豬屋日本料理

营业中

休息中

平時會行大圍站A出口附近搵食 今次就揀左發掘另一邊，由大圍站步行過去 10分鐘左右就到，是日式小店格局 坐得幾舒服佢地既便當全部以日本地區來命名，以日式咖哩做主打 配上不同配菜🔸薩摩便當 $108遇上了期間限定，鹽燒安格斯封門柳+七味燒豬頸肉+蟹籽加州卷(3件)+味付螺肉，成個組合都幾豐富 有兩道肉類菜式並存牛牛已切成一件件的上菜 食時好方便，牛肉依然是粉嫩的 封門柳脂肪較少而肉味濃郁 口感嫩嫩彈牙的 燒得幾好 🔸黑松露帶子加州卷 $56帶子新鮮鮮甜 加上濃香黑松露，一啖一件 滿足的~🔸巨峰爆多多 $22巨峰味道自然 配合乳酸飲品打成，唔係好濃好假的糖漿水，而且有好多爆珠 多多系列都幾好飲 🔸福岡直送綿綿芝士蛋糕 $30芝士味香濃 甜度都岩岩好 是帶有微微濕潤感 比較實在有口感的質地，估唔到呢度有蛋糕，飯後來一客甜品 Happy Ending❤️🔸濃厚抹茶蛋糕 $29質地是慕士蛋糕 口感Creamy，每口都滲出抹茶味*無+1服務費*全程以QR code落單*以小店來說 野食選擇唔少，甜品 / 特式飲品都有

✨今日同朋友去大圍行完街去附近村屋搵嘢食，經過呢間餐廳，諗起七年前我喺大圍返工，午餐時間呢間餐廳都會坐滿人，又有好多人等位，我一直都冇機會試，今日有啲晏又唔多人，終於有機會試到啦😋✨✨朋友點咗沖繩便當🍱：便當大大盒，有咖喱飯、3款刺身（三文魚兩件，帶子兩件，甜蝦一隻），仲有金菇牛肉卷、吉列豬扒。吉列豬扒真係大大塊，切開五嚿，入面係一層層，好特別，外皮炸得鬆脆，肉質Juicy嫩滑👍🏼✨✨我叫咗四盛精選當🍚🍣：有三文魚、油甘魚、北寄背同蟹籽。油甘魚同三文魚好厚身，食落好肥美👍🏼仲附送茶碗蒸同味付海螺，都係我最鐘意食既😋✨另外我哋跟餐加咗蜜糖烤雞翼同吉列紫心香芋丸，蜜糖烤雞翼真係好出色😋✨嘢飲我哋叫咗桃桃梳打同巨峰梳打🥂，大熱天時，飲杯凍嘢真係好爽呀!

大圍美食比較分散 呢個位真係要特別行過嚟先識兩個人食咗總共$260 估唔到食日本嘢平均每人130就搞掂，而且食到好飽極尚套餐 $158三文魚蜆肉味噌湯蟹籽栗米沙律＋刺身3款（三文魚2件，帶子2件，有頭甜蝦1件）蒜香牛油燒帶子3件照燒原隻魷魚筒1件日式咖哩飯福岡綿綿芝士蛋糕首先碗味噌湯好多蜆肉 非一般嘅味噌湯飲落去明顯比較鮮甜呢個套餐包埋前菜刺身，仲有熟食加甜品叫做每樣嘢都可以試到 而且一個價錢搞掂沖繩便當 $98吉列千層芝心豬扒 汁燒金菇牛肉卷2件 刺身-三文魚2件，帶子2件，有頭甜蝦1隻 日式咖哩飯，味付螺肉呢個就係食便當嘅好處 價錢唔使$100食咁多款邪惡的芝士豬扒 金菇牛肉卷有驚喜 表皮脆口裏面Juicy

搬走左一段時間無黎，難得今日探朋友返故地，點都支持下，決定叫外賣回味一下。可惜食物水準比以前變差了，三文魚鰭味道其實尚可，但賣相感覺求其，可能因為份量問題而個盒又太大個，所以賣相唔好，而這樣收$66較難接受。另外點了三文魚壽司$32、黑樹露油甘魚壽司$39及辣味三文魚軍艦$30，價錢方面一般啦，都正常既，食物最多只屬爭鮮水平，飯夠大舊既，無其他喇。多年支持者，有少許失望，希望今次只係個別失手啦！加油呀！

