豬屋日本料理

营业中

休息中

今晚同老婆係屋企附近揾食，老婆話想食丼飯，我哋去左係大圍雲疊花園附近既豬屋料理食晚餐😆😆門外同店鋪入面都有餐牌店鋪裝修幾有格調店鋪用既係自助QR code 落單系統，落單簡易，一目了然👍🏻👍🏻👍🏻老婆點左北海角切雜錦魚生丼-附送三文魚味噌湯（$72），另加配三文魚壽司（$20）魚生粒好多，飯係好香既丼飯，有啲似壽司飯咁，勁大碗！呢個價錢抵食👍🏻性價比高！另外，三文魚味噌湯，湯料好多，仲有好幾片三文魚肉係入面，完全唔腥！好飲👍🏻三文魚壽司都好食，壽司飯好食👍🏻重點推介沖繩便當❤️❤️❤️（$96）呢個落單時寫左要等15分鐘，但我覺得好值！！！因為便當中所有食物都好好食！飯方面可選多飯/少飯，呢點要一讚啊👍🏻我比較大食，點左多飯，咖哩汁好足夠👍🏻可以撈得哂成個飯☺️☺️☺️☺️☺️便當有1️⃣吉列千層流心豬扒2️⃣金菇牛肉卷3️⃣三文魚，帶子，甜蝦刺身4️⃣咖哩飯5️⃣螺肉相當抵食👍🏻三文魚刺身勁厚重點推介⭐️⭐️⭐️⭐️吉列千層流心豬扒⭐️⭐️⭐️⭐️香脆得黎夾流心芝士，熱辣辣得黎又唔會辣咀，豬扒好鬆軟❤️❤️老婆都係咁讚好食🙈係街好怕食金菇肥牛卷，因為坊間普遍難咬開，但店主好細心將佢一分為二，一口一啖好開心👍🏻👍🏻最後2個人又係棒住個肚走！

放工唔想煮🌝🌝又想食得清清地咁就揀日本料理🤣🤣🤣叫咗take away 咁就可以電視汁撈飯😎😎見到大圍豬屋 好似幾多好評價錢都合理感覺有好多選擇 今次就試吓😚😚😆😆首先要讚吓佢個外賣袋好實淨嗰種 之後可以做shopping bag返到屋企訊息，佢仲放咗幾舊乾冰保持啲外賣魚生新鮮😳😳係咪好抵讚先？🤣去拎takeaway 嘅時間未到7點都已經幾滿座叫咗兩款食物一個係沖繩便當 另一個係魚生丼😆沖繩便當+ 魚生其實好抵食 真係好啱男人食魚生味道唔錯 👍🏽呢個係炸吉列芝士豬扒真係食得出有芝士係入面㗎！Very juicy 另外 肥牛金菇卷同埋螺都不錯吃喔😁咖喱飯就比較重洋蔥味所以都甜啲不過我唔係洋蔥愛好者 下次我會揀燒汁😆😆😆五色海鮮丼飯+ 麵豉湯海鮮丼嘅魚生全部都好啱我口味有赤貝 三文魚 大蝦 海膽同埋凡立貝唔錯唔錯佢個麵豉湯 仲要有三文魚肉喺入面呢個係好驚喜其實佢本Menu好厚好多唔同嘅便當同埋丼飯好似仲有燒物呀 火鍋呀都真係有啲排試

今日去大圍探朋友，佢帶左我去食日本野。餐廳裝修風格以日系為主，牆身貼滿不同日本懸名的火車站牌，好有日本feel。餐牌好多元化，包括刺身丼定食、豬豬豬全部都豬、雞雞雞全部都係雞、鮮鮮鮮全部都係海鮮、一品料理、特色卷物、刺身系列、壽司系列、冷盤、田園系列、海鮮系列、滋味系列、飲品就有精選特飲、酒精飲品。名古屋便當: 包括有薄燒鰻魚、日式炸嫩雞、日式圓蔥魚餅、咖哩飯、味付螺肉，認真豐富。鰻魚肥美肉厚，沒有碎骨，燒得好香；炸雞好嫩滑；咖哩飯味道甜甜地，薯仔紅蘿蔔煮得軟腍；螺肉爽口。北海角切雜錦刺身丼定食: 有各種切粒魚生鋪滿飯面，新鮮肥美，仲附送三文魚味噌湯。日本直送卷蛋: 今日係紅莓味，軟綿綿，一啖一口，甜蜜蜜。總結，出餐快、價錢經濟，下次要再嚟試下其他特色便當。

