豹茶 (已結業)

煙韌控面對著每粒都藏有一粒快麻糬的雞蛋仔🥚表示抵受不了💚 即點即做，外脆內軟，只是覺得偏甜，一不小心綠茶味就被蓋過🤭就在此時看到旁邊的台式飲品店，有人氣的黑糖珍珠鮮奶，也有各類奶茶、果茶系列，但最近喝太多，最後還是飲返杯簡單的冷泡茶🥤 桂花烏龍清新解渴，最好就是吃過甜點後喝桂花烏龍冷泡茶 $19

係豹茶附近，有超過5間售賣珍珠奶茶既鋪頭。見到尼個牌子係新開，就試下最普通既珍珠奶茶。鋪頭同bove賣pancake既鋪頭share鋪位，要先去bove鋪頭點餐，再等號碼就ok。叫左珍珠奶茶(大$20/小$16)，選擇左少冰少甜。個人唔係特別鍾情飲珍珠奶茶，所以冇研究邊間最好飲。尼間鋪頭d珍珠甜度適中，而且唔會過熟/硬，所以仍然有口感，珍珠量都ok。而甜度因為揀左少甜，所以唔太甜，係普通正常level，或者可能再冇咁甜添。茶味都ok。不過，飲到剩番1/4，d冰溶，加上飲得慢，所以茶味開始淡。整體，黑糖/手搖奶茶......興起，每行幾步就有尼類鋪頭。平時好少飲珍珠奶茶尼d飲品，加上唔係同時間，試唔同鋪頭既飲品，好難比較。口味亦因人而異。

❣️土豹(黑糖珍珠港式奶茶)超級濃郁的奶茶味道就和茶餐廳吃的凍奶茶一模一樣黑糖珍珠不會過甜十分推薦給大家❣️Don’t 瓜豹(黑糖珍珠冬瓜茶)冬瓜茶有點太甜(只是我不喜歡甜的)整體而言還是推薦的

專登為左呢個綠茶麻糬雞蛋仔而黎架❗️❗️ （$28）好綠呀💚顏色上已經好吸引！一食就愛上❣️抹茶味好出呀😍粒粒都有麻糬，正正子🤤下次試下鳯梨口味先💕.Valrhona 朱古力梳乎厘班戟 $30朱古力棉花糖流心餡料 +$10揀左我最愛既朱古力口味，味道吾錯，蛋香味都有，口感fluffy，如果再多啲流心會更正😋.黑豹(黑糖珍珠黑芝麻豆漿)$30賣相幾得！第一次飲黑芝麻豆漿加黑糖珍珠，好好飲wo !有新意👍🏼 珍珠咬口吾錯，揀左少甜，就岩岩好喇👌🏻

我女朋友係勁鍾意飲珍珠奶茶，而我呢就每次都無奈地要陪佢飲！我自己都差唔多間間都試過晒，今次試咗泡茶呢個黑糖珍珠豆將！嘩！嘩！嘩！我唔係好鍾意咁甜嘅嘢飲，但係呢度呢杯黑糖珍珠豆漿，甜得來好好飲啊！珍珠夠彈牙，好好咬！

本小姐又試黑糖珍珠鮮奶喇...今日又試邊間呢?身處花園街又見口渴,見到豹茶冇乜人,即管膽粗粗埋去柯打咗杯<豹子雪>睇吓味道如何? 相信豹茶同BOVE其實係同一間店嚟,本來呢度就只係賣雞蛋仔only,係前排呢個黑糖珍珠鮮奶熱潮爆發出嚟之後,呢度就唔執輸,延伸多一間小舖位置出嚟賣台式飲品加入戰團...不過試過之後,我都幾乎可以肯定呢度將會慘敗...... 店舖雖然已經花咗小小心思去為台式飲品起咗啲好得意嘅名稱,好似呢杯黑糖珍珠鮮奶就叫做<豹子雪>咁,其實真係聯想唔同兩者有乜嘢關係(?!)佢哋售價$26蚊一杯亦都比起幾家品牌平幾蚊,賣相亦似乎差不多,一樣可以有豹紋嘅黑糖效果,冇人排隊......基本上都係俾完錢幾分鐘之後就有得飲~拎上手之後搖勻飲用......好後悔!黑糖真係過甜...完完全全蓋過哂鮮奶嘅味道,真係非常可惜珍珠口感亦都令人難受,毫無Q彈之感又唔煙韌......唉

