豪宴薈

营业中

休息中

經濟差，晚市去酒樓食，真係好平，不過都係無乜人，好似呢一間，推出各式各樣的優惠，但係都係無乜人，D野食同服務都OK嘅，希望佢地頂得住啦。乳鴿$16.8一隻，於是每人一隻啦，然後叫個炒通菜同西蘭花蝦球，埋單每人百幾蚊，係貴過茶餐廳，不過呢個價可以喺酒樓食真係好抵食。

高高興興約長輩飲茶，未到10點入座叫早市孖寶，明明點咗1個牛肉球，1個粉果，1個米粉同1個腸粉。入單嗰位入咗2個牛肉球（早市孖寶套餐），上菜嗰時即時通知服務員，該名服務員話會換過俾我哋，半個鐘過去，冇咗回事不得只，見到我哋揮手搵服務員亦都視若無睹，直接無視，態度簡直世一👍🏻半個鐘後再次同佢講個粉果未到，亦都是但求其敷衍了事。11點左右再另一位同事處理先得以了事😊

佛誕當日，相約幾個老朋友到大埔超級城的豪宴薈聚餐。本來就對服務人員的服務沒有太高的要求，當日場內都坐唔滿，唔明侍應點解好趕時間咁。冬瓜盅本身鮮美可口，冬瓜肉質軟滑，入口即化，而肉末和菇類的香氣恰到好處，不會掩蓋了冬瓜本身的風味。但侍應每次裝到滿滿一碗，接近漏出來的狀態，手指又踫到湯汁，她自己都忍唔住笑，但我們笑不出，急什麼？究竟有沒有衛生常識呀？龍蝦烏冬既龍蝦肉鮮彈牙，但烏冬煮得過淋，影響口感。將五花肉切成薄片，肥瘦相間，肉質軟嫩，不會過於鹹及油膩，這道燒腩仔算是今晚幾個菜中稍為有質素的菜餚。脆皮吊燒雞肉質有點乾，而且偏咸，但皮層酥脆香口。最後是蒜蓉粉絲蒸元貝，火喉剛好，粉絲柔軟，元貝肉質飽滿，蒜蓉調味適中。菜品大多只是稱得上一般。這樣的用餐體驗很難與餐廳所標榜的「豪宴」名號相符。服務方面也不太盡如人意，侍應衛生意識欠佳。

適逢佛誕假期，大人細路都放假，齊齊到大埔超級城享用晚餐，當晚食客不是很多，在沒有訂位下，不用等位，直接入內。酸酸甜甜既咕嚕蝦球就最啱小朋友。碟中幾個金黃色的球體被擺放得整整齊齊。蝦球外層酥脆，咬下去可以聽到清脆的聲音，內裡飽滿鮮甜的蝦肉用料實在。緊接而上的是西蘭花帶子蝦球，蝦球肉質飽滿彈牙，帶子亦鮮甜大隻，與脆嫩的西蘭花完美融合。不過醬汁過鹹，稍微蓋住了食材本身的鮮甜滋味。脆皮燒鵝皮層稍顯乾硬，肉質也稍嫌老。醬汁過多，令這道菜也是偏咸。清蒸游水沙巴肉質鮮嫩，清蒸做法保留了食材原汁原味。蒸魚豉油及蔥絲提升了魚肉既鮮味。部分菜品的味道和質量確實不錯，但整體來說還是有些失望。但服務質素也有待改進。凡有小孩，照理會從大人身邊上菜，經提醒後都是在小孩身邊上菜，再三提醒後，服務態度冷淡影響了用餐體驗。

適逢母親節，又啱啱喺大埔睇完戲，就去咗戲院附近嘅呢一間中式酒樓度食飯。嗰日大約7:30左右到酒樓食飯，都唔使特別等位，就已經可以入去坐低。當日有母親節套餐，但係我哋冇揀到套餐嚟嗌，我哋一行七個就散叫咗唔同嘅小菜嚟慶祝母親節。小菜都幾抵食，以母親節嚟講，十個餸$1700多啲可以落樓都算係咁🫶🏿其中一個蒜蓉炒生菜，但係佢真係想得蒜蓉炒通菜。經理都好客氣咁同我哋講唔好意思，然後即刻換返個生菜比我哋。👍🏿人流都算多，所以整體嘅餸菜都好新鮮👍🏿