遲咗收工唔想煮飯，又想食下日本嘢，又唔想去咁遠，就search下區內有乜日本嘢食。見到近近地雲疊花園有間日本嘢就去睇吓，諗住坐低食，但見full full 地，就決定買外賣返屋企食。睇圖都幾吸引，又想食下炸嘢，就買左個秋田便當，再買多個沖繩俾屋企果個。兩個便當$190左右，日本野，依一刻諗住應該唔夠飽，已經諗定宵夜食乜。便當製作需時，雖然唔係好耐，但係都要等一陣。店舖好細心咁安排咗啲櫈喺出邊俾人等👍🏾👍🏾等咗大概10分鐘，叫我號碼。見到我個餐，出現驚喜一，個外賣袋好靚好可愛😻😻😻😻😻😻咁之後就當然係呢個外賣返屋企食。行程九個字，返到屋企，驚喜陸續出現！炸物！依然脆！雞扒無炸到好乾，有汁，芝心豬扒唔會膩！豬軟骨！淋得來有咬口，金菇牛，有燒出來既脆邊！刺身除左新鮮之後，店家都好細心，每盒刺身都有冰保冷！個咖哩飯個咖哩係大眾口味，偏甜，亦都合我口味！如果食晒之後係覺得勁飽，已經唔再需要諗燒夜食乜😹😹總括而言，我係估唔到區內有間咁好嘅日本便當餐廳，我相信我短期之內都會再幫襯，試吓去其他便當同埋嘢食😼

今日大圍見完客，唔想煮，就係附近既豬屋買外賣。四個人，叫咗三個餐，剛好$200，就食飽飽。日式炸雞拼吉列大蝦咖喱飯$59雖然啲雞係炸完，但係仍然keep 到好Juicy。吉列大蝦啲肉亦都好爽。日式叉燒豬骨湯拉麵$61雖然係外賣，但係啲麵一啲都無變淋。店家好細心，將湯同面分開。义燒肥瘦適中。福岡便當$80便當可以選擇咖喱飯或者燒汁飯變返好豐富，有一大大嘅吉列豬扒，有豬軟骨，有日式魚餅兩件，仲有味付螺肉。有機會下次經過一定會再幫襯。

日本便當一向好精緻選擇好多，今日嚟到大圍呢間專食日本便當嘅餐廳豬屋！ 我哋叫咗兩款便當🍱超級豐富， 特別喜歡佢既炸物：⭐️沖繩便當(吉列芝心豬扒 汁燒金菇牛肉卷 刺身-三文魚 带子 甜蝦1隻,咖哩飯、味付螺肉）⭐️鹿兒島便當(汁煮豬軟骨 吉列大蝦 刺身三種 三文魚 带子 甜蝦 咖哩飯,味付螺肉）當中吉列大蝦同埋豬扒係我嘅最愛！酥脆而裏面嘅肉汁亦都鎖住😙而另外都叫左幾款小食 分別係串燒 壽司同炒雜菜 ，同好唔錯👍呢間日本餐廳價錢好抵食，而且味道唔錯，見咗好多間街坊幫襯！

今晚唔想煮飯，返工後去左屋企附近嘅豬屋食飯。豬屋店裏店外裝修都貼近日本居酒屋風格。供應嘅食物方面，由串燒、刺身、壽司到日式丼都有。餐廳嘅食物多元化，不過由於係掃QR code上網落單，所以成個餐單都可以一目了然。我哋今日叫左軟殼蟹沙律、福岡便當（豬肉為主）同奈良便當（雞肉為主）各一。餐廳上餐速度頗快，晚膳時間落單後十分鐘內已經上哂所有食物。沙律蔬菜好多，想攝入纖維嘅人必叫。此外，軟殼蟹全體炸得好脆口，尤其是蟹腳部分嘅脆度可謂同薯片差唔多。至於丼方面，飯量適中。不論係豬肉或雞肉嘅飯盒，丼中都有唔同種類嘅小菜，將同一類肉食以唔同口味同烹調方式呈現出黎。當中，吉列豬扒同雞塊粉衣唔太厚，而肉質炸完仍然嫩滑有肉汁。雖然係間民生區小店，但食物質素而言，呢間餐廳值得一試。

豬屋早幾日去搵住喺大圍嘅朋友，估唔到喺大圍站附近有個自成一角嘅小村落，chill chill幾好feel。之後朋友帶咗我去呢間豬屋食飯，感覺都十分良好。我地叫咗兩個日式便當，一個係沖繩便當，一個係青森便當。沖繩便當入邊有吉列千層芝士豬扒、汁燒金菇牛肉卷，仲有好鮮甜嘅三文魚帶子同甜蝦刺身。我最鍾意吉列千層芝士豬扒，油香味濃厚。青森便當入邊就有七味燒豬頸肉、汁煮豬軟骨、蟹籽加州卷、味付螺肉同埋咖喱飯。朋友心水嘅係汁燒豬軟骨，佢話煮到好淋又好入味，而我最最鍾意七位燒豬頸肉，佢表層燒到脆卜卜，口感極佳。我地重order咗三款壽司，分別係炙燒三文魚腩壽司、花之戀同帶子壽司，兩款都好好味，質素唔會差過壽司專門店，個燒三文魚腩好有油脂嘅甘香味🥰除此之外，我地都叫咗兩串串燒、一碗拉麵同埋飲咗一杯奶香味濃嘅牛乳，全部都好正，係大滿足嘅一餐🤌