～豬屋😍大圍隱世高質素日式餐廳😛餐廳環境靚😍食物質素高🥳店員服務態度好👍～沖繩便當 $98成個便當都勁高質😍豐富到爆炸😛👍豬扒外脆內軟😍炸得非常香👍👍咖喱飯份量任你調配 可多可少😛大胃王都食得飽🤒刺身非常新鮮😛三文魚條理分明👍完全冇腥味🙏隻蝦都非常正☺️🥳😍～香炸軟殼蟹拼田園沙律 $55軟殼蟹勁正😍田園沙律都非常新鮮爽口🤒非常推薦大家食呢道菜😘～奈良便當 $78日式炸雞有四大件😍味道非常好👍薯餅同漢堡扒都勁高質🥳絕對唔係比行貨🤒下次有機會經過大圍都一定嚟食呀😍👍

今晚又約咗沙田友frd子，成班人上去佢屋企玩board game，每人要自攜野食再開心share，咁我就係佢屋企附近搵到呢間日本餐廳，就外賣左啲便當壽司一齊同frd食，餐廳都好多位置，都有好多人好似我咁買外賣🎃秋田便當 $96便當份量相當闊綽，飯裝得滿滿的😍咖哩汁鋪滿晒所有飯，岩晒鐘意汁撈飯嘅我同你！飯係日本珍珠米，粒粒分明，咖喱帶微辣 ，好惹味🤩吉列雞扒炸衣拎到返屋企都仲脆卜卜，雞扒都仲肉質嫩滑，食慣濃味，所以再濃味多少少就更好。豬軟骨又冧又入味，有成3大舊，就咁食呢個都夠飽，咸咸甜甜幾好送飯😎宮崎便當 $84便當附送辣味螺肉做前菜，份量好足，食極都仲有🤣照燒雞扒汁甜肉嫩，翠肉瓜燒完都仲好juicy，本身跟餐係京蔥雞肉，咁岩冇晒，師傅就轉左個雞肉丸子串，都好嫩滑🤩芝士蟹子軟殼蟹反卷 $75軟殼蟹炸到脆卜卜，芝士又唔會好搶味，加埋蟹子沙律醬中和下炸物，係一個永遠都唔會出錯既配置🤓結論🫰份量多到呢，岩晒鐘意食唔同款食物的me😆好味度：7/10回頭度：7/10🎡餐廳資料餐廳名稱：豬屋日本料理餐廳地址：大圍田心街10-18號雲疊花園地下4號舖營業時間：星期一至日 12:00-16:00 &

本人係網上睇到有food blogger介紹，所以都跟著去試下。整體價錢唔貴，而且份量都大，所以其實都幾抵食，佢個芝士夾心豬扒都ok，最好配咖哩撈烏冬但係我絕對唔會再去，因為有一位中年女侍應態度非常惡劣，只係第一下聽唔清楚有咩付款方法，問咗句係未有得俾visa，嗰位女侍應立即好差態度咁話: 無呀！都話得bla bla bla bla。其實我地都只係一時聽唔清，唔需要咁激動咁搖頭眼神不友善同差語氣我地對佢態度都一直好和善，所以是次用餐體驗完全俾佢破壞了，希望大家下次去時佢唔係到！或者其實不值得去，市面上仲有好多更好食既餐廳，不需要受氣！

大圍有好多美食店，豬屋日本料理是其中一間，朋友介紹抵食好味於是前來試一試。店舖不是太大但裝修很有日本風味，我們坐低不久就有很多街坊幫襯，而且外賣源源不絕，只因價廉物美抵食。店舖是用QR code落單，餐牌選擇好多，外面一般日本料理店的食物這裏也有供應，而且價錢唔貴。沖繩便當$98便當材料相當豐富，有吉列千層芝心豬扒一件、汁燒金菇牛肉捲兩件、刺身：三文魚兩件、帶子兩件、有頭甜蝦一隻、咖哩飯、味付螺肉。我們叫了多飯混合咖哩汁一齊吃，咖哩香濃不辣帶少少甜。吉列豬扒不是一塊過而是一層層的，很符合千層的美譽，表皮詐得很香脆，由於肉是一層層的所以吃落很鬆軟嫩滑，刺身新鮮，金菇牛肉卷味正常。蟹味增甲羅燒$58嚟到個樣已經好吸引，蟹殼裡面滿滿嘅蟹膏和蟹肉，仲有附加三文魚籽和蟹柳絲，配上白飯加紫菜一齊吃味道鮮喊好味。椒鹽燒珍寶牛舌4件$48牛舌大大件配得上珍寶的名字，燒得唔乾，食落帶有小小黑椒的味道唔辣。照燒多春魚5條$38多春魚燒得唔乾，表面帶有燒汁食落甜甜地。芒芒梳打（跟餐優惠）$16芒果汁味道夠唔淡，加入梳打水十分支解渴。

