貓之茶房 (海防大廈)

营业中

休息中

朋友早前推薦尖沙咀這間鄰近港鐵站的貓貓cafe，今日我便決定帶四歲的姪女來和貓貓玩耍。進cafe前，負責人便細心地為我們講解收費、和貓貓玩耍時需要注意的事項及介紹某些貓貓的特殊習性。其後，她更為我們消毒雙手，細心地給我們一個可以裝個人物品入內的大型貯存袋，以防貓貓咬爛我們的隨身物件。光顧這間cafe不僅可以和貓貓玩耍，還可以玩免費桌上遊戲及享用美味輕食，完全可以滿足我和姪女的各種願望！值得一讚的是茶房環境乾淨企理，一點異味也沒有，而且所有貓貓也非常友善，易於親近。此外，cafe更貼心地提供了免費充電器給顧客使用，讓顧客可以盡情地和貓貓打卡。食物方面，我和姪女點了三件朱古力曲奇，一件朱古力蛋糕及一件柚子芝士蛋糕。姪女要喝凍牛奶，而我便喝了一杯熱玫瑰latte。想不到在主打玩貓貓的cafe內也可吃到如此高水準的蛋糕，朱古力蛋糕夠香濃，柚子芝士蛋糕便夠清新，兩款同樣美味。不經不覺，我和姪女便度過了差不多兩個小時的快樂時光！我們又可逗貓貓玩，又品嚐到美味的蛋糕飲品，二人消費也不用$300，絕對值得一眾貓迷光顧及消磨時間。

貓之茶房@尖沙咀呢間尖沙咀嘅貓貓Cafe位置好方便，由窗口望落去仲可以見到清真寺，地鐵站一出就到，好啱大家一齊嚟玩！Cafe 收費首小時$58，之後每小時只需$38。Cafe 環境非常乾淨，店員的服務態度也非常友善，感覺好舒服！😃為咗確保衛生，一入到去店員就會提供拖鞋俾我哋，仲提醒我哋有啲貓貓會比較怕羞，要俾啲耐性同佢哋相處！呢度嘅貓貓大部份都好乖，好有主子嘅感覺，亦都有懶洋洋嘅貓貓，好得意！☺️☺️飲品我地叫左玫瑰抹茶鮮奶同燕麥奶玫瑰 Latte，唔太甜幾好飲。呢間餐廳仲有三文治小食，價錢亦都非常相宜。好適合大家嗌杯咖啡，渡過輕鬆愉快嘅一日！😊

《貓之茶房の食評》 by@ihungry.hk成日去Cafe打卡咁無聊，不如今個Weekday去做啲更有意義嘅嘢❣️今日小編會帶大家去到位於尖沙咀嘅貓之茶房，齊齊探訪一眾可愛嘅流浪貓貓🐈！貓之茶房裡面多達30隻流浪貓貓，除咗可以被一群可愛嘅貓星人包圍，仲可以領養佢哋返屋企，將佢哋成為你嘅屋企人😽！除此之外，貓之茶房仲會提供唔同嘅小食同飲品，各位貓控絕對唔可以錯過😻！小編話你知💡貓之茶房除咗會照顧流浪貓🐱，每月都會捐款畀流浪貓機構，希望大家幫助可愛嘅流浪貓之餘，亦提倡「領養代替購買」，小小支持，為流浪貓帶來大大嘅希望💖！🔸『入場費』▶️收費每位首小時$58 (假日$68)，次小時$38 (假日$48)▶️閒日$118 全日任坐，閒日學生優惠$10🔸『三文治 - $16』▶️芝士蛋、芝士火腿三文治濃厚滑蛋與火腿芝士，細心嘅店員又為麵包切晒邊邊，一份充滿愛嘅三文治🥪，值得一叫💞！🔸『朱古力松露蛋糕 - $18』朱古力松露蛋糕有一層厚厚嘅朱古力松露🍫，口感非常濃郁，絲滑柔順嘅朱古力松露入口即融，令小編覺得非常之驚喜🍰！🔸『燕麥奶焦糖咖啡 - $18』焦糖咖啡配上有機燕麥奶☕，面層鋪蓋濃郁鮮忌廉，香濃焦

清真寺對面的寧靜貓空間🐱原來係人來人往嘅尖沙咀附近有間靚景cafe😍一入到去窗口正對住清真寺，環境不輸比另一間網紅清真寺酒吧喔💯入場費首小時$58，加鐘每小時$38。我去嘅時間係下午3點，好多貓貓訓緊晏覺🤣趁住等佢地起身，叫杯野嚟飲✅燕麥奶Mocha $20我叫左少甜版本，落單後自己去攞。我覺得味道正常，唔會好甜，因為嚟玩貓所以覺得都OK店員入場時會比拖鞋我，同埋會提下我有2-3隻貓怕羞d, 要warm up下🤣呢度有十幾隻貓，有肥有瘦，全部都好懶😳最鐘意隻藍色貓貓, 肥嘟嘟咁但又好靈活跳到去窗邊，影左好多selfie😚係度玩外hea下好容易就兩個鐘，貓棒係免費借嚟同貓玩，絕對加分位🥳推薦大家嚟休息下玩下，貓貓好可愛🫶🏻