唔駛飛去日本，依度已經有好多好多款好吸引的便當選擇❤️唔想食飯仲可以轉烏冬架🐰至於揀邊款便當，大家即管揀集齊最多自己的大好物的款式❤️✨本州便當👉🏻蒜香牛油帆立貝4件,👉🏻照燒鱈場蟹棒3件,👉🏻照燒茄子2件,👉🏻味付螺肉，👉🏻咖哩飯 轉芝士咖哩烏冬🤩🤩🤩不過因為外帶個烏冬有d 淋左，堂食應該正好多，外帶建議叫飯🐰✨醬燒黑椒三文魚壽司唔太食生的3的最喜歡叫火炙壽司，佢依個加埋醬燒，香得黎仲好juicy🐰店家好好，俾左冰塊我保鮮🐰✨炸吉列廣島蠔(4件)✨凍柑桔蜜食完炸物潤一潤，爽爽🐰佢唔係韓式o個隻，係有d 咸柑桔味建議叫外賣自取的朋友用外賣app or 電話點餐，等一會再去取，因為佢太旺場，都要d 時間準備食物🐰❤️

回憶殺：重回童年老家附近，那些年，曾走過的路，雲疊花園的情，一點一滴在腦內。看到附近多了很多小店，忍不住走豬屋日本料理去，看到街坊人流不止，就深信是嗰好店家。我們發現套餐超多選擇，冷盤，小食，熱葷，主食樣樣齊，仲有特價選餐飲，所以我們就點了套餐慢慢食。飲品選了回憶的波子汽水與可樂。脆香吉列套餐（包括：螺肉，三文魚味噌湯<有三文魚肉，正>，吉列廣島蠔<炸粉唔厚超好味>，吉列大蝦<粉薄超彈牙>，蟹肉薯餅<唔該……加嗰啤酒>，豬骨湯拉麵<麵質Q彈>）都唔駛100蚊，老闆你回到本嗎？沖繩便當（包括：螺肉，刺身<超新鮮，大蝦肉質鮮甜，三文魚/帶子大件好味>，吉列千層芝心豬扒<有心思，芝味唔算太搶>，汁燒金菇牛肉卷<汁香肉嫩>，咖喱飯<咖啡甜甜吸引與飯超夾>）真心樣樣都用心主理，難怪人潮不斷。

呢晚放工來到雲疊花園凍冰冰嘅嘢日子，晚飯時間嚟到大圍附近嘅日式小店 - 豬屋呢間小店都好受街坊歡迎😊 店內裝修都有好多日本特色餐牌勁吸引！我哋叫咗兩個便當沖繩便當：螺肉刺身：三文魚兩件、蝦一件、帶子兩件金菇肥牛卷吉列千層芝士豬扒芝士咖喱撈烏冬 （加錢咖喱飯轉為烏冬）豐富！三文魚肥美，有油香；帶子及蝦都鮮甜金菇肥牛卷整得好香口，口感唔錯炸豬扒好香脆，乾身，內裏帶有芝士香味，呢個應該是豬屋嘅名物名古屋便當：螺肉日式炸嫩雞圓蔥魚餅鰻魚咖喱飯好香！汁燒鰻魚配合埋飯好好味冬天愛吃鰻魚飯食完好似覺得特別溫暖魚餅好好味，魚肉及蔥味道都好配合，加埋啲醬汁調味更好吃炸嫩雞都好好味！外皮好香脆，裏面啲肉好滑，配合埋沙律醬點嚟食超好味！店舖裏面店員嘅服務態度好好，有人情味！開心滿足嘅晚餐😊

大圍係一個好特別嘅地方，入面有好多唔同嘅屋苑，有一般嘅屋邨大商場，都有一啲好似村屋咁嘅小店，今日去到田心村，見到有間好似居酒屋咁嘅日本料理餐廳😳😳個名叫做豬屋日木料理，都幾有趣🤔見到大部份人都係食日式便當，咁我哋就一於叫兩份試吓啦，舖頭嘅便當都係以日本地名命名，我冇乜去過日本，唔知道當地係咪都係咁㗎呢🤣🤣第一款個主菜係芝心吉列豬扒配上金菇肥牛卷同刺身，芝心豬扒爆醬，好有滿足感！第二款個主菜係豬頸肉同豬軟骨，配上加州卷，豬頸肉燒到脆一脆，正呀！👍🏼我地仲叫咗幾款壽司，係三文魚同帶子，件件厚切，冇偷工減料🤩🤩叫咗去北海道牛乳，原來即係牛奶咁解，新仲以為係啲奶昔嘢😂😂都唔錯㗎！

