影片
成日经过都见到好多人排队尤其系放工时间！今日放咗工约咗朋友食晚饭中间有段时间，而且有啲肚饿所以就过嚟叫咗个小食嚟顶一顶肚～就咁望一望个门面嘢食种类，好多选择，仲要图文并茂，因为只系想食轻食就冇叫到佢嘅招牌菜—鸡扒但系排队前前后后，其实都系叫鸡扒食嘅我就叫咗一个甜不辣食啫等咗少少时间 （我谂大约5至10分钟到），因为始终系即叫即炸炸起嘅时候，店员会再问需唔需要辣～落咗辣粉系好惹味既～炸得好味，热辣辣！要等一阵先可以入到口🤗付款方式暂时唔包括八达通～
继续阅读
想食好耐，特别系宵夜时段😆，可惜早打洋，次次宵夜时间都买唔到🥲。为左成功可以外卖送餐，为左想食，转下午茶时段食😂，终于……热辣辣又漂逸四方嘅香味送到。💥酥炸杏鲍菇（原味）炸粉好薄，好脆👍🏻，杏鲍菇唔韧，粒粒有饱满感，好有口感，好好味😋。💥鱿鱼须（辣味）🦑呢种炸粉较厚身，较硬脆但唔影响鱿鱼须嘅质感，配上了辣粉，味道更丰富。💥香香鸡（辣味，全份）有半份或全份选择，全份份量比想像多，啖啖肉，每粒撒上了辣粉，食得更滋味，好好味。食唔停，三款都好好味，好满足！
继续阅读
当晚其实本身约左朋友系观塘食饭，之后再去佢朋友开嘅Clubhouse Grand Opening， 但系佢地黎到观塘已经好纹水，人齐嘅时候已经差唔多够钟开始活动，所以就唯有求其系观塘广场度揾d grab food食算。咁我见成个广场都系得几间小食店，来来去去都系果d鱼蛋烧卖肠粉，可以快靓正咁解决到肚饿充饥嘅问题，而又可以拎住食。咁作为一位Foodie梗系要拣下有咩好食先出手啦，而我就系呢个moment见到豪大大鸡排专门店出左新Product— 豪大大炸鱼排，我即刻比钱等左五分钟左右就到手，一块热辣辣嘅鱼排啱晒咁冻嘅冬天进食。
继续阅读
非繁忙时间去买，收钱哥哥一直对穿著校服嘅同学态度不友善！落order要跟足佢规矩够大声，要面向佢落单！落单无号码比顾客，随便喊食物名称问要晤要辣🤔所有客企系铺位前，究竟叫边个🤷♂️乱晒龙🙈重要好似系客错晒咁
继续阅读
我们点解要返观塘、收工太多欢乐、终于走到观广！今次嚟到观塘广场！天气真系好冻、夹杂着寒风！除咗着多件衫之外、当然要买包热辣辣嘅炸嘢食下先！今次我拣咗炸菇食！揸住系手热辣辣！都系觉得暖d!至于味道方面，一啲都唔马虎！同埋可以称得上好食！辣辣地咸咸地！而且都炸得几脆下tim!抓住一路行一路食！呢个感觉好似系台湾夜市买嘢食一路行一路食咁！而家无得去旅行！喺呢度揾到去左台湾感觉！而且佢哋服务态度都唔差！值得一试
继续阅读