲水。總之每一件事都好bossy，我係客，去到都係想同貓貓玩下，佢就喺隔離指指點點，超煩。已經唔係收得平， $58 1個鐘，第二個鐘38 ，仲係唔包嘢飲嘅。去完一吐氣。明明有貓貓唔舒服，仲擺出嚟Cafe。唔會再去。

貓奴嘅我太開心🥳黎到貓之茶房，第一嘅感覺店內清潔乾淨，貓咪們享受緊貓生，就像對我說:我有我嘅生活，你有你嘅忙碌🤣📸📸📸貓咪好親人，經常在我腳邊行黎行去，真羨慕佢哋每日食食食、瞓瞓瞓、玩玩玩，不需要理會塵世事🤣影影下都肚餓，叫d嘢食先。玫瑰抹茶鮮奶真係有玫瑰香，抹茶濃，而且同鮮奶好夾。蜜桃紅茶清清香香的凍飲。藍莓芝士蛋糕藍莓微酸，芝士蛋糕微甜，口感都唔錯。雞蛋火腿三文治三文治整得都好食。食物質素唔差，飲料都多選擇。

與朋友食完晚飯後想找個地方閒聊，於是去了附近的貓貓cafe，由於是晚餐時段，所以客人不多，有個舒適寧靜的環境聊天，同時可以與可愛的貓貓們互動進入cafe時，店員會詳細向你介紹規則，需要換上提供的拖鞋，並消毒雙手，店員亦會提醒可以輕摸貓貓，或用逗貓棒玩耍，但要注意不要抱起他們，以免造成貓貓不適，如想與貓貓們進一步互動，可以購買餐廳提供的貓零食，這樣就會有好多可愛貓子圍繞著您討吃，心情大好Cafe提供多種輕食和飲品，曲奇味道濃郁，芝士蛋糕不會過於甜膩，亦有營養健康的飲品，不必擔心坐太久而感到肚子餓，記住離開座位時要將食物密封，以免貓貓誤食✨抹茶合桃曲奇($16)✨藍莓芝士蛋糕($18)✨韓國蜂蜜生薑茶($6)✨燕麥奶（凍）($14)Cafe採取按小時收費的方式，平日首小時為$58，次小時為$38，而只需$118就可以無限時任坐，非常適合想要尋找一個放鬆且愜意的場所與朋友聚會或談心的人們

😋 食物 😋🔶 藍莓芝士蛋糕 $18🔶 抹茶鮮奶 $14🔶 玫瑰soda $10 （對，你沒看錯，只是$10!）有三文治、蛋糕、飲品等輕食價錢非常便宜！❤️ CP值好高！❤️味道正常，還有膠盒防止貓貓誤吃～抵讚❤️🔹貓貓數量有20隻左右，外表乾淨，聞起來香噴噴❤️貓貓性格溫馴，客人可以放心逗貓（也有例外的，請參考店內的貓貓介紹🐱）貓貓活潑，會到處走店員有介紹貓喜歡的玩具或者客人可以買食物餵貓～🔹 環境空間不算小，有不同設施讓貓貓活動也有免費逗貓玩具提供☺️ 由於同行朋友對貓毛敏感，所以用來測試環境衛生就最適合哈哈結果朋友逗番了2個小時，沒有狂打噴嚏，沒有狂流眼水目測地上也沒有太多貓毛合格！❤️ 好推薦大家不時去吸貓放鬆（平日）首小時$58/位（平日）次小時$38/位味道： ❤️❤️❤️🤍🤍環境： ❤️❤️❤️❤️❤️CP值： ❤️❤️❤️❤️❤️用餐體驗： ❤️❤️❤️❤️❤️bookmark：🔖 🔖🔖🤍🤍🔖 記得 bookmark &❤️我們 HkFoodMark 吧！

日日落雨食完飯想搵地方去 諗起附近有間貓貓cafe係金魚街附近對於我呢啲從來冇養過寵物嘅人呢度俾我可以一飽吸貓癮 如果帶埋小朋友過嚟一定勁開心嘅啫❣️閒日 : 首$58/小時, 後加$38/小時呢間Cafe主打輕食咖啡茶 係無提供主食㗎如果真係上嚟玩嘅話 記得食飽打電話嚟問吓有冇位先好上呀❣️綠茶合桃曲奇 $16係軟身嗰隻曲奇 鬆軟有口感🍪抹茶味香濃 十分鬆化❣️柚子芝士蛋糕 $18淨食cheese好似好漏 所以揀咗有柚子成份嘅cake清新香氣好fresh又解濟 餅底無雪到硬刮刮 呢個價錢相當抵食❣️芝士蛋三文治 $16相對比較填肚嘅item 熱熔芝士均勻地沾滿成塊麵包🥖夾住烚蛋切片更有蛋香❣️燕麥奶玫瑰Latte $20對於我呢啲乳糖不耐症患者 可以轉做燕麥奶真係一個大福音淡淡玫瑰味令咖啡更添特色 燕麥味令咖啡冇咁單調 客製化糖分非常貼心✨除咗場內售賣嘅雞肉乾收益 就連門口出售各🐱🐱精品嘅收益都同樣會將部份捐出比浪浪 如果有心領養 仲可以直接同店員申請添㗎