這間位於尖沙咀海防道的貓之茶坊，確係一個消閒的好地方，既可以同貓咪們玩下，又可以飲下野食甜點，仲提供了一些Board Games玩樂，我就在這裏不經不覺悠閑了兩小時。第一個小時$58，其後每小時$38。Cafe有不同特飲可選擇，今次我們點了芒果乳酪特飲和特濃朱古力，可以自選甜度和冰量，價錢只是$14，非常便宜。另外我們還叫了朱古力松露蛋糕，軟滑香濃，非常好吃！重點當然是來玩貓貓吧！店內有二十多隻貓，大多很乖巧。店員在我們進場前也叫我們特別注意其中兩隻可能有少少脾氣，不過剛好牠們也睡了呢！顧客還可以買亁糧/雞柳（$6/半份或$12/全份）當我們買了雞柳後，幾隻為食的貓咪們即時圍着我們團團轉，好可愛啊！這裏特別一讚的是環境乾淨，又沒有濃烈的氣味，店員的服務態度良好，下次有時間定會再來玩。

世侄女終於捱完個呈分試，應承咗帶佢去貓貓cafe，今日揀咗位於尖沙咀海防大廈嘅貓之茶房🐱🐈‍⬛🐈，地點非常就腳（地鐵站一出，過對面馬路上三樓就係🥰）未入到去，店員已經好細心同殷勤咁交代擼貓貓的細節，例如要注意邊幾隻貓貓嘅情緒，邊幾隻好親人任摸，可以點樣購買貓食品同埋提供餐飲甜品等事項……一進門立即可以消毒雙手同換上拖鞋，店完帶去座位坐低，細心地畀膠袋你袋住個人物品，因為可能有貓貓會響客戶個人物品上尿尿…以防萬一嘛！😝😅要一讚嘅係店內完全沒有異味！！環境非常敞亮，開揚、乾淨、企理……唔好話氣味，連貓毛都唔多覺眼，可見店員非常細心處理（我自己都有養貓，貓毛貓砂真係避無可避…🤭🤭）但係場內清潔程度真係超出我想像，再講貓貓情況～每隻都有獨特個性，而且好健康，有部分好親人～買咗貓貓乾糧諗住餵貓，但後來先發覺濕糧先至係王者！😅😅🤭我地叫咗兩杯熱飲（蜂蜜柚子茶+韓式蜂蜜薑茶）🧋☕，佢有甜點供應，個朱古力蛋糕真係一絕🍰；另外仲有芝士蛋糕，不過因為陣間要食晚飯，所以都係唔試啦～整體感受覺得同貓貓互動好舒服，大部分貓貓都好活潑，會主動親人或者走嚟拗嘢食，世侄女換個不亦樂乎，影咗無數咁多相，📸真係一個非常好

上次和女兒去了太子那間貓之茶房，今次試吓尖沙咀這間。這間店和太子那間差不多大，環境乾淨光猛，沒有太大味道。牆身和傢具都是純白色的，中間點綴了木紋的顏色，整間Cafe給人一種窗明几淨的感覺。牆身有一個木造的大型木屋給貓貓瞓，非常特別。購買貓零食還可以做善事，餐廳每售出七包零食，便會捐一包給流浪貓。cafe同樣以每小時計，我們逗留了兩小時，點了兩杯飲品： 焦糖咖啡和一杯芒果乳酪特飲，還可以自選甜度和冰量。另外，我們還叫了朱古力松露蛋糕和柚子芝士蛋糕。柚子芝士蛋糕的芝士味濃，柚子很清香，還有一些鮮柚子肉，吃落有很清新的感覺。朱古力松露蛋糕非常好吃，充滿松露香，軟滑可口，入口即溶。所以我們又再叫多一件！已經可以當晚餐了！店內有二十多隻貓，在店內走來走去，有些掛住瞓覺，有些任我們摸。部份貓貓是流浪貓，有的多是主人移民，將牠們放在Cafe內。大多貓貓都友善乖巧，任我們摸。牠們大都非常溫馴，樣子十分可愛。每隻貓貓有不同的性格，有些溫馴、有些慵懶、有些高傲。貓貓在店內自由地走來走去，我們就追着牠們拍照，還看到牠們在「等食」。我們二人追着貓貓轉，渡過了一個很寫意休閒，很舒適的黃昏。

