豬屋日本料理

营业中

休息中

上水馬會道新開了一間日式料理店，見內面都頗多食客，便和朋友一同來試試。內面有很多日式裝飾及海報，幾特別。晚餐有很多選擇，例如魚生丼、便當等等，今次選了晚餐便當。沖繩便當每一款便當都會包括螺肉粒作為前菜。而便當食物款式也很豐富，有三種刺身，包括蝦刺身、帶子一整個、和三文魚刺身兩片，味道也新鮮。吉列千層芝心豬扒是把豬肉和芝士融合，再與炸粉一起炸，外層香脆，芝士豐富飽滿。還有滿滿金菇的汁燒金菇牛肉卷。奈良便當是一個滿滿是肉的便當。有福岡流心芝士漢堡扒，內面芝士很流心突出。牛肉薯餅的忌廉和牛肉味也突出，亦炸得香脆。晚餐配飲品可以減六元。今次點了草莓爆多多和芒芒爆多多。內有滿滿的益力多乳酸味和濃濃的水果味。

位於上水嘅「豬屋日本料理」，係一間人氣相當高嘅日式餐廳，最近去嗰度食咗晚餐，試咗幾款特色菜，真係好滿足！首先，炙燒芝士大蝦反卷真係一個大驚喜。呢款壽司反卷內裡包住大蝦，蝦肉鮮嫩多汁，外層鋪滿咗炙燒芝士，芝士香味濃郁，配合大蝦嘅鮮甜，真係一口一個滿足。每一件反卷都係精心製作，擺盤精美，令人食指大動。醬燒三文魚壽司都係唔錯嘅選擇。三文魚表面輕輕炙燒過，帶出一陣陣嘅焦香味，再加上特製嘅醬汁，味道更加豐富。三文魚肉質細嫩，入口即化，每一口都充滿咗海洋嘅鮮味同醬汁嘅甜香。再嚟就係七味燒豬頸肉豬骨湯拉麵，呢個係我嘅最愛之一。豬骨湯底濃郁香醇，湯頭鮮甜，充滿咗豬骨嘅鮮味。拉麵本身彈牙，有嚼勁，搭配燒得香口嘅豬頸肉，七味粉嘅香辣味提升咗整個拉麵嘅味道層次，食落去非常滋味。最後，秋田便當亦非常值得推薦。呢個便當包括咗咖哩飯、刺身三種（三文魚、帶子同埋有頭甜蝦）。咖哩飯嘅咖哩汁濃郁，非常開胃；刺身部分，新鮮度一流，三文魚嘅油脂豐富，帶子嘅肉質鮮甜，而甜蝦則爽口彈牙，每一口都充滿咗海洋嘅鮮味。豬屋嘅環境舒適，裝潢充滿日式風情，讓人一踏入餐廳就感受到濃厚嘅日本氛圍。服務方面，員工態度親切友善，令人感覺非常賓至

去到上水，朋友話想食拉麵，見網上評價唔錯，就試咗呢間餐廳。食物整體性價比高，店舖乾淨企理，座位亦舒適闊落。我叫咗日式叉燒拉麵，叉燒是我喜歡的偏瘦類型，拉麵軟硬適中。朋友叫咗龍蝦味噌湯拉麵套餐，佢喜歡個龍蝦湯底，帶子及蟹肉棒亦美味。我哋仲嗌咗個櫻花蝦日式炒雜菜，配搭唔錯。套餐仲送咗一個小朱古力卷蛋。飲品方面，叫咗月桂冠巨峰果酒，其實比較似提子汁，酒精成份極低。下次到訪會叫一啲酒精成份高啲嘅飲品，配合佐酒小食及壽司。

BB車只比放門口出面，當時全間店得3枱客，大部分空位，我問可唔可以放BB車喺一個沒有人會經過及唔會阻到人嘅位置，有個女店長大聲講 緊係唔得😓😓😓😓😓 叫我放出店外門口😤😤😤另外，我地連埋小朋友4個人，當時我再問可唔可以坐寬敞DD位置，因為已經8pm後嘅時間，都算過咗最多人食飯時間，間舖當時亦無咩人，好似空位，男店員竟然答唔得，只比左一個好窄4個人都坐唔落嘅位置，我立即走人，今時今日咁嘅服務態度，又成條街都咁多好舖頭，唔洗食餐飯都咁受氣，然後過咗隔離舖，人地直頭執開啲位比我放BB車，利申我唔係要麻煩到人，我都同果間舖頭店員講唔需要執開嘢，但呢間豬店都唔係叫人擺出門口咁過份，而重點其實佢舖頭唔係無地方！😡😡😡😡😡😡😡btw，個人觀感，d好評相片好打手！