為左滿足個仔想去貓cafe呢個願望，今日就帶佢去旺角呢間玩下未入去就要聽一堆守則，講得又快又暗沉，搞到我要中斷幾次問左問題先理解到內容大概係唔好太大聲、唔好跑、唔好跳、唔可以抱貓、小朋友唔用得逗貓捧咁樣入到去安排嘅位置比較近門口同收銀處坐低冇耐有隻貓跳上張枱啊仔嚇咗嚇下叫左聲就即刻比D職員“殊”之後啊仔一大聲小小講嘢又比佢地“殊”我個人覺得佢哋咁樣超冇禮貌😠明明同場其他小朋友有跑呀跳呀佢哋唔去制止反而係咁“殊”我呢邊除咗大聲少少之外冇做其他嘢嘅人明明職員佢哋自己傾計玩鬧聲仲大聲過我哋🤬最尾夠一個鐘已經“殊”到一肚氣唔想再留以後唔會再幫襯😠😠😠

今日約左個好耐冇見既朋友為左想開開心心舒舒服服咁見同樣身為貓痴既我地就去左貓cafe聚下之餘又可以玩下貓😆✨閒日首小時$58由於趕住下場既關係 我地坐左一粒鍾左右但都好夠玩架喇😗不過愈坐得耐就愈抵既🤭就算假期係到hea全日都冇問題架個度以輕食為主姐係蛋糕及三文治同咖啡之類 ✨柚子芝士蛋糕$18柚芝味道好出眾 又好軟滑✨朱古力松露蛋糕$18相反呢個唔太食得出有松露味但朱古力味仍然好重同好食✨燕麥奶mocha$2020蚊杯真係好抵飲個人認為用左燕麥奶更好飲更健康✨燕麥奶玫瑰latte$20個配搭比較少有味道清清地唔怕甜👍🏾✨重點入面都有成十幾隻貓好得意佢地都唔怕生保 仲可能會爬係台上🥹全部有名牌 可以叫佢地個名 仲會識應架佢地真係又乖又聽話點解可以咁得意架🙈呢個地方食下輕食又抵食仲要有得玩下貓呢個價錢真係超級身有所值呀‼️‼️

我今日去左一間以貓做主題嘅咖啡店。入到去，就有好多可愛嘅貓貓迎接我，佢哋真係好友善同親切。咖啡店環境好舒服，佈置得好溫馨，最重要係餐廳好清潔乾淨，店員隔15分鐘就會除塵紙地拖周圍碌，確保地下冇多餘嘅貓毛，而且一入去都唔會聞到好大浸嘅貓味。佢哋有好多款咖啡同茶可以揀，而且價錢好相宜，食物方面，我試咗佢哋曲奇、朱古力蛋糕同柚子芝士蛋糕，三款味道都好好，我最鍾意朱古力蛋糕，朱古力味非常香濃，冇諗過Cafe嘅食物都可以做得咁出色！最令人驚喜嘅係，佢哋都有提供貓食俾喜歡貓嘅客人，真係好貼心呀！唔單止食物好味，環境舒適，仲可以同貓貓玩樂，真係一個放鬆心情同享受美食嘅好地方！

收工想搵個地方chill下，朋友帶我黎到太子始創對面，一上樓就係呢間貓貓cafe，入面有超多貓貓除左啱啱之外，有嘢食有嘢飲，仲有board game玩，餐廳仲比每人一支逗貓棒，仲可以買貓零食，可以盡情咁同貓貓互動🤩🤩野飲同食物價錢都好合理，每樣都只係十幾蚊，叫左朱古力蛋糕同埋柚子芝士蛋糕，都好好食，野飲係蜜桃梳打&青蘋果紅茶，兩杯都有出面奶茶店質素，以性價比黎講非常之高。重點當然係有超多貓貓，黎之前記得相機同電話充夠電，真係殺左唔少菲林同memories。呢度staff都幾nice，會教你點用逗貓棒同貓貓玩，D貓貓都玩得好開心。下次都會再黎！

貓之茶房，一個讓我無法抗拒嘅地方。呢度唔單止有一流嘅餐飲，更有一班可愛得令人心軟嘅貓星人陪伴你度過一個愉快嘅午後。試咗「芒果乳酪特飲」。芒果味幾香濃，配合濃厚嘅乳酪，味道幾清新同甜美。抹茶鮮奶，味道濃郁而且清新，每一啖都有濃厚嘅抹茶味。再嚟就係甜點，藍莓芝士蛋糕與朱古力松露蛋糕，兩款都有飽滿嘅口感同豐富嘅風味，幾好食，而且好抵，食物嘅消費唔高。再講講貓星人，呢度嘅貓咪真係好得意好可愛，讓人一見鍾情。貓咪們有自己嘅個性，有啲安靜喺度瞓覺，有啲活潑會同你玩，但係無一不在你需要陪伴嘅時候出現，想玩貓嘅人好適合上嚟，呢度貓嘅數量好多。佢哋會瞓在你身邊，讓你摸佢哋嘅毛，或者同你玩，令你感到療癒又開心。呢度嘅貓咪，無論你係貓奴定係初次接觸貓咪，都會被佢哋嘅可愛所吸引。結論，貓之茶房不只係一間餐廳，更係一個讓你忘卻煩惱，享受美食同貓咪陪伴嘅地方。呢度嘅食物同貓咪都令人滿足，令人感到非常值得，所以我會強烈推薦大家去嘗試下。