貓之茶房係我去過咁多間貓Cafe自己覺得感覺最輕鬆嘅一間，裏面嘅貓貓都比較和善，小朋友輕輕力觸摸，貓貓都唔會出爪。大部份媽媽都係為食貓，一聞到有零食或者聽到零食罐罐嘅聲音，就會過嚟。貓之茶房，現階段淨係提供輕食同埋飲品，閑日第一個小時計$60 ，之後每小時$38。一份貓零食係$12 ，半份貓零食就係$6。我最鍾意貓之茶房，係因為我喺呢度消費可以幫到流浪貓。

今次是我第四次來貓之茶房。我都去過不同的貓cafe，但最鐘意都係貓之茶房。因疫情關係茶房不會有lunch，但可以叫飲品或甜品。來到呢度都志不在甜品架啦～～今次比平時來的時候早，所以我來到時貓貓都比之前熱情，好多時候貓貓都主動過來一齊坐～～^_^記得，可以同貓貓影相，但不可以用閃光燈同埋不可以強行抱起貓貓～～～貓貓鐘意好靜既環境，所以大家來到時一定要保持安靜～～^_^

這是我第三次來到貓之茶房，店員在顧客進店前都會很耐心地講解接觸貓貓時的注意事項；若遇有顧客在店內騷擾貓貓，店員也會加以阻止，看得出店員都是十分有耐性和愛心的人。場內環境清潔，店員應經常清理店內的貓毛，整體感覺滿意。

首先，我於1月24號3點去幫襯貓咖，以為可以同好多貓貓玩，但係貓既數量冇我想象中既多，有超過一半都在訓覺，想去摸訓緊既貓貓，被店員制止唔可以打攪貓貓訓覺，我就停止左行為，坐埋一邊。其次，好難同貓貓合照，因為d貓訓緊在角落頭，移動佢地既窩，店員又係類似既藉口制止合照行為，又冇得合照啦，都算，最無語既係唔可以抱下貓貓，only睇and摸，但係d貓周圍走，我只能追住d貓體驗擼貓樂趣，跑到成身汗，貓又好鬼高冷……點左杯嘢飲，個杯口都係貓毛癡住，飲唔落口。總結，第一次貓咖體驗好差，感覺唔到樂趣，太多限制，又過唔到癮，體驗同我既消費不成正比，不會再去哩間。

在尖沙咀行街，唔太肚餓，想揾個地方坐下來，在OpenRice見到附近有貓Cafe，咁得意？一於去玩貓貓。入去之前，店員會要求我哋用即棄拖鞋，消毒雙手。安排座位後，店員俾咗我哋一個大膠袋，說用來裝住手袋，話防止貓咪搜索我哋隨身物品。原來貓咪係小偷！點了飲品和蛋糕，朱古力蛋糕沒有朱古力味，芝士蛋糕沒有芝士味，只有好假的甜味，蛋糕質感偏硬，另外飲品亦偏甜。這間貓Cafe，我想我還是會再來，不過應該不會再點食物了。

本身有養貓既我地一行三人，特登同兩個小朋友去支持下，點知去到被告知每個11歲以下既小朋友一定要由一個成人跟住，對於一拖二既媽媽黎講太過分啦！唔係到到都有爸爸陪同一齊去，即係變相唔歡迎中意貓貓的小朋友。加上網站上完全冇呢一方面嘅資訊，特登行好遠去到，好失望

身為貓奴，平日放假抽空黎貓cafe 探下貓主子☺️💓呢間貓cafe有成近20多隻貓，可以一邊食甜點飲杯野，一邊同貓主子玩，好寫意！一入到去cafe,店主會好細心提醒一下控制音量，避免糟到貓主子。另外，貓cafe會另外提供貓玩具，可以陪貓主子們玩😝如果想同佢地親近d,仲可以買貓零食請佢地食🤪今次我叫左熱香桃白茶同朱古力蛋糕，味道很不錯。白茶仲可以另加蜜糖，仲有杯蓋包住（防止貓毛跌入去）好細心！同樣是貓奴既您，千祈唔好錯過💓💓貓cafe - 1hr HKD98*Price-5/10*Taste-7/10*Environment-7.5/10*Service-7/10

同家姐喺尖沙咀行街，地鐵站附近見到有間樓上貓貓Cafe ～貓之茶房🐱上去飲杯嘢，順便同貓貓玩吓間cafe 乾淨程度做得很足未入店舖前客人需要更換即棄拖鞋店舖裝修，以日式風格設計閒日首小時$60入場，之後每小時$38假日首小時$70入場，之後每小時$48有不少款式飲品，cake 同甜品可以購買，價錢由十幾到時 20幾蚊不等飲品有咖啡系列，梳打，茶選擇都算多店內會有不同貓玩具，可以隨意同貓貓玩仲可以買貓零食餵貓貓🐱有乾糧同濕糧，半份都係$6非常抵玩！店內有十幾隻貓周圍行，超可愛😍