平時少去上水食飯，咁耐冇嚟就見到新開咗間日本料理(其實已經唔新😂)見個名叫做豬屋咁可愛，決定入去試吓鋪面已經有啲Menu ，入到去枱上面有得自己掃QR code落單，好方便👍🏻👍🏻👍🏻見到Menu個秋田便當好吸引，即刻叫左，見到個實物都好豐富，咖喱屬於甜甜地，好啱我口味，刺身好新鮮，吉列豬扒外脆內軟，豬軟骨好入味，整體幾大份，呢個size啱男士食👍🏻照燒雞扒蕃茄濃湯烏冬😋本身好鍾意蕃茄湯底嘅我，呢個湯底喺我心目中都唔錯特選五色丼有三文魚，北寄貝，赤蝦，帶子同埋海膽另外仲叫咗一個炙燒挪威三文魚蟹籽丼刺身丼會跟一個麵豉湯整體嚟講啲刺身都新鮮，特別係帶子好鮮甜，值得一試👍🏻👍🏻👍🏻成個Menu都幾多選擇，幾個友人都話會想食下一次😋

今日行過上水同朋友食日本嘢又一新推介😌👍🏽餐廳係用QR code落單嘅，朋友揀咗魚生冇丼，佢嘅食評係咁😂😂特選五色丼🐟🦐色澤鮮艷,食材搭配巧妙三文魚肥美,配襯爽脆的北寄貝及肉嫩帶子,再加上甘甜的赤蝦和海膽😋😋簡直係滿足😆米飯的粒粒分明,濕潤柔軟,讓整個丼飯吃起來層次豐富,既有魚肉的肥美,也有海鮮的清新,就係滿足🤩我就叫左秋田便當🍱炸雞扒。外皮酥脆,內裡滑嫩多汁,唔係平時係街食炸雞扒嘅味道😋好有驚喜🤩🤩🤩前菜螺肉,係高質嘅😌😌再搭配豬軟骨,炆到好腍又入味😊滋味十足。小食鹽燒珍寶牛舌🐮🐮厚切的牛舌，真係非常厚！肉質細膩,一啲都唔靭，而且好重牛肉味，配上檸檬汁，亦係唔錯嘅味道😋呢個暫時係我食過最厚嘅牛舌🙈最後叫左杯荔枝椰果梳打🍸好多嘢果肉😀😀大大啖飲真係好爽😆總括嚟講呢間嘢都係性價比高嘅餐廳😎😎

上水的日本菜餐廳選擇不多，這間新開業的日本菜餐廳，有不少特色便當選擇，而且價錢合理，百元內就可吃到豐富的日式便當。.✨福岡便當 $82便當超豐富，一客有齊吉列豬扒、爆汁爆餡炸餃子、日式圓蔥魚餅、味付螺肉四款伴料。吉列豬扒好大塊，外脆內嫩，配上惹味咖哩飯，真的大滿足。.🍛日式炸雞拼吉列大蝦咖哩飯 $59炸雞外脆內嫩，吉列大蝦口感彈牙香脆，每款各兩件，配上惹味咖哩飯很不錯。.🍰濃厚抹茶蛋糕 跟餐+$29抹茶蛋糕口感軟滑，抹茶都濃。.🍇巨峰爆多多 跟餐+ $22果香濃郁，還有不少乳酸爆珠，酸酸地好開胃。.🍋激爽手打鴨屎香檸檬茶 跟餐+$18檸香十足，配上鴨屎香茶，口感清爽解渴。