呢度食午餐餐好抵，原來星期日都會有午市。一個刺身飯餐先至$72 ，成個表面都係刺身！ 好足料，有三文魚，有蟹籽，仲有立魚，螺肉，青瓜等等，食極都仲有，唔會食兩三啖就冇晒啲刺身粒粒。 跟餐仲有蒜味螺肉，就係平時食開嗰啲。同埋一個日式蒸蛋，都好嫩滑。我朋友就叫咗個便當。 便當都好豐富，鯖魚係成條，平時出面食，腥唔腥就睇彩數，但呢間係絕對唔腥！ 咖喱飯係甜咖喱，唔食得辣嘅都可以試吓。仲有幾片刺身，仲有幾片豬頸肉，想食好多唔同種類嘅人就啱晒啦。最後同場加咗隻雞翼同埋牛舌，呢度嘅串燒都唔錯，牛舌好厚好Juicy !! 雞翼都燒得啱啱好，仲係好多汁，好嫩唔會好老

今日黎呢間日本餐廳，係住大圍既朋友介紹，由大圍站步行去，都唔算太遠。餐廳格局溫馨，好似日本小店咁，店員態度好好。一黎就比佢多款既便當吸引，幾番掙扎下，簡左沖繩料理便當，好豐富!!主食有吉列千層芝心豬扒同埋汁燒金姑牛肉卷。千層芝心豬扒係用左好多塊既豚肉片炮埋一齊，中間再加左芝士，做到流心效果，又唔會有平時豬扒既筋位，幾好食。汁燒金姑牛肉卷都好貼心咁，切開左一半，令到進食更方面。刺身有三文魚 , 帶子, 甜蝦。三文魚剌身係厚切，有2大塊，好正!! 甜蝦都係我既推介! 仲有螺肉同埋咖哩飯，日式咖哩好甜，配飯一流! 朋友叫左特選五色丼，有三文魚 ,北寄貝 ,帶子 ,赤蝦 ,海膽。一開始仲有三文魚味噌湯，暖一暖胃再食魚生飯。魚生比得足料而且新鮮。價錢都係街坊價，係附近既不坊一試!

同朋友去開大圍食野，搵到呢間日本料理，平日7點去到唔算多人，可以揀位坐，之後先慢慢多人～我地一入餐廳就送上玄米茶，服務態度好好👍🏻我地叫左幾樣野食share下🤤🍱沖繩便當呢盒集合左多款野食嘅便當，好豐富😍 咖喱飯香濃惹味，唔會過辣～吉列千層芝士豬扒外脆內嫩，芝士香味同豬扒完美結合🧀汁燒金菇牛肉麵嘅牛肉嫩滑，金菇吸收哂醬汁嘅精華，口感一流🤤仲有埋螺肉同刺身，分別帶d爽脆同海鮮嘅鮮甜，三文魚、帶子有鮮味👍🏻🍚特色五色丼+三文魚麵豉湯三文魚滑嫩，北寄貝嘅甜，帶子嘅鮮、赤蝦同海膽嘅組合，鮮味濃郁，配埋醋飯真係一絕！視覺上吸引，味道都不錯👍🏻呢個丼送埋三文魚麵豉湯，湯入面有三文魚塊，肉質爽滑👍🏻加埋三文魚嘅油脂同埋麵豉湯嘅咸香令湯汁嘅味道更加鮮美🤤🐙關西風章魚小丸子係我最愛嘅章魚小丸子🤤總共有四件，外層酥脆，內裏章魚嘅鮮嫩與彈性真係岩岩好😋😋😋飲品：巨峰茉莉花綠茶係餐後解膩嘅好選擇👍🏻巨峰茉莉花綠茶芳香怡人，而且入口清新🤤飲完晒仲可以伶走成個樽繼續飲🥹呢到環境幾舒服，好岩傾計，我同fd最後係到傾計傾到關門先走😂同埋服務質素都相當不錯，性價比幾高👍🏻