餐廳離港鐵站唔遠，就算揸車，附近已經有大型咪錶停車場，泊車都非常方便👍🏻裝潢都好有心思，坐得舒舒服服添🫶🏻用QR code自助落單，清晰、快捷、方便！用唔同嘅食材類別分類，嚟豬屋，梗係要食豬啦😂福岡便當～賣相非常討好，便當十分豐富，令人食指大動！豬軟骨非常入味並且入口即化，炸豬扒嘅炸漿唔會好厚，外脆內軟，好味道😋沖繩便當~食日本嘢，點都要食一啲刺身先至滿足，呢個便當絕對超值！炸豬扒包裹著芝士，有一種獨特嘅鹹香，雖然要等15分鐘，但絕對值得，金菇牛肉卷都非常夠味、香口👍🏻刺身係厚切、新鮮，整體嚟講都非常滿意😍

前幾日同朋友嚟到大圍行到去雲疊花園見到有哩間日式料理夜市啱啱開門冇幾耐，已經見到有幾單外賣單睇吓Menu係咪真係咁吸引先見到有好多便當set😍望落好大份，又多餸入到去仲有更加多嘅小食，上面嗰啲日本縣省嘅貼紙好有日本氣氛👍🏻👍🏻店舖嘅裝飾都好用心，播住日本嘅流行曲，令我我真係好掛住日本🥲店舖採用自行掃QR code order我叫左：⬇️芝麻八爪魚（配紫菜飯團）$38呢個作為前菜不錯，涼涼嘅八爪魚放少少喺自己包嘅飯團上，佢份量都夠👍🏻唔使加豉油，個八爪魚已經好夠味⬇️山型蟹子壽司 $27見唔見到啲蟹籽爆曬出嚟😂😂鍾意蟹籽既我覺得勁正，壽司新鮮👍🏻⬇️宮崎便當（$78） + 鹽燒雞肉軟骨串晚市黎講，呢個便當真係算抵。$78有咖喱飯、照燒雞扒、七味燒豬頸肉、照燒茄子、螺肉同咖喱飯💓便當超級豐富，個豬頸肉好香脆，咬落仲有啲照燒汁。個咖喱汁甜甜地，唔辣，適合任何人士的口味。照燒雞扒俾咗好多件😎😎最後都食唔晒，如果冇嗌前菜應該食得晒😆嗌多個雞肉軟骨串，即炸即上👍🏻👍🏻店舖越夜越旺，好多台客陸續入嚟，店員都keep住態度好好，就算好忙都會keep住幫我加茶 🍵 Overall 餐廳抵食又正宗，會再enco

大圍下徑口村果堆食肆其實都有d滄海遺珠，當中一定包括呢間長期深受當區居民熱捧的豬屋。基本上我lunch time/dinner時間經過，都會見到有人等緊位，今日一於入去試下佢。鋪頭播著輕快的日本歌，包括著名卡通「數碼暴龍」主題曲，牆身有著不同的日本懸名車站牌🎌更有大量One piece海報，裝潢得像小日本～呢間鋪頭都採取手機scan code落單，有咩用手機睇圖即時落單，夠晒清楚👍 餐牌好多種類，包括特色卷物、刺身系列、壽司系列、山型壽司、灸燒壽司、田園系列、海鮮系列、滋味系列(燒物) 、刺身丼、鮮鮮鮮，全部都係海鮮、豬豬豬，全部都豬、雞雞雞，全部都係雞、一品料理(如拉麵，牛肉飯，味噌湯) 、二人餐及冷盤（如 沙律，枝豆、八爪魚及味付螺肉) 咁多選擇，唔怪得d街坊同區外客成日幫襯🙈名古屋便當🍱咖哩飯底，再配上2件鰻魚、炸雞2件、魚餅1件及螺肉，可以一次過滿足幾個願望🤤。其實佢仲有好多款便當，下次有機會試下其他。醬燒三文魚壽司、山型松葉蟹膏蟹棒壽司、北寄貝壽司及挪威三文魚壽司壽司價錢實惠，入口新鮮，絕對係高CP🍣枝豆平時細細碗，呢到係一大碟，絕不吝嗇😂月桂冠巨峰果酒細細枝，配埋啤酒杯飲，