我都好耐冇去上水啦，去到上水見到開左間日式餐廳，就緊係要食下啦我地2個人叫左1個便當、串燒拼盤同壽司1. 薩摩便當：呢個薩摩便當真係幾大份！有鹽燒安格斯封門柳、七味燒豬頸肉同粒粒蟹籽加州卷。鹽燒安格斯封門柳肉質嫩滑，七味燒豬頸肉香口又鬆軟，粒粒蟹籽加州卷鮮甜滋味。配上咖哩飯同味付螺肉，食落真係好鬼滿足。咖哩飯味道岩岩好，日式咖哩飯黎講，都真係有驚喜2. 特選燒物盛：燒物盛有椒鹽燒珍寶牛舌、鹽燒雞肉大蔥串、炭燒雞肉串同蒲燒鰻魚。椒鹽燒珍寶牛舌好大塊，而且鮮嫩多汁，鹽燒雞肉大蔥串夠晒野味，炭燒雞肉串味濃郁，蒲燒鰻魚肉質緊實又夠嫰，真係送酒一流3. 灸燒左口魚裙邊壽司：左口魚裙邊軟嫩多汁又唔會腥，食落帶有灸燒香，而且壽司飯夠晒鬆軟，有水準整體黎講，餐廳食物質素高，座位夠寬，坐得舒服，好岩三五知己一齊黎食

溫馨小店 有好多動漫作品貼喺牆上 好有日本色彩😆三味壽司（3件）🍣$35包括新鮮帶子 赤貝  北寄貝北海角切雜錦魚生丼🍣 $72用料豐富鋪滿三文魚 油甘魚 螺肉 蟹籽 玉子 青瓜撈勻口感滿足 啖啖肉 仲配個麵豉湯餐廳有多款日式便當選擇沖繩便當 🍱 $98便當配搭豐富 魚生同熟食都有 飽肚滿足刺身三種（三文魚2件，帶子2件，有頭甜蝦1隻）日本咖喱飯份量非常多 配菜有螺肉 金菇肥牛卷口感多層次 醬汁香濃入味吉列豚肉卷 外層炸到金黃色 醮沙律醬十分開胃

呢間餐廳門口好有地道日本餐廳嘅感覺，裝修幾特別幾年青😌😌一入到去店員態度好好，又好有禮貌。餐牌選擇都好多，有便當，刺身，又有吉列炸嘢，套餐仲有甜品跟埋🥰🤭我哋叫咗一個至尊惹味套餐，包括三文魚蜆肉味噌湯，蟹籽粟米沙律，刺身三款，三文魚兩件帶子兩件甜蝦一件😍仲有炸軟殼蟹，蒜香牛油比目魚，咖喱飯，仲有一件福岡濃厚，朱古力蛋糕🙃🥰🥰呢一個套餐簡直抵到不得了！刺身新鮮又好食，全部都好足料大大件🤭我最鍾意係佢個炸軟殼蟹，唔會好粉，又唔會太燶，啱啱好！個蒜香比目魚都好香！咁豐富嘅套餐都只係$148🤭🤭啲嘢食全部大大件，好足料，刺身又新鮮，真係抵到爛😂😂😂

Vivian好耐冇黎上水，經過見到新開餐廳，好似幾正，order左個便當，超級抵食，份量多（Vivian表示超開心）味道仲好好味Menu👉👉🏻👉👉🏻吉列豬扒蕃茄濃湯烏冬 $74蕃茄湯底好香，好濃，烏冬唔會煮到太淋，啱啱好，吉列豬扒炸得好夠脆，又唔會好硬，咬落去脆卜卜，豬肉好腍，正正😋薩摩便當 $108便當超級豐富，有豬頸肉，仲有牛肉，兩隻肉都好好食，未完，仲有前菜，三件壽司（蟹籽加州卷），仲有便當唔少得嘅飯，超多野食，味道仲要好味日式蜜糖烤雞翼 $21蜜糖雞翼，好好食😋咸檸樂（冷）& 柚子蜜

今次嚟上水終於唔再係成條街都係藥房多咗唔同食店 小店喺度四四方方設計 左右兩邊卡位總共有兩層 裝修簡約為主 加上少量和風裝飾極尚套餐 三文魚蜆肉味噌湯蟹籽栗米沙律＋刺身3款（三文魚2件，帶子2件，有頭甜蝦1件）蒜香牛油燒帶子 照燒原隻魷魚筒日式料理饗宴 豐富嘅一餐 餐湯勁大粒勁多蜆肉 三文魚肉嚟嘅湯的確比較鮮甜 一次過可以食晒刺身 燒烤 一定夠飽 另外可以揀咖喱飯或者升級轉食烏冬或者拉麵 亦都有唔同湯底選擇最後食埋甜品福岡綿綿芝士蛋糕收結宮崎便當🍱 $ 82（照燒雞扒 1件，鹽燒雞肉大蔥1串，照燒翠玉瓜，咖哩飯，味付螺肉）呢個便當主打係食雞 佢有刻意設計 有牛有豚肉為主題 嗰日式咖喱汁幾正