聽講香港都出左綠茶麻糬雞蛋仔，之前成日見人post都係澳門先有得食，依家旺角都有，一直都想搵個機會去試下！今日難得放假同媽媽去咗旺角行街，即刻捉埋佢陪我去食~去到都幾多人排隊買，不過效率都快，唔洗等好耐！買咗兩款新出嘅雞蛋仔，綠茶麻糬雞蛋仔$28同紫菜肉鬆雞蛋仔$25綠茶同麻糬呢個組合其實係我最愛，見到評語好壞都有，但呢啲真係要自己試過先知🤔每次食雞蛋仔我都會order要脆啲同留邊，店員都好好，幫我吹耐少少！上手依然熱辣辣，每一粒雞蛋仔都有麻糬，無一落空，撕開仲見到拉絲嘅麻糬，令人好心動💓影完馬上開吃，麻糬食落偏甜，反而食到無麻糬位置會比較好味，綠茶雞蛋仔味道清甜，係幾好，但兩者mix埋就太甜！如果用抹茶粉帶苦甘味應該會比較match到甜麻糬，一係就麻糬唔好咁甜。呢隻麻糬就好似食乳酪雪糕上面嘅topping，煙韌度高，我比較鍾意軟糯D，糯米糍嗰種口感！另外佢一開始都keep到香脆，但食到一半就變蛋糕仔口感~呢款就唔太啱我心水，不過我前面後面嘅人都係買呢款😂所以口味呢家野真係人人唔同~~紫菜肉鬆雞蛋仔反而更得我心，我係第一次食咸款雞蛋仔，估唔到幾出色！粒粒都係爆餡，咸香嘅味道無甜款咁膩，

現在各式各樣台式飲品店進駐香港，不論是過江龍還是本地香港人都佈滿整個香港，其實要突圍而出真的要花點心思，今天經過花園街看到又有一家新開不久的台飲店，看到餐牌選擇挺吸引的，就去試一下！也有不少人光顧～餐牌有招牌豹類茶系列，當然被這個吸引了黑豹(黑糖珍珠黑芝麻豆漿) $26(500cc)黑糖珍珠鮮奶/奶茶到處都有，但是配黑芝麻豆漿真的是第一次見到，加上我本身很喜歡喝黑芝麻豆漿，當然是選了這個。攪拌好才喝，第一口先是黑芝麻豆漿的味道，然後有點黑糖味，想不到還挺配的！是之前沒有嘗過的味道，我挺喜歡這口味，而黑糖珍珠煙韌度剛好，有些少黑糖味，但可以更重。整體還不錯，挺新鮮的撘配，而且是好喝的組合，下次經過會想試其他口味～來旺角和太子逛街的朋友們可以試試

星期六下午5:30去幫襯，冇物人排隊大概只等了5分鐘，order左個土豹（黑糖珍珠港式奶茶），一開頭飲覺得個味好特別，冇諗過可以港式奶茶配大熱既黑糖珍珠，如果中意飲港式奶茶既朋友應該好喜歡，茶味好濃有點澀，同時有黑糖既甜中和返，一攞到手個時，係有黑糖圍杯邊個effect，不過自己興奮過高，即刻就shake左佢，想快點試飲，睇顏色都知道係港式奶茶😆我叫左少少甜，都仲係覺得好甜，所以細杯裝岩岩好，如果會再返去試，我諗我唔會再試土豹，會試返黑糖鮮奶

旺角又開左新飲品店，見到logo係隻豹幾型，所以又去試一試。款式正路，都算多選擇。Don’t瓜豹（$22/500cc）Black Sugar and White Gourd Tea飲品menu上有好多選擇，但講到最吸引人目光嘅非黑糖珍珠系列莫屬😌。幾選擇款中，草妹揀左「Don’t瓜豹」🐆。其實即係黑糖珍珠冬瓜茶，冬瓜茶味道清爽，加上黑糖，成件事令人感覺好滋潤。珍珠有d煙韌d，有d差少少，不過大體上都算有咬口，$22蚊都幾抵飲👍🏻桂花烏龍（$19/500cc）Osmanthus Oolong Tea另外，由於天氣太熱嘅關係，草根姐妹揀咗個冷泡茶。店員介紹💁🏻‍♀️，泡茶中味道最濃郁嘅就係桂花烏龍，茶味唔濃，但烏龍茶中帶淡淡桂花香🌼，草根妹妹覺得特別治癒，飲落好舒服😌。但飲慣濃味嘢嘅姐姐就飲唔慣咁淡嘅飲品。