今次來飲茶食點心，每個點心都熱辣辣，味道不錯，保留到地道茶樓的味道。蝦餃、燒賣、馬蹄糕，傳統點心，味道ok，夠大粒，又夠熱。素餃、鮮蝦素餃，餃皮是不同款式，都ok，內裡都足料。牛肚，夠大份，黑椒辣味夠惹味。釀魚腐，蒸出來味道好香，魚腐和釀的涵料十分之夾。炸雲吞、燕麥糕、煎魚餅，就相對來說，非常一般，比較乾身，味道較淡。炒粉麵飯方面，今次點了鴛鴦炒飯，好多新式酒樓都沒有這個菜式了，而這裡有這個炒飯，味道就是一直以來的味道，正！

食完個蛇羹，跟住來跟屋企人過嚟飲茶。基本上因為佢就腳，好多時候都會嚟呢度食晚飯。但係都係覺得佢下午茶點心係出色過晚飯嘅。燒腩仔都幾夠脆，不過有少少鹹，但係都好過我早幾晚係大角咀食萬發真係食肥膏。個魷魚鬚都比起大角咀嗰間做得好起碼佢有椒鹽先真係椒鹽鮮魷。韭菜餃同埋叉燒酥啲餡都執得滿滿嘅，尤其是個叉燒酥唔係一啲碎碎嘅叉燒，反而有一片片嘅叉燒肉口感唔錯。鯪魚肉都打得好彈牙。個臘腸卷都唔會太肥，鹹魚肉餅同早幾日喺型點食個牛肉餅飯真係好食好多。另外試咗屋企人個甜品一啖，燉奶唔太甜都幾好味。唯獨四個鐘表現比較差，個粥底好似溝咗水咁樣，稀冷冷的。都係嗰句建議喺呢度都係食點心多過食晚餐。

係網上預約，去到也要等半小時先可以入座，今日點了一個點心套餐，包括干炒牛河及牛肚，鮮虾豆苗餃，另外點了虾餃，牛肉，小籠包，葯膳鳳爪，香芋餃，煎腸粉，沙律雲吞，饅頭，牛河OK，不會太油膩，但略為細碟，點心不過不失，小籠包皮厚，冇驚喜。但環境嘈雜，枱與枱之間太逼，不大喜歡。

係呢度飲過三次茶、三次都受氣、被不禮貌對待、呢度啲員工好過份！價錢又唔平！又貴！嘢食又好麻麻！又唔衛生！第一次、計多咗我一碟大點、轉過頭發現一分鐘都冇即刻追返、之後唔見咗個收銀、被迫要去燒味部搵個冬姑頭帶眼鏡收銀姐攪返張單、佢好冇禮貌咁話帮你收錢個個人食緊飯你要等佢食完飯先可以攪返張單！我問佢企係度等佢食一個鐘飯啊？之後冬姑收銀姐又話咁張單唔係我收我點同你攪！之後我地嘅對話唔一一打出黎、手累（總之佢講咗好多冇禮貌嘅廢話話唔帮我攪張單）、最後攪咗好耐先話退返錢比我、仲要係退個碟大點正價冇退加埋一個差額！要再三問佢先肯退返正價連加一差額！第二次係門口熱咗一個半鐘排隊、眼見好多熟客都可即入咁滯、心裏都明嘅（香港飲茶文化）！但唔明點解佢安排咗我地入座之後、大約十五分鐘叫我地調枱、因為佢地要食飯！咁如果你一早知就黎食飯就唔好安排人坐個度、第二、個陣九點幾未夠十點！我唔知你食咩飯呢？十一點半十二點先食啦吓話？！第三、我地食食吓、佢再安排新嘅一枱客入黎食！咁得意嘅？叫我地走又叫新客入黎食？咁做咩大約半個鐘至九個字之前已經叫我地走（我地當時只係坐咗大約15分鐘）？房內其實仲有兩三枱客、但又唔叫佢地走？

諗住去酒樓食母親節飯，呢間未試過，所以諗住試吓，七個人叫咗半圍全包宴。上菜次序亂，又唔夠人手上菜，全程冇人換個碗，搵個人都難。上湯焗蝦球伊麵，個蝦球超多粉漿，伊麵勁淋，好難食。蒸魚、鮑魚還好，翅都麻麻，其他食物都是一般，荷葉飯蒸得唔好食，d飯好爛。紅棗糕太重薑味。