數落上水都唔太多日本餐廳，有時想食下平民少少既日本野都要坐多兩個站先有，但最近發現係舊墟到多左間平民日本野!今日就叫左幾樣野返屋企同呀媽SHARE，試下餐廳既質素。餐廳有唔少便當類既野食，亦有小食﹑壽司，應有盡有，選擇都好多。青森便當青森便當入面有一個咖喱/燒汁飯﹑三文魚壽司兩客﹑七味燒豬頸肉﹑蟹棒沙律仲有個辣味螺肉，首先係種類方面夠豐富，試左三文魚壽司厚身新鮮，咖喱飯味道正常係有少少甜味既日式咖喱，但份量竟然多到媽媽要分一半出黎先食得哂HAHAHA 燒豬頸肉既口感都做得不錯，有肉汁得黎又夠乾身油香配埋飯食就剛剛好。福岡便當青森便當入面都有係咖喱/燒汁飯，配炸豬排﹑餃子﹑辣味螺肉同埋魚餅。個人最鐘意食個炸豬排，可能因為當日我係6點去到，同場仲未有太多人入座，師傅收到ORDER即叫即做，熱辣辣既豬排配埋咖喱飯好好味!灸燒芝士大蝦反卷芝士大蝦反卷都值得推介，師傅微微燒左芝士，大蝦炸得脆身再配上沙律醬非常好食，成個卷切開有足足8件，超級抵食。炙燒左口魚壽司左口魚壽司雖然單價會比較貴，但物有所值，灸燒過之後既左口魚入口微微溶化，魚油香味加埋壽司飯既醋味非常夾。整體質素良好。今次兩個人叫左4樣野

最近睇Openrice，發現上水開左間新嘅日式小店。食評雖然唔多，但見佢價錢唔貴，決定試一試。星期一晚上六點左右到達，當時只有兩枱客人。小店用QR落單，選擇好多，睇到眼花遼亂。最終揀左一飯一麵再加一款卷物。無加一，TOTAL $186。吉列豬扒配咖哩飯 $59豬扒即叫即炸，上枱果陣仲熱辣辣，食落外脆內軟；豬扒輕輕調過味，雖然薄身，但依然有肉汁，呢個價錢，呢個質素同份量嘅豬扒，無投訴。咖哩偏甜，味道似以前KFC咖哩飯嘅味。飯量好多，男仔食完應該會好飽。豬軟骨拉麵 $65本身對呢個拉麵無期望，因為通常呢個價位嘅麵唔會好食。點知呢個麵出奇地好味 麵條雖然無麥味，但亦無鹼水怪味，而且煮到係我中意嘅偏硬口感。豬軟骨偏碎，但個味唔差，撈埋個麵好好味。個溏心蛋浸到入味，係熟左少少扣少少分。至於湯底就略鹹，不過整體比想像中好。吉列炸蝦卷 $62呢個價錢都有八件，非常抵食。蝦卷好脆，不過蝦味偏弱，食落主要係沙律醬味😅，加上淡淡嘅芝士香。食物整體味道算合格，未到好正，但價錢相當親民，如果我住呢度附近，久唔久都會嚟食😏。以我所知，餐廳暫時只收現金，請各位食之前做好準備。

><有好多種款式嘅便當揀如果可以DIY自選埋配料會更加好👍🏻福岡便當(82)吉列豬扒/爆汁爆餡炸餃x2/日式圓蔥魚餅/味付螺肉豬扒粉漿厚度適中 唔會皮肉分離炸餃同樣剛炸起 咖喱撈飯入味日式安格斯牛肩胛烏冬(71)𨍭黑蒜油豬骨湯(+3)牛肉有炒過 唔係就咁涮熟 烏冬滑捋捋附送三文魚味噌湯及小食螺肉另外嗌咗小食日式炸雞(+15)/香炸一口小甜薯(19)好耐冇飲波子汽水(+16)亦有香港最近流行嘅飲品 激爽手打鴨屎香檸檬茶(+18)福岡直送綿綿芝士蛋糕(+24)加埋甜品開心share><><><><><><><><><><豬屋日本料理 Pig House Japanese Restaurant 上水馬會道170號地舖