有一段時間無番黎香港，雞蛋仔係其中一樣好掛住嘅小食！行過旺角，試左個新派雞蛋仔 - 紫菜肉鬆口味($25)。原本冇乜期望，點知食落又唔錯喎！外皮卜卜脆又有紫菜，入邊粒粒都有好多肉鬆，好紮實。等我下次經過試埋其他口味先！

食完麻辣麵，想飲返杯凍野降下溫，朋友仔又話里間新開，無理由唔試下一係唔飲，一飲當然係試招牌野最好糾結左一陣，點左杯土豹（即係港式奶茶加黑糖珍珠），等左五分鐘都唔使，飲品就出爐喇📢望一望隔離啲人，個個都係等特式雞蛋仔⁉️我。我。我會唔會買錯野呢⋯⋯🙄登登登登。出場喇賣相不錯👍🏻好期待丫搖勻之後就係一杯奶茶禁的樣，期待🤗一飲🤯🤬😡😨😱😰真心嬲，少甜丫大佬，我望下張label 睇下自己有無叫錯☠️我無錯，上面寫住少甜😰茶底係濃郁的，但是甜度真係高左一點點❌❌❌❌❌❌珍珠呢❓竟然黎個大反差，一反常態的淡而無味👎🏻究竟發生什麼事🌋**平心而論，口味因人而異。但是今次我諗鐘意飲甜野的人都應該頂唔住😨

喺太子返工嘅話，終於又有新嘅台式飲品店啦😋😋😋放工去買嘅時候，都見到有好多人喺度買緊，旁邊仲有吸引嘅梳乎厘pancake同雞蛋仔，不過今日就一心淨係想買珍珠奶茶😗😗😗.......諗咗好耐，我最後決定叫黑糖珍珠黑芝麻豆漿，感覺上幾健康同埋養身😍......黑芝麻豆漿還好吧，飲得出有黑芝麻味🤣🤣.......黑糖珍珠幾香，不過做唔到齒頰留香，因為黑糖味唔夠濃郁......🙈🙈🙈最後，我覺得侍應嘅態度可以好少少～

原來旺角花園街呢邊又開左新既飲品店...😗😗😗最吸晴一定係黑糖珍珠系列，因為係近期既大熱！！❤️❤️❤️✨☁️#黑糖珍珠黑芝麻豆漿 $26今次就特別啲，唔再飲黑糖珍珠加鮮奶，就揀咗呢個黑糖珍珠配黑芝麻豆漿～✌🏻✌🏻..可以見到杯上有少少嘅黑糖紋，不過珍珠食落去黑糖味偏弱，但就幾有咬口，豆漿味道正正常常，帶少少甜~都係中意黑糖珍珠配鮮奶多啲😛😛😛.📸豹茶地址：旺角花園街174A號地舖

港版台式飲品小店 豹茶 除左有野飲賣, 仲有港式小食既雞蛋仔、格仔餅同埋Pancake梳乎厘。近期興起 #黑糖系列 , 奶茶/鮮奶都飲過, 今次首次出現 #黑糖豆漿 !【黑豹】(黑糖珍珠黑芝麻豆漿) HK$26心急之際支筒一吉到底即飲, 甜到嘩左一聲! 後尾徹底地攪勻, 再等冰溶左少少, 甜度平均返至可接受程度。黑芝麻同埋黑糖味最為突出, 幾乎蓋過了豆漿味道, 珍珠煙韌, 份量幾多, 飲到尾都仲有~ 記得飲前搖勻, 免得飲到中伏的甜。【流心蜂蜜雞蛋仔】HK$23雞蛋仔即整, 但唔算脆, 每粒雞蛋仔入面既爆珠都未溶, 自己咬爆會有爆汁效果, 蛋味唔太出。【Pancake梳乎厘】HK$28/兩件 (流心餡料另加HK$10)揀左伯爵茶口味既梳乎厘, 味道清香, 梳乎厘厚厚的, 幾鬆軟, 內裡有少少濕, 唔會又乾又實, 做到流心效果, 我揀左金莎朱古力, 入面有少量脆脆, overall 呢款加左餡料都唔會過甜。