3次都係咁～叫燒味瀨粉冇瀨粉就求其塞碗米粉俾你～冇話通知個客冇瀨粉轉其他野得唔得～傳菜阿姐又係差到PK~放低就走～同佢講我唔係要米粉～一句都唔應人好似聾啞人士咁～之後先叫我地問返樓面～一肚氣～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～劣評～

好難食未食過咁難食，地方污糟都算，野食都唔熟囉！！！！咩事呢間酒樓，起碼都要煮熟啦，去到門口個呀姐已經好鬼串，入面勁多位又叫我地等等，問佢野一係黑面一係直接轉身走左去，等成15分鐘先比入咪就係坐啲空枱囉。見住好多人都因為頂唔順個呀姐走左去唔食，服務咁差唔怪得星期六日唔洗排都有位，唔會再去。絕對唔推介，負評到爆，伏到一個點原本放假開心食完都想嘔。咁大間星期六日中午都坐唔到一半睇嚟都好快執得。超級難食服務惡劣呀呀呀！！！！

星期日晚去邊度食都一定大排長龍，難得仲有間酒樓有位，博一博既心態喇叫左足足9味餸 分別係豉油王蝦碌，蟶子王，薑蔥台山蠔，蜜汁叉燒，扁皮鴨（醬爆西芹炒鴨絲），啫啫生菜煲，大閘蟹等。上菜速度太快，一下子就上齊了呢度可以改善下，雖然知道廚師很忙，但張枱根本不能放哂所有餸，整體黎講，野食就一般水準喇，比較好食既係蒸蟶子，可能海鮮算新鮮，所以清蒸都已經味道唔錯，但扁皮鴨既皮比較厚，可以改善下，假日如很趕急既都可以一試

今天早上於豪宴叫外賣點心，本人於 11點04分落單，並於11時40分回酒樓拎，竟然可以未齊點心。未齊都算了，負責執外賣既呀姐態度奇差，竟然話跟單出點心同我講話追都沒用，未蒸熟點拎出黎 。在其他號碼較後的單出晒既情況下，而我嗰張都未齊而好明顯是漏單，竟然仲叫我等，完全不合理，仲要如此態度，簡直令人氣憤。還有其他女部長經過，都沒有主動協助，其中一位更對我的憤怒豪不理會，還用眼啤住我，完全唔覺得自己酒樓有問題，簡直不知所謂。最後得一位較正常的男部長，協助跟進及退款。貼錢買難受，大埔其他任何一間酒樓都好過呢間野。

星期日一家人去左豪宴薈飲茶,主要就係就腳係大埔超級城行完街再坐低飲杯茶食個包🎁, 豪宴薈可以講係大埔超級城里面性價比最高概平民酒樓價錢大眾化適合一家大細,有app可以拿飛比較方便!✨首先出場概係前菜-鹵水豬腳仔 鹵水夠入味 豬腳仔咬落有口感值得推薦!👍鮮果炸雲吞 – 小朋友最愛 脆卜卜概炸雲吞🎇 配上鮮果粒食完炸雲吞食返口鮮果粒即刻好似冇錦熱氣錦柴魚花生肉碎粥 – 柴魚都幾香口 ❤肉碎都算足料 個粥底都夠綿但當然唔能夠同生滾粥相比 但以酒樓食概一碗粥黎講算係錦墨魚滑釀魚腐-呢個點心唔係周圍都有得食,墨魚滑夠彈牙,💥魚腐就有其鬆軟,一口食落去兩種感覺混合埋出黎都幾得意南翔小籠包 – 只可以講好食過百佳買到概急凍小籠包,質數一般皮都夠薄,但肉質入口似食緊一粒肉丸唔夠好食生煎韭菜餅-我唔係好鐘意食韭菜都食到,食落同生煎鯪魚餅同口感,韭菜唔重崧子香苧餃 – 食落似粉果,可能我對香苧冇咩好感😂白灼唐生菜 - 午市特價菜黎講有驚喜,爽口唔老煮得剛剛好,加埋個鼓油汁一流💫這里有三張假日午市特價點餐紙埋單$425 人均$70總結:如果你係諗住係大埔平平地錦飲餐茶呢到絕對滿足到你,點心普遍冇中伏,但如果