今日經過大圍雲疊花園，就試下朋友介紹既日式料理餐廳 豬屋🐷，果然性價比超高‼️份量豐富又好味，很滿足的一餐😋👍 餐廳係日式家庭居酒屋風格，餐牌都好吸引，有好多唔同款式選擇🤩推介便當‼️❇️鹿屋便當 $92 便當十分豐富，每格都裝住不同野食，有咖哩飯、刺身三種：三文魚2件、帶子2件、有頭甜蝦1 隻、燒豬頸肉、小食螺肉。刺身新鮮足料，三文魚幾厚身，帶子夠嫩滑🤤豬勁肉都幾香脆，加埋醬汁食落幾滋味😋😋咖喱飯就係日式咖喱嘅味道😝❇️特選三色丼 $78 🍣三色丼有三文魚、帶子、蟹籽，重附送茶碗蒸及小食。呢個價錢嘅刺身飯真係好抵食❣️每款刺身都好新鮮，三文魚口感唔錯，帶子鮮甜，而且份量十分足料🤤👍👍另外我哋仲叫咗啲跟餐小食及飲品，都好抵食！❇️日式炸雞（3件）$15炸雞炸得香脆可口❇️蟹棒蟹籽沙律 $18沙律好大碗好足料❇️芒芒青桔百香果玄米烏龍茶 $18幾清新嘅配搭，甜甜嘅芒果同果香味好夾😋

特登去食豬扒飯，結果好失望，總體好甜，唔中意食甜既飯餸，炸豬扒幾厚實，但係汁咖喱太甜了，唔搭，配餐三文魚湯、螺肉，螺肉都好甜！係得豬扒好食，想爆炸，心情非常差。平時口味唔中意上海菜既就無食咖喱汁了。

今日接朋友收工，佢話好想試呢間豬屋日本料理🥹既然同佢咁耐冇見，一於同佢一齊試呢間嘢啦！🤣估唔到幾有驚喜喎🫣我哋7:15嚟到，見到好多人都等緊佢嘅外賣🫣，好好生意咁🤔而堂食嘅我哋等咗大概15分鐘左右就入得去Lu~一入去侍應就比咗杯暖笠笠嘅玄米茶我哋🍵我哋order 咗1️⃣沖繩便當💰982️⃣秋田便當💰94兩款便當都係跟刺身三種（三文魚2件🐟，帶子2件，有頭甜蝦1隻🦐）、咖哩飯🥘同味付螺肉刺身幾厚身同大塊，三文魚油脂分布平均，味道鮮甜，口感滑嫩👍咖哩飯係配日式咖哩醬，偏甜嘅味道，有粒粒薯仔同蘿蔔；味付螺肉肉質好彈牙，帶有蒜香同淡淡嘅甜辣，好惹味👍沖繩便當另配有吉列千層芝心豬扒 🐖同汁燒金菇牛肉卷🥩個千層芝心豬扒勁高質，開頭見佢唔係拉絲有啲失望，但咬落個芝士味衝出嚟，好濃郁、好好食！芝士控嘅我表示大滿足😍金菇牛肉卷個燒汁好香，味道唔錯。秋田便當另配有脆香吉列雞扒同汁煮豬軟骨。雞扒外層脆但薄、肉厚而嫩，帶有雞肉天然嘅味道，適合鐘意食食物原味道嘅朋友仔👍豬軟骨嘅肉好入味、燒到超級腍，軟骨好有咬口，每一口都充滿層次感。呢餐食到我哋超級飽、超滿足！估唔到兩個人唔到$200就已經食到咁大份、咁多款日式美食，

今日同朋友去開大圍一帶，去左附近嘅 豬屋 日本料理食晚飯。呢間餐廳主打日式便當，豬，雞，海鮮，都幾齊。餐廳用上各種日式擺設同海報佈置，甚有日本風情，配上一杯日本熱茶，餐牌選擇都幾多，飯麵主食，小食，沙律，炸物等都相當齊全。我同朋友叫左青森便當，內容物有 七味燒豬頸肉，蒜香牛油燒珍寶蟹棒，三文魚壽司2件，味付螺肉 配燒汁飯便當份量都幾大，燒汁飯香甜，飯粒有咬口，軟硬度適中。七味燒豬頸肉 好食，煎得香透，薄身食落juicy又有薄脆嘅口感。蒜香牛油燒珍寶蟹棒，好香牛油味但食落唔會太膩，調味剛好，口應軟綿綿。三文魚壽司2件，份量同味都正常，味道不錯。味付螺肉份量足，惹味有咬口。另一個主食叫左一個安格斯牛肩胛蕃茄濃湯烏冬。蕃茄濃湯非常夠濃，烏冬掛到湯，質感軟綿，食得出係靚烏冬。安格斯牛肩胛份量正常，都幾香牛肉味。半熟蛋微甜軟滑，好食！花之戀一啖食落好滿足，三文魚，醬料，飯比例剛好。餐廳仲有唔同特色甜品同飲品，有機會可再試一試~